|
أين مجلس الجمهور الهلآلي .. أين تعآون أدآرة النآدي بسم الله الرحمن الرحيم السلآم عليكم ورحمة الله وبركآته تقبل الله صيامكم وطاعتكم :smilie47: .. مجلس الجمهور الهلالي اللي كان بقيادة تركي الهديب:d اعماله تختلف عن الرابطة جدا .. تذكرون العلم الكبير المكتوب عليه 50 ؟؟ تذكرون الاعلام الكبيرة حقت دول محترفينا ؟؟ هذا الشغل تبع مجلس الجمهور .. برضو أيام ماكانوا يوزعون تيشيرتات وبالونات تصفيق و أيام ما كانوا يحاولون يقسمون المدرج لونين .. هذا كله مجلس الجمهور والسنة هذي للأسف مافي مجلس جمهور هلالي و الاسباب بينها تركي و دايم يكررونها الشباب اللي شغالين بالمجلس الله يعطيهم العافية .. سبب الاستقالة ما كان مادي أبدا .. الشباب ما قصروا وعندهم استعداد يدفعون من جيوبهم اذا نقص شيء .. سبب الاستقالة إنهم ما كانوا يجدون تعاون من إدارة النادي مثل ما بينوا .. يقولون إنهم كانوا يعانون جدا في سالفة دخول الاعلام للملعب و برضو الاغراض اللي يبون يستخدمونها للتشجيع .. يقولون مرة من المرات اضطروا يكتبون تعهد عشان يدخلون علمين كبيرين فيهم عصيان .. مرة من المرات طرحت عليهم فكرة .. قال ما نقدر .. أنتم تحسبون إنه كل شيء مسهل لنا ونسوي اللي نبيه على راحتنا .. بينما حنا ندوخ السبع دوخات عشان نسوي شي بسيط .. قالوا إنهم حاولوا و طلبوا من النادي إنهم يكلمون المسؤولين بحيث إنهم يسهلون على مجلس الجمهور الهلالي لكن ما لقوا استجابه .. ومعروف إن الادارة معترفة في مجلس الجمهور و تصير بينهم إجتماعات مع العلاقات العامة بالنادي .. لكنهم ما وجدوا أي استجابة لطلباتهم اللي كانت بوجهة نظري بسيطة جدا و كان ممكن النادي يرسل خطابات لمدراء الملاعب و يا دار ما دخلك شر . لكن خلاص الحين الشباب استقالوا و حاليا ما فيه أحد قال يبي يمسك مكانهم و بالتالي وداعا حركات جميلة بالمدرج هذا الموسم الخلآصه من الموضوع أو الزبده على قولت البعض السبب في المشكله هآذي الأدآره وفقط دمتم بحفظ الله ورعآيته |
أأششكر المشرفين على الرفع .... |
هــــــآذي مــشــكـلة إدارتنا بــكـل صـرآآحه مـآيطقون لـنـا خـبـر ..! |
مجلس الجمهور الهلالي " متطوعين" .. يعملون لأجل الهلال وجماهيره واحياناً يخسرون مبالغ ومع ذالك إدارة النادي لاتهتم في " الجمهور" ومتطلبات الجمهور " .. في السابق أتذكر ياسر الطلاسي يدعم مجلس الجمهور ويسهل بعض الامور في الملاعب !!..خصوصاً في عهد الامير محمد بن فيصل واستغرب غيابة التام في الموسم السابق وان ظهر يظهر بشكل قليل .. ليش مايكون هناك رابط بين النادي والجمهور ومتطلباته .. بحيث يسهل على اعضاء المجلس العمل بدون مضايقة " أذا نظرنا انهم يتعبون ويتنقلون " تطوعاً .. " غياب مجلس الجمهور" سيؤثر على جمال الجمهور وتفاعله مع الاهازيج والحركات .. ولكن هنا اقول " وينكم " يـ أصحاب التشجيع الجماعي !! .. هذا وقتكم وخلونـا نشوف التشجيع الجماعي !!.. بدون طبول ومايكات ولا أحد ينظم الحركات .. |
فعلاً الأدآره لآتهتم لمطلبآت مجلس الجمهور لذلك صآرت الخربطه ومآفيه رآبطه ولآ تزين للمدرجآت كآن الله في عوننآ كجمهور |
مجلس الجمهور الهلالي ماقصر في الموسم الماضي عمل جهد جبار بخصوص الاعلام الكبيرة لدول محترفينا الاجانب وايضا رقم خمسين لكن استغرب من ادارة الهلال ماتوقف معاهم وتساعدهم كيف يطالبون الجمهور بالحضور وهم اصلاً مايدعمون المجلس نتمنى صوتنا يوصل للأمير عبدالرحمن بن مساعد ويلتفت للموضوع تحياتي حسن العسيري |
اله يعني بسسس ناادي كبير ..بلا راابطه .... |
ان ششاء الله يكون فيه تعاون ...وبالتوفيق للهلال |
بخصوص اشياء كثيره السنه هذي عن الادارة في فمي مااااااااااء |
اتمنى من ادراة النادي حل مشاكل مجلس الجمهور الهلالي في أسرع وقت |
ان ششااء الله الاداره تششوف هالمووضووع ربي يوفق الهلالــ ........ |
الله يعين شكرن لك تحيآتي |
صحيح موضوع لآزم الأدآره تشوفله حل تحيآتي |
......................................................... |
بالتوفيييييييييييييييييييق للهلال |
| الوقت المعتمد في المنتدى بتوقيت جرينتش +3.
الوقت الان » 03:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd