14/08/2010, 02:54 PM
|
| زعيــم جديــد | | تاريخ التسجيل: 28/01/2010
مشاركات: 11
| |
|
الفوانيس مجلس يجمع التواعيس ..!!
ايها الزعماء انه شرف لي ان انضم اليكم في هذه المنتدى الشامخ منتدى السعداء والزعماء ويحق لي بأن افخر بأني هلالي لأن وببساطه لو دخلت في جدل مع اي صعلوك سواء اصفر او اخضر مهما كان لونه فأنا الزعيم وابن الزعيم والذي في كل عام يفرحني ويجلب لي السعاده وليس كحال البعض اسأل الله العافيه لهم ويارب في هالشهر الفضيل ان يحققو ولوبطوله في التنس الطاوله او الغطس ولو بالتصويت حرام مساكين والله يا هم يصرفون وقطيه عشان ياخذون بطاقات شحن ويجتمعون في استراحه وخذ يا تصويت الله يعين اهاليهم بس عموم يحقلي كل عام احقق بطوله بطولتين صدق مو بطولات اكسح اللاصقه واحصل على هديه
فوانيس التواعيس
هذا مجلس مدري وش يبي بالعاميه والله من بدا اتابعه ابي فائده وحده استفدناها منهم او مره وحده طلعت جلستهم بخلاصه اخر الحلقه يقدمونها لنا زي ماهو معمول به في مجلس الاعلامي المميز خالد جاسم في قناة الكأش والذي ااتمنا من عدوله مذيع فوانيس التواعيس ويشوف له كم حلقه من حلقات المجلس ويتعلم من ابوجاسم كيف يسيطر على الجلسه ويدير دفت الحوار بعقليه واتزان وبعدين يختار ضيوف تفهم يعني كيف اوصلكم اللهم اني صايم من تفتح الشاشه عليهم كأنك فاتح باب صف تمهيدي اللي فوق الطاوله واللي تحت واللي يصايح واللي يسحب شماغ المدرس عدوله وكله كوم يا جماعه وخالد قاضي كوم اسمعو يا جماعه وهذا مثال لمداخلاته طبعن هم التواعيس يتكلمو عن تحصله داخل عرض بموضوع مال امه سنع ولا له دخل بموضوع نقاشهم وساحبهم وراه بشغله ثانيه وعقب تلقاه يردهم للموضوع الأول والثاني مدني رحيمي يا جماعه هو وغتيرته مره واحد وماعنده غير هالكلمه مره واحد مره وحده وانا قلتلوه مدني يا رجال امرح وماهم مدخلينك بالاتحاد السعودي لو تحب السماء ونعرف سبب هجومك على الرئاسه وباللغه العاميه اقولك مش خشك مره وحده ما هو حاصلك العضويه ويا جماعه هالطخيم المسكين يا ربي صلاح العطاء على قولت جدتي والله يا جماعه ارحمه واقسم بالله ورب الكعبه مسسسسكين والله ارحمه احس بالشارع يمشي ويكلم نفسه الهلال ون وع بو وط الهلال احس الهلال مسبب له ازمه زي معزبه بلوتوث كلش يحشر فيه الهلال ورب الكعبه قمة التناقض في كلامه لكن الله يرحم الأمير عبدالرحمن بن سعود والا على وقته وانت بجحرك يا فهيدان بعد انت يا فهيدان حبيبي رح صل التراويح وخذ علمك ورح شخص مع اخوانك جمهوركم وشجع الناطح والفاطح اصرفلك او شفلك دوره رمضانيه حول حارتكم وخلك فيمتو وجمده بأكياس وقدر بليله ودق الهايلكس ريوس وافتح الباب وتك واقعد صارخ بليله فيمتو جميد واترك يا وليدي الاعلام له ورجاله والدعوه ماهي رفع صوت وصريخ وانت تعرف المصارخ منهو له امرح بس وريحنا
وبعدين ابي اعرف عدوله مذيع التواعيس ليش كل ما جابو طاري التجنيس زعل وبرطم وقال سيبونا من هادا المودوع شفيك عدوله وبعدين بصراحه حفت الشنب مجنونه غادن كنك سواق جيرانا الاندونيسي بوسل
انصحك وانت جاي للحلقه تمر الحلقه حقت الخضره وتجيب معك كم ربطة كراث وكيسة خبز وتحطها لتواعيسك لأنه مانقصكم غيرها وتنزلو وتجلسو على الأرض سيبكم من الكنب يبويا
بعدين تبي برنامجك ينجح جب ناس تفهم ناس عندها ثقافة الحوار مثل محمد الخراشي ناصر الجوهر صالح خليفه احمد جميل فيصل ابو اثنين ابناء التمياط حسام ابو داود ناس لها تاريخ وعندها ثقافه مو هالشله اللي انت تجمعهم بس انا اعرف كويس ليش انت ضيوفك من هالعينه لأن لو جبت من العينه اللي انا طرحتهم لك راح تطلع على حقيقتك وتبان ثقافتك الضحله
عذرا على الاطاله
فتكم بعفيه |
الوضع المتطور
