|
الجاسر فعلا طعن في نوايا قريتس وكأنه يعلم ما بالقلوب مقاله اليوم منرفز بحده بالبداية انتقاده كان فني وهنا اقف احتراما له لكن لما بدا يذكر النوايا اسمح لي وقف مكانك خطوط حمراء ممنوع تتجاوزها ياعزيزي الجاسر وذا انت تقول الهلال مو مثل السنة الماضية شكلك تشوف المباراة وانت مغمض مع احترامي وتقديري لك الهلال مع فالنسيا قدم متعة كروية وسيطر على اغلب مجاريات المباراة لكن التوفيق ماحالفه وبعدين يا استاذي العزيز لما تملك لاعبين اصحاب قدم قوية المفروض انك تستفيد منهم وتسمح لهم بالتسديد من خارج المنطقة متى ماسنحت الفرصة وشف كم كوره ردها القائم في مباراة الشباب ياعزيزي وبعدين لما تكون طول السنة معتمد على لاعبين ينفذون طريقتك حرفيا وشكلا ومضمونا وفجاءه يتغيب لاعب او لاعبين ويكون بديلك مو بمستوى االلاعب الاساسي معناته راح تعاني بالبداية لكن مع الوقت راح تتعدل الامور عوافي |
الله يهديه..!:s5s: وٍٍِِيعطيك الع’ـآفيه :rose: |
الجــاســر كاتب مــحــتـــرم ولكن أنــا مؤيـــد للكلامــه وأتعجــبـــ علــيـــكـــمـــ,,,,!! |
مشكلة الاعلام ف الوقت الحساس,, الله يكفينا شره, |
كلام عبدالكريم صحيح ميتين بالمية وصراحة بدأت بوادر نقص الخبرة تظهر في الادارة |
الله يعطيك العافيهـ بس لا تنسون هو حكم على الهلال بمباريات وديهـ واستعداد |
.. كلام الجاسر 100% صحيــح جريتس ليس كجريتـس الموسم الماضي..تفكيره كله بنصب حول المغرب وما سيعمل هناك.. الهلال في خطــــر ويجب ان نعي ذلك.. وقارنوا بين الموسم هذا والموسم الماضي هل هو بنفس الجديه..؟ التطبيل لن يفيد عندما نخسر لاسمح الله.. والرجل انتقد نقد فني..فلماذا يتم نقده بشخصه..!! |
وهو صادق اجل معجبك وضع الإدارة الحالي أنواع التخبط .. يدورون عن مدرب فاضي بديل من يبي يرضى يصير إسبير وإحتيياط ؟ الإدارة كأن أحد داعي عليها لاجهاز طبي حتى الآن ومدرب يحتري أي هزيمة عشان يمشي ومعسكر فاشل بكل المقاييس لايقارن بمعسكر العام الماضي ومهاجم مستهتر لأبعد الحدود لازال يعيش فكر المهاجم الأوحد قمة اللا مبالاة بالفريق .. ويجيبون أنصاف لاعبيين محليين وتناقض بالتصاريح من الإدارة .. وتقول طموحي الآسيوية ..؟ آسيوية طل هذا وجهي إن أخذت بطولة هالموسم ماأقول آسيوية أقول بطولة .. لأن تخطيط الإدارة لبطولة أسيا فقط .. وليس لموسم واحد بالله أي فكر هذا ؟ أكثر ماضحكني وأدهشني بنفس الوقت سالفة المدرب عشانه خويك ومتحمس يبي الآسيوية تخليه أقلعه بوادرين وجب بداله يخطط لموسمين .. موب بنص الموسم تلخبط اوراقك لاأنت حققت الآسيوية ولا أنت حققت الدوري .. لا ويطلع اللي يصرح يقول المدرب يبي يجلس عشان إستقرار الفريق والله وأنا مشجع لو أدري إن هالمدرب يبي يشيل عفشة من أول هزيمة كان ماعطيته جل إهتمامي وأدور الزلة عليه فما بالك بلاعب ؟ الحقيقة الإدارة من تخبط لتخبط والله يستر من تاليها .. والمشكلة بعض الناس ماتبي إلا اللي يهز راسه ويقول كل اللي تسويه الإدارة صح .. لا ياأخي في أشياء واضحه للعيان وفي أمور أخرى لازم تقبل وجهات النظر الأخرى .. ولا يعني كل اللي تسوية الإدارة صح بالعكس أنا يعجبني الكاتب اللي ينتقد ويبحث عن حلول وش أبي بكاتب يطبل ويريش بي وش أستفيد منه ؟ ابي واحد يعلمني وش اخطائي حتى اقلل منها عموما لازلت عند قسمي إن الهلال لن يحقق الآسيوية ولو كانت كل الظروف مهيئة له إذا لم يوجد مهاجم سوبر ستار وصانع لعب مميز .. أما بهذه التشكيلة فأسيا بعيدة كل البعد عن الهلال .. . . . .... |
وللاسف ان حضراتكم تمارسون نفس الدور يعني حضراتكم تبون تنتقدون الاخرين اذا قالوا ارائهم وانا ايضا انتقدكم وقول انكم زودتوها تبون الواحد يطبل ويهايط اعتقد ان عبدالرحمن الجاسر انبل واصدق قلم هلالي حاليا والرجل الوحيد الذي يكتب بتجرد عن المصالح اما الكاتب الي يرفعكم فوق مثل ماترفعون له عدد اشتركاتا جواله والثاني ابو تاريخ الي مانبي فتح تاريخه ومساوماته من ايام سالفة وليدد المدوح تبون المهايط والترقيع والترفيع عبدالكريم الجاسر ابو يزيد هو خير خلف لمن كتب يوما : هلاليين واشربو من البحر , وادام الله قلمك يابو يزيد رغم انوف الكارهين . |
نسيت اقول شي بخصوص مسمار جحا ( غيريتس) اثناء بقائي في روم الزعيم شاهدت الجميع ينتقدونه بل وصل لدرجة التهجم بانه لم يعد يهتم بالفريق كما كان فهل هم ايضا على نظام لعبوني ولا ابخرب ,,, اعتقد ان غيريتس لم يعد بحماسه السابق وكفى ,, |
إقتباس:
إذا ماقال وجهة نظره هالوقت لايقولها أبد .. يا أخي ما أحد يشكك بالجاسر وبالعكس خله ينتقد .. لكن بعض الناس عندها حساسية من النقد وماتبي إلا تطبيل .. وهالتطبيل ماينفع أبد بهالوقت .. |
شكرا لكاتب الموضوع والله يعين النادي على هالعينة من الكتاب |
ياحبيبي يكتب اللي يبي هههههههه ماهم الهلال منه وبالتوفيق للهلال |
الجاسر قامه اعلاميه كبيره عاصر العديد من ادارات الهلال ومطلع على مايدور في فلك نادينا واتفق معاه في كثير من ماطرح مع احترامي للاداره الموقره بقاء جريتس وتحديده لمن يبقى ومن يرحل وهو في عداد الراحلين شي مستغرب وما رحيل عمر الغامدي ومايواجه الهلال حاليا من اصابة عزيز و الغنام الا ترمومتر يقيس حجم الاضطراب الذي يعيشه النادي بينما من تم الاستعانه به كابديل للغامدي لم نرى له اي بصمه واضحه في الفريق كامشاركه او فاعليه واتمنى نجاحه واثبات العكس ولكن الى الان الامور تظهر غير ذلك ؟؟؟ |
خلآص ، آلرجآل ، آنتقدكم نقد فني ، آنتقدوه ، نقد فني .. |
| الوقت المعتمد في المنتدى بتوقيت جرينتش +3.
الوقت الان » 06:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd