السلام عليكم

في البداية احبتي الكرام احب اهنيكم واشد على يدكم لانكم هلاليين و اخص بالتحية والتقدير اللي كريات دمهم هلالية(زرقاء وبيضاء)

الشي الثاني ساءني بعض الاعضاء اللي ينشرون الاحباط في المنتدى والله العالم اش المقصد من وراء الاحباط وبفند لكم محاولاتهم البائسة :

1) مشكلة المدرب الي لو استمر حتى 4 سنين قدام سيظل البعض يعيدون ويزيدون فيها و الادهى والأمر من هذا انهم يبون يفرضون اراءهم على الادارة الهلالية...
طيب يا اخي الكريم ليه ما نقيل ابن مساعد وجهازه الاداري ونحطك انت بداله تدير امور النادي وفق ماتراه انت مناسب!!!
شي عجيب والله

2) الكلام اللي شفناه على مبارايات المعسكر.... يا اخوان ترى المعسكر فيه ناس فاهمة غلط وبرجع اعيد تعريف المعسكر ..

المعسكر زي المراجعة قبل الاختبارات.. هذا ابسط تعريف
المعسكر هو المكان اللازم لاعداد الفريق لياقيا وفنيا ونفسيا قبل خوض منافسات الموسم.. وبعود لنقطة(نفسيا) في نقطة لحالها.

المعسكر الهلالي ماشي احسن ما يكون لكن بعض الاخوان يقولون المعسكر سلبي..المباريات غير مجدولة...المبارايات تحكمها مرأة ...وهلمجرا من الكلام الفاضي.. ابى اسأل النوعية هذي هل عشتم اجواء المعسكر عشان تحكموا هل المعسكر ناجح او فاشل!!! والا بس تقرأون الاخبار من المنتديات وبس لازم تغثونا ب أراءكم!!

3) سواليف الفضاوة الي ملينا منها مثل اعتزال الدعيع و الانتقالات من والى النادي و سالفة وكيل الجمعان وغيرها من الحكي الي بلا طعمة على قولة اخواننا في الشام (بمناسبة قرب باب الحارة)
الحمدالله انه فيه ناس دمها حار وتدافع عن النادي بشراسة في الصحف والمواقع الرياضية...

استغرب من بعض الاخوة يطلبون مننا كجمهور هلالي مقاطعة بعض الصحف والمواقع...ليش يا اخي اقاطع دام انا لي حق الرد واقدر ارد وألجم واستنكر حتى لو غلط دام مهمتي هي الوقوف مع الزعيم..

4) سالفة احمد الفريدي والكابتن لاينغ...نرجع لتعريف المعسكر الي قلنا فيه اعداد الفريق نفسيا....
لما الكابتن احمد يحتك بلاعب في مباراة ضمن المعسكر يجب على الجهاز الفني اصلاح الخطأ وتهيئة اللاعب نفسيا..الين هنا الكلام حلو..... طيب ليه بعض الاخوان شادين حيلهم على الفريدي مثل بعض جمهور الفقر؟؟!! الفريدي لاعب هلالي والا لا!! دامه هلالي ليش ما اوقف معاه واشد على يده واشجعه مو مثل بعض الاخوان...الفريدي بيضيعنا...والغرافة بتفوز علينا بسبة الفريدي..والفريدي اخلاقه سيئة!!
واوزنوا بقية كلامهم على باقي الامور...زي ماطلع لنا خلف بن ملفي في صحيفته فضيحة ومافضيحة ما يدري ان هذا معسكر


الي ابى اوصل له يا اخوان ان اللاعبين والجهاز الفني والاداري يؤدون ماعليهم باقي دورنا احنا كجمهور هلالي عاشقين لهذا الكيان الوقوف مع الفريق ومؤازرته والدفاع عنه وما نسمح لأي مخلوق يفكر حتى يمسك على الهلال زلة..

وبالتوفيق للزعيم يارب

سلمت أناملك ,, بالفعل لانعطي الموضوع اكبر من حجمه المعسكر ناااجح وراااح نشوف ثماره بالقريب العاااجل ,, دورنا كجمهووور دعم لاعبينا والوقوف معه ودعمهم و ,, والتصدي لكل من يحااااول الصيد بالماء العكر وهم كثر ,,, ربي وفق هلالنا وبإذن الله أبطال أسيا للزعيم يااااارب يااااكريم ,, تحيااااااااااااااتي لصاحب الموضوع

مشكوور اخوي ع الطرح

وانا اوافقك الرأي بكل ماقلت

يبقى انه معسكر الهدف منه تهيئة الاعبين

لياقيا ونفسيا وبدنيا ..

بالتوفيق للزعيم ..

.................................................................................................... ...............

شكراٌ على هذه التحفيز
الله يوفق الهلال فوق كل ارض وتحت كل سماء

الله يعطيك العافيه اخوي
كلامك صحيح 100 %
ما ننحرم من هالاقلام

الله يعطيك العاااافيه ...

...................

كلام سليم
وانا من المعجبين بكلامك

اعتقد من حق أي هلالي ينتقد المعسكر او الجهاز الفني والاداري ويوضح وجهة نظره

اهم شي يكون بشكل لائق ويكون نقد بناء

المعسكر انا شخصياً ما اشوف فيه اي ملاحظات

والدليل اننا رأينا اكثر من نادي سعودي يحذو حذوا الهلال وتشوف معسكرهم كأنه copy paste من معسكر الهلال

وهذا شي يفرحنا لأن ثقافة نادي الهلال بدأت تستفيد منها الانديه الأخرى مما يعود بالنفع على الكره السعوديه ان شاء الله

اما فيما يخص حادثة احمد الفريدي اعتقد المشكله ليست في الحادثه نفسها

ولكن الفريدي الله يهديه دائما يتنرفز ويضع نفسه وفريقه في موقف محرج وأحياناً في مباريات مهمه وحساسه

في النهايه من فوائد المعسكر معالجة بعض السلبيات واعتقد النرفزه الزائده من اهم السلبيات اللي اتمنى معالجتها

موضووووووع مميز

عوووواااااافي

------------

مشكور وماقصرت نقاط مهمه...