!! مهازل إستاد الملك فهد إلى متى ؟؟ !! - صفحة رقم 3 - نادي الهلال السعودي - شبكة الزعيم

طاياقة · #31 16/08/2010, 04:34 AM

انا من الناس الي جوا الملعب ... وراحت على المباراة ربع ساعه وانا جالس الين الحين ما جاه دوري عند شباك التذاكر مع اني جاي قبل المباراة بربع ساعه ... ومافي حل الا اني اروح بيت خالي لان اقرب شي من الملعب مالها داعي يروح على الشوط كله وانا واقف عند الشباك لا تنظيم ولا شي .. قسم بالله مهزله

FaHaD.mm · #32 16/08/2010, 04:40 AM

ههههههههههههههه

الحمد الله انا من 9 واتا مسنتر بالملعب

الهلالي ب ت · #33 16/08/2010, 04:42 AM

الله يخلف علينآآ وعلى دورينآ

أجل افضل دوري عربي

وأسوء تنظيم

يآ لبى قطر بس

فيحاوي...هلالي · #34 16/08/2010, 04:47 AM

نعم وانا شاهد بكل الي قاله الرجال

كان زحمه جدا واول مره اشوف زي كذا !!
دخلت للمدرجات والدقيقه كانت 24 بالضبط .. يعني فاتني الهدف !!

يكفي اني هـلالي · #35 16/08/2010, 04:47 AM

إقتباس


	ياعبدالرحمن بن مساعد إذا كنت تبي تعتب على الجمهور ! ناظر وش يصير لهم من مهازل !! إنت وش يهمك تجي من البيت للملعب وتعرف مكانك وقدام الشاهي وتلفزيون !! أما الجمهور ينلطع برا وإنت تجي وتنتقد !

من يوصل هالكلام الى الادارة .. متى تتوقف هذه المهازل ضد الهلال في استاد الملك فهد والملز

عاشق السكب الهلالي · #36 16/08/2010, 04:48 AM

فعلاُ كلامك صحيح..

إلى متى هذه المهآزل من الموسم المآضي ولازالت مستمرة..

إلى متى ياابن مسآآعد وجمهورك يعآني خآرج الملعب.؟؟؟؟؟؟؟؟؟؟؟؟؟؟؟؟؟؟!!!!!!!!

الشلهوب -10- · #37 16/08/2010, 04:52 AM

والله انك صآآآدق ياخوي انا صآف سرآ تقريبا ربع سآعه طفشت ورحت مافيه الا شبآك وااحد بسس !!
لا وبعد عسآكر يجيبون المررض طالع بروح السياره قال وين وين قلت بروح وش دخلك قال تعال وين رايح المباراة
باقيه للحين قلت دآري وانا معصب قلت والله من زود التنظيم !! ومششيت
يحسب اني سويت شي وبنحآش !!

وش نسسسوي [ لآحيآة لمن تنآدي ]
الملعب قروشششة عسسآكر
وشبآبيك تذآكر .. آيش قآلوا ( يمديك تحجز من الكمبيوتر < --- آآوص لاآيسمعا الاتحآد الدولي

يآ عسسسى انآ الادآرة تشششطف ع الموضوع
وتشششوف آلحاله !

*فارس الزعيم* · #38 16/08/2010, 05:00 AM

الله يكون بالعون

,,,,,,,,,,,,

هلالي9381 · #39 16/08/2010, 05:19 AM

الله يكون بالعون والله يوفق الزعيم في الجولات القادمه يارب

الله يحللنا هالمشاكل التى لم تنتهي من الموسم الماضي

الف شكر لك اخي

هلاااالي للأبد · #40 16/08/2010, 05:50 AM

يا اخي رغم ان ممدوووووح سارق فلوس جماهير النصر

لكن

يجي بنفسه ويشرررررف على دخولهم

نبغي احد من الاداره او الشرفيين يشررررف على دخول جماهير الزززززعيم

لأن النصراويه قالبين منتداهم سخريه على اعمامهم لأن جمهورنا ماحظر

ويقولون الخميس قدام الفتح راح يفلفلون الملعب

وراح يحظرون يشجعون الغررررافه في الاآسيويه !!!!!!

حسبي الله على كل ظالم !!!!

n.s.r.15 · #41 16/08/2010, 05:57 AM

عزيزي مدير استاذ الملك فهد تبينا مانحضر مثلا...

لالالالا وستين لالالالا..

زلـفـآوي ҢĺĿαłĿ · #42 16/08/2010, 06:05 AM

حسبنا الله ونعم الوكيل

بالتوفيق للهلال ..

..Haifa.. · #43 16/08/2010, 06:08 AM

ياعبدالرحمن بن مساعد إذا كنت تبي تعتب على الجمهور ! ناظر وش يصير لهم من مهازل !! إنت وش يهمك
تجي من البيت للملعب وتعرف مكانك وقدام الشاهي وتلفزيون !! أما الجمهور ينلطع برا وإنت تجي وتنتقد !

قسم بالله قمة المهازل ياجماعة !! وماينلام الجمهور إذا ماحضر من اليوم !!
*
*
*
مع ليش وش اللي شاهي وتلفزيون يعني هذا جزاه
بعدين لا تقارن رئيس نادي بـ جمهور نادي
سمو الامير عبدالرحمن بن مساعد يهتم بـ النادي
ونادي الهلال نادي كبير اكيد سمو الامير
يتعب في ادارته اكثر من مايتعب الجمهور في حظور مبارات
واكيد لو كان يدري بـ الشي هذا ماراح يسكت
ولا تدخله في الموضوع لانه رئيس نادي مو مدير استاد الملك فهد
على العموم شكرا على الموضوع واهتمامك في الجماهير

ساميو 722 · #44 16/08/2010, 06:25 AM

اقسم بالله قمة المهزلة الي جالس يصير ..

حس فينا يا عبدالرحمن بن مساعد والله قهر قهر ..

الزعيمـ · #45 16/08/2010, 06:33 AM

إقتباس

الرسالة الأصلية كتبت بواسطة القيصر 13


	جاي قبل المباراة بعشر دقايق ليه جاي بدري مرة ؟

ورى ما تحقق معاه احسن ؟؟؟ هو وأنا جينا قبلها بعشر دقايق وكنا نصلي وبعدين ماهو شغلك إذا بترد رد في الموضوع >> ناس متسدحة على هالنت وتنرفز والعالم تروح للملعب وتطفيش عساكر وقلة حيا والمسؤل رئيس النادي وهو صادق يجي معزز مكرم ويتشره بعد ؟؟؟؟؟؟؟؟؟؟؟؟؟؟؟؟؟؟؟؟ وين الجمهور ؟؟؟؟؟؟