مافائدة الكعبي و الجمعان ياجيرتس الهلال يحدد الملعب وليس هيئة دوري المحترفين يا شبيه الريح - نادي الهلال السعودي - شبكة الزعيم

* هلالي · #1 16/08/2010, 01:59 AM

بسم الله الرحمن الرحيم والصلاة والسلام على اشرف الانبياء والمرسلين

مبروك هذا الفوز بدون مستوى وطبعا الفريق ما يتاقلم الا بعد 6 مباريات تقريبا

اصيب الزوري توقعنا البديل الكعبي لكن جيرتس يرفض ويحط نامي يمين ولي يونق يسار

بس بالله اللي يعرف رقم جيرتس يساله سؤال ليش احنا جبنا الكعبي

عشا ن ندفع رواتب ونخليه احتياط

ليه جبنا الجمعان عشان نتفرج وياه بالاحتياط ياخي اذا ما عجبوك ليه خليت الاداره تتكلف فيهم ولا بس صرف رواتب

لو الهلال خسر اليوم لا قدر الله سنقول من حقنا ان نرفع طلبا باعادة المباراه لسبب واضح وصريح ارضية الملعب

خير صالحه للعب اصلا من يوم ورايح ياشبيه الريح مانبي الا الملز حتى لو مباراتنا مع الغرافه ولا النصر

اذا كانت على ملعبنا لنا الاولويه في اختيار الملعب وليس هيئة دوري المحترفين من تختار

نقاط من المباراه

-1 البرقان سيثبت نفسه في الخارطه الهلاليه

-2 استغرب عدم الزج بالشلهوب

-3 ياسر كان سيء طوال المباراه لماذا لم يستبدل

-4 حضور الاسطوره عبدالله سامي الجابر في المباراه بجانب ابيه جعلني ايقين انه هلالي لا محاله

-5 بامكاننا القول ان احمد الفريدي تخلص من البرود اللذي لديه

كلمات في اللاعبين

حسن العتيبي انتبه للمرمى وتكفى لاتخلينا نتحسف على الدعيع

اسامه هوساوي حسن خيرات ما الومكم انتم في الاخطاء لان ارضية الملعب سيئه

نامي انتا لاعب مميز ومستواك في تطور

الغنام رغم الاصابه الا انك اديت دورك بشكل مميز

لي يونق نطمح لان تكون هجومي اكثر

البرقان ستفرض نفسك على جيرتس

الفريدي القحطاني ويلي نطمح للمزيد ليس هذا كل مالديكم

الدوسري نيفيز ابداع بحد ذاته واصلوا

المحياني ما الوم اللي يلومك يوم ماتسجل اعرف انك ودك تفرحانه لكن ان شاء الله تجد فرصه مع المدرب القادم

جيرتس لا تضيعنا الله يرحم والديك ضيع كل البطولات الا الاسيويه

سامي الجابر لاتزعل من مشاكسة ابنك عبدالله لك

عبدالله الجابر واللي يرحم والديك سيبك من ايطاليا شجع البرازيل

* هلالي · #2 16/08/2010, 06:19 AM

.؟؟...................................؟

[ آبو خآلد ] · #3 16/08/2010, 06:46 AM

والله انك صااادق مدري ليه جريتس مخلي الكعبي والجيزاني ... واننا ليه جايبينهم ... جايبينهم عشان يخدمون الفريق مو منطقين في الاحتياط حسبي الله ونعم الوكيل ..

أبو جوجو الزعيم · #4 16/08/2010, 06:46 AM

-1 البرقان سيثبت نفسه في الخارطه الهلاليه

أتمنى أن يثبت البرقان نفسه ... ولكن ما اعتقد الرجال شكله مدحدر ما يتطور

ولكن إذا لم يلعب جريتس بمهاجم ثاني صريح مع ياسر أمام التعاون ... متى سيلعب؟؟؟!!!!؟؟؟؟

الله يوفقن · #5 16/08/2010, 06:54 AM

اجل نفيز لعبه ممتاز اليوم والله ما دلها ,الي قاهرني في نيفيز ما هو مستواه العادي يمكن تقول صانع العاب وجيد وما فيه لاعب بالهلال بمركزه لكن تشيل التايب عشان ابو نفنف والله ولا كعب من حقات التايب

لكن الكورة حظوظ اجل قيرتس يستغني عن التايب لاقتناعه بان نيفيز احسن يالله الله يقوي قيرتس على الاختيارات الحلوة

الهلالي100% · #6 16/08/2010, 06:57 AM

اناااا بتكلم عن نقطة الملعب ,,

التناااقض في الاداره الهلاليــه امــر محــير ,,,

الامــير نواااف يقول وصلنااا خطااب يفيد ان مبارتنااا مع التعاون والفيصلي بأستاااد الملك

وناااس تقول ان سااامي والمدرب طلبوا ان يلعب الهلال في الملك فهد ليتعودوا على اللعب فيه

وهذا الامر الاقرب ان لان حتى الشباب يلعب بالاستاد يعني ااداره الهلال والشباب هم الي طالبين ان مباريتهم تقام بالاستاد

لان النصر سيلعب الخميس المقبل بالملز

دمتم بخـــير ,,

وينك يالزعيم · #7 16/08/2010, 07:05 AM

والله اتك صااادق ...وش فايده تكبد الإداره للملاييين..!!!

أبو جوجو الزعيم · #8 16/08/2010, 07:05 AM

للأسف
الدولة الأولى عالميا المنتجه للبترول ... وهذي ملاعبنا...
ملعب مكلف أكثر من 2مليار ... وصيانة سنوية 90 مليون وهذي أرضيته ... مو أرضية ملعب هذي كأنك تلعب في فيضة أو شعيب... أرضية روضة الخفس أحسن منه.
لا متأهلين لكأس العالم 4 مرات وهذي ملاعبنا....
ياشيخ وين تروح الميزانية بس؟؟؟؟ صدقوا طاش في حلقتهم حقت سيول جدة وليتهم يلتفتون للملاعب ويطلعون الفضايح...

سلطان عاشق الزعيم · #9 16/08/2010, 07:09 AM

والله والله وبالله الكريم اكثر من رفع ضغطي البرقان ونامي
يارجل والله لو لعب الكعبي يسار ولي يمين ابرك
اما البرقان والله خلوه يروح ترى محسوب علينا لاعب الاخ على باله انه راس حربه يتقدم و يترك خلفه مساحات كبيرة ما يصلح محور بتاتاً البته الله يرجع عزيز ورادوي بالسلامة بس
نفس الكلام ينطبق على نامي يتقدم وما يعود للتغطية

الليل الجميل · #10 16/08/2010, 07:21 AM

كنت أتمنى مشاركة الكعبي اليوم في ظل إصابة الزوري ..

وترى مهب عيب يطلع ياسر ويدخل الجيزاني و الجمعان .. ما أدري وشوله متعاقدين معهم ..

يمكن الجمعان مصاب لكن الجيزاني جااااااااااااهز ...!!!!!

LOVERES KING · #11 16/08/2010, 07:23 AM

مشكور اخوي على كلامك
المفروض ان لي يونق بمكانه والكعبي لعب بدل الزوري
ودي لك
اخوك
ابو وعد

em21pirlo · #12 16/08/2010, 07:49 AM

ياشيخ أرفع لك كاسة المويه احتراما <<< كان بيشرب قبل آذان الفجر

والله انك مشجع مخلص بصراحه

ياخي هذا الانتقاد الجيد والتصحيحي

مو انتقاد البعض يارجل يكرهك بالمباريات والهلال وبكل شي بعض الجماهير الله يهديهم

يدخل يقول مو كفو يلعب للهلال ويافلان على الله يافلان ابو الواسطه إلي معك <<< يارجل يحسسك انك مظلوم وانت تتابع هالفريق

الله يفكنا من هالعقليات والله يكثر منك وشرواك

تحياتي لك

حاتم · #13 16/08/2010, 07:57 AM

الله يعطيك العافيهـ
كتبت فابدعت
اتمنى انا اراك تكتب بهذه الاسلوب دائما

أبوعبدالعزيز20 · #14 16/08/2010, 08:12 AM

صدقت أخوي أتوقع ان الهلال جايبهم تكملت عدد

مشكوور ....

أبوعبدالعزيز20 ـــــــــــــــــــــــــــ

حلاوه هلاليه · #15 16/08/2010, 08:20 AM

طبيعي الأخطاء بما انه اول مباراة لكن ان شاء الله الجايات احسن
الله يعطيك العافية وواصل طرحك المميز