●][ رابطة عشاق فالنسيا 2010 ~ 2011 ][ Amunt Valencia ][ ● - صفحة رقم 70 - نادي الهلال السعودي - شبكة الزعيم

ץάмύйτ έмέя · #1036 30/10/2010, 06:06 AM

غــــــلاف السـوبر

في المستايا لا لـ خسارة المزيد من النقاط

¡ لأجـل الجميـع !

ايمري يتخلى عن
نظام المـداوره
ضد سرقسطة يجب الدخول بـ الافضـل
من اجل الانتصار

ץάмύйτ έмέя · #1037 30/10/2010, 06:31 PM

تشكيلـة فالنسيا

ץάмύйτ έмέя · #1038 30/10/2010, 09:11 PM

لـ اول مره افرح لـ عدم فوز فالنسيا
الفريق مايستحـق ابدا الخروج بالفـوز او حتى بالتعـادل
الحكـم اهدانا طرد لـ لاعب سرقسطـه في بداية الشـوط الثاني ولكن الفريق فاشل

لاعبيـن اشبـاااح
مـدرب اتضح انه اصغر من انه يشرف على الفريق الثاني لـ فالنسيا
ضد سرقسطه ومايوركا يدخل بـ تشكيله غريبه وفي المباراتين يلجـأ للتصحيح واللعـب بـ 442 ولكن بعـد فوات الاوان
في مباراة الكأس يعتمـد على الاساسييـن وعلى لاعبيـن راجعين من اصابه ويلعبهم 90 دقيقه !!!!
وعنـده اسبـوع مهم جدا فيه سيـواجه سرقسطه و رينجـرز و اشبيليـه !!!
هـل ايمـري يعتبر الكأس اهـم من الدوري والابطـال !!!!!؟

اشـوفكم بعـد تحسـن الفريق ....

ع ـشقهــا هـلالـي · #1039 30/10/2010, 09:38 PM

سلام ..

وش الي يصير في فالنسيـآ ؟ ودي افهم بداية ممتازه وبعده من حفره لـ دحديره
مآتش اليوم لاتعليق انا للحين منصدمه من خطة ايمري الفاشله الى متى اهدار
النقاط مع فرق المؤخره والدفاع داج لـ ابعد شي الوسط تعبان وفيسنتي مايصلح
يلعب ماتش كامل عطه اخر ربع ساعه يقدم لك كل شي لكن تحط خواكين بـ
الدكه لـ عذر الابطال مالت عليك بانيغا وش ذا المستوى الهزيل يعني شايفه
ماقدم شي حط البيلدا او فرنانديز من البدايه اليوم مافيه الا لاعب واحد يستحق
الاشاده ماثيو فقط والباقي مدري وش اسميهم اجل فريق مطرود منه لاعب
يجي ويدق خشمك بهجمات من كل مكان ..
اقول شكل فالنسيا بيصف مع الهلال ويصير فعلا ماعاد يعني لي شي لاني تعبت
فعلا من اشجع ناس ميته ومدرب ميت وماعنده شي يقدمه ابد ..

سلام

‎βαƦ¢α 4 ξνξƦ · #1040 31/10/2010, 04:20 AM

السلام عليكم ورحمة الله وبركاته ~

.. }{ اجابات ضيفكم العزيز محمد سعدون الكواري }{ ..

حياكم الله جميعاً

..

N.ROOY · #1041 31/10/2010, 03:40 PM

اهدى من كذا الله يعافيكم

اللي بيزعل ويظيق صدره مع كل هزيمة ولا خروج من بطولة يشوف له هواية أخرى
ويمدحون مع جويل أحلى

أحس ان ايمري يحاول يطلع من الموسم ببطولة الكأس يبي يضمن المباريات هناك
الرجال واقعي تبون الابطال و لا الدوري تبطون , منيب امدحه هنا عنده اغلاط تجيب
الهم بس من باب البحث له عن عذر

خلوا صدوركم شمالية

ץάмύйτ έмέя · #1042 31/10/2010, 03:45 PM

غـــــلاف السوبر

فالنسيا ايمري لا يستيقظ

عقـــــوبة

# بدون مستـوى
متذيل الترتيب استحـوذ
أكثر على الكرة

# و بـ الحظ
هدف التعادل
سجله لاعـب سرقسطة

# وضـد النقص
الحكم طرد
أندير هيريرا

ץάмύйτ έмέя · #1043 31/10/2010, 04:02 PM

إقتباس

الرسالة الأصلية كتبت بواسطة N.ROOY


	اهدى من كذا الله يعافيكم اللي بيزعل ويظيق صدره مع كل هزيمة ولا خروج من بطولة يشوف له هواية أخرى ويمدحون مع جويل أحلى أحس ان ايمري يحاول يطلع من الموسم ببطولة الكأس يبي يضمن المباريات هناك الرجال واقعي تبون الابطال و لا الدوري تبطون , منيب امدحه هنا عنده اغلاط تجيب الهم بس من باب البحث له عن عذر خلوا صدوركم شمالية

ومن قال اننا نبغى الدوري او الابطال
انت بهـالمستوى تبطي تأخذ حتى المركز السادس في الدوري
الفريق خسر 8 من اصل الـ 9 نقاط الاخيره ،،، الفريق خسر 8 نقاط والدوري لا زال في بدايته !!!!!

والمصيبه لما تلعب مع فريق مايعرف طعم الانتصار مثل سرقسطه
ويمصخر بـ فريقك وفي المستايا بعـد وتجي تقـول لا تزعلـون !!!!!!!!!!

الفريق سيء دفاعيا وهجـومياً
اول مره اشـوف فالنسيا مايقـدر يصنع اي هجمـه
مع رينجـرز و سرقسطه الحـظ طلعنا بالتعـادل والا كان الفريق خرج رسميا من جميـع البطولات ومن بدايتها

اما الكأس اذا ايمري يفكر فيه فهـذي تتسمى غباء و حيونه من ايمـري
الفريق همه الاول العوائد الماليه وهذي ماتجي الا من دوري الابطال
التركيز لازم يكون على التأهل من المجمـوعات وهذا كان سهل ولكن ايمـري عقـده بسبب ذكاءه
والشي الثاني الحصـول على مركز مؤهـل لـ الابطال وحتى هـذا اصبـح حلــم !!

عمـوما كنت مأمل كثير على هـ الموسم
على ايمـري
على اللاعبيـن
لكـن الفريق خذلني من البـداية

اخيرا اتمنى اشـوف حمله قويه من السـوبر ومن الجمـاهير لـ طرد ايمـري من النادي

الجماهير بدت بـ الصافرات على ايمـري امـس واتمنى ان تستمـر في حالة استمرار تخبط الفريق

VALENCIANISTA · #1044 01/11/2010, 01:00 AM

إقتباس

الرسالة الأصلية كتبت بواسطة N.ROOY


	اهدى من كذا الله يعافيكم اللي بيزعل ويظيق صدره مع كل هزيمة ولا خروج من بطولة يشوف له هواية أخرى ويمدحون مع جويل أحلى أحس ان ايمري يحاول يطلع من الموسم ببطولة الكأس يبي يضمن المباريات هناك الرجال واقعي تبون الابطال و لا الدوري تبطون , منيب امدحه هنا عنده اغلاط تجيب الهم بس من باب البحث له عن عذر خلوا صدوركم شمالية

وين تبينا نهدا ؟!

محمد العام عذرنا إيمري وقلنا إصابات وظروف و و و إلخ ..

لكن الموسم هذا وش عـذره ؟ في كل مركز عنده لاعبين ثلاثة ومع ذلك الوضع زي ماتشوف !

مانبي الكاس بـ حريقـة دامـه بـ الأسلوب هذا ! الـدوري والأبطآل صعبة ؟ مقتنعين ومافيه أحـد قآل غير كذا !

لكن نبي نشوف فريق صاحي ! فريق يقدم مستـوى ! مهوب هـ المهازل هـذي !

آخـر مباراتين أهدافنا كلها من مدافعي الخصم ! مسخررة وقسم بـ الله شي يخلي الواحد يكـره الفريق !

عندنا مجموعة لاعبين ممتازين بـ النظـر لـ مشاكلنا الماديّة وبـ إمكانهم يتعدون الـدور الأول والثاني بـ التشآمبيونـز

ويحقق المركـز الثآلث على الأقل فـ الدوري ! ليش ماتلعب بـ أفضل تشكيلة عندك

بـلا نظام مداورة يجيب الغم !!

< يكمّل

المـداورة نظام حلـو ويساعد الفـريق بس إيمـري

المـداورة تلعب مباراتين ثـلاث وتبـدّل تبـديـلات منطقيـة بـ الكثير إثنين أو ثـلاثـة

مهـوب تلعب اليوم بـ تشكيل والمبـاراة الجايـة بـ تشكيل مختلف 70 أو 80%

إيمـري حاس الفريق فـوق تحـت ولا هـو عارف يتصـرّف

أتمنى فعـلاً تـزيـد الضغوطـات على الإدارة ويقـآل ويعيّن من هـو أكفأ منـه

ياعمّي لو يحطـون ناصر الجوهـر !! لكن إيمـري إستمـراره أكبـر خطـأ

N.ROOY · #1045 01/11/2010, 10:56 AM

إقتباس

الرسالة الأصلية كتبت بواسطة V.R.1981


	وين تبينا نهدا ؟! محمد العام عذرنا إيمري وقلنا إصابات وظروف و و و إلخ .. لكن الموسم هذا وش عـذره ؟ في كل مركز عنده لاعبين ثلاثة ومع ذلك الوضع زي ماتشوف ! مانبي الكاس بـ حريقـة دامـه بـ الأسلوب هذا ! الـدوري والأبطآل صعبة ؟ مقتنعين ومافيه أحـد قآل غير كذا ! لكن نبي نشوف فريق صاحي ! فريق يقدم مستـوى ! مهوب هـ المهازل هـذي ! آخـر مباراتين أهدافنا كلها من مدافعي الخصم ! مسخررة وقسم بـ الله شي يخلي الواحد يكـره الفريق ! عندنا مجموعة لاعبين ممتازين بـ النظـر لـ مشاكلنا الماديّة وبـ إمكانهم يتعدون الـدور الأول والثاني بـ التشآمبيونـز ويحقق المركـز الثآلث على الأقل فـ الدوري ! ليش ماتلعب بـ أفضل تشكيلة عندك بـلا نظام مداورة يجيب الغم !! < يكمّل المـداورة نظام حلـو ويساعد الفـريق بس إيمـري المـداورة تلعب مباراتين ثـلاث وتبـدّل تبـديـلات منطقيـة بـ الكثير إثنين أو ثـلاثـة مهـوب تلعب اليوم بـ تشكيل والمبـاراة الجايـة بـ تشكيل مختلف 70 أو 80% إيمـري حاس الفريق فـوق تحـت ولا هـو عارف يتصـرّف أتمنى فعـلاً تـزيـد الضغوطـات على الإدارة ويقـآل ويعيّن من هـو أكفأ منـه ياعمّي لو يحطـون ناصر الجوهـر !! لكن إيمـري إستمـراره أكبـر خطـأ

خش في عيني

هذي اصطوانتنا في كل سنة الفزة اول الموسم والدعس ونطير بالعجة
بعدين تجي النكسات الموضوع ان الفريق ماعنده نفس

نعم في كل مركزثلاث لاعبين .. تتكلم عن نافارو الاساسي واحتياطه ديالبرت
او مادورو فعلا كل واحد يستاهل يكون أساسي في أقوى أندية العالم

ولا بتتكلم عن ماثيو اللي بديله جناح طيب غصب يلعب ظهير ؟

الفريق بغض النظر عن مشاكله فالخلف واضح ان عندنا ركيزة اساسية .. سيزار
هذا اذا فقدناه سواء ً اصابة أو اعتزال أموركم ميب طيبة أبدا ً

وايمري له يد أيضا ً راح عاد بالظبط أخطاء الموسم السابق من مداورة و و و

اظن انه يبي يكون الاحتياطي عنده بمستوى الاساسي يعني كل لاعب لازم تمر
عليه الفرصة ويمرمرنا معه بحيث أنه يكون في قمة مستواه ومايفقد الحساسية

عموما طول ان الميزانية عندكم مش مظبوطة فاكيد الامور ماراح تنظبط هذا
لحافنا وهذا طوله اذا تنتظرون تغيير مش قبل 3 -4 سنوات الى ان يعود النادي
لاستقبال فوائض وارباح يستفيد منها في تدعيم الفريق وليس الخروج من أزمة

اذا على الجوهر فيه حمود السلوة

بعدين وينك أنت ؟ القطوعين ممنوعين من التعليق

N.ROOY · #1046 01/11/2010, 11:08 AM

تمارين الفريق استعدادا ً لـ رينجرز

Valencia

N.ROOY · #1047 01/11/2010, 04:36 PM

قائمة الفريق لمباراة رينجرز

César , Moyà.

Miguel, Bruno, Ricardo Costa, Navarro, Mathieu , Jordi Alba.

Topal, Albelda, Éver, Tino Costa, Fernandes, Joaquín, Pablo , Vicente.

Mata, Aduriz , Soldado.

Valencia

ץάмύйτ έмέя · #1048 02/11/2010, 01:20 PM

غـــلاف السوبر

يجب أن نفوز
في اول نهائي

فالنسيــا vs رينجــرز
على ملعـب المستايا ،،، السـاعه 10:45

البحث الخاص
تسجيـل الهدف الأول
في
دوري ابطـال اوروبـــا

ץάмύйτ έмέя · #1049 02/11/2010, 01:21 PM

التشكيله المتـوقعه من موقـع الفالنسيانيستا

N.ROOY · #1050 02/11/2010, 04:18 PM

استبعاد فيسنتي

استبعد فيسنتي رودريغيز اليوم الثلاثاء من قائمة الـ 19 لاعب المستدعين
للقاء دوري الابطال أمام رينجرز , وذلك بسبب التهاب فالمعدة و الامعاء
لحقت به في الساعات الماضية والتي أجبرته على ترك معسكر الفريق لاجراء
الفحوصات الطبية

Valencia