|
الله ياخذ وجهك يالليموزين السعودي .. يآني ماذقت طعم النوم من بعدك السلآم عليـكم ورحمـة الله وبركآتـه :smilie47: + :rose: صحيح من زمآن عن ايقونة موضوع جديد . لكن هالمره الايقونه تضيق الصدر:cry: ما أجيد المقدمات اسمحولي ادخل في السآلفه علطول قبل امس اتصلت على احد الشباب ابي ابشره بقبولي بجامعة الملك سعود قلتله : هلا فيصل وينك ؟ قالي : هلا ابوتركي انا بالبديعه شوي وادق عليك قلتله : ليش وش فيك ؟ قالي : تكفى خلاص ابسكر يابن الحلال قلتله : علمني وش فيك ؟ قالي : خويي بنت عمه خطفها ليموزين سعودي قلتله : وشلون ؟ قالي : اخذهم من السوق هي وامها ووصلهم الى باب البيت , الام فتحت الباب وبيدها الاغراض ونزلت والبنت بالسياره تجمع الاكياس قلتله : وبعدين ؟ قالي : وحطه بواحد ومشى والى الحين مايدرون وينها قلتله : كم عمرها ؟ قالي : 19 قلتله : عندها اخوان قال : ايه ثلاثه وشبآب بعد قلتله : حسبي الله ونعم الوكيل بعدها رحت البديعه ومعي 8 لكن مافي فايده , مافي لفه مادخلنا معها , مافي حاره مارحناها جنوب , شمال , شرق , غرب :cry::smilie47: والى يومكم البنت مايدرون وينها موآصفآت السيآره ( النترا ابيض , تضليل z1 , اول ارقام الليموزين للرقم التسلسلي 700 ) اللي يشوف مواصفات هالسيآره يبلغني ضروري بس ودي اوجه سؤال واحد للبنات الحين عندكم نيه تركبون ليموزينات بعد كل اللي نشوفه بشكل يومي ؟ الله يحفظنا من كل شر :smilie47: والله يجعل كل مسلم بخير :smilie47: |
لا حول ولا قوة إلا بالله !! الله يرجعها لأهلها سالمة غانمة , وتم أخذ مواصفات السيارة وياليت لو تزودنا بمواصفات الرجل اكيد شافته امها وتعرف شكله . |
مصيبه اللهم أجرنا .. اللهم استر عوراتنا ..اللهم احفظنا عن ايماننا وعن شمائلنا ومن امامنا ومن خلفنا ومن فوقنا ونعوذ بقدرتك ان نغتال من تحتنا .. عورت قلوبنا يا شيخ .. الله يكون بعونها الضعيفه ويحفظها ويسترها .. اللهم ردها إلى أهلها سالمة غانمة لا ينقصها شيء .. ورد كيد ذلك الظالم في نحره .. وافضحه بين خلقك .. وأذقه نارك في ذلك اليوم الشديد .. الذنب ذنب أخوانها اللي تاركينها تروح السوق في ليموزين وهم مثل البغال ( ثالثه وشباب بعد ) !! وش يفيد الندم والحسره الحين ؟! لو واحد بس فضى نفسه لهم نص ساعه أو ساعه بالكثير ؟! الله يحفظ بناتنا ويسترهم .. وإن شاء الله رجال الأمن الشرفاء يلقون القبض عليه ويورونه المرجله صح .. فمان الله :rose: |
الله يستر عليها ويردها سالمه غانمه يارب ,, لكن الشباب الله يهديهم لو بهم خير ما خلوا هلهم مع الليموزين لحالهم ,, حسسسسسبي الله ونعم الوكيل |
ورى ما بلغوا؟؟؟؟؟؟؟؟؟؟؟؟؟؟؟؟؟؟؟؟؟ مشكله تمسك الليموزينات شركات وتكون شفتات لتكون اكثر امانا وحسبنا الله ونعم الوكيل والله يعقهلها على اهلها |
حســبــي الله ونعم الوكيل الله يلعنـه! أكره شي اسمه ليموزين؟ وياكثر قصصهم مع أطفال وبنات الله لايوفقهم! والله يستر عليها ويردها سالمه غانمه يارب |
ان شاء الله تحصلونها يااارب :cry: ’’ انا ماافكر اركب مع لموزين سوا كان سعودي ولا هندي ,, :cry::s5s: الله يخلي سواقنا بس ولا يفكر يشرد :cry::s5s: |
حسبي الله ونعم الوكيل حسبي الله ان شاء الله ترجع سالمة غانمة ومايلمس فيها شعره وحده وان شاء الله نقدر نساعدك ونشوف السيارة ونلعن والديه |
حسبي الله ونعم الوكيل الله يردها للأهل سآالمه ياااارب مستحيييييل اركب لو على جثتي الله يحفظنا يارب |
لاحول ولاقوه الا بالله ياويل قلبي على اهلها وعليها ان شاء الله تكون بخير ومايسون فيها شي :cry: قصص تضيق الصدر ليه بديرتنا ونخاف ومن مين من عيالنا.........؟ :cry: والله الواحد صار يخاف من ظله من كثر هالقصص الله يكفينا شرهم حسبي الله عليه وان شاء الله ربي يحرق قلبه مثل ماحرق قلوب اهلها والله يهديه بعد ويرجعها :cry: اللهم ياجامع الناس في يوم لاريب فيه اجمع بين المفقوده واهلها اللهم افرح بعودتها قلوب والديها :smilie47: \ :smilie47: / بشـــرنا تكفى ياباريو يارب ماتغرب شمس هذا اليوم الا وهم لاقينها الهنووف كانت هنا ورحلت |
ياربي ضيقت صدري وربي :cry: ليش كذا يصير بالدنيا مفروض يجمعون ليموزينات الرياض كلهم وتشوفهم الام يمكن تعرف وتتذكر وجهه حسبي الله عليه ان شاء الله البنت الله حماها من هذا الشرير انا اركب ليموزين اذا سافرنا:yes: اما في ديرتنا لا |
حسبي الله ونعم الوكيل ! :cry: لا أعلم إلى متى سَـ يظلّ الخوف من بعض أبناء وطنّآ ( العآملين ) ! :cry: * أحياناً المرأة تكون بِ حآجة إنهآ تركب ليموزينآت يآآآآربّ إنّك تطمن أهلهآ و تقرّ أعينهم بِ رجوعهآ :ba1: . . :rose: |
لا حول ولا قوه الا بالله الله يردها لاهلها سالمه ان شاءالله وغانمه وباذن الله الحكومه تطلعها لو من بطن امه والله ياخذ مثل هالعينات من البشر إقتباس:
وباذن الله نشوف موضوع قريب عن رجوع الفتاه لاهلها ان شاءلله |
اسأل الله ان يعيد الفتاه الى اهلها وهي في افضل حال هذا مايحدث عندما يوكل الامر الى غير اهله تقبل مروري عبدالرحمن |
لاحول ولا قوة الا بالله الله لايوفقه الله يرجعها لأهلها سالمة غانمة امييين يارب العالمين |
| الوقت المعتمد في المنتدى بتوقيت جرينتش +3.
الوقت الان » 07:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd