|
وش مشكلتهم الاربعة هذولي + اخر العلاج الكي بسم الله الرحمن الرحيم السلام عليكم ورحمه الله وبركاته اولا مبروك الفوز على نادي التعاون ثانيا مبروك العك الهجومي عندنا اشياء كثيره حصلت في مباراه اليوم ولا اتمنى اننا نجد العذر لإحد منهم ويجي احد وينبرش ويقول هذي اول مباراه دوري او هذي مباراه افتتاحيه ومدري ايش كل الكلام هذا شبعنا منه لن الي قاعدين نشوفه مو اول مره يظهر لنا لا من السنه الي راحت هم رباعي ماشاء الله رباعي احلى رباعي في فن الاستعراض والثقة الزائده ( ياسر القحطاني - احمد الفريدي - محمد نامي - حسن خيرات ) نبدا فيهم واحد واحد الاعب الاول ( ياسر القحطاني ) هلابك يابو سعيد كيفك وكيف عزوز وان شاء الله الاصابه راحت والنفسيه تمام والله ياااسر تعبنا وحنا نبرر لك قالو بالبداية ان على ياسر حمله اعلاميه وجماهيريه ضده وايام وتروح قلنا مو مشكله الله يصبره ويفكه من شرهم ومرت الايام والايام والولد باقي زي ماهو عليه انتهى الموسم وسوا عملية والحمد لله تكللت في النجاح رجعو لنا يبررون قالو شفتو ان ياسر كان يلعب مصاب وعزاه عنه ساكت عشان الهلال ومايبي احد يدري انه مصاب قلنا مو مشكله جزاه الله خير على ذا الاخلاص جاءت بطولة النخبه وبدت والولد باقي على نفس السيناريو قالو بطولة نخبه وديه وتحضيريه واحلى تبرير قلنا ننتظره في مباراه التعاون جاءت مباره التعاون وجاء معها الخبر اليقين ( الولد يبحث عن اهداف استعراضيه دراماتيكيه خرافيه ) ولنا في الشوط الثاني خير مثال والي يبي يرد علي بخصوص ياسر ( لن ماشاء الله فيه جماهير خاصه لياسر ) لايرد علي الا باللقطات الي ضيعها الشوط الثاني ويبرر لي كل كوره ليش سوا فيها كذا وكذا حنا مانطلب من ياسر المستحيل ولا قلنا له طال عمرك جب الكوره من عند حسن العتيبي ولا توقف الا عند الحارس حق الفريق المقابل لالا قلنا خلك في منطقتك الي قايل لك المدرب عليها واذا جاتك الكورة الله لايهينك بس نبيها في الباب مو ضروري ان غبار الشباك يطلع ندري ان الشباك كله غبار مايحتاج تذكرنا ومانبي كعب ومدري ايش اهم شي وصل الكوره صح وكل شي سليم بالعربي نبي منك اللعب التقليدي واذا كان لابد من استخدام المهارات في بعض الكور هذاك الوقت طلع لنا مهاراتك وطلع لنا ماتملكه يمناك وكثر الله خيرك اللاعب الثاني ( احمد الفريدي ) احمد اخبارك ان شاء الله تمام كيف الصيام معك الله يسهل عليك نفسي اعرف ان ناوي تقلد مين ؟ برود _ استعراض _ تحاول انك تصير كابتن الوسط ؟ اوجه لك نفس الكلام الي اوجهه لياسر خلك لاعب تقليدي ولاتستعرض ولا تستخدم برودك الا بالوقت الي تكون محتاج انك تسويه اما كل المباراه استعراض وبرود ( لايكون المباراه خيريه والعالم ماتدري ) حاول انك تكون افضل من كذا بكثير ولاتنسى انك تحمل رقم 15 طبعا لاتعليق على الرقم والمفروض انه يسحب منك الرقم هذا وتاخذ اي رقم ثاني احترما لصاحب الرقم ولنه كان يحترم فريقه انضبط واللعب زين وكثر الله خيرك اللاعب الثالث ( حسن خيرات ) حسن تلعب من ورانا في الدوري الانجليزي او الاسباني وحنا ماندري والا وش سالفتك داخل علينا اليوم بثقه حتى جون تيري ماسوا مثلك وووووووين رايح يالغالي هذا وانا اشوفك اقول لالا ان شاء الله الولد عنده طموح ويحاول يثبت جدارته ترى الجداره مو كذا مو معناها انك تسوي ثقه انت دفاع وكل اللي عليك انك تسويه تخليص وبس نفسي اعرف ليش كل كوره لازم تسوي عليها كنترول ترى بعض المرات مايجيب ا العيد فيك الا الكنترول عاد الله اكبر يالكنترول اللي تحت رجلك لا كنترولك مترين قدام المهم الزبده أسئل هوساوي كيف اقتنع الجميع في مستواه وتعلم منه وراح يفيدك ان شاء الله اللاعب الرابع ( محمد نامي ) اخبارك يابو نامي وش يقرب لك هوساوي ؟ اشوفك وين ماراح هوساوي وانت وراه تنسى اللاعبين في الفريق المنافس ولاتغطي عليهم تناظر وين يروح هوساي وتصير وراه ترى مايصير كذا انتبه خلك منتبه لاتقعد تفكر تسال نفسك تقول الحين بيمدحوني الاعلام او لا ماعليك من احد اللعب لعبك وخلاص لاتقلد ولا تناظر في غيرك اصنع نجوميه بطلها انت مايحتاج تقلد غيرك او تتبع خطوات غيرك وبالتوفيق جماهير الهلال اتمنى مااحد يقول انت مضخم الموضوع او شي تدرون كم باقي على مباراه الغرافه 3 مباريات وبس يعني بالله اذا هذا مستوى الفريدي والقحطاني كذا تتوقعون ؟ وش بيصير اذا لاسمح الله مالعب الزوري او المرشدي عارفين منهم الاحتياط لهم ؟ الشي الاخير المحياني + الجيزاني + الجمعان ؟ باقي لكم رابع وتكملون بلوت العذر والسموحه مالكم مكان في التشكيلة خصوصا ان هجومنا ماشاء الله تبارك الله بخير وكل مباراه يصير افضل من قبل تدرون اننا من كثر الاهداف ماعاد نحتسب الي تدخل المرمى صرنا نحتسب الي تضيع عشان نقول انتهت المباراه 2/0 بالفرص الضائعه الحمد لله الخير كثير والاهداف من المهاجمين مو مقصرين اتمنى ان الرساله وصلت واتمنى ان ماااحد يرد علي في العبارات التالية : ياسر مصاب ياسر نفسيه ياسر نجم ياسر وش كان يسوي قبل انا خصصت اكثر الموضوع لياسر عشانه هو الوحيد الي اتمل فيه خير منهم يعني هو الوحيد الي يمكن يعدل وضعه وهو المهاجم الاول في الفريق بس اتمنى ان لايرد علي الا من يحب الهلال والهلال والهلال فقط ولا احد يرد علي يقول ياسر وياسر هو يشجع ياسر لوحده دون النادي |
بكل صرآحة ابدعت في الكتابة سلمت آناملك عالعموم مبروك للزعماء الفوز وهاردلكم المستوى مع انها اول مباراة في الدوري |
لاتــعــلــيــق .............! |
السلام عليكم اهنيك اخوي سلطان < يعرف اسمه :d بس اهنيك على كلامك اللي في ياسر معليش يا ياسر ما نبيك تكون عااالهـ ، ما بنجاملك و نقول انك بطل و انك و انك و انك زي اللي في منتداك ، مهب نكران للجميل لا وربي يشهد ، بس كل ما دافعنا عنك مستوااك هبط ، لازم نتكلم عليك و نصارخ عشان تشد على نفسك لأنك من جد شيبت رؤوسنا ، شوي و يجينا سكر داايم تضيع داايم و بعدين يعين وش الحل ..؟ بيضل الهلال يعتمد على ويلي و تياقو يعني وجودك زي عدمك < آسف بس هذي الحقيقهـ { اتمنى ان قريتس يعطي فرصهـ ، لـ وليد لأني احس انه داهيه } بالنسبه للفريدي ، مستواه هبط من بعد مباراة الاتحاد اللي { 5-0 } ولا ادري وش السبب الله يوفقه و يرجع احمد اللي نعرفهـ اما عن نامي أنا ما اشاركك الراي لأن ناامي متطور المستوى و الله يوفقهـ و عن خيراات ، والله انه بطل بطل بطل و مدري ليه انت جايب طاريهـ مشكور على موضوعك و من الحين بقولك اكثر الردد بتكون لياسر و انه كويس و ..الخ :rose: |
اقوول الله يرجكـ بس ... هههههههه ... وش عندك حااقد عاللاعبين ... صلي عالنبي ياخي ... تحياتي لكـ وبالتوفيق ... |
إقتباس:
يالغالي سلامات حقد ومدري ايش ماعندنا نظام حقد الي نبيه من اللاعب قدم الي عندك بدون بهارات وبس |
×× فعلا انت ماتفتهم اي شيء بالكوره يابني آدم هآذي اول مبارآه بالدوري تبي تحكم فيهآ لا وبعد مبارآه من أمام نآدي التعآون !! أنا ماقول إلا اللهـ يخلف عليك وعلى اللي مثلك } .. والشرهه مو عليك على اللي عطـآك الحق أنك تكتب بهالمنتدى أنت بدآل ماتشجـع وترفع معنويـآت جآي تحطم لا وبعد من البدآيــــــــــــــــــه واللهـ أذا جمهور الهلال نفس عقليتك وتفكيرك عز الله أعتزلنــآ التشجيـــــع !! ×× |
كلامك ولو إته قوووي بس صاااااااادق ، لكن دعواتنا للهلال ولياسر بالتوفيق ياااارب ويكون الحظ مبتسم لنا في المباريات القادمة ويالبيه يا جمهور الهلال ، فايزين ومو راضين . |
إقتباس:
وانت الحق على الي خلاك ترد على المواضيع الي زي كيذا:ranting::mad: |
إقتباس:
طيب وش فيك معصب وجهات نظر والا نظامك ياتكون نفس تفكيري ياماتكون هلالي ؟ |
وعليكم السلام ورحمه الله وبركاته :) يالغالي انا مقدر انفعالك عن مستوى مباراه اليوم لكن كلنا نذكر كيف انطلاقه الهلال في مباراه الموسم الماضي الموسم ما كمل 48 ساعه على انطلاقته وبعض الجماهير لـ الاسف من زود حماسها شغاله انتقاد x انتقاد ياسر او غيره اللاعب بشر ومستحيل يبقى على رتم واحد ثابت صحيح قتل الهجمه والبرود الزايد والفلسفه غير المبرره تخلي المشجع ينفعل غصب عنه ويطالب بـ مهاجم اجنبي من اول مباراه ! لكن ليش ما نصبر مثل ما صبرنا الموسم الماضي ونخلي النقد بـ النهايه ونحاسب اللاعب اذا هو مقصر او وجوده بـ التشكيل الاساسي او الاحتياطي غلطه ! يعني سامي الجابر والداهيه جيريتس وفوق هذا كله الاداره فاهم وش اللي قاعده تشتغل عليه وعارفين مصلحه النادي 100 % ولو كان قراراتها انفعاليه مثل نقد الجمهور الحاد ما شفنا الموسم المميز والخيالي لـ الزعيم في الموسم الماضي وكل لاعب يحمل شعار الهلال سواء احتياطي او اساسي جدير بالثقه و وقفة الجماهير معه يعني بالله عاجبكم حركة الجمهور مع نامي وقت التسخين انواع الاستهتار وصافرات الاستهجان !!!! لـ الاسف ان الهلال يمتلك جماهير بـ هالعقليات يعني بدل ما تشجع اللاعب تثبط من معنوياته بالنهايه تذكروا كلمة سامي وجيريتس " دعوا القياده لنا واستمتعوا بـ الرحله :ba: " وفي اخر الموسسسسسسسسم نحاسب المقصر من المسيء وشبية الريح مالي مكانه وتذكروا تصريحه في الـ A.r.t وتعرفون كيف تهمه مصلحه الزعيم :ba: آسف ع الاطاله وارجوا ما تفهم ردي بـ شكل ثاني وفي النهايه اختلاف الراي لا يفسد لـ الود قضيه والله يوفق هلالنا في كل مبارايات الموسم :rose: , |
ههههههههههههههههههه والله انت اللي اخبارك هههههههه ماقول الا الله يوفق الهلال بس!!!!!!!!! |
ياخي انت تسمع بالنقد بالتوفيق للهلال ولنجومه تحياتي.. |
اول شي أحب أشكرك أخوي سلطان على الموضوع بصراحه موضوعك جدا متميز ولابد من إيجاد حلول وحلول سريعه لأننا وبكل بساطه الى الان لم نستفد من أي هجمه بالطريقه الصحيحه أكثرها طالعه ركنيه فأتمنى أن يتم إيصال موضوعك للاعيبه الذين تم ذكرهم مسبقا ليحسوا في اللي نحس فيه |
والله ان كلامك سليم وعين العقل واعترف انك مشجع هلالي مو مشجع لياسر اشغلونا بياسر عنده اصابه في كتفه تكفى الي ياسر بيلعب بكتفه العب برجولك ياعزيزي انا انتظر الهلال امام الغرافه اذا خسرنا والسبه ياسر ايش بيقولون نفسيه والا اصابه >> الله لا يقوله ان شاء الله ونتأهل بس ان شاء الله ياسر يرجع 2007 وبالتوفيق لك ياقمر وموضوعك بطل تحياتي لك |
| الوقت المعتمد في المنتدى بتوقيت جرينتش +3.
الوقت الان » 01:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd