في البداية وقبل كل شيء أحب اهنئكم على المجهودات التي تقومون بها في الرابطة وخاصة من المحررين الله يعطيهم العافية اللي يوصلون لنا أخبار معشوقي ( الأرسنال )
انا كنت متابع لهذه الرابطة لفترة ليست بالطويلة وأعجبتني كثير من الآراء والتحليلات اللي انا استفدت منها شخصياً
لكن اللي يتابع مباراة اليوم ويشوف ، كأنه يشجع أحد فرق الدرجة الثانية
معقولة هذا الفريق اللي لقمه تشيلسي بـ 7
معقولة هذا القنرز اللي له هيبته في كل انجلترا ..
الصرآحة الواحد بدال ماصار ينتظر كل اسبوع يشوف متعة .. خلاص صار كل واحد عارف من بدري حواق اللعيبة والمدرب بعد .
يعني خلونا شوي نرجع للمباراة حبتين ورا :-
* فريق ( ايبسويتش تاون ) ومن بداية المباراة وأول 3 دقائق من تمريرات سيسك في العمق واختراقات والكوت دريت ان الفريق سهل جداً جداً ، لكن ضياع الفرص المتتالية والسهلة اللي ماتترجم لأهداف جعلت من الفريق المقابل يمتلك ثقة عجيبة بأنه يهدد مرمى الأرسنال .
* المباراة من بدايتها وهي كانت تمرير × تمرير ، اللاعب يمرر ويروح ياخذ له خانة ويستلم بس ، إلى درجة صار فيه ( إيثار بين لعيبة الأرسنال ) حتى في الصندوق ، فيه لقطة من اللقطات فابري في موقع تسديد جوا الصندوق ولكن ( يأبى ) أن يسدد ويعطي شرف تسجيل الهدف لـ ويلشر اللي كان في موقع صعب للتسديد وانقطعت الكرة وصارت بكل بساطة ( كورنر ) نسبة الاستفادة منه 0% .
* عدد من اللاعبين اليوم تلاحظهم وكأنهم مجبورين على اللعب أو كأنهم يلعبون لأول مرة في هذه المراكز ، طبعاً ماله أي داعي إني أتكلم على ( أرشافين ) لأنه أًشبع من النقد والتجريح في الرابطة ، واللاعب الآخر ( ايبويه ) ، مافي أحد يختلف على اخلاص هذا اللاعب للشعار لكن تحس كأنه اول مرة يلعب باك يمين ، المشكلة انه هو الظهير اللي راح تعتمد عليه في مباراة برشلونة . ، غير أنه مجرد مايستلم الكرة ويحتك مع أقرب لاعب للخصم تجده يحاول السقوط وكسب فاول بدلاً من أن يبحث عن زميل فيه مساحة ويمرر له ، والتبديل اللي اجراه المدرب بنزول ( سونغ ) كان الهدف منه واتوقع انه تغطية لأخطاء ايبويه الكارثية اثناء استلامه للكرة وتركه للمساحات خلفه ، ناهيك عن عدم التزامه في كثير من الاحيان بمصيدة التسلل .
* غياب المهاجم الهداف اليوم هو من جعل المعلق يمجد فريق ( ايبسويتش تاون ) ويقول انه فريق يستحق التحية ، الفريق هذا سهل ونهاية الأسبوع تشيلسي لزخه بـ 7 كيف يكون يستحق التحية ، فريق الأرسنال هو من جعل هذا الفريق يستحق التحية ، حتى والكوت من ضياع الفرص السخيفة جعل من الحارس ( أسطورياً ) بنظر المعلق .
مشكلة لاصار فينغر يحتري من الخصم لدغة عشان يقوم بردة الفعل .. غريب أمرك يا آرسيـن ..
شوف حالة ( فيلا ) كيف حساسيته للكرة مفقودة .
واخيراً ،،
أنا آسف لو كان رأيي فيه تشنج ، والقهر أنها تكون أول مشاركة ..
الكل متشنج بسبب الاستهتآر .. وآضح على فينقر عدم رغبته بالفوز .. برود عجيب وتضييع غريب من اششباهـ اللاعبين !!
والسبب : ( فينقر للأسف )
اصبعي الكريم كلنا نعلم اننا في اسبوع مليئ بالضغوطاىت ويمكن ان اعذرك في ذلك , لكن انك تتعب بالك وتدخل الاياب وانت خسران , غير مباراة الاعادة بـ ارض ليييدز , غير ويغان اللي يتفجر دآئما قدام الارسسنال ..
ما اقول الا الله يعينك ي فينقر .. ضيعت على نفسك الرآحه بكل من مباراة لييدز & ***** تاون .. الحين ابلش طال عممرك واقعد احسب اسداس في اخمآس من التداور بين اللاعبين الى لياقة الفريق على اصابته .. !!!
استغفر الله بسس ..
إقتباس
الرسالة الأصلية كتبت بواسطة Woolwich Arsenal
والقهر أنها تكون أول مشاركة ..
أتمنى أكون عضو خفيف ظل عليكم ..
حيآك الله ي الغالي .. وان شاء الله الاولى تخيييب والباقيات كلللها تصيب ي صديقنا ونختمها بـ بطولة بـ وجهك الحسن ..
مع فينغر مش حتئدر تغمض عينيك ..!! أو خلوني أقول مع عناد ومكابرة فينغر على هالدكة الكارثية أصبح الآرسنال لقمة سائغة للفرق الصغيره ...!!
له كم سنة الحين وهو يشوف الكوره تروح وترجع وتدور وتلف في وسط الملعب ولا فيه مهاجم يسجلها !!
وتضيع سنينه ويروح عمره ويخرب كل ما يبنيه كل هذا ولا يدفع عشرين أو ثلاثين مليون يجيب فيها مهاجم زي الناس !!
قلت في ردي السابق أن فيوز مخي يضرب إذا شفت سلاتيح أندية في كل مكان
ومع ذلك عندهم مهاجمين ما يمكن تقارنهم بزلايبنا ..!!
ولو نبي نعدهم كان تعبنا وحنا نعد !! أبيكم تقارنون لي مثلا بين الشماخ وبين المهاجمين ذولا :
هذولاء مثال وإلا فيه كثير أسماء غير معروفه وبعضهم في درجة ثانية
ومع ذلك أفضل من هالعاهات اللي مجمعها فينجر ..!!
شيء يغبن فعلا .. من متى والآرسنال النادي العظيم يجامل أشباه لاعبين ..؟!
أما والكوت فقلناها مرارا وتكرارا .. والكوت نجم كبير لكن فقط في مباراتين ثلاث في الموسم
وهي اللي تكون مع أندية كبيرة تتقدم للهجوم !!
أما مع باقي الأندية اللي تدافع أمامنا هذي فـ والكوت يصبح مردوده عكسي من جد
ويضيع مجهود زملاؤه باللمسة الأخير أو اللي قبل الأخيرة دائما ..!
والله ان فريقكم فيد خساير وبس << قابلوني لو فهمتوا هالجمله
منورنا
هذي بيفهمها عوض كخخخخخخ
ما ازيد على كلام النايب العزيز الي ساكن حولنا
مبارة كانت بيد فنغر واتوقع لو داخل بنفس تشكيلة ليدز بس بداله الشماخ فابري بالوسط كان انهينا المبارة من البداية
لكن ما نغفل ان قدمو مستوى جيد ودافعو بدون اخطاء وطلعو بهدف وبغو يجيبون الثاني لولا ستر ربك ثم دوجور
اما الي يتكلم عن ايبوي فاقول الله يسامحكم
الولد صابر عليكم مع العروض الي تجيه "مع انه افضل من سانيا بالنسبة لي " ويقدر يلعب في كذا مركز ويفيد الفريق والميزة الاهم فيه انه مندفع للهجوم وما يخاف وهذا الي نفقده بالاخ بكاري
برب اختبارات نهائية هالاسبوع
دعواتكم
و منورة الرابطة بأهلها و بأعضاءها حتى الجدد منهم و اللي يعتبرون مكاسب لها من خلال حروفهم الأولى
كالعادة
عشقنا و حنيننا لا ينتهي .. يظل هذا المكان ميلاد حب و وفاء لا حدود له ,,
الليلة خنقني أداء الأرسنال .. فجيت هارب للرابطة !! يمكن ألقى هواء !!
(( لا تجي تقول ان شاء الله دايم يخنقك الارسنال عشان تجي ))
هارد لك لجميع العشاق الأرسناليين .. يمكن الفريق يراضينا أمام ويست هام .. و لعل هذي المباراة و كونها خارج الديار على قولة مهند السبب في خسارتنا الليلة !!
أسلم عليكم عشاق القنرس فرداً فرداً ..
و خفوا على مدربكم .. و بعض لاعبينكم مثل ايبوي و الشماخ .. لكن ارشافين و دنيلسون عليكم فيهم .. طلعوا حرتكم و حرتي معكم دايماً فيهم .. قمة البرود و اللامبالاة !!!
صحيح أن المباراة فيها إيآب بس مايمنع أنك تجهز على خصمك من البداية بجملة من الأهداف
وتريح الإياب خاصة إنك داري يامستر / فينغر أن شهر يناير كله ضغط وغير كذا أنه مفترق طرق
إقتباس
ياهلا والله وحياك بين أخوانك
وآنست وشرفت على قولة أخونا سعد
وإثباتك ؟
//
إثباتك ؟ يا عيآل ما اتفقنا يعني توني جديد ( لنق ) ، وش السآلفة ؟ تبي إثباتي كامل والا بس الصورة حدد طآل عمرك
إقتباس
اما الي يتكلم عن ايبوي فاقول الله يسامحكم
الولد صابر عليكم مع العروض الي تجيه "مع انه افضل من سانيا بالنسبة لي " ويقدر يلعب في كذا مركز ويفيد الفريق والميزة الاهم فيه انه مندفع للهجوم وما يخاف وهذا الي نفقده بالاخ بكاري
شوف أنا أختلف معك بخصوص أنه أفضل من سانيا ، سانيا دفاعياً أفضل وبمراحل ويكفي انك قلت في ردك انه مندفع للهجوم يعني لآتقدم ايبويه ( يكشت ) مايعروف يوازن مابين واجباته الدفاعية والهجومية عشان كذا لو يصير في خط الوسط يكون أفضل له بكثير ، وأما اخلاصه للشعار ورفضه للعروض أحنا ماعمرنا شككنا بحب (المفرج) للهلال ومع ذلك الجمهور وقتها حاربه وجاب لك بطولة وبعدها راح ، احنا نتكلم بعيداً عن العاطفة ، ولعلمك لو تعيد المباراة ثاني مرة شوف كم تسلل انكسر بسبب ( ايبويه ) ويوم 16 فبراير إنت ماعندك إلا هالظهير فـ احتمال كبير أن ( فيا وبيدرو ) بيقلبونها صالة تزلج
كورتين انت وضميرك مير ما يعرف يترجم وعطوهـ فرصه اكثر من اللازم ليش ما نعطي فيلا شوفه الحين احسه يخاف من الكره
وبعدين ابي افهم تبي تلعب رفعات وحاط الطويل الهبيل بالجناح وش يسوي يسحب مثلا ووالكوت والدميجه الثاني ارشا اللي ماله خلق يلعب احسه بردان مرررره ما يقدر يلعب
قسم بالله شي يقهر ولا واحد قادر يلعب زي الناس غير فابري
ما عليش اعير فيلا عشان استفيد منه وهو يطور نفسه وترجع حساسيته للمباريات وابيع ارشا وابيع دينيلسون واعير والكوت بالدوري الايطالي عشان يعرف ان الدوري الانجليزي العن منه
واجيب لي مدافع يطيح الطير من الطياره <<< وشلون تجي
الله واعلم وشلون تجي المهم انه جلف وطويل
واجيب لي مهاجم صريح ووراه فان بيرسي وانتهينا والشماخ اعيره بعد بالدوري الايطالي اخليه يجينا خشن
على ما اذا كان يشعر بخيبة امل بالاداء :
انا واللاعبين كذلك , كانت لدينا الكرة في كثير من الوقت , ولكن لم يبذل اللاعبين الكثير ,
وايضًا كان دفاع ايبسوستش قوي , وايضًا سببوا لنا مشكله في الهجمات المرتده , ولقد اظهرنا
اننا يمكن ان نحصل على الكرة 70% , ولكن نخسر مباريات , وايضًا يجب ان تعطي الكثير من الاحترام
لـ ايبسويتش , ونحن لم نكن اقوياء , ولم نكن مبدعين ودفاعنا ضعيف .
حول ما اذا كان الارسنال متراخي :
لا اعتقد ذلك , اعتقد اننا لم تكن هذه ليلتنا , وكان يمكنك ان ترى ذلك من البداية
وهذه مشكله , ونحن نعتمد على التمرير , قوي دًا والتي كانت مشكلة هذه الليلة طوال المباراة .
حول ما اذا كان يستحق الفوز على ايبسيويتش :
فاز ايبسيويتش , يجب ان تهنئهم , كافحوا من اجل الفوز , يمكنك ان تقول ذلك .
عن دفاع فريقه:
كفريق واحد , لم نقدم الاداء المطلوب هذا المساء , وأواد ان اقول ان في بعض البطولات لم نكن في مستوانا
المعهود , ومن الظلم ان يوضع اللوم على المدافعين هذه الليلة , لانني اعتقد اننا في بعض الاحيان لم نكن
في مستوانا المعهود .
الكرات الطويل لـ ايبسويتش :
عندما تلعب في النصف , وبالكرة لفترة طويل حتى 50 مترًا , تكون خطرًا , شعرت اننا وصلنا لمشاكل اكثر
, ونحن سيطرنا في الشوط الاول ولكن الشوط الثاني كان امامنا دفاع اقوى , ووصلنا الى التعب .
حول ما اذا كان فريقه سيتغير في مباراة الاياب :
اعتقد ان سوف يتغير , لقد حصلنا على انذار جيد هذه الليلة وعلينا ان ننتج اداء جديد .
عن الحالة الدفاعية :
خسرنا مباراة الليلة لاننا لم نلعب جيد , كما نستطيع ان ناخذه درس , في هذه اللحظة ليس لدينا سوى
اثنين من قلبي الدفاع , ولكن هذا لا يفسر لنا دفاع الليلة .
على الاشاعات بشان ماثيو ابسون :
لا اريد ان اتكلم عن اسم واحد معين .
على خططه للحصول على مدافع :
اشعر بخيبة امل في هذه الليلة بهزيمتنا , انه من المبكر قول اننا بالتاكيد لن نحصل على شخص ,
المهم بالنسبه لان ان نلعب 9 مباريات في يناير كانون الثاني , ويمكن ان يكون احيانا اللعب غير قوي
كما يمكن ان يكون , ولكن يجب ان نركز على مبارياتنا المقبله .
يريد نادي بلاكبول اللاعب الويلزي لاعب خط الوسط ارون رامزي على نظام الاعاره , وفقًا لـ TALKsport .
وكان رامزي قد عاد من الاعاره التي كان فيها نوتنغهام لـ استعادة لياقته ,
بعد الكسر في ساقه شباط / فبراير الماضي في اشتباك مع ريان شاوكروس لاعب ستوك سيتي .
ايان هولواي مدرب بلاكبول يريد استعارة رامزي حتى نهاية الموسم الحالي .
ويأمل صاحب الـ 20 عام من فينغر للحصول على اكبر قدر من المشاركة في الفريق الاول
وسينظر الى العروض المقدمه .
![][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][](iconimages/t913680_rtl.gif)
) أن يسدد ويعطي شرف تسجيل الهدف لـ ويلشر اللي كان في موقع صعب للتسديد وانقطعت الكرة وصارت بكل بساطة ( كورنر ) نسبة الاستفادة منه 0% .
، غير أنه مجرد مايستلم الكرة ويحتك مع أقرب لاعب للخصم تجده يحاول السقوط وكسب فاول بدلاً من أن يبحث عن زميل فيه مساحة ويمرر له ، والتبديل اللي اجراه المدرب بنزول ( سونغ ) كان الهدف منه واتوقع انه تغطية لأخطاء ايبويه الكارثية اثناء استلامه للكرة وتركه للمساحات خلفه ، ناهيك عن عدم التزامه في كثير من الاحيان بمصيدة التسلل .
.. الحين ابلش طال عممرك واقعد احسب اسداس في اخمآس من التداور بين اللاعبين الى لياقة الفريق على اصابته .. !!! 
..
وباقي الاياب على أرضنا وإن شاء الله نفوز فيها ونتأهل بإذن الله .
متأكدين ما كان تاكي معنا قبل المباراة !! 
الوضع العادي
