|
قصتي مع التكاسي بدبي وسرقت جوالي وكيف جابو راعي التكسي من بكرا؟؟ السلام عليكم ورحمة الله وبركاته قرأت موضوع الاخ BaRiO وقصة خطف الفتاهـ التي ارجو ان تكون عادت لأهلها وهي بصحه وسلامه المهم بعد ماقريت الموضوع وعشوائية التكاسي واللموزينات عندنا تذكر موقفين حصلو لي بدبي برحلتين مختلفتين الموقف الأول خرجت من مول ستي سنتر بدبي ومسكت سرا علشان اركب مع لموزين ماعندهم اوقف واشر :to: الزبدهـ يوم جاء دوري واركب التكسي ومشى شوي قال وين رايح قلت فندق كذا<< مب اسم الفندق كذا:d ماامداني اكمل اسم الفندق الا يوم طلعن عيونه:mad: طبعاً الفندق قريب من المول وماراح ياخذ الا خمس دراهم تقريباً هذا بأيام النظام الأول اما الحين لوتفتح الباب ويمشي مترين ماتنزل الا وانت دافع عشر دراهم المهم حمق علي وقال لي ساعه واقف واخرتها فندقك قريب وقعد يحضرم ويتمتم بكلام ماعرفته اكيد انه حش ولعان:s2: قلت المطلوب يالحبيب وش تبي بالضبط؟؟؟ تبي انزل قال بكيفك قلت اوكي بنزل بس باخذ رقم التكسي الموجود على بيبان السياره وخلفية السياره وبكلم الشركه واقولهم عن السالفه من طقطق لين السلام عليكم هو توقع اني مااعرف النظام عندهم واني اقدر اشتكيه المهم يوم قلتله بكلم الشركه قال انا ماقلت انزل قلت اذا ودك تنزل انزل والا اوصلك يعني بكيفك:s3s: وبالاخير وصلني وهو مايشوف الدرب:ap: لو عندنا تسان ضرب بريك الا وجهك لاصق بالديكور:d وينفخ وينزلك زي السلامو عليكم الموقف الثاني كان بسفره ثانيه وكنت رايح لأحد الاسواق وبعد مارجعت للفندق فقدت جوالي واخذ جوال خويي وادق عليه الا هو مقفل عرفت انه انسرق كلمت الشركه التابعه لنفس التكسي طبعاً عندهم خمس او اربع شركات وكل شركه لها لون خاص قالولي كم رقم التكسي اللي كنت راكب معه انا ماخذت رقم التكسي ولااعرفه كلمت مدير الامن بالفندق وقلتله السالفه وابيكم تطلعون رقم التكسي من خلال كميرات المراقبه الخاصه بالفندق من بكرا رجعو شريط المراقبه لين جابو رقم التكسي الزبده جابو سواق التكسي وقال ماشفت شي لاجوال ولاغيرهـ لوعندنا كان ماجابوه لك الا اذا معه متفجرات:d والا تحلم يجيبونه طيب زبدة الموضوع كله وشو لو كان عندنا شركات للتكاسي وكل تكسي له رقم خاص موضوع بكل مكان تسان ماشفنا مشاكل من اي تكسي لأن كل سواق عارف انه مراقب ولو سوى اي شي راح يجيبونه مع جلابيبه:d |
هههههههههههههههههههه من جد فررق .. لكن الله ييسر الحاال .. |
النظآم المعمول به في دبي .!! كل شركة ولهآ لون طبعآ وجهآز لاحظة عن المكيف .!! هذآ الجهآز وين مآيروح مرآقب .!! وين مآيجي .!! وسمعت أنه في خآصية تسجيل صوت .!! يعني هنآك نظآم بالتكآسي خصوصآ على أعلى نهج .!! أنآ أذكر أني كنت أخذ لمزين على طول الرحلة .!! يعني من السبت إلى الأربعآء دآيم معي وأدفع له قبل .!! مقدمآ .!! للشركة طبعآ .!! وين مآتدق يجيك وين مآأنت فيهه يوديك .!! طبعآ نمني النفس بأن تحدث هذه الخطوة الذي أضن بأنهآ نسج من الأحلام .!! خصوصآ ونحن نتصدر قآئمة الفسآد الأدآري .!! وأسأل الله أن يعيد الفتآة إلى ذويهآ .!! |
اللـــــه يعطيكـــم مثــــل مــــا عطـــانـــا و انشـــا اللــــه مـــع الايــــام تتسهـــــل الامـــــور .... |
يارجال ذي دبي وهذي الرياض هناك عيال الشيخ زايد وهنا كلها رايحه على امور ؟؟؟؟؟ |
وش المغزى من الموضوع وللمعلوميه ترى كل تكسي له رقم أما انك تبيهم يحطون كميرا فكل تكسي عشان لو نسيت شئ يذكرونك فها مب واجبهم أنت الغلطان ليش تنسى :yes: عموما اتمنى تتقبل رأيي يكل رحابة صدر:ga::smilie47: دمت بود *** بس الرد اللي فوقي وش يقصد مب مااالين عيييينك آل سعوود:mad: |
إقتباس:
شاكر لك مرورك ----------------------- |
إقتباس:
يجب ان يكون هناك مفاهيم جديدهـ لحصر المشاكل بعيداً عن الاجتهادات اسعدني مرورك |
إقتباس:
لدينا مايكفي لتنظيم دول ولكن نحتاج للتطبيق العملي فقط شرفني مرورك |
إقتباس:
ولكن بقية المسؤلين والوزراء هم العله بكل مايحدث مشكور ع المرور |
إقتباس:
حبيبي من قالك اني ابي كميره بكل تكسي اقرأ الموضوع بتروي لتعرف القصد قبل تُقولني مالم اقلهـ مرورك اسعدني |
الله يعيــن على ذولي ....ياليييت لوعندنـا نظام |
| الوقت المعتمد في المنتدى بتوقيت جرينتش +3.
الوقت الان » 01:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd