[ خيمة العالمية الرمضانيّة 2010 ] - صفحة رقم 15 - نادي الهلال السعودي - شبكة الزعيم

elclassico · #211 13/08/2010, 05:14 AM

السلام عليكم و رحمة الله و بركاته ..

كل رمضان و انتم بخير و ينعاد عليكم بالافراح و المسرات باذن الله

المهم ..

بغيت اسأل مين يعرف وين يباع هذا المشروب بالرياض

Coke With Cherry

الـبـيـانـكـونـيـريـ · #212 13/08/2010, 05:19 AM

شاهدوا هذا الفيديو الرائع يا شباب

الـبـيـانـكـونـيـريـ · #213 13/08/2010, 05:30 AM

إقتباس

الرسالة الأصلية كتبت بواسطة elclassico

السلام عليكم و رحمة الله و بركاته ..

كل رمضان و انتم بخير و ينعاد عليكم بالافراح و المسرات باذن الله

المهم ..

بغيت اسأل مين يعرف وين يباع هذا المشروب بالرياض

Coke With Cherry

ما أعرف والله لكن شوف "التميمي" ولا "الدانوب" هم اللي يجيبون اشياء مستورده من برى

إن شاء الله تحصله وبالعافيه

ع ـشقهــا هـلالـي · #214 13/08/2010, 05:42 AM

اشرآقـه صبآحيـه :

يقول عمر بن الخطاب رضى الله عنه :{من لم يحاسب نفسه دامت حسراته وطالت في عرصات القيامة وقفاته وقادته إلى الخزي سيئاته}

لآتنسون اذكآر الصبآح

a l 7 a n a y a · #215 13/08/2010, 06:19 AM

إقتباس

الرسالة الأصلية كتبت بواسطة elclassico

السلام عليكم و رحمة الله و بركاته ..

كل رمضان و انتم بخير و ينعاد عليكم بالافراح و المسرات باذن الله

المهم ..

بغيت اسأل مين يعرف وين يباع هذا المشروب بالرياض

Coke With Cherry

تلقاه في كارفور اللي على خريص

انا رحت له ومالقيت الا واحد بس في الثلاجة والباقي حـار

بس طعمه موب ذاك الزود

مالك الا الكلاسيكي

Madrid Magic · #216 13/08/2010, 06:36 AM

يسعد لي صباحكم شباب

..

أشوفكم تتكلمون عن المسلسات

, فيه مسلسل إسمه زوارة الخميس

..
الوجوه الحسنة الي في المسسل خخخخخ

:

شفت الحلقة الثانية و شكله بطل والله

..
و وقته بطل بعد يجي الساعة 5:30 الصبح على الوطن بلس + ..
و الساعة 4:30 الظاهر على الوطن ..

الوطن العادية مسبّقة بـ ساعة تقريباً

..
..

سألتكم أمس ولا عطيتوني وجه

..
ريسيفر الجزيرة الرياضية , الجديد منه بكم ؟ و ألقى أحد
بيبيعه !؟ و الي شاري مستعمل تقريباً بكم أخذه ؟
ضروري تكفون

..

a l 7 a n a y a · #217 13/08/2010, 06:42 AM

إقتباس

الرسالة الأصلية كتبت بواسطة Madrid Magic


	يسعد لي صباحكم شباب .. أشوفكم تتكلمون عن المسلسات , فيه مسلسل إسمه زوارة الخميس .. الوجوه الحسنة الي في المسسل خخخخخ : شفت الحلقة الثانية و شكله بطل والله .. و وقته بطل بعد يجي الساعة 5:30 الصبح على الوطن بلس + .. و الساعة 4:30 الظاهر على الوطن .. الوطن العادية مسبّقة بـ ساعة تقريباً .. .. سألتكم أمس ولا عطيتوني وجه .. ريسيفر الجزيرة الرياضية , الجديد منه بكم ؟ و ألقى أحد بيبيعه !؟ و الي شاري مستعمل تقريباً بكم أخذه ؟ ضروري تكفون ..

هذا زوارة الخميس اللي تتكلمون عنه .. زين شفت البوستر قبل لا اشوفه

ما فيه الا سعاد عبدالله والبريكي والباقيين فاشليين

وأما بالنسبة لأرسيفر الجزيرة الجديد سعره بين 900 الى 1000 تقريباً

وش تبي به ..

!!!

elclassico · #218 13/08/2010, 06:50 AM

إقتباس

الرسالة الأصلية كتبت بواسطة a l 7 a n a y a


	تلقاه في كارفور اللي على خريص انا رحت له ومالقيت الا واحد بس في الثلاجة والباقي حـار بس طعمه موب ذاك الزود مالك الا الكلاسيكي

أما موب ذاك الزود :|

انا ما ذقت اللي هنا صراحه , ذقت اللي ببريطانيا و خقيت معه

يمكن اللي هنا موب كويس أو أنت ذوقك غير

ع العموم مشكور و ما قصرت , و يبيلنا زيارة لكارفور

Miho · #219 13/08/2010, 06:50 AM

إقتباس

الرسالة الأصلية كتبت بواسطة Madrid Magic


	سألتكم أمس ولا عطيتوني وجه .. ريسيفر الجزيرة الرياضية , الجديد منه بكم ؟ و ألقى أحد بيبيعه !؟ و الي شاري مستعمل تقريباً بكم أخذه ؟ ضروري تكفون ..

سعره الرسمي 870 ريال سعودي وياصل 950 عند الموزعين الغير رسميين

أنا شاريه مستعمل يوم ونص

بـ 700 ريال

الرسيفر يجي معه اشتراك سنة مجاني من +1 حتى +8

ahmad919 · #220 13/08/2010, 06:59 AM

َ

^

طيب مهند الرسيفر يشتغل بدون كرت الجزيره ولا لا ؟
يعني القنوات الثانيه .. اقدر اشغلها بدون الكرت , ولا زي حركة art اول

؟

هلالي ارسنلاوي · #221 13/08/2010, 07:03 AM

إقتباس

الرسالة الأصلية كتبت بواسطة Madrid Magic


	شفت الحلقة الثانية و شكله بطل والله .. و وقته بطل بعد يجي الساعة 5:30 الصبح على الوطن بلس + .. و الساعة 4:30 الظاهر على الوطن .. الوطن العادية مسبّقة بـ ساعة تقريباً .. ..

أي وقت بطل يا بو

الساعة 5:30 يعني صايم !
ما يصلح تقعد تناظر مسلسلات خاصة وإنها فيها موسيقى وبنات

، كـذا تجرح صومك

.

--

أقول دامكم تسولفون عن أماكن بيع المشروبات

إلـي يقول لي وين ذا المشروب ينباع فيه ، يصير أحسن واحد في العالم

إلـي يقول لي وين ينباع فيه ، بـ أدعي له

.

F.C.Blaugrana · #222 13/08/2010, 07:07 AM

فيصل

.. الصّابونة ؟ ما يحتاح تعزّ

عشقها هلالي .. الله يجزاك خير ويكتبه في موازين حسناتك ،

Madrid Magic · #223 13/08/2010, 08:24 AM

كل من رد عليّ , جعلكم تسلمون يا رب

..

فيه واحد أعرفه شاري الجهاز قبل كأس العالم , بدون إشتراك
لأن عنده كرت ساري المفعول

..
قالي كم تشتري

؟ قلت 500 , قال بعت

..

سعره كويس ؟ أتوكل و أشتريه ؟

حماده

,
قاعد هنيـّا

!؟ قاعد تبربر في هـ الخيمة

! هذا مرفوض ثم مرفوض
ثم مرفووض ! عليك الإلتزام بـ الأخلاق السعودية خخخخخخخ

..
يالبى أبو ثنين بس

..
لا جد وينك ساحب على الرابطة , تعال هناك لـ أجلدك بس

..
نرجع لـ سؤالك

.. الريسيفر على حسب علمي فيه مدخل كرت خارجي ,
و الريسيفر فيه شريحة داخلية بمثابة الكرت .. يعني إذا شريت الجهاز و فيه
إشتراك عليه ماشي , يمديك تاخذ كرت ثاني و تحطه على الريسيفر و يضبط
إن شاء الله

..

إقتباس


	a l 7 a n a y a

الـ HD

..

على الطاري فيه سؤال

..
يقولون الجزيرة بتنقل بعض متشات الـ SPL

الدوري السعودي HD ؟!
صحيح الكلام ؟

..

فيه موقف صار لي اليوم لازم أذكره

..
رايح أتسحر في هارديز مع العيال , المهم خلصنا و مشينا

..
راح خويي و حطني عندي سيارتي و أتفقد أغراضي و ما لقيت جوالي
معي جوالين واحد بلاك بيري و الثاني سوني أريكسون

, المهم فقدت
الثاني

.. أدق عليه و يرد علي المصري

حق هارديز , قلت
له أنا صاحب الجوال و أبي جوالي

.. قال قفلنا الحين مرّنا بكره ..
قلت الله يعطيك العافية و إن شاء الله بجيك بكره

..
الدنيا لا زالت بخير

..

برب ورانا قومة الجمعة ..

الـبـيـانـكـونـيـريـ · #224 13/08/2010, 11:48 AM

إقتباس

الرسالة الأصلية كتبت بواسطة هلالي ارسنلاوي


	أي وقت بطل يا بو الساعة 5:30 يعني صايم ! ما يصلح تقعد تناظر مسلسلات خاصة وإنها فيها موسيقى وبنات ، كـذا تجرح صومك . -- أقول دامكم تسولفون عن أماكن بيع المشروبات إلـي يقول لي وين ذا المشروب ينباع فيه ، يصير أحسن واحد في العالم إلـي يقول لي وين ينباع فيه ، بـ أدعي له .

هذا متأكد شاريه من الدانوب

بس طعمه تقل فيفادول ما عجبني

يله عاد ادعلي يوم جمعه وانت صايم

إقتباس


	فيه موقف صار لي اليوم لازم أذكره .. رايح أتسحر في هارديز مع العيال , المهم خلصنا و مشينا .. راح خويي و حطني عندي سيارتي و أتفقد أغراضي و ما لقيت جوالي معي جوالين واحد بلاك بيري و الثاني سوني أريكسون , المهم فقدت الثاني .. أدق عليه و يرد علي المصري حق هارديز , قلت له أنا صاحب الجوال و أبي جوالي .. قال قفلنا الحين مرّنا بكره .. قلت الله يعطيك العافية و إن شاء الله بجيك بكره .. الدنيا لا زالت بخير ..

سيم سيم سالفه بس انا كان طافي ولا ادري وينه

المهم رحت لبرجركنغ مالقيته

رحت المقهى اللي كنت فيه .. وحصلته الفلبيني موزيه

MiLAN LoVeR · #225 13/08/2010, 01:15 PM

السلام عليكم ورحمة الله وبركاتة

إقتباس


	ُسـُئِـل الشيخ عبدالله الفقيه : ما حكم قول "جمعة مباركة" للناس في كل جمعة، مع العلم أن الجملة انتشرت بين الشباب ؟ فأجــــــاب : الحمد لله والصلاة والسلام على رسول الله وعلى آله وصحبه، أما بعـد: فالتزام قول المسلم لأخيه المسلم بعد الجمعة أو كل جمعة ( جمعة مباركة ) لا نعلم فيه سنة عن رسول الله ولا عن صحابته الكرام، ولم نطلع على أحد من أهل العلم قال بمشروعيته، فعلى هذا يكون بهذا الاعتبار بدعة محدثة لا سيما إذا كان ذلك على وجه التعبد واعتقاد السنية، وقد ثبت عن النبي أنه قال: (( من عمل عملا ليس عليه أمرنا فهو رد)) . رواه مسلم والبخاري معلقا، وفي لفظ لهما: من أحدث في أمرنا هذا ما ليس منه فهو رد . وأما إذا قال المسلم لأخيه أحيانا من غير اعتقاد لثبوتها ولا التزام بها ولا مداومة عليها، ولكن على سبيل الدعاء فنرجو أن لا يكون بها بأس، وتركها أولى حتى لا تصير كالسنة الثابتة.)أ.هـ