أنا معك أبو صالح في إن الولد مهب سيء مرّه لكن تدري وش المشكلة ..!
المشكلة إنه كل الأندية اللي نقابلهم مقفلين ملعبهم وهنا والكوت ماله أي وجود ..!
في المقابل لو كان والكوت في أي نادي ثاني ما أحد يقفل قدامهم الملعب ولقى مساحات
صدّقني بيطلع عندهم أسطورة مع الأيام ..!
أما معنا حنا ما ينفع إلا في حالة وحده .. إذا صرنا متقدمين بالنتيجة والخصم فاتح ملعبه يبي يعادلنا
وقتها خل والكوت ينزل وخذها مني أنا يبي يلعب فيهم بولينق

وبعدين وش هالتواجد وهالردود يابو صالح صراحة شغل كبير بس لا توقف تكفى

إقتباس الرسالة الأصلية كتبت بواسطة منتشي بالزعامة وفي الليله الظلماء يفتقد البدر , اه يا ديابي وهذا من طينة اللاعبين ( الكبار ) في قطع الكرات والسرعه ثقته واحتفاظه بالكره والـ ( التفكير ) ما اقصد النعيمي ابد ..!!

والله قلتها قبل المباراة لو سألتني من اللاعب الأول اللي تتمناه اليوم قلت لك أبو ديابي
لأنه فعلا صار ما توقعناه وهو أكبر أسباب الهزيمة وهو الخوووف الشديد والارتباك اللي كانوا عليه اللاعبين
ولا يوجد للأسف في الفريق لاعب لا يهاب أحد إلا أبو ديابي !!!
لذلك اللاعب هذا مهما قدم من مستويات متواضعة في بعض المباريات إلا إنه في المباريات الكبيرة
لابد أن يظهر ويبرز !! لأن اللاعبين يكونون خائفين وهو الوحيد اللي رايق ويلعب بكل ثقة ..!!

إقتباس الرسالة الأصلية كتبت بواسطة منتشي بالزعامة جيل الانهزاميه فابري + بيرسي + سونج + المونيا + دينلسون +( الثقب ) سكيلاتشي وشماخ وبنتنر , اتمنى خروجهم باسرع وقت وكفايه مجاملات , استحوا على وجيهكم لوثتوا سجل البروف مع فيرجسون بعد ماكان متقدم عليه بفارق كبير ..!!

شف الأربعة الأخيرين أنا معك ما لهم مكان في وست هام لكن الثلاثة الأولين يجي منهم
لكن وأنت الصادق لا يجب أن يكونوا هم أكبر لاعبي الفريق ..!!
يعني يكون فيه ناس أكبر منهم يوجهونهم ..!

إقتباس الرسالة الأصلية كتبت بواسطة منتشي بالزعامة للاسف فنجر ارتكب اكبر اخطائه في مسيرته عندما صفى افضل فريق في تاريخ الدوري الانجليزي خلال سنتين واقرانهم الشياب جيجز وسكولز لازالوا يلعبون , فنجر لا يعرف معنى لعمليه احلال ( تدريجي ) , جيلنا الحالي لايعلم قيمة الصراع الازلي , بينما لاعبوهم وشبابهم يتعلمونها على الاقل من خبرة لاعبيهم الكبار ..!!

فعلا بلا شك ولا ريب .. هو أكبر خطأ في تاريخ فينجر ..!!!

مشكور عالتحليل الكبير عبد الكريم

إقتباس الرسالة الأصلية كتبت بواسطة جنرِآَل آَلـرِيآَض اصراره على المطآلبة بمهآجم طويل القآمة الذي لايحتـآج جهد كي تقوم بمرآقبته كل مافي الامر تقف ورآه وتنتهي خطورته يجب على فنقر الان التفكير جيدآ بالصيف بآقتنآص مهآجم برآزيلي ذو مهـآره او تصعيد ايمآنويل تومآس صآحب المهارات الفردية واللي اشوف انه يستحق مكآن على الاقل بتشكيلة الكآرلنغ الشمآخ مااشوف انه رآح يتطور كثير يجب على البوس الاقتنآع الان ان يجلب هنري اخر مهآجم سريع + مهـآري حتى لو كآن صغير السن بربآتوف اقرب مثآل الان فهذآ اللاعب كشمآخ تماما وافضل بمرآحل لكن السير يفضل اراحته في اغلب المباريات والسبب ان حل التكتلآت الدفآعية هي المهآرة والتسديد فقط .. فقط

تدري وش المشكلة سعد المشكلة إن أغلب الأندية اللي تلعب معنا كبيرها وصغيرها
تلعب بتكتل دفاعي ..!!! والتكتل الدفاعي مثل ما قلت ما له إلا المهارة والاختراق < سقى الله أيام هنري
أما الطويل هذا فما له موقع من الإعراب كيف لا صار يلعب لحاله في الهجوم ..!

للأسف الفريق يبذل مجهود لا يبذله أحد في الدوري الانجليزي ..! ولكن كل المجهود يتحطم في النهاية
على طريقتين .. إما العرضيات الساذجة من الأظهرة ولا يهون والكوت ..
أو اللمسة الأخيرة من المهاجمين الأفذاذ اللي 2 منهم بالكاد يثبتون الكوره وواحد يداوم بغرفة العلاج ..!

إقتباس الرسالة الأصلية كتبت بواسطة جنرِآَل آَلـرِيآَض الفريق الان يحتآج الى عقلية البطل وهذه العقلية لن تجدهـآ الا بعد ان يتشرب الفريق بطولات الكأس على اقل تقدير اما بطولآت النفس الكبير فبيننا وبينها سنوآت ضوئية ..!

وهذا ما تكلمنا عنه وهو يوم صفّى الجيل الذهبي اللي يعرف ويحفظ البطولات جيدا
وجاب جيل ما يعرف شيء اسمه بطولة ..! كان الواجب يبدا بهم حبه حبه من الكأس
مو على قول المثل ( يا سراجين يا ظلماء ) يا أبجيب الدوري أو الأبطال يا ما أبي شيء ..!

إقتباس الرسالة الأصلية كتبت بواسطة جنرِآَل آَلـرِيآَض ابشر بطول سلآمة يامربع

لا عاد لا تغلط على الفرزدق ترا محمد بيزعل

إقتباس الرسالة الأصلية كتبت بواسطة مهند حسن طموحنا مدافعين صلبين كيوين ادامز والذي يقال بانهما كان من الممكن ان يرميا بانفسهما امام المهاجم من اجل منع الكرة من ان تدخل مرمى الارسنال طموحنا قائد اسطوري افضل محور راته عيني وافضل من يقود فريق تشجعه قتاليه وقوة ورجولة يلعب للفريق وكان الفريق مسجل باسم امه ولا ابوه قلت ولا ازال اقول بان فييرا هو المحور الوحيد الذي الغى كلمة محور هجومي ودفاعي فهو يستخلص الكرة من الخصم بنفس المهارة التي يرسل بها تمريرة تضع المهاجم في مواجهة المرمى ازدواجية مهام بصورة لا يتصورها عقل طموحنا الحديث عنها مثير للحزن يقول بيريز عن هدف بيركامب الاسطوري في نيوكاسل علما بانه هو من ارسل له التمريرة "لم اعلم ما الذي فعله بالكرة الا بعد ان شاهدت اعادة الهدف اكثر من مرة " تيتي سجل بالراس وباليمنى وباليسرى ومن ركلات حرة وبالكعب ومن ركلات الجزاء (بمختلف النظريات) يسجل من هجمات جماعية ومن مجهودات فردية وفوق هذا كله يصنع بمهارة ماالذي يفعله نجم نجوم اسود الاطلس بالمقابل ؟؟؟ _______________________

أبو حسن بالله عليك هذا وقته تجيب طاريهم
وهل أنت صادق في طموحك !! يعني تتوقع يمكن يصير ..!! مهب الظاهر لكن الله أعلم ..!

إقتباس الرسالة الأصلية كتبت بواسطة مهند حسن الصبر هي الفضيلة التي يمكننا ان نمنحها للارسنال في هذه الاوقات فهو يستحق لانه طالما منحنا السعادة فتكو بعافية