إقتباس الرسالة الأصلية كتبت بواسطة برنسو اوفيتش .. || أعتبرهـآ وصلت وأنـآ خييك .. يقولون أنه يوصل الباب ويدقدق من زود ألدفأع الفاششل  لكن مأردونـآ سوأ مع نأوبولي عجأئب .. وزيدأن فرنسسأ رأحت من بعده .. لكن روبيرتو بأجيو ويوهأن كرويف يعتبرون من أسأطير كرة القدم .. علينـآ وعليك

من ناحية يدقدق فهذا الي انا سمعته بعد ! بس يا كان عليه هد

مارادونا هو بس مع نابولي ؟ كل نادي لعب فيه يشهدله ! البوكا البرسا نابولي حتى الاهلي السعودي

زيدان ! إيـــــــــــه يا زيدان ! كل ماشفت صورته والا مقطع له تنهدت ! ليت العمر مايعدي ولا البشر يكبرون

سعدت بالنقاش معك

تحيتي .,,.

عاششق الزعييم ..

بقول شي واحد بس ، لا قمت تناقش ناقش بشي بالعقل ، موب كل كلامك نقاد وجرايد ومدري ايش ..؟

بعدين كييف تقول ريفالدو موب اسطوره وانت موب عارف شي عنه ، طبعا هذا الواضح من كلامك ، اذا ريفالدو موب اسطوره من الاسطوره اجل ؟ راؤول

بعدين فلوس وفلوس وفلوس ، مسوي الحين كل اللاعبين اللي يجون لناديك يحبونه ، ماجو الا عشان الفلوس ولا تلعب على نفسك وتقول رونالدو جاي عشان حلم الطفوله ، شي بالعقل يعني ، يترك مانشستر وبطولات ويكفي بعد لو اقول ترك فيرجي ، حبن بمدريد ، شوويه تفكير ياخي ..
نص لعيبتكم جايين عشان الفلوس وجالس تقول لاعب يحب الفلوس ...


هداك الله بس ..

وان شاء الله نشوفه مع مايوركاا ويلعب بالكامب نو ، نبي نششوف الجمهوور وش يسووي ..

رمضان كريم

إقتباس الرسالة الأصلية كتبت بواسطة سـآم 6 عاششق الزعييم .. بقول شي واحد بس ، لا قمت تناقش ناقش بشي بالعقل ، موب كل كلامك نقاد وجرايد ومدري ايش ..؟ بعدين كييف تقول ريفالدو موب اسطوره وانت موب عارف شي عنه ، طبعا هذا الواضح من كلامك ، اذا ريفالدو موب اسطوره من الاسطوره اجل ؟ راؤول بعدين فلوس وفلوس وفلوس ، مسوي الحين كل اللاعبين اللي يجون لناديك يحبونه ، ماجو الا عشان الفلوس ولا تلعب على نفسك وتقول رونالدو جاي عشان حلم الطفوله ، شي بالعقل يعني ، يترك مانشستر وبطولات ويكفي بعد لو اقول ترك فيرجي ، حبن بمدريد ، شوويه تفكير ياخي .. نص لعيبتكم جايين عشان الفلوس وجالس تقول لاعب يحب الفلوس ... هداك الله بس .. وان شاء الله نشوفه مع مايوركاا ويلعب بالكامب نو ، نبي نششوف الجمهوور وش يسووي .. رمضان كريم

لما أقول إن الصحف والمجلات العالمية وكبار النقاد والمحللين أجمعوا على أن الأساطير 3 صرت ما أناقش بالعقل ؟ دام كذا أجل كل أبو النقاد والمحللين والمجمعين على أن الأساطير 3 ماعندهم عقل

يمكن يكون ريفالدو أسطورة في عيون البعض ! رأيهم الخاص وحريتهم الشخصية .. وإن كانه أسطورة في عينك فهذا شئ راجعلك ولكن في نظري ريفالدو كان مشروع أسطورة انحدر مستواه وأصبح نكرة .. أنا بس أبي أفهم شئ واحد ! كيف أسطورة في عالم كرة القدم يلعب في أوزباكستان ! ويستقوي على الضعوف اليونان ! تبي تكون أسطورة أثبت نفسك في دوري قوي واستمر على هذا الثبات ! صحيح أثبت نفسه مع البرسا وفي كأس العالم 2002 ! ولكن لم يستمر على هذا الثبات والآن لنا 8 سنوات للأسف نسمع بريفالدو ولكن لا نراه .. له 8 سنوات لم يحقق أي شئ يشفع له للوقوف بجانب الأساطير ! وتعدونه أسطورة عشان 5 سنوات قدم فيها مستوى جيد ؟

إذا كذا أجل رونالدينهو أسطورة إنجازاته دبل إنجازات ريفالدو ! وله سنتين مختفي يعني حتى اختفاؤه أقل من اختفاء ريفالدو ( 8 سنوات ) ! وفي أمل إنه يرجع ويقدم مستوياته المعهودة اتحدث هنا عن رونالدينهو وليس ريفالدو الي ماعاد يقدر يركض 5 دقايق على بعضها !

راؤول يكفيني أقول إنه حطم جميع الأرقام القياسية في عدد الأهداف المسجلة وعنده في خزينته 3 دوريات أبطال أوروبا لحاله غير عن عدد المرات الي حقق فيها الدوري الإسباني وكأس السوبر وكأس العالم للأندية و .. و .. و .. إلخ من الإنجازات ! هالإنجازات تكفيني إني أقول إن تاريخياً أفضل من ريفالدو وسيتذكره التاريخ أكثر من ريفالدو ..

بالنسبة لرونالدو ! ذكرت سابقاً إنه لو يبغى فلوس كان جلس في ناديه لأنه ثاني أغنى نادي في العالم ومو قاصرة عليهم زيادة راتبه كم مليون ! وحقق حلم الطفولة هذا مو كلامي ! هذا كلامه هو وكلام والدته وكلام المقربين له .. تتوقع راح أكذب كلامهم وأصدق توقعاتك ؟

كل اللاعبين يلعبون من أجل المال ولكن في فرق بين الي يجمع بين المال والتاريخ والي يجمع في المال فقط بدون اهتمامه لتاريخه ولا احترامه له

سررت بالنقاش معكم أخواني وأرحب بأي وجهة نظر ستطرح لاحقاً والنقاش فيها

تصبحون على خير

تحيتي .,,.

إقتباس الرسالة الأصلية كتبت بواسطة محب الذئب9 الموضوع خبر عن ان ريفالدو بيرجع للدوري الاسباني .. الموضوع صار مقارنات بين ريفالدو وانه ماهو كويس والكويس زيدان وان ريفالدو ماهو اسطورة مع ان الخبر مال امه علاقة في النقاش الى حاصل .. وش ذا النظام .. نظام شوفو لاعب فريقي اسطورة .. عوافي يا راعي الخبر .. واتمنى اشوف ريفالدو في الكامب نو ضد البرسا ..

إقتباس الرسالة الأصلية كتبت بواسطة كارلوس شخصياً فيه فرق بين لاعب حطه التاريخ و الفيفا والمشاهير في كفة مارادونا و بيليه وبين لاعب في كفة اي نجم ثاني مثل توتي و ديل بييرو و مالديني و رونالدو و فيجو بعدين يعني الواحد حرام يقول رايه ؟ خلاص عبد الله قال ريفالدو مب اسطوره مجبرينا على اي كلمه وتبي تناقشونا حتى في ارائنا ؟ خلاص مب اسطوره ولا احد يلجنا ليتهم خلوها سوالف والله

مــــا مل هالشايب

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

أأه يارفالدو والله زمااان
مشكور على الخبر

إقتباس تبي تقنعني إن ريفالدو ورونالدينهو كانوا أحسن من رونالدو في كأس العالم 2002 ؟ معليش اسمحلــــــــــــــي ! وبعدين عشانه جلى الكورة وأبدع في كأس العالم صار أسطورة ؟ أجل دييغو فورلان أسطورة ! شنايدر أسطورة ! فيا أسطورة ! كلهم أبدعوا في كأس العالم الماضي

مو بس كاس العالم 2002 يا صديقي العزيز ارجع لكاس القارات 1997 وارجع لكاس العالم 1998
وياليت بس لو تتابع شويات من كوبا امريكا 1999 للمعلوميه كان هدافها بكل هالبطولات بدع مو بس
بطوله وبعدين انت في وجهة نظرك ان رونالدو كان افضل في 2002 طيب انا اشوف ريفالدو رغم انه
صانع العاب الا انه سجل وصنع اهداف عد واغلط

إقتباس ولا أنا أتكلم عن إنجازات فقط ! كيف حصل كاكا على إنجازاته ؟ أفضل لاعب في العالم في الموسم الي حقق فيه أبطال أوروبا ! أفضل لاعب في كأس القارات في الموسم الي أخذت فيه البرازيل كأس القارات ! أفضل لاعب في الكوبا أميركا في الموسم الي حققت فيه البرازيل البطولة ! وسجل أهداف ريفالدو لو يلعب 100 سنة قدام مايقدر يسجل مثلها

في هالنقطه قول انك ما تابعت ريفالدو احسن من انك تقول يبطي ما سجلها ما يحتاج اعدد لك الاهداف
لأني بيصبح الصبح وانا جالس اكتب يا صديقي وريفالدو افضل لاعب بالعالم 99 وهو ماحقق دوري الابطال
فما بالك لو حققها مع برشلونه ذيك السنه !!!!!! اجل كاكا احسن من ريفالدو خخخخخ

إقتباس في نظري الأساطير مستويات .. ومن المستوى الأول يأتون مارادونا وزيدان .. ومن بعدهم بيليه وكرويف وباستن وباجيو وحتى ديل بييرو ! وريفالدو مايوصل لنصف ماوصلوله الي ذكرتهم ..

وانا في وجهة نظري الاساطير مستويات اشوف بالمستوى الاول ريفالدو وكرويف ومن عقبهم باقي اللاعبين اللي يعدون اساطير

إقتباس لاحظ معاي التناقض الغريب في هالجملة ! الأسطورة هو الي مستواه ثابت وريفالدو أشوف مستواه ثابت .. وبعدين رجعت قلت مستواه الحالي بسبب العمر مثله مثل أي لاعب ينقص مستواه .. كيف مستواه ثابت وينقص اشرحلي الحين ريفالدو مستواه ثابت من بدأ حتى الآن والا مستواه كان رائع وبدأ يهبط تدريجياً حتى أصبح غير مرغوب به في ( أوزباكستان ) ؟ الحمدلله انت بنفسك اثبتت إن ماهو أسطورة وقلت بنفسك إن الأسطورة هو الي مستواه ثابت .. وريفالدو طلع 5 سنوات ثمن اختفى والآن مستواه ماسمح للأوزباكستانيين إنهم يجددون عقده

طيب رونالدو مستواه ثابت اللحين ؟؟؟ مارادونا في نهاياته مستواه ثابت ؟؟؟ مادري اذا تشوفهم بنفس المستوى فشي غريب
طيب روبرتو كارلوس وهذا راؤول نفس المستوى !!! يعني لازم اعتزل في عز مستواي عشان اصير اوكي اذا الموضوع كذا
فأفضل لاعب على مر العصور فان باستن اعتزل وهو الرقم واحد بالعالم

إقتباس نقطة أخيرة نسيت أتكلم عنها .. إنت تقول إن ريفالدو حقق دوري أبطال أوروبا أيضاً ! حققها وهو احتياطي مثله مثل خوركيرا الي تقول انه حققها مرتين وماسجل إلا هدفين في تلك البطولة ! بعكس كاكا الي كان السبب الرئيسي في فوز الميلان بدوري أبطال أوروبا وأخذ أفضل لاعب في العالم وقتها ! يعني مافي أي وجه مقارنة بين الطريقة الي فاز فيها ريفالدو وخوركيرا بالأبطال والطريقة الي فاز فيها كاكا بالأبطال .. وتقدر تسأل آل ميلان عن هالش

تقول انه كان احتياطي وسجل هدفين !!! سبحان الله هذا وهو احتياطي لاحظت انه احتياطي وسجل هدفين انت


انا مابي اغير وجهة نظرك ابدا ولا ابيك تصنفه من بين 100 لاعب بكيفك بس انت تكلمت عن ريفالدو وحجّمت
منه وكأنه لاعب بلا تاريخ ولا هويه مثله مثل غيره من اللاعبين

انا تأكدت من كلامك انك ماتابعت ريفالدو ولا ع الاقل شفت له اهداف حتى تتكلم بهالصوره ريفالدو رغم ان الضروف
ماخدمته وكانت ضده في كل مكان الا انه يبرز ويكون بالواجهه غصب

وبالنسبه للإعلام اللاعب ماقصر هذا هو افضل لاعب عام 99 ولا حس ولا خبر والاعلام مطنننننش ياحبيبي الاعلام
لو يبي يرفع لاعب وصله للسما وهو سبب غلاء بعض اللاعبين رغم محدودية امكانياتهم

تشرفت بالنقاش معك حنا طلعنا برى الموضوع كثير انت لك وجهة نظر واحترمها وانا لي وجهة نظر اخرى لكني تاكدت
من كلامك انك ما تابعت ريفالدو الا يوم جا اوزباكستان والظاهر ماكنت تعرفه قبل

---

بإذن الله يرجع ريفالدو لليغا يكفي نقدر نشوفه كل اسبوع لو مع الجمهور