إقتباس الرسالة الأصلية كتبت بواسطة أبــو ALi " لدينا حلول داخلية مع ميكيل اغناسي , مع اليكس سونغ الذي يستطيع اللعب كقلب دفاع وايضاً مع سكيلاتشي الذي ينبغي ان يعود بسرعة " .

أنا والله لدي حل إني أبطب ببطنك !! ما تعقل يا شيبة عرعر عن هالسوالف !!
ميكيل اغناسي هذا من يبي يواجه تكفى روني ولا توريس عساك للترس بجبهتك !!
وسونج لا رجع دفاع من يبي يمسك المحور يومنك أصلا ما جبت محور بداله
لا تقول دينيلسون وإلا أخاف مثل ما حطيت بينتر جناح تقوله ارجع محور ما دامك راجع راجع !!
أما سكيلاتشي هذا اللي انت فرحان فيه هالأسطوره خليفة الظاهره سلفستر فاللي ينبغي
إنه ما يرجع أبد !! وبعدين مصاب وشلون تقول ينبغي أجل ينبغي يرجع فيرمالين !!
وما نيل المطالب بالتمني يا مستر ترقيع !!

^^ الانفلات أعلاه نتيجة لضغوطات شديدة يعاني منها المستخدم
لكن أتوقع والله أعلم إنها حركه من حركات فينجر وبكره يبي يوقع مع واحد
أو إنه من جد يستخف دمه

إقتباس الرسالة الأصلية كتبت بواسطة N a w a F | , سيسك فابريجاس : " لماذا أغادر ؟ , الوضع رائع هنا , !

حس إن الجينات بدأت تسحب عليه فقال يا ولد ما لها داعي نخسرهم كلهم أكلف ما علينا تصريح

إقتباس الرسالة الأصلية كتبت بواسطة الكوبرا (فان بيرسي) عموما اعرفكم بنفسي اخوكم عبدالرحمن من سكان منطقه القصيم

حياك الله يالدحمي منوّر مجددا وإن شاء الله إنها عودة بدون انقطاع

إقتباس الرسالة الأصلية كتبت بواسطة أبــو ALi يا فضيحتنا بين العربان الرديف مصفوق بعشرة من استون فيلا Reserves: Aston Villa 10-1 Arsenal - Report | Fixtures & Reports | Fixtures | Arsenal.com

ول والله قوية ممدوح تكفى استر ما واجهت إذا صار مثل هالعلوم

إقتباس الرسالة الأصلية كتبت بواسطة V A N G O O L فيرمايلين يتعرض لـ انتكاسه !

عيب يا فينجر عيب !!! الجهاز الطبي ذا عيب على مدرب مثلك وعلى فريق بحجم آرسنال !!!!

إقتباس الرسالة الأصلية كتبت بواسطة رودريقو بوسيبون 34 بسم الله نبدأ .! سلام من الله عليكم معشر أرسنال .! تم بحمدلله الاستيلاء على عضوية أخوي المانشستراوي قبل عدة أيام .! و أتمنى أن أكون عضوا دائما و أبدا لهذه الرابطة المميزة

حياك الله أخوي بو وليد منوّر الرابطة وإن شاء الله نشوفك معنا على طول
وعسى عضوية أخوك تصير فال خير علينا بكسب المزيد من البلنتيات إن شاء الله

إقتباس الرسالة الأصلية كتبت بواسطة جنرِآَل آَلـرِيآَض ^^ رشود لو بتحسب اغلآط فريجسون يبيلك اسبوع تعدهآ لكن اللي يمشيه خبرة لآعبينه وهالشي هو اللي يفرقنآ عنهم

سلام كليم عفوا كلام سليم

إقتباس الرسالة الأصلية كتبت بواسطة N a w a F | , جيرفينهو يحلم بالانتقال الى نادي ارسنال الانجليزي ! ,

صدقوني اللاعب هذا مهب سيء ..! يحتاج فقط بعض التوجيهات من فينجر ويصير عال العال
عنده مقومات كبيرة مثل السرعة والمهارة العالية ..!
بلا شك هو عندي أفضل من العاهات الموجودة شمخمخ وخويه

إقتباس الرسالة الأصلية كتبت بواسطة فتـى بريده نعــلم أن الارسنال يحارب هذه السنه وبقوه على عددة جبهـــات وأعتقد اشرسها الدوري والأبطال لكن هل فينغر أيضا سوف يحارب من أجل هذه البطوله وأعني بطولة (الكأس الانجليزيه) أم ان الفريق سوف يجعل هذه البطوله أعداد وتجهيز لمـاهو قادم من بطــولات مهمه جدا وأعتقد انها أهم من هذه البطوله . وشـــكرا لكم . أخوكم :~فهد

هلا هلا فهد منوّرة الرابطة بتواجدك وشكرا على كلامك الجميل
بالنسبة لسؤالك : أحب أقولك إن فينجر يرى في لاعبيه الجودة والنوعية اللي تخليهم
هم المرشحين رقم واحد لكل البطولات العالمية سواء كأس أو دوري أو أبطال
لكن يوجد مشكلة الحظ أحيانا والحكم أحيانا وأرضية الملعب أحيانا ولا أعلم كيف لم نفز أحيانا ..!!!

إقتباس الرسالة الأصلية كتبت بواسطة مُوآطِـنْ هِـلآلي /! .....................................أصِييلْ ‘!

هلا بك أصيل منوّر يالغالي ولا تخلينا من هالمشاركات المتكتكه
وشلون ياخي تسوي ذا الحركتات وذا التنسيق

إقتباس الرسالة الأصلية كتبت بواسطة أبــو ALi حول المزيد من التكهنات المتعلقة بمستقبل سيسك فابريغاس : املك حس جيد من الفكاهة ولكني اعجز عن فهم هذه . لا استطيع فهم كيف يمكن للناس الحديث بمثل هذه الاشياء من دون علمنا . لدينا العقد مع اللاعب وسنبلغكم اذا اردنا بيع الاعب . لن نقوم ببيع احد .

أكوي أكوي يا بوووس

إقتباس الرسالة الأصلية كتبت بواسطة ارسنالي مووت سلام عليييكم وش حال العيييال .. اولا شي مطرققع لاخيير: الكرس انفقش وجهها . لكن سهالات بس ضربة خفيفة .. سجلوا فدا .

هلا والله بالمنسّم عائض
الحمد لله على سلامتك يالغالي بالحديد ولا بالأوادم ..!
وأنا أشوف والله أعلم إن الكرسيدا صاقعتها عين !! إلا مية بالميه عين ما فيها كلام

إقتباس الرسالة الأصلية كتبت بواسطة ارسنالي مووت والله ماعاد عرفت اقوول شي ... لكن في كل تأخيره خيره

مدري وش مناسبة المثل هذا هالحين لا يوقف يا عائض ولا عاد تقطع

إقتباس الرسالة الأصلية كتبت بواسطة منتشي بالزعامة الوزن ( اجباري ) لازم ؟ 98 !! الطول (اجباري ) 185 !! اكتشفت اني بعير عندكم يا عيال

عبد الكريم يمدحون برنامج الرابح الأكبر

إقتباس الرسالة الأصلية كتبت بواسطة بدر النهار من مال الله يا محسنين .. مهاجم يا أهل الخير

هههه والله أضحك من الغبنة اللي أنا فيها
يا أنا فيوز مخي يضرب إذا شفت سلاتيح أندية في كل مكان ومع ذلك عندهم مهاجمين ما يمكن تقارنهم بزلايبنا ..!!
ولو نبي نعدهم كان تعبنا وحنا نعد !! أبيكم تقارنون لي مثلا بين الشماخ وبين المهاجمين ذولا :

سواريز - نيلمار - فورلان - أقويرو - رييس - لويس فابيانو - عمر كانوتيه
كافاني - دي نتالي - جيان أسامواه - كارول - مامادو نيانج - لورينتي - جينياك ...

هذولاء مثال وإلا فيه كثير أسماء غير معروفه وبعضهم في درجة ثانية
ومع ذلك أفضل من هالعاهات اللي مجمعها فينجر ..!!
شيء يغبن فعلا .. من متى والآرسنال النادي العظيم يجامل أشباه لاعبين ..؟!