عقد اليوم في السآعة 9 صباحا اجتمآعآ بحضور عائلة سينسي و بنك اليونكريديت و مسؤولي نآدي رومآ .. لمنآقشة الأمور القآدمة و توديع عآئلة سينسي بعد 18 عآما على رأس إدآرة الجيلآروسي ..
اليوم رسمياً إنتهت علآقة آل سينسي بـ رومآ ، بعد تقديم الدكتورة روزيلا إستقآلتهآ ، هي وثلآثة من جمآعتهم .
طبعاً هذآ يعني أمرين الأول : أن سينسي بح لـ الأبد من اليوم . الأمر الثآني : أن الفقمة ، وجمآعته تملكوآ النآدي رسمياً ، وهذآ يعني أن الرسمي بـ الميركآتو ئررررب يآعيآل .
إقتباس
* ويقول اتمنى الانتقآل الى رومآ ، وعلى رومآ عدم الاستسلآم ومفآتحة مـورآتي بالموضوع ..
إنقلع بس ، الوصخ مورآتي يبي مينيز ، أو فوزي مبآدلة رآس بـ رآس وهذآ الي كنت خآيف منه ، الوكآد دآم اللعآنه مستمره أنا أقول سلتي وش زينه الولد يبينآ ، وإدآرته نزلت من مبلغ بيعه لـ 10 مليون .
مع سلتي ، أحد المرآكز المؤهلة لـ الأبطآل بـ الجيب !
إقتباس
سآبآتيني مستعد لإغلآق صفقة لآميلآ
إذآ كآن إختيآرهم لـ لآميلآ بـ سبب تفضيله على ريكي فـ هذآ مآيبشر بالخير ، ريكي أنضج ، ويلعب بأكثر من مركز ، وأبو كآبيلو يبيه .
وإن كآن أختيآرهم بـ سبب قيمة مبلغه خصوصاً بعد مآهبط الريفر وإرتفآع سعر ريكي بعد دخول الأرسنآل والإنتر على الخط فـ هذآ مآيبشر بالخير أيضاً .
توتي يُحيي آل سينسي " ستكون دائماً جزاءً من حيآتي "
ثمة عنآق لـ المخلصة روزيلآ ولـ كآمل عآئلتهآ بعد المسيرة المشتركة بيننا فِ رومآ منذُ 18 عاماً. وإلى الأبد سيكون هنآك جزاءً من تآريخ قميص رومآ وحيآتي مرتبط بـ آل سينسي . لقد عشنا معاً من أجـل الإنتصآرآت الريآضية وعشنآ أيضاً لحظآت صعبه ولكن" الحب والعآطفة لـ هذآ القميص تسمح لنآ بـ التغلب على كل المحن " .
كذلك قآمت عآئلة سينسي التي لم تعد اليوم جزءً من النآدي ، بـ شكر الملك من خلآل موقعه على الإنترنت .
بالحقيقه ومن خلال متابعتي المستمره للــلاغزيتا ديللو سبورت " آخر صفحتين بالشررق الاوسط " لاحظت نيه في تغيير شكل الفريق العآصمي , لكن استغرب التوجه للاستغناء عن بعض اللاعبين الكبار وان كانت مستوياتهم الموسم الماضي متواضعه لكن هذا مب مقياس لان الفريق باكمله كان سيء , فوزينيتش لاعب ممتاز واتمنى بقائه .. لكن يبدو انه ماشي ماشي , دي روسي قائد الفريق وروحه " بعد توتي " انباء كثيره تشير انه لا يرغب بالاستمرار , مينيز لاعب جيد ومفيد للفريق ماادري ليش ناوين يبيعونه , بالاخير كل تساؤلاتي ممكن يستغربها البعض لكن لا تلوموني من فتره انقطعت عن متابعة اخبار النادي واتمنى توضحون لي اهم الاسباب..
والله يا جماعه مانيش عارف من وين أبداً, أولاً و قبل أي شيء عُذراً جِداً على عدم الشو أب إلا اليوم بسبب بعض المشاغل << الله لا يشغلنا إلا بطاعته . .
\\
نعود لأخبار الرومانيستا و أبو إشاعات و عفسة و حوسه و يالله حيهم . .
إقتباس
أبآ كآبيلو ، إنزرف ريكي
أول شيء لبا خشمك يا ساهي . .
ثاني شيء ريكي << أمانةً قعدت أحللها في راسي لين طلعت بهالتحليل << و الي بنيته على أساس إن ساباتيني رجال ذيب و ما يهرول عبث << أما لو كان غير هالكلام و من أبو جنبها فرحنا في خرايط والديها, تحليلي للشغله برمتها و أذكركم على أساس إن ساباتيني ذيب أصلي << من سلالة ماوكلي يعني://
" روما تُريد لاعب وسط عليه الكلام و من أبو ثقيل << و الأسماء المطروحه لهذا الشيء هي ثلاثة أسماء من التانجو << باستوري - ألفاريز - لاميلا << هم بالتمام على حسب الترتيب المذكور من ناحية الأفضلية و الأغلى سِعراً كذلك << إحضار أحدهم يعني إن الآخرين لن يأتيا (هذا لو ما أفلسنا من ثلاثتهم) لذلك الإشاعات الأخيره تقول إن ساباتيني مفحط تفخيط يبي باستوري << يمين يسار فوق تحت يبيه, يبي يبع فوزي + مينيز + يدفع له زياده الزبده يبي يجيبه << ولو جا باستوري صدقوني ماراح أندم على أحد بهالمريكاتو أبد و بقبل يدي وجه و ظهر و أشكر الله ..
بنفس الوقت ما يبي يفرط بريكي لـ صعوبة جلب باستوري, لكن الداخلين على الخط خربوا الدعوا << الشيء الإيجابي بهالثنائي إن وكيل أعمالهم صديق مُقرب جِداً لـ ساباتيني لذلك حتى اللحظه ماراح اقول إن ريكي طار أو إن لايوجد أمل في جلب باستوري, شعوري الشخصي إنه لايزال يهرول, بس مايندرا هو عبث ولا ماهو عبث ماندري.
بالنسبة لـ لاميلا << عينيه عليه من بعيد و مايبي الولد يطير لو إكتشف نفسه بعد كل هالصجه و البكيتات الي حرقها إنه ماهو ذيب ولا حول ماوكلي ولا ربعه, و قال إمسك لك واحد سكتّهم و ترانا بنسكت و بنرفع فيه السما وهو مايستاهل و بكذا ما يطلع من المولد بلا سنيكرس .. !!! "
هذا كان أبو تحليل حول القضيه
\\
تخيلو معي يطلع هالسبتيني أكثر من ذيب, تخيلو يطلع باقيرا مثلاً << الفهد الخال صديق ماوكلي, و يجيب إثنين من الثلاثه, بالله عليكم تخيلوا بس .. !! << طبعاً بس تخيلوا ياويل الي يخليها أكبر من تخيل ..
\\
فيه سؤال عن جيلاردينو << عن رأيك فيه ؟!!
ما سمعتوا بالي يقولكم ماينفع بسبع مذاهب, و لا هو حول بورييلو يا ريّس ولا حواليه بعد مرررررررررره . .
\\
قضية موراتي << يا جماعه والله الكالتشيو لم ينظف بعد, خلصنا من موجي و ترا غايصين في أعمال موراتي و داخل على الخط بعض كوارث الأصلع في القطب الآخر و يالله حيّهم . .
طبعاً فيفيانو بمبلغ معقول حياه الله << أما راس براس مع أي أحد أياً كان لو إن شاء الله لوريا, نقول لـ موراتي تخسي .. !!!
\\
ستكلنبرغ << 15 مليون عطوووووه و فكونا, جيبوا لنا حارس بس
إيه صدق يقولون كورتشي رجع, يا حياه الله, الولد على الرغم من تذبذب مستواه, بس والله فيه قرينتا من أبو كبير, بعدين لا تنسون من طلع من عندنا و هو يلعب مع دفاع زلايب, من سيينا إلى سامبدوريا << و كلهم هبطوا, يا جماعه الولد لايكون نحس بس و كل ما يروح فريق يهبط << تخيلوا بالله نقبع بالقاع " الله لا يقولها " . .
\\
غوبرتي << جيد حق أبو مرتدات, متقدم فرق هدفين تنزله آخر عشر دقايق يشخبط لك الظهير على أبو بيب بيب . .
\\
إيش كمان إيش كمان,
جاهز للإنبراشات خلال ساعتين من الآن,و بعد ذلك الوجه من الوجه أبيض
" جوزيه أنخيل فالديز, قد يكون روماوي خلال الـ 48 ساعه القادمه "
في حديث مع وكيله الفريدو مارتينيز, بأنهم على إستعداد لـ قول نعم, هناك إهتمام من كُلٍ من برشلونه و روما, و قد حدث إتصال مع إنريكي لشرح مخططه للاعب و قد ذكر وكيل اللاعب بأن فالديز سيختار أي الفريقين أنسب لكي ينمو أكثر .. !!
\\
الروما نيوز حاط هالخبر و ناشره صورة واحد خال يلعب بفريق ثاني
الي يعرف معلومات عنه يفيدنا << على ذمة موقع كوره مدافع و رقمه "3" يعني يمكن ظهير يمكن قلب و لا نعلم .. !!
كآلعآدة 394852 لآعب نفآوضه ، ولآ فيه اي شي رسمي ..
بخصوص اللآعبين ..
أنخيل فآلديز مثل مآ قلتوآ يكفي برشلونة تلآحقه .. ويكفي انه يلعب اسآسي بمنتخب اسبآنيآ ..
ستيكلنبرغ .. والله سآلفة الحآرس طولت .. ويآ خوفي نبدأ الموسم بـ دوني او جوليو سيرجيو .. سآبآتيني الا ستيكلنبرغ لآ يطير من ايدينآ .. والبآقي المليونين يدفعهن انس علشآنه رئيس الرآبطة ..
إقتباس
يؤكد + قريب + بعض التفاصيل + توتي اسطوره + معجب بمشروع ألأمريكان + انريكي يريد هاللاعب
بآلصميم .. تحلف يآ شيخ انهم حآفظين هـ الكلآم حفظ ..
فِ البدآية أهلاً بك عزيزي بين أخوتك الرومآنيستآ الشرفآء
بـ خصوص ملآحظتك يآعزيزي بالإستغنآء عن بعض النجوم فـ هي صحيحه نسبياً ، لكن لـ كل لآعب قصة ، مسوغآت وأسبآب !
فـ مثلاً دي روسي يُزآيد على قيمة عقده ومرتبه .. إلخ ، فِ مفآوضته مع الإدآرة لكن مع ذلك الولد مآأبدا رغبته بـ الخروج من النآدي !
فِ النهآية دي روسي إن أرآد أن يبقى مع رومآ فـ هذآ شيء جميل جداً بـ النسبة لنا ، لكن يآحبذآ يعيد حسآبته ويعود دي دي 2007 - 2008 ، وإن أرآد أن يبتعد عن العآصمه ، فـ لينزلع غير مأسوفٍ عليه !
فوزي
الولد تأذى من مضآيقآت الرومآنو له بـ سبب سوء مستوآه فِ الموسم المآضي ، لذلك الولد حالياً يفضل الخروج من العآصمه ، والذهآب إلى أي دآهية تصيبه . < هذه القصه
مينيز
أمممم الولد إلى الآن مآصرح بـ شيء يدل على أنه يفكر بـ وجهة جديدة ، إلى الآن ننتظر إنريكي ونشوف وش بـ يكون قرآره يعني يـ أنه يستنغني عن جيغمي أو يحتفظ فيه .
وممكن سآبآ يستخدم مينيز كـ ورقه بـ أحد صفقآته الجآيه ، كل شيء وآرد
عموماً لآزم يكون بـ بآلك أن مشروع الأمريكآن قآئم بـ شكل أسآسي على توتي وبعض لآعبيين الفريق الأول وثُلة من الأطفآل الي بـ ييجلبهم النآدي بـ هالميركآتو .
الخآل الي تسأل عنه هو ظهير أيسر شآب " فرنسي " ، سآبآ فضل جوزيه أنخيل عليه ، وقدم عرض لـ الحصول على خدمآته بـ قيمة 4 ونص مليون العرض الي قدمه سآبآ يتفوق على عرض البرشآ " 3 ملآيين " .
مبدئياً إدآرة نآدي خيخون تفضل عرض رومآ كـ قيمة طبعاً ، يعني نقول إن شالله الولد رومآنيستآ .
معلومه : الولد حقق بطولة كأس أوروبا لـ الشبآب مع بويآن قبل أيآم . والظهير الفرنسي أيضاً حقق نفس البطولة قبل موسمين الظآهر .
،/
بـ خصوص تحليلك ، أتمنآهآ الخيآليه ، أممم فِ إحتمآل أيضاً أن سآبآ يشتري لآميلآ ويفآوض الخبل بـ لآميلآ + $ من أجل الحصول على بآستوري ! كل شيء جآيز ، عموماً ريكي فقط يكفيني !
،/
ستكلنبرغ جلبه أمنيه صرآحه !
أبو كآبيلو كني أشوفك تحيي بـ كورتشي الكلب ؟ صرآحه بعد فرحته بـ الفوز قدآم رومآ ، وكأنه مولود بـ الدوريآ ، وأنا ودي أذبحه يآليته ع الفرحه وبس الكلب طلع بـ تصريح يقول فيمآ معنآه : مآأبي أرجع لـ رومآ ، وودي أكمل مسيرتي مع السآمب !
و أنا كذلك ولا أطلب بالمستحيل ولا الخيال ولا حتى المُمكن, هذا فقط يُشبع كُل رغباتي, لكن أمانةً لو خُيِرنا بين الإثنين, ريكي أو خافيير << فـ باستوري لهُ الأولويّه خصوصاً أجواء الكالتشيو لن تكون غريبه أو صعبه عليه أبداً ..
\\
بخصوص الحراسه << الأخبار كثرت حول طلب موراتي لـ مينيز مقابل فيفيانو << في كُل ميركاتو نُلدغ من موراتي و يذلنا ذل و بالأخير يحصل على كُل ما يُريد, إن شاء الله بس مو هالميركاتو, نبيعه لو بأقل على نادي آخر ولا الإنتر, نعطيه الميلان مجان عناد بـ موراتي بس
\\
كورتشي << والله يا ساهي مانسيت شيء و هالأمور أنا بالذات أتحسس منها, بس حسبنا إنها طيش شباب و إنه نادم أشد الندم على ماقام به << يابن الحلال هو بالأول و الأخير للدكّه << أحسن من الزلايب البرازيلية الي عندنا و من القطو الروماني << بس يمكن يدخل في صفقه كذا ولا كذا لجلب لاعب, ماتدري << ياخذونه برشلونه و يعطونا بويان راس براس << والله الكل مستفيد, ليش ساباتيني ما يفكر بهالشيء, ماعندهم غير فالديز و ذاك الشايب أبو الجدايل . .
شرايكم فيني
\\
فيه خبر عن سكلنبرغ و أنخيل و ريزا, بشوف إيش الهرجه
الجميل فِ موضوع جوزيه ، أننا طلعنا من سآلفة التعآقد مع كليتشي ، فـ كليتشي بعيداً عن مستوآه وقيمته فِ الملعب ، الأسمر قيمته مرتفعه شوي + فِ إمكآنية لـ دخول مينيز بـ الصفقة !
جوزيه لآعب شآب ، قآبل لـ التطور خصوصاً أن ريزآ معه بـ المركز والولد مآرآح يمآنع أنه يكون لآعب إحتيآطي إطلاقاً ، وهذآ الأهم طبعاً
![|| رابطـة عُشـاق الـذئاب ][ 2010 / 2011 ][ Campioni del futuro ||](iconimages/t913951_rtl.gif)
..
.. على العموم التخطيط ترآي مخليه عليك 
, يعني لآ تنكبنآ 
..
, منآحي 
, جرآحو 
أنسـ ياأنسـ تعالـ شوفـ ويشـ يقولونـ منـ تحتـ لتحتـ
. 
" لاحظت نيه في تغيير شكل الفريق العآصمي , لكن استغرب التوجه للاستغناء عن بعض اللاعبين الكبار وان كانت مستوياتهم الموسم الماضي متواضعه لكن هذا مب مقياس لان الفريق باكمله كان سيء , فوزينيتش لاعب ممتاز واتمنى بقائه .. لكن يبدو انه ماشي ماشي , دي روسي قائد الفريق وروحه " بعد توتي " انباء كثيره تشير انه لا يرغب بالاستمرار , مينيز لاعب جيد ومفيد للفريق ماادري ليش ناوين يبيعونه , بالاخير كل تساؤلاتي ممكن يستغربها البعض لكن لا تلوموني من فتره انقطعت عن متابعة اخبار النادي واتمنى توضحون لي اهم الاسباب..
الوضع المتطور
