يا صباح الرومانيستا و العشق الممنوع, أوووه أقصد المجنوووون
مبروك الفوز الدراماتيكي و إقتراب التأهل بإذن الله . .
\\
يا ليت بس والله كنت أقدر أكون معاكم هنا بعد اللقاء, بس يالله خيره إن شاء الله, أنا أصلاً ما أدري كيف كملت المباراه v__v
\\
نجي للقاء و وجهة نظري حول إختيارات رانييري و مستوى اللاعبين//
- رانييري كان خطأه من وجهة نظري في بداية اللقاء هو فوجي على حساب توتي فقط << لعب في بداية المباراه بـ 4-3-2-1 << و فوزي في الشوط الأول تحس إنه حامل ولا توهم مقومينه من النوم و قايلين له يالله بقا خمس دقايق على المباراه قوم ألبس
- تغيير سمبليسيو بـ جريكو << كان تغيير للنهج ككل و طريقه اللعب << في الشوط الأول شفنا مينيز و فوزي في غالب الوقت على الأطراف مع نزول مينيز لفترات بالعمق << لذلك كان العمق خلف بوريللو شبه فاضي لأنه يلعب تقريباً بثلاثة محاور << إثنان لمساندة الأطراف و دي دي وحيداً في العمق كإرتكاز << بعد دخول سمبليسيو تحولت طريقه اللعب إلى: 4-2-3-1 << ثبت بريغي كمحور دفاعي ثاني بجوار دي دي و سمبلي أمامهم و مستر بيب بيب و الجزار على الطرفين و سوبر ماركو في المقدمه . .
- مع نزول توتي << طُلِب من سمبليسيو أن يضع التوازن بعدم التفريط في التقدم و مساندة دي دي << أقدر أقول التشكيله تحولت في هذه الفتره إلى: 4-1-4-1:
ريزا , , بورديسو , , ميكسيس , , كاسيتي
دي دي
فوزي , , , سمبلي , , , توتي , , , جيرمي
سوبر ماركو
- نجوم اللقاء من وجهة نظري << في المقام الأول و الوحيد جيرمي مينيز بعده يأتي ميكسيس و بورييلو و ريزا
- فوزي الشوط الأول درج و الشوط الثاني رجّال
- دي روسي << بعيد عن مستواه و كنت أتمنى يكون توتي بديل له مو لبريغي, بس الحمد لله عوضنا بالقول ولا بالأمس كانت عليه أخطاء و هفوات كثيره و ماتجي منه و قهرني حبتين
\\
نجي للقضيه الأبرز في هالأيام بالرابطه و الي هو سمبليسيو:-
اللاعب يُعتبر جوكر في خط النص << يعني تبيه محور بيلعب, تبيه على الطرفين يغطي الأظهره بيلعب تبيه صانع لعب بيلعب << مثل هاللاعبين تواجدهم في أي لقاء يعطي خيارات للمدرب << يعني لو كان أساسي و توهق رانييري بقولين << يسحب أي واحد بالنص و يحط سمبليسيو مكانه << و إذا كان سيء يسحبه و ينزل توتي أو مهاجم لو كان صانع لعب أقصد . .
الخلاصه << اللاعب هذي إمكانياته و جالس يأدي أدوار أعتبرها كبيره و خفيّه << يا جماعه أنتوا تقولون كم إنفراد أو هجمه ضيّع << طيب أنا بسألكم سؤال: ليش هو بالذات تجيه كل هالهجمات << اللاعب يتمركز صح يعرف كيف يوقف و ينتظر إرتداد الكوره ولا عكسها و كل ما في المسأله عدم توفيق فقط.
أريح كل منتقدينه << إن الرجال ما راح يطقها لما يرحع بيروتا << و خذوا هذه الكلمه مني و أذكركم << مو لأنه سيء لا أبداً << بس لأن رانييري حبيب قلبه ولاعبه الأول في روما هو بيروتا (وجهة نظري) + بيرونا يأدي نفس الأدوار مع أفضليّه << إلا إذا خبّص بيروتا أو إحتاج لهم مع بعض << وقتها بنرجع ونشوف سمبليسيو .. !
\\
في الأخير لبيـــــه يا روما و يا عشاقها, الجماهير الي ماوقفت تشجيع طيلة 90 دقيقه
Back to the capital
قبل ما أمشي , ليت تصوتون على العنوان الجديد :
1/ [ معليش يا هتلر , كذا روما لما تثأر ]
2/ [ طردنا هتلر من جديد , روما تضرب بيد من حديد ]
3/ [ إن لم تكن ذئباً أكلتك الذئاب ]
ليت تصوتون كلياتكم ..
.. طيب بحكم أن رحلتي صارت الساعة 4 الفجر فهذا يعني شيء واحد
و هو أن العشاء إن شاء الله بيكون :
إلى أن يحين وقت العشاء بأتكلم عن مباراة أمس العجيبة صراحة !
خطة راننيري قبل المباراة :
راننيري كان داخل بمهاجمين و صانع لعب و 3 محاور ! جريكو يغطي
ظهر ريزا اللي فلها زيادة هجومياً و خلا جريكو يتسبب بفاولات كاد ينطرد
بسبتها , يعني لما تجي المتردة ما يصير فيه إلا جريكو وراه المكان مفتوح
و تشوف كروس و مولر هاجمين بكل قوة و سرعة و منطلقين فجريكو يظطر
ياخذ له كرت بسبة ريزا , هذا رقم 1 بريجي قدم أداء ممتاز
و كان ماسك الجهة اليمنى صح مع كاسيتي أفضل لاعبين بالشوط الأول و شفنا
ريبري ما يقدر يتحرك أبداً و الفضل بعد الله لكاسيتي و بريجي ,هذا رقم 2 .
دي روسي و الله مضيق صدري دانييلي قسم بالله لازم ينلطع على الدكة
لين يرجع لمستواه , و الله يا عالم أنه أضعف جزء بالفريق كله !! غير انه تسبب
بالهدف الثاني بغى يتسبب بهدف ثالث لولا الله ثم سيرجو ! غير الهفوات اللي الله
فكنا منها , دي روسي مب بمستواه و طالماً يلعب أساسي مب راجع لمستواه بسرعة
أنا اعتبره اسوء لاعب أمس بكل الشوطين حتى بالشوط الثاني تشوف الهجمة لهم و
هو في الهجوم , غير أنه يسحب رجلينه , الحماس مب كل شي يا دانييلي
ما أدري الصراحة متى بنشوف ديروسي ديروسي 2007 خاصة إذا الله كتب لنا
نستمر في الأبطال ما نقدر نمشي إلا بمحور بقوة ديروسي 2007 , و انا اعتبر
النتايج اللي في 2007 و 8 و لديروسي فضل كبير فيها .. هذا رقم 3 .
راننيري كان حاط بباله يوم رسم المحاور بهالطريقة 2 يساندون الأطراف و واحد
ثابت أن مينيز و فوزينتش و ريزا و كاسيتي بيشتغلون صح على الأطراف
بس للأسف هذا ما صار لعدة أسباب :
1/ الألمان ما عطونا فرصة نهاجم
2/ ما في أحد يوصل الكورة لقدام غير ريزا و من المفترض نشوف المحاور
هم اللي يكونون نقطة وصل بين الدفاع و الهجوم و السبب هم المحاور الثلاثة
بالإضافة لكاسيتي و ريزا بدرجة أقل .
3/ مينيز بحكم أن له حرية أكثر من فوزي كان يرجع ياخذ الكور بس ما يلقى
مساندة و هذي كانت واضحه تلقاه يرجع الكور لورا و المفروض اللي ورا يتقدمون
و السبب بالمحاور و الأظهره النايمه يمكن ريزا كان يطلع يساند فوزي بس كاسيتي
كان نايم فعلاً ورى , و كذلك دي روسي المفروض كان يتقدم شوي ..
هذي أهم الأسباب اللي خلت الفريق ما يهاجم في الشوط الأول و ما يقدر
يبتكر الهجمات !
بالشوط الثاني وش صار , دخل سيمبليسو مكان جريكو و خلاه قدام ديروسي
و بريجي و حط مينيز يمين و فوزي يسار
غير كذا دي روسي تحسن مستواه و صار يمرر الكور و يساند هجومياً
و بريجي نفس الكلام حتى أحياناً تشوف 4 في منطقة الجزاء حقت بايرن
و هذا الشي خلانا نشوف مينيز يتحرك و فوزي يتحرك لأن الكور بدت توصلهم
بشكل أكبر من دي روسي وانفكت عنهم الرقابة شوي عشان الزيادة العددية
بالوسط من المهرج و بريجي و ريزا حتى مكسيس احياناً يسحب معه مدافع ..
بعدين رانييري سوى حركة ذكية الصراحة , طلع بريجي و دخل توتي
و صار يلعب كذا
كذا صارت الكور بالهبل من توتي و ديروسي اللي صار يمرر بشكل رائع
و بريجي و المهرج مسوين زيادة عددية فاكين الضغط عن مينيز و فوزي و بوريللو
و توتي و ريزا حتى ..
بعدين التبديل المدمر بدخول بيتزارو بدال فوزي
دي روسي ... بيتزارو
سيمبليسو
......مينيز
توتي....
.....بوريللو
شفنا توتي يمرر لبوريللو و ما انكر ان لاعبين البايرون تشتت تركيزهم و فزنا
تحيلي بسيط لمباراة أمس
أسوء لاعب للأسف ديروسي
و أفضل لاعب بوريللو و مينيز
نقاط
- دفاعنا للأسف ما فيه تنظيم و مكسيس و بروديسو ما يصلحون مع بعض
- كاسيتي سوى شغل عظيم و أغلق المناطق على ريبري و كل الهجمات كانت
من جهة ريزا اللي صاير دفاعياً سيء من مباراة اليوفي .
- رانييري انت عظيم بس لو تصير أشجع شوي بتصير أسطورة .
- توتي المفترض ما يدخل بمبدأ المداورة .
- ديروسي مكانه الدكة .
- ريزا لازم يراجع نفه دفاعياً
- سيبمبليسو أوكيه يعطينا حلول تكتيكية لكن فيه أفضل منه و هو
بايروتا يعطيك حلول تكتيكة و يعرف يستلم و يسلم و يسدد و زيادة
على كذا متفاهم بشكل رائع مع توتي .
- عندنا مدافعين ممتازين , لكن ما عندنا تنظيم دفاعي ممتاز
- مكسيس و بورديسو و جوان كلهم مستوايتهم ممتازة الصراحة
- فوزينتش و المزاجية أعتقد رانييري لازم يكون صارم معه
و لا نبيعه بهالصيف أفضل و الله ..
- لا تبني خطتك على مينيز إلا قدام فرق أقل مستوى ..
- تادي
- لا تنسون اننا لعبنا مع الصف الثاني لبايرن ميونخ و غير كذا دفاعهم مضروب
من الأصل و أعتبره من أسوء الدفاعات بالعالم , خصوصاً مع غياب فان بوميل
اللي كان يقطع الكور و يريحهم كثير , فلو كان مدربنا أمس سبال كنت اتوقع
بتكون تاريخيه الصراحة ..
هذي بعض النقاط كان ودي أقولها ..
كل حرف فيها قابل يكون خطأ
الرد للنقاش بأي نقطة كانت ..
الــLR24 حاطين تاريخ للقائات روما مع الألمان 15 أنتصار - 7 منهم بثلاث أهداف - و 13 هزيمة و تعادل وحيد . المهم القائمة بالتفصيل هنا حاطين مقطع من اليوتيوب لمباراة روما × هامبورغ بالـ2000 أيام سيئ الذكر كابيلو و انتهت 3-0 باقدام الداير و دلفيكيو ( كابيتانو كان ) سامويل و العجيب أن توتي بداها أحتياطي خخخخخخخخ هنا
- كاسيتي سوى شغل عظيم و أغلق المناطق على ريبري و كل الهجمات كانت
من جهة ريزا اللي صاير دفاعياً سيء من مباراة اليوفي .
محمد صاحي أنت؟!!! معقوله شايف كاسيتي مسوي شغل عظيم !!! محمد تكفى لو بأعبر عن كل شئ في صدري وقسم لا آكل أيقاف زيك برظو محمد الهدف الاول أي دلخ ولو كان حتى مو لاعب يقدر يخلصه بسهوله ناهيك عن الهدايا الكثيره اللي عطاها البايرن ولاتهون عرضياته الخورافيه شسمه متى مأفضيت والظاهر هـ الشئ موب قريب بأرجع وأنبرش عليك أجل كاسيتي سوا شغل عظيم؟ أنس أمسك المايك ومافيه مانع ترد على محمد بيوزر أنتحاري برب أنغبنت
الـجديد في بيع النادي أنه ما زال هناك فرصة إلى 10 ديسمبر لتقديم العروض
و يقال أن انجلوتشي زاد عرضه لين صار مثل السعر المحطوط 150 مليون
يورو و الآن المنافسة منحصرة بين الثلاثي الأمريكي - مجهول - العربي - آبار -
الإيطالي - مجموعة انجلوتشي - و البنك بيشوف من بيقدم ظمانات لا وعود فقط
و من يملك المال خصوصاً أن كلهم بيدفع السعر المطلوب عموماً أغلب الإذاعات
التلفزوينة و غيرها تشكك بانجلوتشي .
برا الخبر هذا للعلم انجلوتشي مثل ما سمعت له فضايح غسيل أموال أو ما شابه
ما أدري وشي بالظبط بس له فضايح ماليه و أغلب الجماهير في روما و النقاد كذلك
يرون أن آبار هي الأكثر أستحقاق للظفر برئاسة النادي
![|| رابطـة عُشـاق الـذئاب ][ 2010 / 2011 ][ Campioni del futuro ||](iconimages/t913951_rtl.gif)
بعده يأتي ميكسيس و بورييلو و ريزا 
.؟
فهذا يعني شيء واحد
, طلع بريجي و دخل توتي
الوضع المتطور
