●][ رابطة عشاق فالنسيا 2010 ~ 2011 ][ Amunt Valencia ][ ● - نادي الهلال السعودي - شبكة الزعيم

ץάмύйτ έмέя · #11 08/01/2011, 01:36 AM

إقتباس


	إبراهيم لا تدافع عنه ، صدقني بعصّب وبدورك وأجي أطقّك

بـ دافع عنه مـادامه يحقق لـ الفريق اهدافه و بـ لاعبين عاديين

إقتباس


	والله ياذا ماينفع بـ ريآل ! مُفلس تكتيكيّاً وحتى عقلياً ، مراقصه عند خط التماس مهوب شيء بسيط

صحيح مفلس والدليل الي سواه في المـوسمين الي كملها مع الفريق والمـوسم الحاالي
هـذي الارقام وهي في صـالح ايمـري
في موسمه الاول حول فالنسيا من فريق متهـالك قريب من الهبـوط الى فريق ينافس على مركز في دوري الابطال وفي اخر مباراة خسر مركز دوري الابطـال بسبب ظلم تحكيمي فاااضــح
وفي موسمه الثاني وصل لـ دوري الابطــال
وفي مـوسمه الثالث و بـ تغيير عناصر الفريق بـ شكل كبير الا انه تميـز و قدم فريق ممـتاز و وصله لـ دور الـ 16 في الابطـال وفي الدوري ماشي بـ ثبات لـ الوصول لـ الهـدف

إقتباس


	أنا مستعد أتخلّى عن كل طموحات الفريق في سبيل إبعاد هـ الحقير عن الفريق !

انا وغيري كثير واهمهم الاداره مستحيل تتخلى عن اهداف الفريق عشان تطرد مدرب
والمشكله تطرده ليش !!؟
ما يحقق لك الي تبغاه ليش تطرده !!؟
والا عشانه مايعجب البعض لازم ينطـرد !!؟
واذا انت مستعـد تتخلى عن طمـوحات الفريق ادفع لـ الاداره المبالغ الي بتدخل لـ الفريق من الابطـال وابشر بمـن يطرد ايمـري وان بغيت تطرد لورينتي بعـد

إقتباس


	ثلاث مواسم أفضل ماعمل للفريق التأهل للتشامبيونـز !

لان الفريق يملك نجوم في كل المـراكز انت تطالبه بـ تحقيق بطـوله !!؟
وش رأيك نجيب مورينيـو لانه بيحقق الابطـال والـدوري بالمجمـوعه الحاليه !!!!
فريقك نصه عاهات واكبر انجاز يحققه اي مـدرب هو المركز الثالث
والانجاز الاكبر لما تشوف فريق مثل الاتلتيكو و فياريال بـ النجوم الي عنـدهم ومع ذلك ما يحققون النجاح الي يحققه فالنسيا بـ قيادة ايمـري

إقتباس


	مدرب مايعرف لا يحافظ على تقدمه ولا يرجع إذا كان متأخر ! وش أبي فيه ! أحررق أعصابي ليه ؟

كل هـ الكلام لانك معصب والا المباريات الي يرجع فيها الفريق لـ المباراة كثيره واخرها سوسيداد والاتلتيكو
اما المحافظة على التقـدم اذا تقصـد فيه مبـاراة فياريال والله ثم والله ان السبب من اللاعبيـن
بالله وش يسـوي مدرب في لاعبين يسلـمون الخصم الفوز في 3 دقايق !!
داخلين الشـوط وهم ضامنين وفي 3 دقايق انقلبت المبـاراة
وش تبغى ايمـري يسوي في 3 دقايق !!
حاول يغير الوضـع ودخل توبال ولكـنه كـان زينه في الملعـب

إقتباس


	تقولي عنده عاهات أقولك نعم عنده عاهات .. طيب ليش مايلعب بـ أفضل اللاعبين !

من هم افضـل اللاعبيـن !!؟
الظهير الايمـن : برونو ، ميغيل (عااااااهـات)
الظهير الايسـر: ماثيـو (عااااهـه) وماله بديل الا برونو او البا السيء دفاعيا لانه يلعب في غير مركزه
قلوب الـدفاع: ديالبيرت ، نافارو (عااهـات)
المحـاور الدفاعيه: توبال ، مادورو (عاهات) ،، البيلدا حرام اقول عنه عااهه لانه جزء من التارخ الذهبي ولكنه قدم كل شي وانتهى
المحـاور الهجـوميه : هو المركز المكتمـل
الجناح اليميـن : خواكيـن ،، بابلـو (عاهه)
الجنـاح الايسـر : ماتا ، فيسنتي ممتـازين
صانـع الالعـاب : مااافيـه والسبب ايمـري

الهجـوم : سولدادو ، ادوريـز (ثنائي عاادي)

ومـع ذلك ايمـري يحاول يلعب الافضـل ولكن الاغلب سيء

إقتباس


	ليش يطلع لي بـ نظام مداورة مثل وجهه ! أنا علمي بـ المداورة تغيّر لاعبين ثلاثة بـ الكثير مهوب كل مُباراة تشكيل مختلف ! إلى الآن ما أحد يدري وش هي تشكيلة الفريق الأساسية !

ايمـري ما سوا المـداوره الا في البـدايه وبعدين تراجـع وما عاد سواهـا
اما اذا قصـدك بـ تغيير الخـطط فهـذي مالها دخل بـ المـداوره وتكلمت عنها في ردي على محمـد

اخيـرا الي مستغـربه ان كل انتقادكم على المـدرب
ومـع انكم في نفس الكلام تقولون ان الفريق فيه عاهات ولكن المـدرب هو الي يتحمـل فقـط
عمـر مثلا ماهو مقتنع بـ برونو و ميغيل وامـس يقـول ليش يلعب برونو طيب انت اصلا منت مقتنع حتى بـ بديله والاثنين كلهم بـ نفس المستوى وش بتفرق لو لعب هـذا والا هـذاك
و وش الي تبغاه من ايمـري في هـ الحاله !!؟

عمـوما الحمـدلله حتى موقع اللاس بروفينسياس ذكر ان اللاعبين هم من خانوا ايمـري وحتى الجمـاهير وضعت كل الغضب على اللاعبيـن
اما احنا يالعرب اسهل شي نسـويه تحميـل المـدرب كل الاخطـاء اما اللاعبيـن مالهـم دخـل !!