][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][ - صفحة رقم 791 - نادي الهلال السعودي - شبكة الزعيم

your soul · #11851 03/04/2011, 06:20 PM

أبوحسن جزاك الله خير يوم قلتها.

والله اني أفكر البارح بالميلان ، فريق عملاق مع مدرب جيد ، ولكن يسوي صفقات مع المتردية والنطيحة والنتيجة انه يالله يفلح بالكؤوس بالبركة وحب الخشوم ودعوات الوالدين.

لكن الموسم ذا فريق عملاق مع سباك، ولكن يسوي صفقات تدسم الشوارب (ابرا، روبينهو، كاسانو، بواتينغ، بوميل، الهولندي الشاب نسيت اسمه) اسامي تعرف معنى كلمة "فوز" كلمة "بطولة" كلمة "كبير" ذاقت طعمها في دوريات كفؤ مو بحواري فرنسا.

الآن 40 مليون من الموسم الماضي وقل بيعطونه زيادة 10 مليون هذي خمسين. (سيسك+دينيلسون+كليشي+ديابي+آرشافين+بندتنر+ألمونيا+روزيسكي) هذي تقريباً +80 مليون.

صار بجيبك 130مليون، 30 مليون حلال على فينغر والباقي تجيب لك ظهير وقلب دفاع ومهاجم صريح و سنتر وسط و جناح على مستوى.

كلامي أقرب للخيال، بس الشغل اذا تراكم عليك لازم تسويه مرة وحدة أو تستسلم للفشل.

your soul · #11852 03/04/2011, 06:28 PM

بالمناسبة أحس صيفنا بيكون حامي جداً.

ARSENAL- FC · #11853 03/04/2011, 06:30 PM

^
الا الخيال بعينه

الاسماء اللي قلت يبيعها هم رهان مشروعه الفاشل وما راح يبيعه الا اذا اعترف وتوصل للنتيجة اللي يعرفها كل واحد
ان مشروع بناء الفريق فشل
انت شايف او سامع منه مجرد تلميح يدل على فشل مشروعه !!!!
هنا المشكلة
اكبر مشكلة نواجهها مكابرة فينغر وعدم الاعتراف بوجود الخلل

اذا على الاسماء ما نبي نبيع كل هالاسماء مرة وحدة
استعداداً للموسم الجاي يبيع 3 اسماء من اللي ذكرت مع المونيا " المجاني" ويجيب بدلاء لهم على مستوى
خير وبركة وراضين
المهم بالنهاية نشوف تحرك ونية لاصلاح الاوضاع
كل موسم وكل صيف تحديداً نسمع من هالاخبار ونحترق وبالاخير ما نشوف شي

صيفنا كل سنة حامي لكن بالكلام بس
ولا جاء وقت الجد يبدأ الشايب بالمكاسر وعلى طريقة ان جاء خير وبركة

مهند حسن · #11854 03/04/2011, 06:43 PM

إقتباس

الرسالة الأصلية كتبت بواسطة your soul


	أبوحسن جزاك الله خير يوم قلتها. والله اني أفكر البارح بالميلان ، فريق عملاق مع مدرب جيد ، ولكن يسوي صفقات مع المتردية والنطيحة والنتيجة انه يالله يفلح بالكؤوس بالبركة وحب الخشوم ودعوات الوالدين. لكن الموسم ذا فريق عملاق مع سباك، ولكن يسوي صفقات تدسم الشوارب (ابرا، روبينهو، كاسانو، بواتينغ، بوميل، الهولندي الشاب نسيت اسمه) اسامي تعرف معنى كلمة "فوز" كلمة "بطولة" كلمة "كبير" ذاقت طعمها في دوريات كفؤ مو بحواري فرنسا. الآن 40 مليون من الموسم الماضي وقل بيعطونه زيادة 10 مليون هذي خمسين. (سيسك+دينيلسون+كليشي+ديابي+آرشافين+بندتنر+ألمونيا+روزيسكي) هذي تقريباً +80 مليون. صار بجيبك 130مليون، 30 مليون حلال على فينغر والباقي تجيب لك ظهير وقلب دفاع ومهاجم صريح و سنتر وسط و جناح على مستوى. كلامي أقرب للخيال، بس الشغل اذا تراكم عليك لازم تسويه مرة وحدة أو تستسلم للفشل.

شف يا عزيزي

خطتك للانتقالات فيها الكثير من الشطح المحبب للنفس

ما ابي تغييرات جذرية

بع اللي زايدين عن حاجات الفريق بتروي

وعندك لعيبة في سوق الانتقالات خطيرين

شف فريق بورسيا دورتموند عنده مجموعة من اللاعبين الخطيرين

حتى الدوري الفرنسي المحبب لفينغر فيه كم من لاعب اسطوري

لا اريد انتقالات على طريقة توريس سواريز كارول

ابدا

تخيل معي ان لاعب بموهبة مسعود اوزيل خرج من ناديه ب15 مليون فقط

هازارد نوري شاهين سابويتش (مدافع دورتموند)
ومهاجم عليه القيمة

الفريق بحاجة لبعض الزيادات

لكن زيادات تركز على النوعية وليست على الكمية

يعني مهوب تجيب لي سكيلاتشي وتقول يا الله افرحو ترى دعمنا الدفاع

ابي 3 لاعبين لكن داخل الملعب هم بقيمة 6 لاعبين

3 لاعبين قيمة الواحد 15 - 20 يعني ماكسيمم بتصرف 60

في انديه تصرفها على لاعب واحد

نبيك يا فينجر تصرفها في موسم الانتقالات كله

وما في مانع تبيع من اللي عندك لتعويض النقص

والله ما فيها شيء

كلها امنيات

لكن على ارض الواقع

للاسف

فينجر لن يفعلها

مهند حسن · #11855 03/04/2011, 06:49 PM

إقتباس

الرسالة الأصلية كتبت بواسطة أبــو ALi


	^ الا الخيال بعينه الاسماء اللي قلت يبيعها هم رهان مشروعه الفاشل وما راح يبيعه الا اذا اعترف وتوصل للنتيجة اللي يعرفها كل واحد ان مشروع بناء الفريق فشل انت شايف او سامع منه مجرد تلميح يدل على فشل مشروعه !!!! هنا المشكلة اكبر مشكلة نواجهها مكابرة فينغر وعدم الاعتراف بوجود الخلل

اممممممممممم

اوافق ولا اوافق

من ناحية ما يقدر يطلع يقول لك مشروعي فشل

لان الجميع يكره الفشل

فما بالك ان يكون الفاشل بروف

ومن ناحية ممكن من غير ما يطلع ويعترف بخطأه يبدأ اصلاحاته وهالاعتراف يكون بينه وبين نفسه

ما ابيه يعترف ابيه يشتغل واشوف بعيني

اعجبتني نقطة طرحتها يبو علي

ان لازم فينجر يعلم ان بعض من الجماهير غاضب عليه وعلى لعيبته

لازم يعلم ان صبر هالجماهير بدا ينفذ

دعم الفريق وبعد كذا اذا ما اتوفقت لن يلومك احد

المشكلة الاستمرار بنفس السيناريو كل موسم

s.Milandini · #11856 03/04/2011, 07:56 PM

Dall'Inghilterra: Milan su Nasri

<< للترجمة

غالياني يقول بأجيب نصري للميلان في الصيف وطيران الإمارات بيتوسطون لنا

your soul · #11857 03/04/2011, 08:04 PM

إقتباس

الرسالة الأصلية كتبت بواسطة مهند حسن


	هازارد نوري شاهين سابويتش (مدافع دورتموند) ومهاجم عليه القيمة

أتفق معك يا دكتور. لكن نبي لعيبة انجليز، الان متوفر يونغ وكاهيل وبينز ورودويل وإذا هبط ويستهام فيه باركر، وما فيه مانع نتعاقد مع موهبة استثنائية من الدوري الفرنسي مثل هازارد.
ارتفاع سعرهم مبرر، كونهم يخلصون للفريق الي يلعبون فيه ويخافون من ناسهم وصحافتهم عكس الأجنبي.

ARSENAL- FC · #11858 03/04/2011, 08:18 PM

المؤتمر بعد المباراة
الواضح انها قافلة معه
آآآه ياللي يقدر يدخل براسه ويعرف بأيش يفكر !!!!

ARSENAL- FC · #11859 03/04/2011, 08:27 PM

إقتباس

الرسالة الأصلية كتبت بواسطة s.Milandini


	Dall'Inghilterra: Milan su Nasri << للترجمة غالياني يقول بأجيب نصري للميلان في الصيف وطيران الإمارات بيتوسطون لنا

الكلام بالايطالي

نفس الكلام قيل عن فابريغاس

كيف يتوسطون !!!
ممكن يقصد يساهمون بالمبلغ المقدم من طرف الميلان
الوساطه لو كان النادي ملك لابوهم

بالنهاية طيران الامارات يعتبرها البعض الان بأنها غلطة ولو الامر بيد النادي كان الغوا العقد
اللي اتفق مع الشركة ( من طرف الارسنال ) اتضح انه غبي درجة اولى وطيران الامارات لعب عليه
عموماً هانت نصبر لـ 2013

your soul · #11860 03/04/2011, 08:39 PM

لانسبري لعب مع الدقيقة 5:25 من المقطع.

ARSENAL- FC · #11861 03/04/2011, 09:23 PM

اسم اخر ينظم كأحد اللاعبين المتوقع تواجدهم في حال انقلع كليشي

هالمرة لاعب نادي مارسيليا الفرنسي وهو النيجيري تايي تايوو

حسب المصدر الارسنال كان له محاولة الصيف الماضي
عمره 25 عام وهالصيف راح يكون حر
اتوقع هو الاقرب اذا كان الشايب يفكر ببديل لكليشي
من نادي فرنسي ووبلاش !!!! عز الطلب عند القعيطي

للاخوان اللي سبق لهم متابعته
عطونا رأيكم

الشائعات حول العاهة كليشي وانه رفض التجديد كثرت هاليومين وشكلها فعلاً صحيحة
والبدلاء اللي اظهرتهم الشائعات حتى الان لاعب ايفرتون بينز و الان تايي

Arsene Wenger · #11862 03/04/2011, 10:02 PM

^
^

ياهو لاعب بعد

لكن عيبه انه هجومي بشكل كبير ويترك مساحات واجد ورا وعنده عصبيه زايده شوي

لكن هجومياً واللاعب بشكل عام مستواه حلوو

لكن فينجر قبل ما يتعاقد يبي لاعب يقدر يطبق تكتيكه ، او عنده مواصفات الي يبيها فينجر بالظهير الايسر !!

your soul · #11863 03/04/2011, 10:58 PM

جدول ترتيب فرق الدوري بطريقة مغايرة

66mMan Utd (31)
65
64
63
62
61
60
59 – Arsenal (30)
58
57
56 – Man City (31)
55 – Chelsea (30)
54
53
52
51
50 – Tottenham (30)
49
48
47
46
45 – Liverpool (31)
44
43
42
41 – Everton (31)
40 – Bolton (31)
39 – Newcastle (31)
38 – Fulham (31), Stoke (31), Sunderland (31)
37
36 – West Brom (31)
35
34 – Blackburn (31), Birmingham (30), Aston Villa (31)
33 – Blackpool (31)
32 – West Ham (31), Wolves (31)
31 – Wigan (31)m

الطريقة هذي توضح الفرق بين الفرق بناءاً على النقاط ، ما بين الأقواس عدد المباريات الي لعبها الفريق

ARSENAL- FC · #11864 04/04/2011, 01:32 AM

والله يا شباب ان شايبكم منفس ومريض
بدل ما يهتم بشؤون النادي ويحاول يسترنا من فضايح الجولات الجاية
قاعد يحلل فرص توتنهام بالتأهل قدام الريال !!!
وانت وش دخلك فيهم ؟؟؟

عاد بشروا جمهور توتنهام ,, السيد فينغر يقول الفريقين عندهم فرصة 50:50 للفوز

يارب اعنا على ما ابتليتنا به

ARSENAL- FC · #11865 04/04/2011, 03:10 AM

حسب Young Guns :
اليابان تنسحب من كوبا امريكا , اخبار سيئة للارسنال لان مشاركه مياتشي المتوقعة بهـ البطولة كان ممكن تفيد الفريق بإخراج تصريح للاعب .