][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][ - صفحة رقم 767 - نادي الهلال السعودي - شبكة الزعيم

عالي%مستواه · #11491 23/03/2011, 04:39 PM

السلام عليكم ورحمة والله وبركاته

هذي اول مشاركة لي في رابطة المدفعجية وان شاء الله ماتكون الأخيرة

حبيبت اكون مرشح في بطولة الروابط العالمية لشبكة الزعيم بنسختها الثانية

طبعاً بعد موافقة رئيس الرابطة او من ينوب عنه

وان شاء الله اكون خير ممثل للرابطة

ID:MN-2N2

نعناع · #11492 23/03/2011, 04:44 PM

إقتباس

الرسالة الأصلية كتبت بواسطة نـواف الهلالي


	2- تدل مخرج 15 بالرياض .. وإذا كان الجواب نعم .. تدل طيب شارع الثلاثين بالربوة ..!! 4- كم كيلو بالضبط بين عرعر والرياض والطريق سيدين وإلا سيد واحد ..!! 5- يقولون إنك أطخم وتهتم بمظهرك الخارجي ، السؤال الشنب كم تعطيه مكينة رقم كم !! وإلا ما تلمسه ..!! < 6- السنة 360 يوم .. كم يوم بالسنة تقريبا تكون لابس الفروة ..!! 11- رداد الرويلي .. سبق ودرس معي بالمستوى الأول .. هل مر عليك هالشخص ..؟! 16- كم مساحة بيتكم وعلى شارع كم يعني عرض الشارع ويا ليت لون الباب من فضلك < 17- ( اختياري ) نوع البنادول المفضل عندك ..؟!! < ودي أكمل الأسئلة بس استحيت والله وأتمنى المره الجايه تستضيفون راس الخراب اللي أعدم صفحة غالية لا تقدر بثمن من صفحات الرابطة < [/CENTER]

هههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههه
والله انك تسمع بالاسئلة يالعضو الداعم لا ويقال ما كملت الاسئلة مستحي
انا ودي اشوفك عالطبيعه عشان اشوف مكان التنسيم عندك اجل رداد الرويلي
خخخخخخخخخخخخخخخ
طيب يا عيال انتم موافقين نحجر لعبدالله المخرب بعد ما ننتهي من ابو علي مباشرة ؟

مهند حسن · #11493 23/03/2011, 05:44 PM

كلنا ابو علي

استمتعت بردودك يا بطل

ولا تنسى تجاوب على سؤال الفطر

>>> وهل ختمت اللعبة وحصلت على الاميرة

عبدالله

نك نيم

ردك المطول عن مستر اصبع

>>> لك ان تتخيل كيف اني انقهرت منك

>>> اسئلتك في محلها وتدور في خلد الكثير من المشجعين

بس والله ما اتوقع ان فينجر يفكر بهالطريقة التجارية البحتة مستحيل مستحيل مستحيل

واصلو يا عيال في ضغط المضغوط ابو علوة

احمد الله اني من الرعيل الاول وسبق وجلست على هالكرسي مما يعني تلقائيا استحالة الجلوس عليه مرة اخرى

>>> اجل لعبة الفطر

>>> طيب ليه ما سالته عن الاتاري ولعبة الحرامي وصياد السمك

ARSENAL- FC · #11494 23/03/2011, 05:46 PM

مساء الخير
قبل ما ابدأ لازم انوه بوجود قائمة بأسماء بعض الاعضاء والدور جاي عليهم ان شاء الله

MANU10

وبقية الاخوان اللي رأفوا بحالنا

جنرِآَل آَلـرِيآَض

س / ميزة أعجبتك في رآبطتنآ ؟ وميزة أخرى لم تعجبك وتتمنى زوالها ؟
اهم ميزة اشوفها ان الرابطة شاملة لكل شي تغطية لاخبار ومباريات الفريق وبعد فيه علاقة حلوة بين الشباب الموجودين هنا وما يخلى الوضع من الدردشة احياناً

صفة ما تعجبني مافيه الا نقطة ممكن انا اول واحد يعملها

اللي هي الردود اللي تكتب اثناء وبعد المباريات اللي يقدم فيها الارسنال مستوى كارثي او يخسر بالنهاية
انا اولكم حتى ما احد يزعل علينا .. هي الشغلة الوحيدة تقريباً اللي اتمنى انها تقل مني ومن البقية

س / لو اعطيتك امنيتآن وحده قريبه والثآنيه بعيده وش بتكون ..؟
قريبة اتمنى نجاح المشروع اللي راح ابدأ فيه
والبعيدة عسى الله يكتب لنا وظيفة مناسبة نستقر فيها ومنها

س / شخصيتك اجتمآعية ولا انطوآئية .؟
بين الاثنين يعني اجتماعي فترات وممكن انطوي لفترة وارجع ... وهكذا

س / لحقت على ايآم كمبيوتر عآيلة والآتآري ..؟ واذا كنت ملحق تحب لعبة الفطر

..!
لحقت عليها
اكيد من اللي ما يحب ابو شنب !!!

س/ لو كآنت حآرتكم مليآنه بزآرين زي حآرتنآ وكل عصرية يلعبون كورة بشآرع
وكل يوم تلقى سيآرتك معفط البدي حقهآ من هالكورة ..!
وش الاجرآء اللي بتتخذه مع هالبزآرين علمآ ان نصهم مو من الحآرة وكلهم ملآعين جدف
يعني تلعن وآحد منهم تجي من بكرى تلقآهم منسمين كفرك خخخخخخخ ..!
علمآ ان خيآر الدورية لم يفد معهم ..!
اللي يقهرك احياناً تلقى بزران من الشارع اللي وراكم وجايب كورته ويلعب قدام بابك هذا ودك تدعسه او تدعمه على قوله الكويتيين مثل ما قال لك الصخرة

الحل اللي انصح فيه تطلع لهم احد الشيبان الله يطول بعمرهم يكلمهم باسلوب حلو
واذا ما نفع انقلوا من البيت

س/ دولة تتمنى زيآرتهآ ..!
بما انك قلت دولة اقول انجلترا ولندن تحديداً

س/ اغلى هدية وصلتك وش هي ..؟
جهاز ايفون

س / بيت شعر تردده دآيم ..!
دايم اشوف هالسؤال يتكرر
ما ادري هل فعلاً فيه ناس متعودين يرددون بيت شعر او حكمه وغيرها بشكل دائم !!!!
صيغة السؤال مغبرة واشوف انه المفترض تغير لـ بيت شعر يعجبك ؟؟

الاجابة : ما عندي بيت معين

س / اغنية تحسهآ قريبه منك ..!
كثييير خصوصاً لما تتكلم عن طلال مداح رحمة الله عليه او محمد عبده
الي طرت على بالي الان اغنية طلال : انا راجع اشوفك

س / لو دخلت احد المطآعم وشفتني وش اول شي تقوله لي وهل تسمح لي بعزيمتك او تعزمني انت ..؟

لا حول ولاقوة الا بالله انا وش جابني لهـ المطعم ؟؟؟

وآخذ فوق تحت وما تشوف الا الغبااار

س/ تخيل ان هيل وود حطك مستشآر له ابتدآء من اليوم .. وش اول قرآر تتخذه بكرى
لو الامر بيدي كان طردته هو

لكن رداً على سؤالك راح اضغط على فينغر حتى يشتري لاعبين جدد هذا اولاً
ونقطة ثانية اطلع للجمهور المسكين اوضح لهم كل شي عن وضعيه الفريق من خروجه من الهايبري الى هاليوم واخليهم على بينه عكس ماهو حاصل الان .. ناس تقول النادي غني ووصل لمرحلة انه يقدر يصرف ذاتياً وبمبالغ كبيرة وناس تقول ان النادي حتى الان مديون بشكل كبير .

س / اقسى هزيمة او لحضآت عشتهآ للفريق .. يعني عجزت تنآم من قوي حزنك ..؟
نهائي باريس ابرزها

س / وش كآنت اول ردة فعل لك يوم بوسآكآ صك بيرسي احمر ..!
بين الشوطين كتبت هنا ان بوساكا الكلب ناوي يطرد احد لاعبيننا
فـ ما كنت مصدوم من الطرد لاني كنت متوقع هالشي

س / مباراة تآبعتهآ للفريق وكآن مهزوم من نآدي كبير وكآن عندك امل كبير ان الفريق يرجع
وكنت متمسك بهذآ الامل لين انتهت المباراة .. والفريق خيب ضنك ..!
المباريات كثيييرة على سبيل المثال مباراتنا مع تشيلسي على ملعبه حتى اخر لحظه قبل الهدف الثاني كان عندي امل ان الفريق راح يرجع
ومثلاً مباراتنا الموسم الماضي تقريباً , كانت قدام المانيو اللي اخذ فيها روني جائزة الغطس توقعت نرجع بالتعادل
لكن حرمنا منها الحكم والغي الهدف بالدقائق الاخيرة
الارسنال بالمواسم القليلة الماضية يلعب قدام الفرق الكبيرة ويعطيك امل لكن يجيك الخصم بالراحة يطلع بالفوز

س/ نفس السؤآل اللي فوق كنت متآمل ان الفريق يرجع وفعلآ رجع ..!
وفآز بذيك المباراة ..!
مباراة ايفرتون هالموسم + مباراة الليفر 4 - 4 مع انه هم اللي عادلونا لكن المباراة كانت متقلبة والفريق يتأخر ويرجع
فيه عدد من المباريات

س/ وش رآيك بحي النسيم بالريآض

<- سؤآل خطمه

السؤال يحول لاهل الرياض
تسألني انا ليش

س / نهآئي بآريس تذكره .. وين كنت العصر بنفس ذآك اليوم

<- فآضي
بالضبط ما اذكر لكنه كان اسبوع كئيب

سواء قبل وحتى بعد المباراة

س / مره من المرآت يوم كنت على عز عطآئي الكروي رحت لعبت مباراة
بنآدي الشبآب وسجلت هدفين وجآني المدرب وقآلي انت فنآن
ولآزم نآخذك معنآ .. وفجأه اختآروآ اثنين لآعبين احتيآط بوسط المباراة

ضنك الوجه يفرق عند المدربين السعوديين

هدفين & قالوا لك انت فنان

اشك بمصداقية هالقصة

على العموم انت غلطان ليش تروح لنادي الشباب !!!

الواسطه لها دور كبير حالياً بالاندية هالشي من خلال ما نقرأه من مواضيع والكلام تحديداً عن الهلال واكيد الاندية الثانية مثله

س / اذا صرنآ مهزومين وجت الكآميرآ على فنقر بدكه نشوفه يخربط على بآت رآيس
تتوقع وش يقوله خخخ ..؟
رايس الكاميرا جت علينا ... تكلم كأننا نشتغل تكتيك وحركات

س / تحس ان حسن العتيبي حآرس يتكل عليه ولا مآشيه معه بالبركه ..!
العتيبي ممتاز لكن تعيبه بعض الحركات
الحراسة بوضع ممتاز حالياً
شوف مصايب غيرك واحمد ربك على الموجود
الحراسة العربية بشكل عام تعاني + حراسة الارسنال طبعاً

س / ودك تحضر بالانفيلد و وش شرآيك بجمآهيرهم قبل بدآية كل مبآرآة كبيره
وبالذآت اذا غنوآ اغنيتهم المشهورة ..!

شفهآ باليوتوب قبل لآتجآوب

جمهور ممتع ومحفز لفريقه من الدرجة الاولى ومن ضمن الافضل على مستوى اوروبا
يكفيك تسمعها من مدرجهم تدخلك بعالم ثاني حتى لو ما تعرف كلماتها
ليت ربعنا ينتبهون لنقطة جمهور الارسنال " اللندني " ويعطونهم فرصة اكبر افضل من الوضع الحالي السييييئ للجمهور والتشجيع

س / مآتلآحظ ان وضع جمآهيرنآ اختلف يوم جينآ للامآرآت ..!
اختلف وبشكل كبير
اغلب الكلام انه بسبب اسعار التذاكر العالية الناس ما صارت تحضر والباب صار مفتوح للسياح وغيرهم .

س / اول بدآية هالسنه كم مره حآط ببآلك ان الفريق بيزور ويمبلي ..!
بما انك تتكلم عن 2011 فقط
كنت حاط ببالي مرتين وحده الكارلينغ طبعاً والثانية ممكن نوصل لادوار متقدمة بكأس الاتحاد
الابطال كنت مستبعده وبقوة

س / تحس بالغبنه لمآ تشوف نوتنقهآم فورست اللي عنده وآحد دوري واثنين ابطآل
ويلعب بالدرجة الاولى وحنآ لنآ حول مية سنه نترنح بالدوري وعجزنآ نجيب الابطآل ..!
لا
النادي يستحق اللي حققه حتى لو كانت بطولاته قديمة جداً والمنافسة اقل من الموجودة حالياً وتحديداً الابطال
عموماً الفريق له اسمه بإنجلترا وتحقيقه بذاك الوقت ممكن يكون شي عادي وطبيعي

س / تتوقع الدجآج يوصلون نهآئي الابطـآل ..!
استبعد هالشي
هم طاحوا بطريق صعب جداً

س / تأيد ان الفريق يقوم بثوره للحصول على الابطآل وبعد مآ يحصل عليهآ يطفي
ليسدد الديون .. مثلنآ مثل فورست والليفر ..!
يعني لو تحقق الابطآل يرضيك يصير مركزنآ السآدس ولا السآبع لمدة عشر سنوآت ..!
اكيد لا
ليش ما نعمل مثل بعض الاندية مثل برشلونة والمانيو وتشيلسي على سبيل المثال بالسنوات الماضية تلقاهم هالموسم واصلين لنهائي الابطال واللي بعده غايبين عن النهائي لكن مسوين شغل بالدوري والموسم اللي بعده العكس .. وهكذا
اما طريقة الليفر وتوتنغهام هذا اذا كانت فعلاً مخطط لها فأنا ضدها
واعتقد انها جت بسبب الظروف ومن دون تخطيط لها

ولا تبي ننآفس على الدوري ونوصل لمرآكز متقدمه والابطآل متى مآجت تجي ..!
تحقيقك لدوري مثل البريمرليغ يعني بأنك فعلاً جاهز وتستحق الحصول على الابطال
متى ما وصلنا لمرحلة نقدر فيها نحسم الدوري تأكد ان الابطال قريب لو استمر على نفس التشكيلة اللي اشتغلت بالدوري من دون تغيير

س/ وش رآيك بثيو وآلكوت هل تتوقع منه بعد اربع سنوآت ان بيحط عرضية صح
وبيصير شقردي مثله مثل خويه بآل ولا بيكون مكآنك سر ..!
اتمنى ولكن ما اتوقع
اللاعب تحسن هالموسم بشكل بسيط لما اخذ مكان اساسي
ممكن تكون للاصابات + دكة الاحتياط دور
ننتظر ونشوف لعل وعسى يصلح الحال
ياليت مشكلتنا لاعب مثل والكوت على الاقل احياناً يطلع بشي مشكلتنا اكبر واسوأ من والكوت

س / قمت من النوم من بكرى وفتحت الرسمي لقيت الفريق متعآقد مع انيلكآ ..!
بالله بتشجع الفريق بعد كذآ

شجعناه وسيلفستر وطقته موجودين

your soul

هلا بالمدعوووم

1- أكلتك المفضلة؟
بيتزا

وبعدها مكرونه بالباشميل

2- تعيش في قرية ولا مدينة؟
مدينة

3- مواليد كم؟
1408

4- اختر من ما يلي:

أ- مانشستريونايتد ، توتنهام هوتسبير.
اختار على اي اساس !!!!!

نقول مانشستر

ب- فلافل ، شاورما.
شاورما

ج- الرياض ، جدة.
جدة

د- تويتر ، فيسبوك.
تويتر , مع العلم اني فقط متابع يعني ما استخدمة لكن اشوفه افضل واسهل من الفيسبوك

هـ - ويلشير ، رامزي.
ويلشير

و- سنكرس ، مارس.
سنكرس

ز- بويول ، بيكيه.
بويول
الثاني احسها ماشية معه بالبركة ما ادري كيف بعض الناس يقولوا انه من افضل المدافعين بالعالم !!!

ح- أديداس ، نايكي.
نايكي

داري إن أسئلتي مدري وش تبي، بس عاد الاختبارات استنزفت خلايا المخ -ان كان فيه مخ- كلها، وراجع لك ان شاء الله.

المهم انك تدري

نـواف الهلالي

انت ما تخلص

1- بصراحه وش معيارتك عند الجماعة أو بمعنى ألطف ماهو لقبك !! < إحراج

ماهو شغلك

بالنهاية هذي اسرار بيننا

2- تدل مخرج 15 بالرياض .. وإذا كان الجواب نعم .. تدل طيب شارع الثلاثين بالربوة ..!!
لا والله

3- هل حصلت لك الفرصة وحضرت اعتزال نواف التمياط وشفت خشة فييرا على الطبيعة
لا

4- كم كيلو بالضبط بين عرعر والرياض والطريق سيدين وإلا سيد واحد ..!!
الف وشوي
وعلى فكرة ما سبق لي السفر للرياض بالسيارة يعني بالطيارة او على هليكوبتر الوالد

5- يقولون إنك أطخم وتهتم بمظهرك الخارجي ، السؤال الشنب كم تعطيه مكينة رقم كم !! وإلا ما تلمسه ..!! <

تحديد بسيط ومن الجوانب فقط فقط فقط

6- السنة 360 يوم .. كم يوم بالسنة تقريبا تكون لابس الفروة ..!!
ما عديتها لكن نقول 40 يوم !!!

7- أفضل خانة تشوف إنه يلعب فيها سمير نصري ..!! وهل تفضل سواريز عليه بكثير ..!!
افضل خانة لعب فيها نصري هالموسم تحديداً اعتقد انها بجهة اليمين كان مسوي شغل كبير مع سانيا
لكن فينغر غير بشكل الفريق بعد ما نكبنا العميل الروسي بمستواه
سواريز الليفر ما غيره !!! هذا مهاجم وما ادري على اي اساس تقارنه بنصري

8- ماهي أجمل روضة بالصمان من وجهة نظرك يا ممدوح < أنا قلت ممدوح ما قلت سعد

على اساس اني مقطعها يا نواف هي كم مرة

الحصبيات
ماهي مسألة اجمل لان تجربتي تعتبر بسيطه وما اقدر احكم عن شي ما شفته لكن طلعنا لها قبل كم سنة وكانت

9- لو قالك فينغر أنا مستعد أجيب لك الخال إيتو ، بس بشرط تحب صلعة سيلفستر وتعتذر منه عن أي إساءة سابقة !! هل أنت موافق ؟!
عطوني راسه < العن ابو الذل

10- لاعب محور تشوف إنه ممتاز وإن سعره ممكن إنه يخربها فينغر ويدفع فيه ..!! من هو ..!! وهل رادوي خيار جيد لأرسنال من وجهة نظرك !!
اما ان الشايب يخربها ويدفع كثر منها
بالنسبة للمحاور فيه ايسيان وبالنسبة لي اتمنى اشوف لاعب مثل تشافي الونسو بالفريق

بالنسبة لرادوي لاعب مميز لكن الزين ما يكمل مشكلته العصبية الزايدة اللي ممكن توصل للمضاربات
البريمرليغ مليان ضرب من تحت لتحت ومثل رادوي ما يصلح له هالوضع
بالنهاية راح يخرب على فريقه

11- رداد الرويلي .. سبق ودرس معي بالمستوى الأول .. هل مر عليك هالشخص ..؟!
لا

12- ساكتون .. شوزن .. خرازه ، ضبان .. دخّل .. قميري : ضع السلاح المناسب للصيد المناسب ..!!
مالي خبرة كبيرة وان رحت للاستمتاع فقط والا القنص يمين وانا يسار

حسب ما اشوفه .. الشوزن للقميري ومناسب لكلش

13- باللغة الانجليزية كم تعطي نفسك درجة من 100 ..؟! وكيف تعلمت اللغة ..؟!
اللغة عندي بشكل عام بسيطه جداً ومازلت بعيد جداً عن درجة الاتقان ... يعني نطقطق فيها بس

من القراءة والقراءة فقط

14- المدن التالية كم مره في حياتك زرتها تقريبا : الرياض .. مكه .. جده .. الدمام .. أبها ..؟!
الرياض بحدود 5 مرات - مكة وجدة حوالي 8 مرات - الدمام و ابها ما رحت لها والله

15- هل وصل بك الجنون مثلي إنك تشجع فريق عشان فيه لاعب سبق وأن كان له تاريخ مع أرسنال

يعني مثلا برشلونه عشان هنري وفياريال عشان بيريز وهكذا ؟!!
لا
هنري و بيريز وغيرهم كانوا من الاسباب اللي خلتني اعشق هالفريق لكن موسم او اثنين وبعدها تعلقت بالنادي اكثر من اي لاعب

16- كم مساحة بيتكم وعلى شارع كم يعني عرض الشارع ويا ليت لون الباب من فضلك <

الصك بعيد يا نواف
على شارعين
لون الباب احمر ومخطط بأبيض وبالوسط رازين المدفع

17- ( اختياري ) نوع البنادول المفضل عندك ..؟!! <

دامه اختياري ما راح اجاوب

ودي أكمل الأسئلة بس استحيت والله

كل هالاسئلة ومستحي

اسئلتك جابت لي حموضه بصراحة

Forza Arsenal · #11495 23/03/2011, 06:05 PM

إقتباس

الرسالة الأصلية كتبت بواسطة أبــو ALi


	ومن تويتر بعد: الارسنال يصل لاتفاق بقيمة 220.000 باوند للتعاقد مع المدافع ليندر سيمان عمره 15 سنة من نادي هيرتا برلين

فينجر يبي يسوي فريق ( الغـالاكتيكوس ) الارسنالي ,
انا اشهد بيغطي على بيريز , ههههههههههه ,

أبو علي ,
رحمتكـ وقسم !

إقتباس

الرسالة الأصلية كتبت بواسطة M A D R I D


	سلاام عليكم صباح الخير ارسنالية ماادري اذا يخالف نظام وتعليمات المنتدى او لا لكني زرت ملعب الإمارات وحضرت للقنرز ماتشين كلها فوز لأني مصدر تفاؤول جميل في هالعالم هههه يشرفّني تزورون موضوعي زيارتي لملعب الإمارات .. وحضور مباراة أرسنال , برشلونة تشرفوني

وقسم بالله انك أكوس واحد ,
وباقي اطرحك بالاسئله ع الخاص عن اشياء كثير ,
ودي اروح بس باخذها سياحه ومنها زياره للعشق الأبدي ,

Nasser_A7 · #11496 23/03/2011, 06:22 PM

يعطيك العافيه يا ابو علي

بس ما ادري ليش كنت متنرفز من نواف

محد يسأل يعني

إقتباس


	طيب يا عيال انتم موافقين نحجر لعبدالله المخرب بعد ما ننتهي من ابو علي مباشرة ؟

ولا بعد

هاتووه هاتوووه

استلم الطاره يا نواف

Arsenaly Cool · #11497 23/03/2011, 07:28 PM

السلام عليكم ورحمة الله وبركاته , ,

الله يعينك أبو علي ، مولعين فيك

ARSENAL- FC · #11498 23/03/2011, 09:19 PM

من الشيخ تويتر :

- هنري لانسبري ينسحب من معسكر انجلترا - 21 بسبب الاصابة .
- لاعب ومهاجم الارسنال فيليب روبرتس احرز هدف + صنع اخر .. في المباراة التي خرجت منها ايرلندا -17 عام متعادلة 2 - 2 امام الدنمارك هذا اليوم .
- ديفيد سيمان الحارس السابق للغنرز الان على تويتر : Twitter
- تم استدعاء البرازيلي الشاب ويلنغتون سيلفا لتشكيلة المنتخب البرازيلي - 18 عام للمشاركة باحد البطولات .
- صورة لـ المدافع ليندر سيمان اللي تعاقد معه الارسنال ( عمره 15 )

lzeezmoot · #11499 23/03/2011, 10:09 PM

هلا شباب لا يفوتكم فابريقاس لايف ستريم

Stream Live Video on Twitter from twitcam- powered by Livestream

الحقووو عليييه

arshavin - 23 · #11500 23/03/2011, 10:13 PM

شباب عطونا اخبار عن ويلينقتون سيلفا مع بيتيس << ولا .!

تخيلوا بس تخيلوا :
سيلفا ع اليمين
ريو ع اليسار
وفيلا خلف المهاجمين
وفابري وراهم
وجاكي معهم

طبعا هذا باسوا الاحوال .
يعني نصري وارشا رصيتهم ع الدكة

اضمن لكم بهالفريق نجيب الكارلينق سلام سلام

وننافس ع الدوري .

ارسنال يبيله لاعب مهاري بالفطرة .
وهالشي ماشوفه بنصري

شف ويلنقتون سيلفا وتعرف معنى كلامي شلون

لاعب ياناس خرااااااااااااافي .

نيلمار - كوتينهو - ويلنقتون

البرازيل تفوز بكاس العالم بعد <<

بالتوفيق
. }

arshavin - 23 · #11501 23/03/2011, 10:17 PM

باي باي اند موك موك .!

وش السالفة .!
وش عنده فابري .

خلوا عنكم ترى ماطلع الا عشان يشوفن

لا لا صدق .
وش مناسبة الطلعة ذي .!!

بالتوفيق
. }

ARSENAL- FC · #11502 23/03/2011, 10:38 PM

فابريغاس عامل مسابقة عبارة عن سؤال واسرع شخص يجاوب بشكل صحيح راح يحضر مباراة بلاكبيرن مع رفيق على حساب فابريغاس ( طبعاً التذاكر بس

) وحسب كلامه قبل بعد المباراة راح يقابلهم ويتكلم معهم .
سؤاله كان متى انشئت حسابي بتويتر ؟؟؟

من كلام فابريغاس قبل شوي يقول مثل ما ذكرت بتويتر اني بدأت الركض يوم الاثنين واصابتي بوضع جيد الان
واتمنى ارجع اقوى من قبل واتمنى ارجع قدام بلاكبيرن اذا كنت جاهز .

من تويتر + مؤكد من بعض المواقع :

كارل جينكينسون لاعب تشارلتون يرفض تجديد عقدة مع فريقه الحالي وراح يطلع نهاية الموسم . الارسنال & المان من ابرز المهتمين باللاعب .
اللاعب عمره 19 سنة , ظهير ايمن ولعب بوقت سابق لانجلترا وفنلندا