●][ رابطة عشاق فالنسيا 2010 ~ 2011 ][ Amunt Valencia ][ ● - صفحة رقم 170 - نادي الهلال السعودي - شبكة الزعيم

N.ROOY · #2536 27/02/2011, 01:38 PM

كبتن علي , كلامك هذا ممكن يصير فيه وجهة نظر لو اللاعب ما اُبعد بس الحين خلاص
النادي بيتخلص منه ببيع ولا غيره والاظهره على ئفا من يشيل .. لا مغامرة ولا غيرها راس
مالها ميغيل تكرمون ينشات ويجي غيره وحتى لو ماجاء أحد لو مايجي من الدعوة الا فرقا
خشته

فيصل فيسيوس ما ينفع ظهير بطيء و ثقيل ممكن يفيدنا دفاعيا ً بس يصير صفر هجوميا ً
يا أحسن واحد فالعالم

مختصر الكلام الظهير الآن أولوية للادارة بـ ميغيل و بـ غيره

قواكم الله

ع ـشقهــا هـلالـي · #2537 27/02/2011, 04:50 PM

’,

السلام عليكم ي شباب ازيكـكم

عاملين ايه ان شاء الله تمآم التمآم .. امم ابشركم شريت لاب

ب النسبه لـ فالنسيآ ياني مغبونه منه ب الحيل اجل نتعادل مع
شالكه ونتعادل بعد ب الدوري من فريق اقل منآ شي يغبن
كنتب بقاطعه بعد هـ الماتش بس تذكرت انا لنآ فرصه في المانيا
واستهديت ب الله ..
اليوم المطلوب من ايمري شي واحد فقط ( الفوز ) ولاغير الله
ياخذ بليسهم لو فايزين الماتش الي راح تسان يمدينا نتقرب من
ريال مدريد الي طايح ب التعادل

ع العموم اليوم شعارنا الفوز ولاغيره ياليت الاعبين يكونون بقمة
تركيز والمدرب بتكتيك زين مو عوج النقاط الثلاث هذي مهمه
مانبي تفريط

شكرا لكم شباب ع هـ الطقاق الي مسوينه

جايتكم الله لايعوقني
بشر واكمل الاكشن

لي باك قبل الماتش سلام

,’

ץάмύйτ έмέя · #2538 27/02/2011, 05:38 PM

إقتباس


	- ابراهيم فيه خبر مب زين خويك ادويرز تعافى بسرعه وشكله بيرجع سريع سريع يافرحة ماتمت.

قلتها سابقا العاهات لا يمكن تجيهم اصابات خطيره
الله يعيـــن

إقتباس


	- اليوم بيعلق على مباراتنا عصام الشوالي الله يعين عليه والله اني متشائم منه كل ماعلق على مبارياتنا ننهزم الله يستر بس

انا كرهته بعد مباراة برشلونه الذهاب
في الشوط الاول السيطره لـ فالنسيا والاخ قاعد يمجد في ميسي و برشلونه
والمشكله في الشوط الثاني يقول اعطيت فالنسيا حقه لما قدم مستوى ممتاز !!!!

ولكن هـذا مايمنع ان الشـوالي كان معلق اخر بطـوله حققها الفريق

ץάмύйτ έмέя · #2539 27/02/2011, 05:40 PM

جلسـة توقيع في بلباو بـ رعاية هيربليفي

vcf

ץάмύйτ έмέя · #2540 27/02/2011, 05:47 PM

التشكيلة المتــوقعه

faisal... · #2541 27/02/2011, 05:57 PM

إقتباس


	فيصل فيسيوس ما ينفع ظهير بطيء و ثقيل ممكن يفيدنا دفاعيا ً بس يصير صفر هجوميا ً يا أحسن واحد فالعالم

محمد حنا مانبي منه يهاجم خله ماسك الخانه فيه خواكين يرفع ويطلع ويدخل معه واحد من المحاور بانيقا اوغيره اهم شي نتطمن دفاعيا.

إقتباس


	السلام عليكم ي شباب ازيكـكم عاملين ايه ان شاء الله تمآم التمآم .. امم ابشركم شريت لاب

مبروك ياميس وتقطعينه بالعافيه

عاد نبي منك تعوضين الايام الماضيه وتسددين ديونك يعني كل مادخلت لازم القاك مب القى ابراهيم لحاله

عاد الحين مالك عذر ياسعادة المديرة.

إقتباس


	قلتها سابقا العاهات لا يمكن تجيهم اصابات خطيره الله يعيـــن

والله إنك صادق تصدق ديالبيرت ماعمره جته إصابه.

إقتباس


	انا كرهته بعد مباراة برشلونه الذهاب في الشوط الاول السيطره لـ فالنسيا والاخ قاعد يمجد في ميسي و برشلونه والمشكله في الشوط الثاني يقول اعطيت فالنسيا حقه لما قدم مستوى ممتاز !!!! ولكن هـذا مايمنع ان الشـوالي كان معلق اخر بطـوله حققها الفريق

ياحبيبي انا كاره هــ الادمي من زمان ولا ابيه يعلق لنا مابي غير علي محمد علي .

ץάмύйτ έмέя · #2542 27/02/2011, 06:12 PM

إقتباس


	محمد حنا مانبي منه يهاجم خله ماسك الخانه فيه خواكين يرفع ويطلع ويدخل معه واحد من المحاور بانيقا اوغيره اهم شي نتطمن دفاعيا.

يعني من زين قلوب الدفاع عشان يلعب ستانكي ظهيـر !؟
محتاجينه اكثر في القلب والظهير بيمشي حاله مع برونو

إقتباس


	والله إنك صادق تصدق ديالبيرت ماعمره جته إصابه.

لا هذا الوحيد الي من العاهات الي جته اصابه
دفاع فالنسيا مر عليه مجموعة عاهات لا توصف اولهم هلغيرا الي على ما اذكر ماكان يعرف وش معنى اصابه

المشكله ادوريز يقولون بيغيب شهر و لا قعد الا اسبوعين لكن لـو هـ الكلام عن ماتا او بانيغا كان شفتهم يغيبون شهرين ماهو شهر

إقتباس


	ياحبيبي انا كاره هــ الادمي من زمان ولا ابيه يعلق لنا مابي غير علي محمد علي .

بالعكس كان ممتاز اول ولكن الحيـن يرفع الضغط
عموما حسنته الوحيده تعليقه على مباراة خيتااافي

ץάмύйτ έмέя · #2543 27/02/2011, 10:15 PM

التشكيلـه

غـوايتا
ماثيـو .. نافارو .. ستانكي .. برونو
توبال ... بانيغا
بابلـو ........... خواكيــن
ماتا
سـولدادو

N.ROOY · #2544 27/02/2011, 10:46 PM

الاحتياط : César, Maduro, Vicente, Dealbert, Jonás, Tino Costa , Jordi Alba

المستبعدين : R. Costa , Isco

ريكاردو كوستا ؟! مصاب ؟ راحة ؟ فصله ؟
السان ماميس صعب جدا ً الله يستر

ץάмύйτ έмέя · #2545 27/02/2011, 11:47 PM

ماثيو ههههههههههههههههههههههههههههههههههههههههههههههه
الله لا يوفقك و لا يوفق الي خلاك تصير لاعب
تايه وكل الهجمات من عنـده ومايقدر يسوي اي شي
نافارو

والدفاع بـ كل عناصره اسوء من السيء
والله يصبر المـدرب على هـ العاهات
الاداره لو ماتجيب ظهيرين وقلب دفاع الله يلعنها ويلعن الي حطها

اخيرا الي بيلوم ايمري بعد هـ المباراة والله ماعنده سالفه
اجل عنده هـ اللاعبين وينلام بعـد !!!

ع ـشقهــا هـلالـي · #2546 28/02/2011, 12:35 AM

معليش سؤال :

هذا فريق يبي الفوز ؟ لاعبين دجه لا وبعد من زود الخرشه تتصافق
عظامهم ويتسدحون ..
بلباو الافضل وحرام يطلع خسران او متعادل .. وب الشكل هذا مستحيل
نفوز ع شالكه ..

و ي قلب لاتحزن

W0LF · #2547 28/02/2011, 12:59 AM

بصراحة نجم المباراة توبال .. ولا يهون خواكين

الشوط الثاني تغير اللعب 180 درجة والمفروض تينو من بداية الشوط ، لكن الجميع ماقصر ما عدا السباك اللي

في الظهير الايمن والله مدري كيف يلعب بصراحه ، نامي افضل منه بمراحل

ع العمووم مبروك الفوز وعقبال مباراة شالكة والبرشا .

ץάмύйτ έмέя · #2548 28/02/2011, 01:07 AM

الحمــدلله الحمـــدلله الحمــــدلله

رغم الدفاع السيء الا ان فالنسيا يظـل كبير وحقق الفوز في ملعب صعب جدا
والله ما اقدر اقول الا شكرا بروليـو

مكسبنا هـ الموسم هو تينـو كوستا والفضل بعد الله في التعاقد يعود لـ بروليـو
باذن الله يواصـل بروليو التعاقدات الممتازه
جوناس بداية ممتازه جـدا وهذا المهاجم الي يتابع ماهو مثل الي عنـدنا

اوناي صنـع الفوز بـ التغييرات

الحمـدلله والف مبروووك الفـــوز

خسارة كبيره في المباراة الجـايه غياب توبال و برونو
والاثنين مالهم بدلاء
وش تتوقعون يسـوي ايمـري

N.ROOY · #2549 28/02/2011, 01:10 AM

مبروك مبروك
الحمدلله نقاط ثلاث مهمة جدا ً جدا ً
اللي مشين المستوى اليوم هو الدفاع وبشكل أكبر فالشوط الاول من زمان
ادري ان الدفاع سواليف بس موب كذا والله ماحسيت بوجود أي مدافع
الا ستانكي مرات والباقي اقسم بالله لو لعبنا بدونهم اصرف على الاقل
يصير فيه مصيدة تسلل

عسى نافارو و ماثيو يلحقون ميغيل , نافارو لو فيه حكم صاحي اليوم
طرده مرتين الثور جيد يطق بس ..
ماثيو حرام ينقال انه لعب اصلا مدري وينه

الفريق عموما ً كان طافي الشوط الاول باستثناء توبال من أفضل
مبارياته اليوم كان يقطع ويغطي صح

هدف لورنتي فظيحة يدخل في دفاع مركز ثالث .. كارثة

الشوط الثاني ما ادري وش صار واتوقع بعد التحسن ماكان من طرف
فالنسيا بيلباو طخو شوي ودحدر مستواهم , كنت انتظر تبديلين ومتأكد انهم
بيصنعون الفرق تينو و جوناس .. ايمري كانت تبديلاته مظبوطة وفي
وقت مظبوط وخدمت الفريق أهم شي وجابت ثلاث نقاط

بداية تبشر لـ جوناس

تينو أساسي احتياط يصنع الفرق من حسنات الفريق ذا الموسم
مع قوايتا اللي كان ممتاز اليوم في هجمة بداية المباراة وفالكور العالية

فقدنا اليوم ريكاردو كوستا الرجل له ثقل في مركزه .. والله عيب الدفاع
اليوم

ابراهيم توني بجيب طاري الكروت والايقافات .. توبال ممكن نشوف
مادورو أو البيلدا اذا جهز تتدبر .. بس ظهير يمين ؟ ما ادري
ممكن يلعب مادورو أو ستانكي ما ظنتي بتعوق واجد

مبروك جميعا ً

W0LF
حيا الله القطوع

ع ـشقهــا هـلالـي · #2550 28/02/2011, 01:12 AM

فزنآ مستوعبين ؟
فرق بين الفريق الشوط الاول والفريق الشوط الثاني ..
الحمدلله ع الفوز رغم اني يأست وغسلت يدي منهـم
شوفولنآ دفاع جديد وقسم العاهات هذي ماراح تصمل ابد
حلو الان مركزنا حافظنا عليه فياريال امس متعادل
وفالنسيا مستمر ب الثالث ان شاء الله نكمل لـ نهاية الدوري
محافظين ع هـ الشي ..

مبروك شباب