|
تركدوا يـ ( المخفه ) سلام ... كيفكمـ يا زعماء نادي القرن ... بالله عليكمـ شوفوا هـ الصورتين وعلموني ذولي وش يبون بالضبط ؟ 1 http://www2.0zz0.com/2010/08/01/05/619687250.jpg 2 http://www14.0zz0.com/2010/08/01/05/120258997.jpg اقسم بالله عيب ياخي استحوا ع وجييهكمـ اللي قاعدين تسوونه ضرر ع الهلالـ انتمـ ما تفهمون وش قاعدين تسوون بالهلالـ !! انتم ما تدرون انكمـ سبب لـ نقلـ كذا مباراهـ للهلالـ !! انتم ما تدرون انكمـ حرمتم الهلالـ من جمهورهـ بمباراهـ مهمه !! تراكمـ محسوبين ع الكيان الهلالي وزلاتكمـ وتهوركم ودلاختكمـ محسوبه على الكيان الهلالي استحوا ع وجيهكمـ شوي اذا فعلا تعشقون الهلال يعني بضنكمـ امن الملاعب ما يقدرون يوقفونكمـ يقدرون ويقدرون لكن لجنة العقوبات ما تبي يصير تبي تعاقب الهلال وتبي ع طريقكمـ يـ المخفه تبي تضر الهلالـ وما بتلقى عليه طريق الا من عندكمـ ... ارحموا الهلال اذا تعشقونهـ نبي جمهور بنداكور الاوزبكي يوم ارعب الفريق وزلزل الارض تحت اقدامهمـ من المدرجات ايه محلنا المدرجات وليس ارضية الملعب ... يعني ابي افهمـ وش بـ تستفيدون من خفة عقولكمـ والنزولـ للملعبـ عطوني سبب واحد اقتنع فيه ويفيد الهلالـ قسم لاطمر الملعب قبل لا تبدا المباراه بس علموني وش الفايده ؟ ... ... من معسكر النمسا والزبدهـ بـ ابها معسكر النمسا اعتبره تحضيري لياقي بالدرجه الاولى ومعسكر ابها اعتبره فني خالص ومنها تتضح رؤية هلالنا واستعداهـ لاسيا والدوري الى الآن هجومنا ومن اللي شفناه العام الماضي من مستوى عالي اعتبره اقل الخطوط فعاليه ونبي الهجوم المرعب والاهداف اشكال والوان نبي فاعليه هجوميه نبي نتطمن ع الهلال الهجومي وان شاء الله من مباراة اليوم ضد سانتوس نشوفـ ما افتقدناه من نهاية الموسم الماضي حتى الآن ... ... سؤال لـ قووول اون لاين اين الفضيحه بنظركمـ هل ما عمله الفريدي او اللي يسمعون بـ الحداد دقيقه من قبل لاعبي النصر ؟؟ :s2: ... فمان الله http://www10.0zz0.com/2010/07/19/19/879367486.gif |
اشكرك اخوي على موضوعك بصراحه هؤلاء لاينتمون لجماهير الزعيم.. فجماهير الزعيم ارقى من ذلك .. وهؤلاء فئة بسيطة وقريباا سوف تنتهي هذه الظاهرة بالعقوبات القاسية لكن مادفعهم لفعل ذلك..هو حب الشهره ..والظهور في الشاشات فلو منعوا الكاميرات من التقاط الدخول الى ارضية الملعب :ranting: لما فعلوا ذلك .. اما عن صحيفة قوول اون لاين فهي لم تجد الطريق للوصول الى الجماهير عن طريق الاخبار الحصرية والمقالات المميزة ... فجعلت من الزعيم خبر لها ... لكن فل تعلم ياملفي انا سور الزعيم ليس بذاك القصير الذي تتوقعه ..وتريد ان تصعد من خلاله الى القمة ...فقد فعلوها قبلك .ولم يستطيعوا ... تقبل تحياتي اخوي....وشكرا:rose: |
بسم الله الرحمن الرحيم يعطيك العافية كلام جميل واتمنى من الكل استيعاب كل الافكار التي طرحتها والاجابة على كل الاسئلة المطروحه ، اعتقد الهلالي المحب والمشجع الصادق لن يفعل اي شي يضر به نادية ابدا . اما العكس فهو بالعكس ولنا وله الله . دمت بود |
أخوي الحمد لله أنها وديه ولا هي بالدوري ولا كان شفت كيف الحرمان والنقل ,, لكن العتب ع رجال الأمن ياخي ما تقدرون تسوون خطه لمنع ورعان من النزول لأرض الملعب والله شيء غريب ويدعوا للعجب .. !! .. والجمهور يعني وش بتستفيد إذا نزلت للملعب وش بتستفيد يعني غير المرمطه ويجي أحد يكفلك من قسم الشرطه ؟ كيف تبونا نسوي ملاعب مثل أوروبا وحنا وهي أسوار نزلوا للملعب 4 و5 أجل لو سوينا مثل أوروبا بنلقى المدرج مسنتر بالملعب .. ياخي خلاص فكونا من حركات المبزره والمهايط |
مشكور اخوي على طرح هذا الموضوع بس ما اظن ان هؤلاء الجماهير المغفله يتقرا الموضوع لان ماعندها ثقافه هذولي جماهير هلال بالاسم فقط وش تبون الهلال يسوي تيونه يجيب رجال امن في كل مدرج هلالي هذا من ضعف الامن في الملعب شئ طبيعي ان يكون كم شخص من 30 الف مراهقين وعقولهم ناقصه ولايمت صله بالجماهير الواعيه بالتوفيق للزعيمــ,, |
مشكور اخوي ع الطرح وكما لاحظنا الي نزلو كلهم بزران وصغار عقول لايمثلون جمهور الزعيم العاقل .. وبإذن الله سنرى قوة الهجوم الهلالي قريبا ... علينا بالصبر والانتظار .. |
الف الف شكر على الموضوع الحلو صرإأآحة هذه الظارهة لا تدل على واحد بالمئة من جماهيرية الزعيم والأكثر من ذلك ما زاد من كثرة هذه الظاهرة الصحف والقنوات الناقلة ولا كن اتمنى من الأعمإأآإأآق ان تزول هذه الظاهرة بأسرع وقت ممكن ... ولكم خإأآلص التحايا .. http://vb.alhilal.com/images/coc/images/fasel.jpg http://www.almlf.com/get-7-2010-almlf_com_yz8z6cu8.jpg |
أخوي الحمد لله أنها وديه ولا هي بالدوري ولا كان شفت كيف الحرمان والنقل ,, لكن العتب ع رجال الأمن ياخي ما تقدرون تسوون خطه لمنع ورعان من النزول لأرض الملعب والله شيء غريب ويدعوا للعجب .. !! .. والجمهور يعني وش بتستفيد إذا نزلت للملعب وش بتستفيد يعني غير المرمطه ويجي أحد يكفلك من قسم الشرطه ؟ كيف تبونا نسوي ملاعب مثل أوروبا وحنا وهي أسوار نزلوا للملعب 4 و5 أجل لو سوينا مثل أوروبا بنلقى المدرج مسنتر بالملعب .. ياخي خلاص فكونا من حركات المبزره والمهايط |
إقتباس:
الله المعين بس !!! |
هذولا الجماهير الدخيله علينا لا تمثلنا بشئ |
اولا شكرا وسلمت بعديين المفروض هالاشكال اذا نزلت الملعب مايقابله بقية الجمهور بالتصفيق والضحك لا تحمسونهم المفروض تسمعونهم صيحات الاستهجان والمفروض رجال الامن يرتبون خطه للامساك بالمتخلفيين والمريضيين اجل عسكري وماتعرف تمسك شخص فشله والمفروض يصدرون عقوبات صارمه على هالاشكال ماهو يسجن كم ساعه ثم يطلع بالواسطه وخبة خشوم والمفروض الجمهور اول مايحس انه احد بينزل يصعب عليه المسالة ويحجزه ويعرقله الين يجي العسكر ويادبه |
انا ما اقول غير عشق وجنون الزعيم تجنن الصاحي وتهيل المجنون الله يوفق الهلال بكل مكان وزمان |
اللي بالصور مغااااااربه لابارك الله فيهم |
تصرف الجمهور مو لائق ، وبصراحه ذولي مايمثلون جمهور الهلال استغرب من مثل هالتصرفات هذي معسكر الهلال الخارجي مثل ماذكرت كان لياقي بحت .. اول مباراه مع الوداد في بطولة النخبه كانت جيده الى حد ما ،، نشوف اليوم مع سانتوس وان شاء الله نبدع فيها |
http://www14.0zz0.com/2010/08/01/05/120258997.jpg ^ احسه مغربي اللي لابس ابيض ماهوب العسكري<< لا ياشيخ :d اشوا انها ماهي بالدوري مثل ماقال احد الاخوان والله ناس همج ودك تمحطه بالعقال بوسط الشمس ثم تفرك مكان الضرب بملح |
| الوقت المعتمد في المنتدى بتوقيت جرينتش +3.
الوقت الان » 02:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd