بدينا اليوم على طاش 17 .. أول حلقة بعنوان " أرفع راسك "
صراحة الحلقة ممتازة نوعاً ما , تحمل طابع واقعي عن مأسآة السعوديين
أستغربت اليوم أنكم ما عجبتكم الحلقة , طبيعي ما تعجبكم لأن المسلسل ينقل
أحداث وقضايا الشعب السعودي بواقع صحيح كوميدي لكن واقعي جداً !
ممكن بطاش 17 تحديداً ما تلقوا الجو الكوميدي بكل حلقاته إلا ما ندر !

اللي يبي الكوميديا يروح لـ بيني وبينك 4 .. كوميدي درجة أولى
حلقة اليوم أو الجزء الأول بعنوان " واحد ما يدري "
أحسن شيء يوم يقول " مكـروه , حرااام , لا يجــوز "
أو يوم يقول عسى ما طقيت ياسر والشلهوب خخخ يقول لا طقيت المنتشري
فيه كمية من الكوميديا والتنكيت موش طبيعي حلقة اليوم رهيبة !
هالرد برعاية : ممادو وأغنيته التي بعنوان " مضاربات ممادو هع هع "

اللي يبي يتابع باب الحارة 5 .. انصحه يشوفه على MBC DRAMA
وقت المسلسل 10 ونصف .. > MBC1 تعرضه في الساعة 10 وربع
طبعاُ القناة ما تتوفر إلا بكرت لأنها مشفرة خخخ لكن تشتغل للي عندهم دريم بوكس أو ما شابه
ميزتها : تعرض باب الحارة بدون فواصل ولا إعلانات
خاصةً للي يبيها عالحامي .. ما يبي ولا فاصل إعلاني ..
أما MBC1 صحيح إعلانات لكن تفك أزمات لو حصل شيء طاري

سويت جدول اليوم الظهر بمواعد عرض مسلسلات رمضان على MBC1
ولكن يوم شفت إلا القناة تغير وتبدل بالمواعيد والمسلسلات
خصوصاً أن طاش لازم يبدأ الساعة 7 .. خلته يبدأ 7:15
وبيني وبينك يبدأ 7:30 .. صار يبدأ الساعة 8 !
وكل المواعيد .. لكن خرب الجدول MBC1 كل شوي وتغير بالمواعيد ..
أوعدكم بجدول تغطية لكـل برامج ومسلسلات رمضان عالـ MBC يتضمن
الإعادات إيضاً .. قريباً ! ! !

أكاد أجزم بأن هناك ما فاته مقدمة الحلقة الأولى من باب الحارة .. خخخخ تقويسة معتز من أبو طاحون
قهر صراحة .. حطوها قبل أشارة البداية

لي باك