رأيك بأول مباره لبطولة النخبه للهلال ....+ لوخرجنا من كأس اسيا وهذا المتوقع فالسبب ادارة الهلال ..... اسباب بالداخل مقنعه جداً ...
 

بسم الله الرحمن الرحيم

السلام عليكم ورحمة الله وبركاته


اسعد الله اوقاتكم زعماء زعيمات بكل خير ...

.


.


.







المتوقع من وجهة نظري خروجنا على يد الغرافه لأسباب كثيره جداً للعلم اول مره اكون متشائم لهادرجه لكن راح اقولكم الاسباب
اهم تلك الاسباب ادارة عبدالرحمن بن مساعد تعاقدت مع ظهير ايسر الكعبي ليكون احتياط لزوري وهذا اكثر من رائع راح يكون نامي احتياط للي يونق وخيرات راح يكون احتياط لـ هوساوي المرشدي مين راح يكون احتياط له لاسمح الله اصيب اوسامه هوساوي بالبطوله الوديه او مباريات الدوري مثلاً لاسمح الله مدة الاصابه شهر او ثلاثة اسابيع مايقدر يلحق على الغرافه لعب مكانه خيرات اول عشر دقايق اصابه لاسمح الله ماجد المرشدي وش راح يسوي المدرب ؟
بيرجع رادوي دفاع ولا بيدخل نامي قلب دفاع ولا الكعبي ظهير ايسر ويروح الزوري مكان المرشدي قلب دفاع وكل واحد موقعه يختلف عن الثاني وبيتأثر الفريق وراح تكون شوارع لو عاد رادوي لقلب الدفاع ماراح يمسك المحور الا عزيز بيكون ضغط عليه من قبل لاعبين الغرافه مابيقدر يتحمل ؟<<< وجهة نظر

كان لابد من التوقيع مع قلب دفاع وكنت اتمنى يكون ماجد العمري صح توه يرجع من اصابه لكن لاعب صغير بالسن قامة اكثر من ممتازه صغير بالسن لاعب اتوقع له مستقبل كبير بس ذبحته الاصابات

السبب الثاني لخروجنا لاسمح الله من اسيا ان نقاط قوة الغرافه هي نقاط ضعف الهلال انا راح اقولك عيوب حسن العتيبي كثيره اهمها الحارس يتقدم من مرماة كثير الغرافه الفاولات عند جونينيو خطيره جداً جداً جداً والعتيبي اغلب الفاولات تكون صعبه فما بالك بجونينيو

العرضيات خطيره على الهلال من على الاطراف ولاحظنا اغلب الاهداف على الهلال بالموسم الماضي والمباريات الوديه كلها تقريباً عرضيات



بالاضافه الى ان قوة نادي الغرافه من الاطراف من جهة لي يونق يعني ماعلينا خوف ان شاء الله والغرافه راح يفل خطوطه الخلفيه اتمنى التسديد من جميع الاعبين رادوي نيفيز الشلهوب ياسر العابد الدوسري الفريدي اتمنى التسديد لان حراس قطر معروف عنهم مايقدرون على التشويت واغلب حراسهم مستواهم يكون زفت

برجع لبطولة النخبه الي اتمناه ياسر مايشارك ابد ولو الاطباء عطوه الضوء الاخضر بالمشاركه ولكن صحته اهم ينتظر شوي ويبدا برمضان مع الدوري




تحياتي : عبدالله الشهري :rose::rose:



{ زعــــــــــيــــــــم دائـــــــــمــــــاً }:wub:

لا تعــــــــــــــــــليق
الله يوفق الهلال بكل مكان وزمان

مشكور وموفق الزعيم
واليوم لابد يلعب بالفريق الاساسي للوقوف على التشكيلة المناسبة لمباراة الغرافة

بطولت آلنخبـه ـه ، سوف تجعل آلهلآل ع آلمحــــــــك ، وتبرهن للجمهور + آلغرافه ،، وحطو تحت آلغرافه 1000000000 خط

آن آلهلآل جأهز ، وعآئد بقوه بقوه بقوه => 3

لك ، ودي ع آلطرح آلمميز ،،

عووافي ، لبى عوينآتك

ناقد ومحلل انا معك بكل شي

تبغون تشوفون مستوى الهلال

تابعو مبارة الهلال وسانتوس بعد المبارة اتحدى اي واحد راح يقول باي باي اسياء

وربي كرهت هالمواضيع

لا تعــــــــــــــــــليق
الله يوفق الهلال بكل مكان وزمان

ياناس ليه التشاؤم وليه الضغط على الاعبين الفريق اعداده ممتار والمدرب عارف كيف يشتغل
والزعيم بايدي امينه بوجود شبيه الريح ونواف وسامي ولله الحمد وعملهم احترافي ودقيـــــق
ويجب الوقوف معهم ومع الاعبين واما الدفاع فيوجد رادوي وخيرات والغنام وبالنسبه للعمري لاتعليق

ألى متى التشاؤوم ؟؟.


بـ اذن الوآحد الأحـد .. الهلال بـطل للمستعصيه ..


دعوآتكم بس

..

اخوي كلامك مو منطقي ولاداره والمدرب اخبر منك

والعمل الي يعملونه احترافي ونتمنى لهم التوفيق

على ماسمعت اخوي

في بطوله النخبه اميرعسير طالب من الهلال اما اللعب بالاساسي والا بلاش تشارك يالهلال

وخبرك الهلال ورجاله ناس تقدر وعشان امير عسير وحسن القحطاني صديق مقرب لبندر بن محمد

وافق الهلال باللعب بالاساسي تقديرا لهؤلا الرجال ومساهمه بانجاح البطوله ..

شكرا لك

يعني عاجبينك ابراهيم الغانم وجورج قوسي

مثلما عندنا نقاط ضعف هم بعد عندهم ..

حارسهم سيئ جداً وصدقني جونينو راح يخسر الرهان ضد رادوي والسبب بسيط وهو كبر سن جونينو ,, بغض النظر عن فاولاته .. صدقوني اذا ظغطنا على ميرغن الزين في الوسط واذا وقع كلمرسون في كلبشة اسامه البطاقه في جيبنا باذن الله

لو يصير اللي يصير ما يهمك

خلونا ننساند الزعيم اهم شي

وانا متفائل باسيا احس اننا بناخذها

ولو ما طلعنا بالمستوى المطلوب

راح تشوفون مستوى الهلال الحقيقي بالدوري

المباريات الوديه ما يكون فيها حماس

مشكور وموفق الزعيم
واليوم لابد يلعب بالفريق الاساسي للوقوف على التشكيلة المناسبة لمباراة الغرافة

بعييدآ عن التشآؤم

بإذن الله زعيمنآ قاادم وقاآادم بقوووه

لآكتساااح البطولآااات

..... :ga:

وتسسلم ع الموضوع ....