|
هلالي بيلعب في ريــــال مـــدريـــــد أدعوا له ... مشاهدات من استقطاب ناشئه في احد الانديه هذا اليوم عندي ولد عمره 16 سنه قولوا الله يخليه لي يااااااارب وياكم وكل محبوب على قلبونا ياكريم المهم يحب الكورة مووووت هلالي بدرجة اجن مني يموت بشي اسمه الهلال فنان وقناص وضارب رأس بدرجه ممتاز يقول يا ابوي امنيتي اللعب في الهلال وان شاء الله بلعب في ريال مدريد :naughty: المهم اخذت الولد قبل عشرين يوم لنادي الشباب بحكم قربه من البيت وديت الولد شافه المسئول وما كان فيه تقديم قال او الولد طويل وجسمه حلو مشاء الله تبارك الله بس بعد اسبوعين جيبه بيكون فيه مستجدين .. خلص الاسبوعين ودينا الولد اليوم اختاروا الولد ومعه مجموعه كنت اتفرج على اللعب لقيت اثنين فنانييييين واحد اقول عنه فلته ومشروع جناح والثاني وسط رووووووووعه يعيب الوسط جسمه صغير لكنه فنااااااااااااااان الجناح اختاروه والوسط قالوا له سوري دور لك نادي ثان رحت للي ما اختاروه وهو حزين قلت له رح للهلال وصدقني احسن لك وجاء الولد الجناح الفنان قلت له رح للهلال احسن لك قال ماحب الهلال قلت بسحبك بشعرك وبوديك للهلال والهلال قاعد يحترك انت وجهك المهم قعد يضحك الولد من مشاهداتي للموقف نادي الشباب موقعه مهم جدا للاشبال والناشئين ياريت يكون مدرسه للهلال في شمال الرياض استقطاب الناشئين مهم ومهم جدا والبحث عنهم الصبر على الاعب وعدم التسرع با الحكم عليه من اول او ثاني اوحتى خامس مرة كتقييم ما رآي الاداره بسحب اللاعب الفلته والذي اختاره الشباب ضمن 6 من 50 شخص وهو بحق فنااااااااااان وانا استطيع ان اقنعه عن طريق ابني حتى وان كانت ميوله نصراويه على حد زعمه |
دائما مااقول من اهم اسباب تراجع المراحل السنية في الهلال مؤخرا هو موقعة البعيد جدا عن المناطق المختلفة خاصة الشمال والشرق ... والتي يتواجد بها العديد من المواهب فنلاحظ مؤخرا كيف الشباب استطاع ان يستقطب العديد منهم بحكم موقعة الجيد نسبيا تحياتي لك والله يخلي لك ولدك |
إقتباس:
كلاامك والله صحييح واتمنى ان الهلال ينقل النادي في الشمال بالتوفيق للهلال |
مشكوور اخوي على الطرح وهالملاحظه لاحظنها في الاونه الاخيره على الهلال امنيتي تكوين اكاديميات تدريبيه بأكثرمن منطقة او على الاقل كشافين بكل المناطق الهلال ينتظر بروز احد الاعبين بالدوريات السنيه وثم جلبه وهذا ماسيكلف الهلال وخزينته .. شاكر لك وتقبل مروري .. |
المسئولين في القطاعات السنية ماهم لمك وولدك ولا الولد الجناح ولا جابو خبر أقداعها موهبة , همهم طال عمرك تسجيل ولد شعيط ومعيط لأنهم محسوبين على لاعبين قداما وأعضاء شرف مقربين للمشرفين على القطاعات السنية وبندر محمد للأسف قاعد في (جده غير) وللأسف أكثر يثق في أشخاص لم يصونوا الأمانة كما يجب. المحصلة الفأت السنية في مهب الريح والريادة من الأن وصاعد للأهلي والنصر والشباب والاتحاد وحنى باخ نسجل لعيبة ويصرف عليهم وبالأخير تنسيق واعارات وشرهات المهم ما يزعل شعيط ومعيط والا الهلال ومستقبله طز فيه. الصراحة مرة بس هذي هي الحقيقة واتحدى أي واحد يقول غير كذا |
شوف الاهلى كيف عامل اكاديمية ويخرج منها فنانين ما شاء الله,, والله الهلال يحتاج مدرسة,,تليق فيه,, وان شاء الله سمو الامير بندر ما راح يقصر,, |
إقتباس:
موب شرط ان الهلال ينتقل على الأقل افتتاح مدارس كرويه تابعه للنادي في مناطق عنده في الرياض وبكذا راح يستفيد النادي |
مافيه اهتمام بلقطاعات السنيه عطني الحين لاعبين طلعو من ناشئين الهلال لايوجد الا محمد الشلهو فقط على ما اظن وان كان فيه ثلاث او اربعه وما اظن يوصلون اربع لاعبين الي طلعو من الهلال نصهم جايبنهم من الانديه الاخرى ولكن الشباب والنصر والاتحاد تشوف مواهب الا الهلال والاهلي عطني اكاديمه مثل الاهلي لا يوجد |
يارجال القطاعات السنية بالهلال خلها على ربك بس النادي الوحيد إلي ماعنده ملاعب تدريب للناشئين والشباب والله حرام نادي مثل الهلال ماعنده ملاعب والسنة هاذي معظم شباب الأندية معسكرين خارجياً إلي بالبرتغال وإلي بمصر وإلي وإلي .... وحنا شبابنا ماندري عنهم لانسمع عنهم أخبار ولاش أنا أقولها ومتحمل مسؤليتها مستقبل الهلال في خطر آه بس, ماعليش أخوي طلعت عند الموضوع أول شي الله يخلي لك ولدك يارب إن شاء الله نشوفه نجم من نجــوم الزعــيم .لآهنت |
أخوي عمره 16 والله عليه سرعه ما شاء الله ويجيد الضربات اخذ هداف الدوري في المدرسه وأفضل لاعب في المدرسه خمس مرات في صف رابع ابتدائي وصف خامس ابتدائي وفي صف سادس ابتدائي وفي صف ثاني متوسط وفي صف ثالث متوسط وسبق للاعب صالح الداوؤد ان طلب من اخوي انه يعطي رقم جوال ابوي لصالح الداوؤد لاكن اخوي غاب عن المدرسه اليوم الثاني وخلاص الداؤود ما جاء مره ثانيه للمدرسه |
الله يخليك ولدك ويحفظه من كل شر يارب مدرسه الهلال في التسعينات خرجت لاعبين ع مستوي عالي وبعدها ما ادري وش صار فيها نتمني انه يكون هناك اهتمام وفتح اكاديميات في كل المناطق ولا اعتقد ان رجال الهلال غير قادرين ع ذالك بدل من جلب لاعبين بملايين الريالات كافيه ان تخرج جيل فنان ومواهب ممكن الاستفادة منهم مالياً |
ياخي انا عندي ولد اشيد به من قبل كل مدرسيه وماخذ من احسن اللعيبه في مدارس الهئية الملكية بالجبيل لكن كيف نوصله للهلال الذي يعشقه لحد الجنون حتى ان احد سماسرة نادي الاتفاق اتصل بي من شانه فرفض الولد كله لعل انه يصل للهلال . |
والله أن لم يلتف رجال الهلال لمتابعة مدرسة الهلال أقول لكم بعد خمس سنوات على الهلال السلام ليه مايضع له مدرسة بالشرق والشمال ويستقطب المواهب |
يا اخوان لما نضع ثقتنا في بني آدم لازم نكون وراه في كل خطواته ... وعيب علينا نتلفظ بلفظ مثل الزعيم "مخلص للهلال" مع احترامي له " الهلال ومستقبله طز فيه" لا نريد مثل هذه الألفاظ تقولون المواسم القادمة للفرق الأخرى انظروا من يوم نشأة الهلال وحتى اليوم هل تعرض لالنتكاسة واحدة كباقي الفرق ... لا هو الأقوى والأكمل ... لذا لابد من اعطاء ذوي الرار الأريحية التامة للفرق السنية.. وإذا كنتم معترضين كثير روحو شوفوا الفرق اللي تقولو عليها وش تسوي .. تستنى لاعبي الهلال وبتاخذهم يعني ياخذوا الخارجين من الهلال ما يطبعوا لعيبة .. حتى تقول الشباب .. الشباب حتى الأجانب بالهلال لهم وضعهم كما رأينا الملايين تبدد على كماتشو والتائب والآن تفاريس لماذا ؟؟؟ لأنهم لعبوا بالهلال ورغم أن الهلال إستغنى عنهم إلا أن الشباب جرى ورائهم واستدرجهم بملايين الريالات ... الزعيم هو الزعيم مهما جرى ومين ما كانو اللعيبة حتى لو كانوا اولاد جيراننا """ ههههه |
مشكووووووووووووووووووووووووووووووور والله يخلي لك ولدكـ |
| الوقت المعتمد في المنتدى بتوقيت جرينتش +3.
الوقت الان » 03:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd