●][ رابطة عشاق فالنسيا 2010 ~ 2011 ][ Amunt Valencia ][ ● - صفحة رقم 79 - نادي الهلال السعودي - شبكة الزعيم

ع ـشقهــا هـلالـي · #1171 15/11/2010, 01:11 AM

السلام عليكم ..

مبروك الفوز رغـم المستوى الي مادري وش يبي من الحيآه لكن الحمدلله ع كل حال
اتوقع الاعبين داخلين تحت ضغط نفسي كبير جدآ والدليل النرفزه من ادوريز وسولدادو
ولايهون البيلـدا وريكو .. المآتش هذا له عنوآن واحد فقط تينـو كوستـآ وسبق وقلت
انه افضل لاعب في فالنسيا يعطي مزعات ع مستوى هدف اول فوق الخيال عالمي
من جد .. ابراهيم وش رايك الحين فيه وانت تقول لاعب عادي اتوقع انه رد عليك
صح اليوم ض1 .. ايسكـو دخل وحرك الجو شوي هو فسنتي لكن ايسكو ذبحته
العجله وده يثبت انه فعلا يستحق تمثيل الفريق الاول ..
اتوقع ان ميغيل اصبح عاله ع الفريق الرجل بداء تثقل حركته ماش موب عاجبني
في نقاط سلبيه واجد لكن بما اني بخمـد راح اتغاضى عنهآ ض1
الف مبروك كره ثانيه ..
هولاليـه حياتس ي الغلا ومبروك فوز مدريد ..

ץάмύйτ έмέя · #1172 15/11/2010, 01:55 AM

الف مبروك الفـوز
مستـوى سيء من فالنسيا الى الدقيقه 75 الي نزل فيها ايسكـو وتغيرت خطة الفريق الى 154
دفااااع داااااج وكان خيتافي بيتقـدم من الدقايق الاولى لـولا براعة مـويا
ميغيل اكبر محشش على وجـه الارض وياليت النادي يتعاقد مع ظهير بداله
نافارو حمـــــــــــااااااااااار !!!

نجـم المباراة تينـو كوستـا
مشكلته انه صعب ياخذ المركز الاساسي بـوجود بانيغا
هو ممتاز في التسديد لكـن بانيغا يمتاز بـ المحافظة على الكوره والمهاره و استخلاص الكوره
لو مركزه صانع لعـب كان بيفيـد الفريق كثيـر لكن في المحـور مستحيل ياخذ مركـز بانيغــا

تينـو و ريكاردو يواصلـون اثبات انهم افضل الصفقات هـ الموسم
وان شاء الله اللاعبيـن الباقيـن يقدمون الي يشفع لهم في البقاء في فالنسيا

ץάмύйτ έмέя · #1173 15/11/2010, 02:04 AM

صــور المباراة

vcf

هلالية والعز عنواني · #1174 15/11/2010, 02:13 AM

,,

مبروك الفوز ونعوض المستوى بالمبآريآت الجآيه

~> تسوي نفسهآ فلنسآويه

بس حبينآ نطمن

ץάмύйτ έмέя · #1175 15/11/2010, 02:15 AM

البيلدا يغيـب عن مباراة فياريال بسبب الايقاف

دافيد البيلدا سيغيب عن مباراة فالنسيا المقبلة في الدوري ، التي ستلعـب يوم السبت في ملعب مادريجال ضد فياريال.
لاعب خط الوسط حصـل على خمس بطاقات صفراء ، اولها كان ضد ملقة (الاسبـوع الاول ) ، اتلتيكو مدريد (الاسبـوع الرابع ) ، برشلونة (الاسبـوع السابع ) ، مايوركا (الاسبـوع الثامن ) ، ودخل مباراة اليـوم وهو مهـدد بعـدم لعب مباراة فياريال وتحصل على كرت اصفر وبـذلك يغيب عن مباراة فياريال ، قد لا يكون هـو اللاعب الوحيد الذي سيغيب عن المباراة بعـد اصابـة ماثيو و ماتا.

super

ץάмύйτ έмέя · #1176 15/11/2010, 02:22 AM

ملخــص المبـاراة

Vicente14 · #1177 15/11/2010, 04:52 AM

ألف مبروك الفوز ...

الفوز مستحق نسبة إلى ضعف الخصم ...

المباراة بشكل عام بايخة ، باردة ، و أحلى ما فيها هدف تينو و النقاط الثلاث ...

اللاعبين الدوليين بيروحون مع المنتخبات ، و بيشغلنا الفيفا بيومه ، و إن شاء الله يرجعون اللاعبين سالمين ...

الأسبوع الجاي مباراة صعبة جدا قدام فياريال ، و فريقنا للأسف أقرب للخسارة خصوصا إن المباراة في المادريغال ، لكن إن شاء الله الفريق يكون جاهز لهذي المباراة و يقدر يفوز بالأداء و النتيجة ، خصوصا إن فياريال حاليا يعتبر منافس على المراكز الأولى و يا خوف يأخذ منا مركز مؤهل لدوري الأبطال و حنا نرجع للدوري الأوروبي ...

ץάмύйτ έмέя · #1178 15/11/2010, 06:48 AM

تينو كوستا اصبـح صاحـب الهـدف رقـم 4000 لـ فالنسيا في الدوري
بعـد الهـدف الذي سجلـه اليـوم في خيتافي .

vcf

ع ـشقهــا هـلالـي · #1179 15/11/2010, 07:40 AM

إقتباس

الرسالة الأصلية كتبت بواسطة هلالية والعز عنواني


	,, مبروك الفوز ونعوض المستوى بالمبآريآت الجآيه ~> تسوي نفسهآ فلنسآويه بس حبينآ نطمن

هلا والله بعيوني

لبى الي يسون فلنساويين من شاني

تعالي نوريني كل يوم جيتس تشرح الصدر ي الغلا

والله يبارك فيتس

* حلو ابراهيـم صايرين نتفق وآجد الله يديم هـ الشي ..
ب النسبه لي هضمت حق مويآ الرجال صاير يآدي ويقدم شي جميل
مع البآتس اتوقع صار عنده ثقه اكثر بنفسه وعشان كذا بداء يقدم
شي جيد لو استمر ع التطور الي حاصل له اتوقع يجلس شايبنا في
الاحتيآط ..

ي زقنك ي شيح والله اني مقتنعه فيك للاخر اذا غاب البيلـدآ في الماتش القادم
اتمنى هو وبانيغـآ يلعبون مع بعض لايجيب الغيد ويحط فرنانديز ثم تجيني
جلطه منه ..
قريت خبر دومنغيز للاسف صار عجه انه بعيد ذكريات الارجنتيني الجميله
للخفافيش لكن طلع خرطي اتمنى يبيعونه ونفتك منه ع انه ماراح يجيب
قيمه زينه بس ماعاد نبي عاهآت في الفريق ..

يوه صرت كثيره وهذرت واجد

ان شاء الله انكم صايمين الله الله لاتنسونآ من دعواتكم واحنآ مثلكم موب
ناسينكم ان شاء الله ..
الله اكبر الله اكبر الله اكبر لا اله الا الله .. الله اكبر الله اكبر ولله الحمد ..

الكسندر pato · #1180 15/11/2010, 08:29 AM

ץάмύйτ έмέя · #1181 15/11/2010, 08:37 AM

إقتباس

الرسالة الأصلية كتبت بواسطة ع ـشقهــا هـلالـي


	* حلو ابراهيـم صايرين نتفق وآجد الله يديم هـ الشي .. ب النسبه لي هضمت حق مويآ الرجال صاير يآدي ويقدم شي جميل مع البآتس اتوقع صار عنده ثقه اكثر بنفسه وعشان كذا بداء يقدم شي جيد لو استمر ع التطور الي حاصل له اتوقع يجلس شايبنا في الاحتيآط .. ي زقنك ي شيح والله اني مقتنعه فيك للاخر اذا غاب البيلـدآ في الماتش القادم اتمنى هو وبانيغـآ يلعبون مع بعض لايجيب الغيد ويحط فرنانديز ثم تجيني جلطه منه .. قريت خبر دومنغيز للاسف صار عجه انه بعيد ذكريات الارجنتيني الجميله للخفافيش لكن طلع خرطي اتمنى يبيعونه ونفتك منه ع انه ماراح يجيب قيمه زينه بس ماعاد نبي عاهآت في الفريق .. [/B][/COLOR][/SIZE][/FONT]

قرب العيـد لازم نتفــق

مويا قايل لكم الولد اهتزت ثقته بعد خطئه الموسم الماضي ومن بعدها ماقدر يرجع بالشكل المطلوب
مويا كـ امكانيات ماحد يختلف عليه وحتى لما كان في مايوركا كان ممتاز جدا
اما انه ياخذ مركز الشايب

هـذي مستحيله

الحيـن نرجع للاختلافات

من جدك تبغين ايمري يلعب تينو و بانيغا مع بعض !!
كـذا انتي تنهيـن الفريق من البدايه

الفريق بيلعب مباراة ديربي وبعد في المادريجال
وضـد فياريال الي هـ الموسم مقدم مستوى مميز وعنده لاعبين مميـزين مثل نليمـار و روسي
لازم يدخل الفريق بـ محور دفاعي وبغياب البيلدا فيه توبال
طبعا المركز الاساسي في المحور الهجومي اكيد بيكـون لـ بانيغا
في حالة اختيار ايمري لـ تينو فهـذي مشكله لان توبال + تينو = بلاوي

طبعا مباراة فياريال تحدي جديد لـ ايمري
والله يستر من عقـدة المباريات الكبيــره

اما التشـوري الحمدلله الفريق تعاقد مع ببلاش
والخساير فقـط في الراتب وعلى ما اذكر انه اكبر من المليـونين !!!!!!!!!!!!
طبعا هـ المليـونين بيطلعها ايمري من عيـون النادي الي بيروحه

بعـد كل هـ الكلالالام عطشاااااااااااااااااان