الهدف واضح تقليص شعبية الدوري السعودي + ابراز الدوري القطري - نادي الهلال السعودي - شبكة الزعيم

ولد هبآل · #1 15/08/2010, 05:00 AM

بسم الله الرحمن الرحيم
السلآم عليكم وحمة الله وبركآته

بالنسبة لقناة الجزيرة انا عندي قناعة إنها ما راح تنجح بالدوري السعودي ..
مو ضعف وقصور في إمكانياتها .. لكن نكالا في الدوري السعودي .. الحين
أقولكم شلون .. معروف إن الجزيرهـ قناة قطرية و برضو ما احد يختلف إن
الدوري السعودي هو الاقوى في الخليج .. سواء إعلاميا ولا فنيا .. وبحكم إن
قطر من زمان تحاول تبرز دوريها على الساحة الخليجية لكن ما استطاعت
تتفوق على الدوري السعودي .. فأشوف إنها تحاول تضعف الدوري السعودي من
خلال النقل .. يعني تنقل لك مباراة بدون استديو تحليلي بدون مراسلين أو تحدد
معلقين قليلين للدوري السعودي و هذا الشيء يجيب الملل للمشاهد نوعا ما
اللي خلاني أدعم كلامي .. إن القناة مالها أهداف ربحيه من خلال سعر الاشتراك
اللي يعتبر رخيص جدا .. وبرضو ماني شايف القناة جالسه تحط إعلانات تجارية
بشكل يمكنها تستفيد منه .. حتى إعلاناتهم بسيطه .

الخلاصة إني أتوقع إن قناة الجزيره تتعمد النقل السيء للدوري السعودي والهدف واضح تقليص شعبية الدوري السعودي + ابراز الدوري القطري

لايهمك حكيهم ياياسر · #2 15/08/2010, 05:11 AM

يارجال قناة الجزيرة قناة عالمية محترفه تعرف الشغل الصح,,

ولا يهمها سعر الاشتراكات,,

فهي تنقل اهم دوريات العالم الاسباني والايطالي واعتقد الفرنسي,,

ولو حاولوا ان ينتقصوا من الدوري السعودي ما راح يستطيعون فالدوري السعودي قوي جدا ولا احد يستطيع ان ينقص منه,,

بالتوفيق لهم ف نقل الدوري السعودي بشكل جميل,,

تقبل مروري,,

أعشقك يا زعيم · #3 15/08/2010, 05:31 AM

صح انهم مقصرين بحق دورينا بس نحمدالله الي فكنا من الاي ار تي و لآ الرياضيه .!
يحتاجون شويه اهتمام بالتغطيه لدورينآ بس ..

ومهما حاولوا دورينا ما يقآرن بالدوري القطري مع احترآمي دورينا الافضل

ويلي 9 تياقو 7 · #4 15/08/2010, 05:37 AM

يا عزيزي انت الحين بكامل قواك العقلية .. !!

معليش بس البرتقالية تنقل دوريات كبيرة ( الاسباني - الايطالي - الفرنسي ..الخ )
و ايضا دوري ابطال اوروبا و اقريقيا و اسيا و بطولات كثيرة جدا

و سعرها جدا جدا ممتاز بالنسبة لما تنقله و كيف تنقله للمشاهد بكل احترافية

و ايضا مخصصين برنامج اسبوعي للدوري السعودي و عدد محللين تقريبا اكثر مـن 10
و اعتقد معلقين يفوقون الـ 8 و كل هذا و تقول تنقله بشكل سيء ...

عالعموم هذي وجهة نظرك و احترمها و انا حبيت ابينلك ان كلامك خطأ ,,,

بالتوفيق للجزيرة في نقل دورينا بكل احترافية و حيادية ,,

لزقه · #5 15/08/2010, 05:52 AM

شغل الاي ار تي ذا راح من زمان...!!!
ياخوي هذي قناة محترفه تعتمد على الربح وش الفايده ترضي ميتين الف على زعل 30مليون...!!!

زعـــــالبطولات ــيم · #6 15/08/2010, 07:57 AM

الصراحة انا اشوف ان الجزيرة قايمة بعمل كبير وجهد احترافي كبير جدا ولا تفكر ان شاء الله في مثل خزعبلات ابو ظبي وغيرها
اتمنى ذلك من الجزيرة واتمنى انها ما تقرا كلامك وتسوي زي ما تقول

كل عام وانت بخير

زعييم آسيا · #7 15/08/2010, 09:27 AM

بالعكس الامور تمام والجزيره ماتهتم بالدوري القطري مثل قناة الكأس

Carizma · #8 15/08/2010, 09:32 AM

بالعكس الجزيره قناة محترفـه ، وتحاول جاهده لـ التميز ببث الدوري السعوديَ

< وانا ماني متابع لـ الدوري القطري بس ماقد شفت استديو تحليلي بالجزيره لدوري القطري ،
الاستديو بقناة الكاس فقـط ،

cardiectomy · #9 15/08/2010, 09:37 AM

اعذرني عزيزي

ماني شايف الكلام اللي قاعد تقوله

بالتوفيق

هلالي الشرقيه 14 · #10 15/08/2010, 10:04 AM

القناه ماشيه معانا الى الان اوكي ..مع انهم مقصرين شووي ومو بالمستوى الي توقعناه

لكن مع ذالك تضل افضل بمليون مره من art وطقتها..

ع العمووم يمكن الي تقوله صح ..

الزعيمـ الاسيوي · #11 15/08/2010, 10:30 AM

انتم كل شي عندك مؤامرة كل شي ضدكم !!
خلاص مصختوا بجد يعني !!
مين ماسلم منكم بالله !!
خلاص كافييي !
!!!

sa’ad · #12 15/08/2010, 10:36 AM

يا خي الى الحين ما شفنا شي
وبالعكس افض اخراج من ار تي والخشبيه
والمعلقين فله

واما بخصوص سعر الاشتراك لو انه غالي كان فضحتونا
والحمد لله انه رخيص ويقدر كل واحد يشترك فيه

تحياتي

صديق ويلي · #13 15/08/2010, 11:08 AM

قاااايلكم من زمااان

مير انكم ماتسمعوون الحكي

مطيرين العالم بالعجة الجزيرة والجزيرة

وهـ شوفوا وش سووت

عاشق هلالونه · #14 15/08/2010, 02:00 PM

ياخي ليه النظرة السوداوية ونظرية المؤامرة

ترى هذي اطباع نادي الفقر

ماهي اطباع الزعماء

الجزيرة قناة احترافية وانا ارفعلها القبعه

افضل بكثير من العارتي وغيرها

بالتوفيق لهم وانت حكمة قبل تنتهي الجوله الاولى

وقبل وقبل ترى الناس صايمين وحنا برمضان

الله يوفق الزعيم

ويوفق الجزيرة قناة خليجية منا وفينا

{مـجرّد كذآآ} · #15 15/08/2010, 02:33 PM

مع احترامي لك اخووي التفكير هذا لا يوجد الا عندنا بالسعوديه ,,,, نحاول نوهم انفسنا اننا احسن ناس وكل العالم ينظرون لنا بحسد!!!

تذكر ايام الاي ار تي واسعار غااااااااااااااااااااااليه بالرغم ان الدوري في حدود بلادنا والملاعب اراضي للدوله واللاعبين عيالنا ؟!

يعني رفعوا اسعار الاشتراك زعلنا هم نزلوا اسعار الاشتراك ((وش معهم فيها!!!!!!!!!))
وسع صدرك والحمد لله انهم ماسكين دورينا يمكن الي عندنا يتعلمون منهم قنواتنا اسسوا قواعد التعصب الأعمى
ولا تزعل مني اخوووووووي ,, تحياتي لك