الله يعطيك العافيه ..

ماتوقع عقم هجومي ..

بس مثل ماقال اخوي IL BargaWi

كلامه سليم 100%

مع عودة المصابين سيتغير الحال

ولاسيما ان لديك مهاجمين لم يدخلو في اجواء الزعيم وهم وليد وفيصل

الله يكتب اللي فيه الخير لزعيمنا

شكرا ع الموضوع

الف الف شكر على الطرح المميز

مو عقم بس التركيز ناقص شوي ولو ان اللاعبين يسددون الكرات بمجرد الوصول الى خط 18 كان يحلوا اكثر وهذا ما اعتمد المدرب عليه في المعسكر لاكن في البطولات المقبلة راح نشوف التغير أن شاء الله ...

أظن غيرتيس يجرب أكثر من طريقه .. والدليل تغييره في أمآكن عده ..ان شاء الله نشوف الخماسيات الهلاليه في بطوله النخبه

مشكورين على الاراء وانا صريح بطبعي ومتى ما رأيت ان نقاشنا سيفيد تكلمت عن السلبيات التي اتمنى ان تزووول

والله يافيه عينه من جمهور الهلال مدري وش تبي !!
المشكله غباء في الطرح مافي مثله غباء
وردود اغبى
وجايين يقييمون فريق لسا طالع من مشاركات قويه جدا جدا ومحقق انجازات فيها
وجالسين يعدون انفسهم من جديد
وفيه نقص تقريبا خمسه من عناصر اساسيه جدا وكلها في خانة الهجوم
وجاي الاخ وكم عضو معه يتفلسفون

قسم بالله امنيتي الوحيده ان يكون فيه اعاره او بيع للجماهير ونفتك من هالعينات الي تهدم وتزعزع في فريق الهلال اكثر من محاولة اعداءه لهزه وزعزعته

والاخ الثاني جاي ينتقد العتيبي ويقول الدعيع ماقد جا فيه اهداف
مع حبي للدعيع ولانه ماله دخل في واحد مريض يبي الدعيع يستمر لين يصك عمره السبعين فماراح اجيب مباريات انهزمنا فيها بالخمسه والاربعه وبالثلاثه من فرق اي كلام

لان الكل يخطي ولا فيه احد كامل لكن المشكله هالعينه من الجماهير الي ابتلي فيها الزعيم تحت المكيف جالسين وكل واحد ينظر ويحلل وهو مايدري وين موقع نادي الهلال ولا قد حضر له مباريات

عقم هجومي وضعف اداء كلها مجتمعه عسى الله يعين بس

مساء الخير .

نعم لدينا مشكلة السنة الماضية لاعبين الوسط هم اكثر من سجل الاهداف .
نحن نعاني من زمن بعيد من وجود مهاجمين في نفس المستوى .
اذا غاب ياسر لايوجد مهاجم آخر يستطيع ان يحل محله حتى .
في اعتقادي المحياني يحتاج كثير من الوقت والمباريات .
وايضا اعتقد جازما بان العنبركان سيكون المهاجم الواعد ولكن للاسف لا اعلم ماذا يجرى معه .
كنت اتمنى بدل قدوم الجيزاني والجمعان الذى اصلا كان في النادي ، ان تعطى الفرصه كامله للمحياني والعنبر ، لا يمكن ان تصنع مهاجم قوى وهداف وهو اسير دكة الاحتياط . او يلعب دائما الشوط الثاني
الصويلح مع القادسية سوف يكون لاعب آخر .
هناك سؤال مهم ، أين عبدالعزيز الكلثم . بعد الثنيان والغشيان الجناح الايمين اختفي .. والسنه الماضية كلنا تابعنا فريقنا بعد اصابة ولي ؟!

شكرا لك اخي العزيز ..

لاعقم ولاشي ...

أهم شي المبارات الرسميه ...

إقتباس الرسالة الأصلية كتبت بواسطة em21pirlo ياناس هالمباريات كلها اعداديه تتكلم عن مباريتين وديه بالمعسكر لعبنا بكامل الفريق الأول .. طيب وش نبي من هالشي ومن المعسكر ومن الدخول بهالبطوله >إليك الآتي< 1) انسجام أكثر للااعبين الجدد واللاعبين إلي مالعبو كثير مع بعض إلي كانو أغلب المباريات احتياط 2) كان هدف المعسكر رفع المعدل اللياقي عن الموسم إلي فات << تخيل شلون سارت لياقتهم لما يبدى الموسم السعودي 3)عودت حساسيه المباريات للاعبين جميعا 4) تصحيح الأخطاء الفرديه .. واكتشاف اللاعبين الجدد ومالديهم ليقدموه وعندي ملاحظه هامه جدا :- الموسم إلي فات بدينا بمباراة القادسيه على مااعتقد او الفتح المهم من هذا هل كانت لياقة الاعبين وكل الكلام إلي تقوله ينفذ من عدم تضييع للفرص وكذا بالعكس كانو بأول مباراه جدا سيئين وماجاء هدف الفوز إلا بعد ماطلع ياسر ودخل الصويلح وبالدقيقه الأخيره من قذيفه طيب مستوايهم بمباراة نجران إلي بعدها << وعلى مااعتقد لأن الذاكره دائما تخونني المهم فزنا بــ5-0 وبتدأ مشوار الخمسات وبدأ المستوى والتكتيك واللياقه تزيد وتظهر وبدأ الكل يتغنى بالهلال الموسم إلي فات بدينا وكانت لياقة اللاعبين خلنا نقول 30% وبدأت بالتصاعد لين مبارات الاتحاد وكملنا الموسم طيب حلو .. لكن هالموسم ورانا الآسويه بعد شهرين ع العيد أعتقد يعني ماينفع تتصاعد من مستوى 30% عشان كذا الهلال مسوي هالضجه بالفريق عشان نبدأ الموسم وتكون اللياقه 60% وتزيد وشوف وش بنسوي بالغرافه وقتها وتذكر كلامك سامي تكلم وقال احنا مخططين نوصل للغرافه بكامل جاهزيتنا وحسب المخطط له حيكون لعب الهلال 14 مباراة قبل الغرافه من وديات ودوري وكل شي ..<< ناس مخططه زين وياليت تكمل 14 مباراة ونكون وصلنا للـ TOP صدقني الهلال لا يحتاج لا مهاجم ولا أي شي والهلال اليوم كان رائع جدا محمد نامي كما كنت أشيد فيه لاعب متطور جدا وقوي عزيمه رادوي عزيز ركائز هلاليه وللعلم أنظر لنتائج الفرق السعوديه بالمعسكرات الآن وانظر فلان فاز 10-0 والثاني 7-0 والثاني 5-0 وانتظر نتائجهم بالدوري يارجل لو ع الأهداف أتمنى يدخل 50 هدف ع الهلال كل مباراة وديه بالمعسكر ونتزبط صح ولا نفوز بالخمسات والعشرات ونجي الدوري وننصدم بالمستوى أدري كثرت كلام وآآسف ع الإطاله

نفس ردي لموضوع ثاني يتكلم عن نفس هالنقطه

وشكرا

الوسط تمام واللعب في جمل تكتيكية
واتوقع ان شاء الله في الايام الجاية يتحسن
الحال برجوع ياسر وويلي

اولآ:
يا شباااب تراهاا بطولة وديه .. والهلال داخل البطولة عشان يستعد .. للموسم الجااي .. ويستفيد من المباارياات اللي يلعبهاا ويتلاففا الاخطــآء ..

اليوم الهلال .. كان عنده عقم هجومي مثل ما قال كاتب الموضوع .. وانا اؤيده في كلامه ..

لم نرا اليوم في الهلال اللي يخلص لنا الهجمة .. .ويسجل .. وان شااء الله .. المبااراة الجاية .. المدرب بيستفيد من الاخطاء وبيغير التكتيك .. والخطة ويمكن يغير المحياااني .. ويطبب الجيزاني والايااسر. .. مهاجم .. ويمكن المحيااني لم يكن في يومه .. خصوصًا في ظل لعب الوداد .. بخطة دفاعية .. وتكثيف خط الدفااع .. ولا ننسى ان الهلال افتقد ولي في الوسط والشلهوب .. << لهم ثقلهم في الموسم الماضي
..

ثانياا .. لا تنسون ان الهلال دخل المباراة .. بدون يااسروالشلهوب ولي يونق.. وعدم مشاركة الجيزاني .. اللي كنا ننتظر نزوله .. واصابة الجمعان .. وتاخر نزوول وولي .. والفريدي..

ثالثاً : لاتنسوون ان حنا في مباارة ودية ..

ولا تنسون ان بداية الهلال في الموسم المااضي امام القاادسية .. كانت صعبة .. والهدف الاول جا من كورة ثابته والثاني جا بعد الشق الانفس ففي الدقاائق الاخيرة .. ..


يآآ شبآآب لاتستعجلوون على رزقكم .. ولا تطيررون في العجة .. بعدين لو تكلمتوآ .. من اليوم الى بكرة .. لن تغيرووا شي ..
عموماا بالتووفيق للهلاآآل .. وان اختلفناا في وجهات النظــر.. فإن ذلك لمصلحة الزعيم