السلام عليكم ورحمة الله وبركاته
وكل عام وانتم بخير جميعاً واسال الله ان يبلغنا رمضان ونحن جميعا في اتم الصحه والعافيه وان يعيننا على صيامه وقيامه وحسن العمل فيه وبعده ويغفر لنا ما سبقه ... اللهم امين

الرغبه في التحدث في شئ يخص الهلال لم تعد كما كانت لعدة اسباب واولها كثرة الحديث عن الفريق من خلال مختلف الجهات الاعلامية والجماهيرية اللي ولله الحمد ما تركت صغيره ولا كبيره الا اشبعتها طرحاً ولكن ما يجعلني ارغب في الكتابه وبشدة - ما ابالغ لو اقول انو ايضا وصلني لدرجة الرغبة في البكاء من شدة قهري - الزي الخاص بالفريق.
من الموسم للموسم الاقي نفسي اكتب عن نفس الموضوع ولا حياة لمن تنادي<<< على فكره كلنا بنبطي لين احد ياخذ اللي يكتب هنا بعين الاعتبار

ياناس عندي سؤال بحجم جماهيرية نادي الهلال ...
من المسئول عن اختيار/انتقاء/اقتراح/طلب زي النادي مع بداية كل موسم؟ من يوم ما تعاقدنا مع اديداس الى اليوم وانا ما اتذكر طقم جيد لعب فيه الفريق
كل الانديه اللي تفكر في الربح المادي من خلال تسويق زي الفريق لديها ادارة متخصصه بدراسة نوعية الاطقم التي قد تفيد النادي ماديا، بمعنى ان هذه الجهه تدرس خيارات الجماهير ورغباتها وتراعي طلباتها ونوعية التصاميم اللي تلفت انتباهها الا الانديه السعوديه جميعها<<< ادري في غيرها بس الكلام هنا عن انديتنا

ما رأيت الهلاليين في حياتي يستغلون اللون الازرق كما يجب
ما انسى فارس عوض في احدى المرات عندما قال اين الازرق الملكي ما يلبسه الهلال ازرقٌ جميل ولكنه باهت بجانب الازرق الملكي

سؤالي اين الهلال من طقم مانشستر يونايتد الثاني للموسم الماضي كطقم ثالث من خلال اللونين الكحلي والازرق الملكي او السماوي الداكن

اين الهلال من طقم تشيلسي وطقم ليفربول البعيده عن الفلسفه

يانس ما يقتل هو الموسم الماضي عندما لعب الهلال بالطقم المخصص للرديف من اديداس لكل اندية العالم كطقم اساسي وبالاساسي كرديف

طقم هذا الموسم اثبت بما لا يدع مجال للشك ان من ينتقون هذه الاطقم متخلفون بامتياز، وغصباً عن اللي يرضى واللي ما يرضى رح يستمر هالتخلف الين يصير حتى الجمهور ما يعجبه اللي اللعب بطقم من با ناصر.

ادارة دفعت مئات الملايين للاعبيها المحترفين، من سابع المستحيلات انها ما رح تدفع اي مبلغ تطلبه اديداس في سبيل تصميم طقم خاص بالفريق اسوه بكل نادي ينشد التميز واللمسات الخاصه في طقمه، وهذا رد على اللي يقول ان الاطقم درجه ثالثه من شركة اديداس لان اديداس قاعده تعطي على حسب الطلب وبما ان المتخلفون المسئولون عن اختيار الطقم يطلبون هالاطقم فما رح تخالفهم لان الهلال بالنسبه لها ما رح يكون اهم من ميلان والريال وتشيلسي وليفربول والبايرن وبنفيكا ووووووووووو والاهلي المصري.

اه ياقهري على من تعب عاهالتصاميم :





هذا تحديدا ما ادري ايش العيب فيه، وياليت اللي اقترح الطقم نظر لاطقم المنتخبات المتعاونه مع اديداس كيف كانت تختلف عن بعض ويراعى فيها رغبة كل منتخب وهذا دليل ان اديداس حاضره للي يبغى يتميز وما انسى ان ريال مدريد في فتره من الفترات فرض على اديداس رغبته وخلى طقمه ابيض من اوله لاخره وشال العلامه المميزه لاديداس وهي الثلاثة خطوط



يبدو ان العوده لشامل قد حانت
وعلى دروب الحب نلتقي، بعيداً عن هالبداوه اللي هلكتنا يا ناس ووصلوها تكفون للي يسمع

هلال ونايف

والله ما تفرق معي لو يلبسون ترنق

عودة مرة اخرى

اليس من الاجدى ان تكون القمصان ضيقة لكي لا يتعرض اللاعب لعملية الشد

والله قهر صرااحه ..
لبس الهلال هذي السنهـ بااايخ جداا ..
ولكن اللبس ليس مهم المهم البطولات ان شاء الله ..

صادق اخوي الطقم احباااااااااااااااااط

لكن الا شامل الله يخليك .. وانا متفائل اننا راج نتعود على الطقم
زي الموسم الماضي تعودنا على الطقم وكسرنا الدنيا


اسأل من الله ان يبلغك رمضان انت وجميع الاعضاء وانتم في افضل حال

والله طقم عادي جدآ

نتمنى ان يعاد النظر فيه

لكن يآغآلي تبي تنتقد آنتقد بشويش لا تقول متخلف او ششي زي كذآ,

مهما كان تراه تارك عياله ورايح يخدم الهلال

آآآآآآآخ بس ..
أوما الطقم الثاني تحلف إنها خلاقين مجمعة من البطحاء

إلى متى يا إدارة الهلال ؟!

والله انك بطل

احييك يشيخ على الفكر الاحترافي,

انا اكثر شي يقهرني الي يرد ويقول اهم شي الاداء ماعلينا من الطقم .. ياحبيبي كيف ماعليك من الطقم ؟ يعني فريقك يلبس طقم بايخ وتقول ماعلي ؟

والله ان الاطقم كل سنه تزداد سوء , واذكر واحد مسؤول قبل موسمين يقلك الطقم الجديد من احلى الاطقم واحلى ماشافت عيني ومدري ايش,, نزل الطقم والله سيء جداً ..

ليش البدائيه هذي وليش عدم الاحتراف ؟ ليش مايستغل الهلال الترويج لاطقمه ويجيب اطقم حلوه عشان الواحد يشتري

يجيبولك تصميم زفت , وخامه ازفت ... وشعار مطبوع وكانها بلوزه بـ 20 ريال تكلفه صناعتها

ويبيعها لك بـ 300 ... ويقلك اديدااااس

ليش احنا مرتبطين في اديداس وكانها هي الوحيده في السوق ؟ ليش التصاميم السيئه هذي ابو مشي حالك ؟؟؟

اخوي العزيز تدري وش اكثر شئ عجبني انك حطيت الثلاث تصاميم اللي اجمع عليها اغلبنا وانا اذكر اخترت اول تصميم لانه مميز وبعيد عن الخرابيط الثانية والشئ الثاني ابغى افهم وش يفرق تيشيرت الهلال الجديد عن حق الاهلي ولا شئ غير الازرق عند الاهلي صار اخضر
اؤيدك بشدة وايام ما كنت اسب شامل والعنها لاني كنت اعتقد ان اديداس احسن لكن مع مرور السنين تأكدت ان اديداس ومن يختار تصاميم تيشيرت الهلال لا يريدون اختيار زي مناسب للفريق لانهم سيصعبون على نفسهم اختيار الزي القادم وهذا اللي فهمته من تصرفاتهم والله اعلم
وبالمناسبه شوفوا بعد تي شيرت المنتخب السعودي كأنه حق فريق معفن درجه ثالثة ياليت نعود لشامل وانا متأسف يا سمو الامير نواف بن محمد لاني في يوم اسأت لك عن طريق شركة شامل اللي اثبتت علو كعبها على بعض الشركات العالمية
لكن من شاف منكم زي الفقر الثالث تحسهم مفصلين للحكام معاهم ههههههههههه

اخوي هلال ونايف انا حاسس فيك وشاعر بنفس الالم والحرقه الى تشعر فيها واتوقع كل الاعضاء الكرام نفس الاحساس ايضا
وهذا ان دل على شي فانما يدل على الحب والعشق الكبير لناديك نادي القرن الاسيوي يااخي ولكن دائما الحوار يكون بالهدوء وعدم الاستعجال واطلق الاحكام سريعا وبدون مانسمع من ادارة نادي الهلال او من خلال المركز الاعلامي بالنادي من هو المسئول وكيف يتم الاختيار ومتى وقت بدء العمل وماهي الية ومعايير اختيار الموديل ودرجة اللون ونوع القماش حتى نستطيع تحديد المشكله بدقه وتقديم الحلول والاقتراحات بما يتناسب ويرضى ذووق الامه الالهلاليه بكل الاطياف والاشكال والالوان وبذلك نكون قدوه للجماهير الاخرى في الافعال والاقوال .
اخوكم
المغترب