السلام عليكم
اولا اقسم بالله العظيم اني هلالي متعصب وان مايفوتني من عشقي لهذا الكيان اي صغيره او كبيره لدرجه اني اسكن بجنب النادي من 10 سنوات ولاابي اروح لاي مكان ولو انتقل لملعب جديد بنقل معه
فلا تقولوا لو انتقدت مثلا اني من الربع هذولاك
ولاكن بصراحه بصراحه نادي كبير مثل الهلال حرام يكون رابطته وطريقه التشجيع فيه متخلفه لهذه الدرجه ياناس هذا فريق القرن
انا ما الوم الارتي والقناه الرياضيه لو حجبوا تشجيع الهلال في المباريات بصراحه والله العظيم تخلف انا اتابع الدوريات الاوربيه عمري ماشفت رابطه موزعه مكرفونات وملزقتها بشطرطونات في شبك المدرج مثل رابطتنا عمري ماشفت عشرين برطم لازق بالمايك عشان يصايحون مثل رابطتنا انتهى الزمان هذا يا رابطه الزعيم اول كان فيه مكرفونات لما كان الحضور 15 الحين اقل مباراه للهلال يحضرها من 20 الف وطالع
اقسم بالله من فتره كنت ابي اتكلم عن هالموضوع بالذات بس خايف من رده الفعل
الحين وش العيب انا نتابع الدوريات الاوربيه ويتثقفون رابطتنا
ثانيا معقوله الادارات المتتابعه للهلال مافكرت بتشجيع احترافي
فريق احترافي ورابطه متخلفه ؟؟؟؟؟؟؟
اتمنى يكون فيه تحسين للرابطه والا مو ملزومين في تشجيع متخلف والله انه عاله على فريق القرن
واسف اذا اطلت
والي ينتقدون القنوات انها تحجب تشجيع الزعيم تاكدوا انه لو تشجيع احترافي ماراح يفوت بس وش يبون في ناس تصايح و اهازيج لانديه ثانيه سخيفه
تحياتي