مبروووكك عليكم يا الرومانستا صفقة بويان ، بس عندي سؤال ، هذي أول صفقه لكم في الصيف !!



ومعليشش ع الإنبراشه ..
























.

الالف مبرووك صفقه بويان
ان شاء الله انه ينجح

السلآم عليكم



مـدري بس أحس فآتني شيء كثير ، لذلك أبجزء الي رآح على شكل نقآط



- تقرير أبو كآبيلو عن الميزآنية ، واللآعبين الي أرتبطنآ فيهم :


1- الحآرس : أفضل خيآرين من وجهة نظري هم فيفيآنو وستكلنبيرغ ، خصوصاً
أن مشروع الأمريكآن قآئم على اللآعبين الشبآب .

القيمة : الأول ملكية بطآقته منآصفه بين بولونيآ والإنتر . بولونيآ مآعنده مشكله
فِ بيع نصف البطآقة بـ 8 على أقل تقدير ، المشكلة بـ الإنتر الي مأمل على أن
الحآرس يكون خليفة جوليو فِ حرآسة الإنتر ، وغير كذآ مورآتي والعيآل هنآك
بـ يستغلون هـ الوشسمه لكن أتوقع أن أستهبل مورآتي بـ نلجأ لـ فتح المظآريف .
^ هذآ على أسآس أن سآبآ نآوي يشتري فيفيآنو .


ستكلنبيرغ صرح أكثر من مره أنه يبي ينتقل من أيآكس ، وأنه يشوف أن رومآ
وجهة كويسه جداً . المشكلة فِ قيمته الإيآكس يبون من 15 - 20
وهذآ الشيء مآعجب أخويآنآ ، خصوصاً أن عقده ينتهي مع إيآكس الموسم
الجآي . والي يعني أن بإمكآنهم يفآوضونه بـ ينآير ، وينتقل إنتقآل حر الموسم
الجآي أن هو حب يجي لـ رومآ .


أنا الصرآحة أفضل فيفيآنو الولد إيطآلي ، ورآح يخلف بوفون فِ حرآسة
الأزوري ، والأهم أني مآأبي أشوف هـ البهآيم الي معنآ يبدون الموسم
خصوصاً مع مُغآلة أيآكس .



2- كآيير = 10 مليون

أبو كآبيلو سأل على كآيير هو أقصى طموحك ؟


كآيير كـ مستوى بطل ، والحمد لله الرجل مآيملك الطفآقة والخبآله الي عند
عيآلنا ، ولآ تنسى أنه صآحب تجربة ممتآزة بـ الكالتشيو .



كليتشي = 9 مليون

طلعـت أخبآر تقول أن سآبآ مُعجب بـ كليتشي ، ويقولك من زود الإعجآب عرض
على الأرسنآل مينيز + 3 مليون .

مينيز سعره تقريباً بـ 15 مليون ، وكليتشي بـ حسب مآقريت من 8 - 10 مليون
يعني لو تم هـ الشيء فـ حنآ إنزرفنآ يآعيآل زرفة بنت كلب .

بـ خصوص مقآيضة كليتشي بـ ريزآ أو بيع ريزآ ، طيب لـ نفترض تم هـ الشيء من
رآح يكون بديل كليتشي ؟ خصوصاً أن اللآعب يشآرك مع منتخبه + مشآركآت
النآدي . أنا أفضل أن الإثنين يكونون موجودين أقلهآ نضمن مركز يكون فيه الأسآسي
بـ مستوى البديل . ريزآ بـ بدآية الموسم المآضي كآن مغطي خآنته عشره - عشره
لكن المسيكين أُستهلك إلين مآنلعن جدفه خصوصاً مع وجود الأسطوره كآستليني .




مع الطيبين الي فوق ، نحتآج إلى تقوية بعض المرآكز + بديل لأي لآعب
يخرج + تصعيد بعض شبآب البرآمفيرآ < مشروعهم قآئم على الشبآن و إلآ ؟




عـودة إكويلآني

بعنآ اللآعب وهو نجم بـ الفريق ، وقدرنآ ننسآه وننسى فرقة شعره بـ وجود
بعض البهآيم ، + لآ لـ العودة خصوصاً بعد مآلعب لـ اليوفي .

قزآزه




،/

إقتباس الواصل في طور المفاوضات مع كل من شركتي نايك و أديداس

عزيزي منآحي هـ الوشسمه من زمآن جداً ، هذآ من ضمن خطة توم
التطويريه فِ مبيعآت النآدي .

أرسنآل يقترب من ريكآردو ألفآريز !



الأرسنآل يسعى فِ الأيآم القريبة القآدمه إلى تقديم عرض رسمي فيه الكثير
من الجدية يبلـغ 15 مليون يورو لـ مسؤولوا نآدي فيليز سارسفليد من أجل
الحصول على الموهبة الأرجنتينية .

رئيس نآدي فيليز سآرسفليد يحآول جآهداً إلى رفع سعر المجوهرآت التي
يمكلهآ نآديه .


tuttomercato

رسمياً بوريللو رومانيستا حتى 2014



رسميا اعلن نادي روما عن ضمه لمهاجم الميلن ماركو بوريللو ، بوريللو أعير لروما الموسم الماضي مع خيار الشراء مقابل 10 ملايين يورو ، قررت اداره روما دفع هذا المبلغ على ثلاث أقساط في الموسم القادم سيستلم الميلن 3.4 مليون وفي الموسمين التاليين سيستلم الروسونيري 3.3 مليون ليصبح المجموع 10 مليون يورو

UFFICIALE: Roma, riscattato Borriello - Roma - TUTTO MERCATO WEB

COMUNICATO AS ROMA. Borriello acquistato a titolo definitivo|Romanews.eu| Notizie di calciomercato as Roma, news di calcio italiano ed internazionale

خلاص بويان تأكد انه روماوي 100% بس باقي الاعلان الرسمي اللي بيطلع الاثنين الجاي المهم حاليا التركيز على حراسه المرمى والاقرب اللي تشوفونه بالصوره الرجال اعلنها صريحه يبي روما وبرظو نقدر نقول الامور منتهيه تقريبا بس باقي بولونيا يخلص مشكله الملكيه والمشتركه مع الانتر وبعدها بينتقدم بعرض رسمي لبلنا ، نائب رئيس بلولونيا يقول الولد يبي ييروح لفريق كبير ويلعب اساسي هناك لهـ السبب أختار روما واللاعب بيكلف حدود الـ8 مليون يورو



في مقابله مع اللي بالصوره دوغلاس كوستا صانع العاب شاختار صاحب ال20 سنه أكد انه ماعنده مانع ويرغب باللعب لنادي مثل روما

إقتباس الرسالة الأصلية كتبت بواسطة La Magica رسمياً بوريللو رومانيستا حتى 2014 رسميا اعلن نادي روما عن ضمه لمهاجم الميلن ماركو بوريللو ، بوريللو أعير لروما الموسم الماضي مع خيار الشراء مقابل 10 ملايين يورو ، قررت اداره روما دفع هذا المبلغ على ثلاث أقساط في الموسم القادم سيستلم الميلن 3.4 مليون وفي الموسمين التاليين سيستلم الروسونيري 3.3 مليون ليصبح المجموع 10 مليون يورو UFFICIALE: Roma, riscattato Borriello - Roma - TUTTO MERCATO WEB COMUNICATO AS ROMA. Borriello acquistato a titolo definitivo|Romanews.eu| Notizie di calciomercato as Roma, news di calcio italiano ed internazionale

مساء الخير ششباب ..

مبروووكك عليكم صفقة ثوريلو قصدي بوريلو < الله يعينكم علييه ..


عندي إستفسار بسيط ..

اللحين ليش التسديد بالتقسيط يعني قضة الفلوس ولا قعاطه ولا وش نسميها !!

اللحين يوم الميلان تعاقدو مع إبرا بعد تجربته يكون الدفع لبرشلونه بالتقسيط كل موسم جزء من العقد لمدة ثلاث مواسم ونفس الفكره بالنسبه لروما بعد تعاقدهم مع بوريلو نفس ما قلت هي قعاطه ولا يمكن ما ودهم يشوفون فلوس كثيره تروح من بين يديهم لنادي ثاني ، سؤالي هذي أول صفقتين يصير فيهم كذذا ولا لا ووش السبب !!




























.