][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][ - صفحة رقم 303 - نادي الهلال السعودي - شبكة الزعيم

معــذ ب الزعيم · #4531 13/12/2010, 01:03 AM

إقتباس

الرسالة الأصلية كتبت بواسطة V A N G O O L


	يقولون ان مُباراه باتسر على المفتوحه ..

المشكلة كاتبين بالدعاية ان بمناسبة عيد الاضحى ههههههههههههه وش ذا العيد اللي معيدينه ابوظبي ههههههههههه

THe PreDaToR 5 · #4532 13/12/2010, 02:10 AM

بآك بعد غياب مستمر بسبب الضغط الكبير من الدوام الجامعي المتعب والإختبارات ..

يا حلاة هالمباراة لا كان الآرسنال والمانيو في المنافسة على الصداره ، مباراة لها طعم خاص وتختلف عن كل المباريات في كل دوريات العالم ..

أبي الفوز أبي خطف الصداره من المانيو وفي ملعبهم .,.

نقدر نسويها بكره بشرط أن يكون الدفاع في يومه ، بنواجه فريق خطير جداً هجومياً بقيادة بربا المتألق أو روني اللي راجع بقوه ، عشان كذا نحتاج دفاع صلب

وقدامهم محور دفاعي ثابت اللي هو سونغ .. الخطر الأكبر برأيي بيكون من : سكولز و ناني وبرباتوف ..

ان شاء الله يكون كليشي في يومه ويأجل غلطاته لـ مباراة ثانيه ..

من بيواجه ايفرا ,.؟ وولكوت وخيار السرعه أم سمير المهاري ,,.؟

مع أني أكره هالمطرود بشكل موب طبيعي لكن أعترف أنه أفضل ظهير أيسر في العالم .. ممتاز دفاعياً وهجومياً .. في الشوط الأول لن تكون المساحات متوفره لـ وولكوت

ومثل ما تعرفون وولكوت أنه ما يبدع إلا بوجود المساحات ، مسألة أنه يبدع في مواجهة ايفرا بدون توفر مساحات هاذي صعبه ، أشوف أفضل طريقة

لإستخدام هالولد هو اشراكه في الشوط الثاني كالعاده ، بيكون خطير .. لذلك خيار إشراك سمير في هذا المركز في الشوط الأول هو الأفضل مع الإعتماد على آرشا في الجهه اليسرى ..

هاللاعب لعبته المباريات الكبير ، أتمنى يقوم بمساندة كليشي في هالمباراة لـ الحد من خطورة ناني المستلج هالموسم ,.!

التشكيلة اللي أتمنى يلعب بها فينجر بكره هي :

فابيانسكي ، كليشي ، سانيا ، سكيلاتشي ، جورو ، سونغ ، فابريغاس واذا غاب يلعب روزيسكي ، دينيلسون ، ارشا ، سمير ، بيرسي ..

سووها يا رجال وفرحونا ..!

THe PreDaToR 5 · #4533 13/12/2010, 02:20 AM

بعد قليل ..

آرسين فينجر : نصري الآن لديه حاسه تهديفية كبيرة ..

سيف الوفاء · #4534 13/12/2010, 02:22 AM

إقتباس

الرسالة الأصلية كتبت بواسطة V A N G O O L


	يقولون ان مُباراه باتسر على المفتوحه ..

من بؤك لباب السما

بس ما اظن انهم ينلقوها

إقتباس

الرسالة الأصلية كتبت بواسطة المتعه أرسنال


	السلام عليكم .. مثل ما تشوفون هاذي أول مشاركه لي .. أنا بصراحه سجلت لأعجابي الشديد في الرابطه وكتابها .. اتمنى من دخولي معكم كعضو الجديد .. اني اقدم اضافه مميزه تحياتي للجميع أخوكم عبدالله

حياك بين اخوانك

وننتظر ابداعاتك في الرابطة

ــــــــــــــــــــــــــــــــــــــــــــــــــــــــــــــــــــــــــ

نرجع للمباراة

كما نرى المشادات الكلامية بين الفريقين في الاعلام

وهذا الشي يزيد من حذر الفريقين في المباراة ويعطيها
اكثر حماسا

واكيد لاننسى الهياط بين محبين الفريقين

دبرنا يا بارك

ودبرنا ياويب

واعتقد ان هذا التحدي الاعلامي بين الفريقين

يجعل المشجع ينتظر المباراة بفارق الصبر

وان شاء الله نشوف

الارسنال

في احسن مستوياته امام المان يوناتيد

ويكون الفوز من حليفنا

THe PreDaToR 5 · #4535 13/12/2010, 02:56 AM

آرسين فينجر : أصبح لـ سمير حس تهديفي عالي وأنا أعرف سر ذلك ..!

يعتقد آرسين فينجر أن سمير نصري يملك الآن حس تهديفي عالي ..

اللاعب الفرنسي صاحب الـ 23 عام أصاب الشباك 12 مره في 21 مباراة هذا الموسم ، هذا يعني أن رصيده الحالي من الأهداف هذا الموسم حتى الآن

يساوي مجموع أهدافه في الموسمين السابقين ..! وفينجر يعرف سر هذا الإختلاف الذي حصل لـ سمير نصري ..

قال فينجر :

" ما تغير في نصري أنه أصبح يسجل الأهداف بكثرة "

" عندما تلعب كرة القدم لـ فترة طويلة اذا اقتنعت أنك لا تستطيع تسجيل الأهداف ستتقبل ذلك أحياناً .! "

" لكن عندما تحصل على الحس التهديفي العالي ستتعزز ثقتك وهذا ما أعتقد أنه تغير في سمير ، هو يعلم أنه الآن يستطيع تسجيل الأهداف في كل مباراة وهذا اللي يجعله لا يستسلم خلال المباراة "

فينجر أيضاً يعتقد أن نصري استفاد من عدم مشاركته مع فرنسا في كأس العالم الصيف الماضي ، ذهنياً و بدنياً ..

" اللاعبين الفرنسيين الذين لعبوا في كأس العالم كان عليهم أن يتغلبوا على خيبة أملهم التي تلقوها في جنوب افريقيا "

" كما أنه لم يكن مرحباً بهم عندما عادوا الى فرنسا "

Arsenal

جنرِآَل آَلـرِيآَض · #4536 13/12/2010, 04:08 AM

- حظوظ الفريق باللقاء و السيناريو المتوقع ؟

وش تبي اي سنآريو بس .. من زمـآن ماعشت هاللحظه اني اكون رآيح افوز بالالترآفود
يعني شي يحسسك ان الاندية الثانية تحسب لك حسآب .. متى .؟ لو فزت بكرى
صدقني الفريق رآح يتقمص دور البطل وبأذن الله بتكون دآفع انه يقدم مستويآت جيده
ونكمل الدور الاول بـ 38 نقطة ان شـآء الله ..!
متفآئل بنسبة بسيطة ومتشآئم بنسبة متوسطه .. فنقر لو عرف نقطة ضعف محآورهم
المباراة رآح تكون في يدينآ .. قوة المآن بالمنتصف الدفآعي صعب اخترآقه
والكرآت الثآبته نقطة ضعفة بالاضآفة الى الجهة اليمنى ..

- لاعبين تتوقع أن تكون لهم بصمه في اللقاء ؟

ارشآفين بنسبة كبيره وبيرسي ونصري بنسبة اقل
لو تحرر نصري وجآء للعمق يمكن رآح يحصل فرصة يلدغ المرمى لكن لو انعزل
بالاطرآف فاتوقع المهمه رآح تكون صعبة عليه ..

- تتمنى فنغر يبدأ بـ مهاجمين ولا واحد فقط , يعني 4-4-2 أو 4-3-3 ؟

المهآجمين مع الفرق الكبيره كويس علشآن الشمآخ مآينعزل لكن مايخوفني
ان الشمـآخ مابعد تأقلم مع بيرسي يعني الى الحين ماتفآهموآ هالاثنين
ممكن اننا نشوف اهدآف ضآيعة وهجمآت تقهر بسبب عدم التفآهم

فنقر لحس مخنآ يوم الاربعآء لعب بـ 422 وريح روزسكي
يعني هالخطة هي سينآريو هذا اللقاء يعني مااتوقع يريح الشمآخ على حسآب
روزسكي واتوقع يبدأ بالشمآخ اساسي تبقة المشكلة من بيحط جنب سونق
لأنه لعب دينلسون يوم الاربعـآء مدري قصده يريح جآك من الارهآق ولا بيبدأ بدنيلسون ..؟

تشيزني
كليشي .. كوسليني .. سكلاتشي ... سآنيا
سونق
ويلشر
ارشآفين .. نصري
الشمآخ ... فآن برسي ( روزسكي )

2-1 لنآ بأذن الله

فآن برسي .. نصري

نصري ... ارسن فينقر

mbark4 · #4537 13/12/2010, 08:07 AM

إقتباس

الرسالة الأصلية كتبت بواسطة جنرِآَل آَلـرِيآَض


	فنقر لحس مخنآ يوم الاربعآء لعب بـ 422 وريح روزسكي يعني هالخطة هي سينآريو هذا اللقاء يعني مااتوقع يريح الشمآخ على حسآب روزسكي واتوقع يبدأ بالشمآخ اساسي تبقة المشكلة من بيحط جنب سونق لأنه لعب دينلسون يوم الاربعـآء مدري قصده يريح جآك من الارهآق ولا بيبدأ بدنيلسون ..؟

بالعكس خطة فنجر واضحه وهي طريقتين :
442 ولا 451

اذا لاعب 442
بتكون التشكيله
الوسط نصري (دينلسون او ويلشير)سونغ ارشا
والهجوم الشماخ (راس حربه) وبيرسي مهاجم متاخر
هذي الخطه مايقدر يلعب روزيسكي

451
بتكون التشكيله الوسط روزيسكي ارشا نصري (دينلسون او ويلشير) سونغ
والهجوم الشماخ "طبعا فان بيرسي بيكون احتياط عشانه مايلعب راس حربه"
مع اني افضل فان بيرسي على الشماخ لانه يصنع ويسجل اما الشماخ ماعنده سالفه

الي محيرني اذا تعافى فابريجاس من الاصابه وش بتصير الخطه والتشكيله
وفيه شي محيرني ثاني اذا صرنا مهزومين دايم يدخل روزيسكي او ولكوت بعد الدقيقه 70
مايدخل مهاجم ليش ؟
اتمنى وولكوت يدخل بديل لانه في المباريات الكبيره اذا دخل بديل يبدع

أبـو زآيـد · #4538 13/12/2010, 08:35 AM

السلام عليكم ورحمة الله

عالبركة وصول الرابطة للصفحة 300 وعقبال الـ3000 بتفاعلكم يا شنبات

يا صباح الشـوق للساعة 11 .... ويا مساء الشوق لعيون أرسنال
والخصم منا تنافض وارتعـش .... صاح قال الفوز ذا عندي .. محال
من زمان كـان بـه رقـم 14 .... يرتعـب واليـوم مـن هايط ومال ...
يرفعه نصري على فوق النعش .... ويمحطه بيرسي مثل محط العقال ..

هاه كيف النفسيات

يعني هو فعلا صحيح الواحد ما يدري وشبون يتوقع كيف تبي تصير المباراة
يعني مثل ما قال سعد ومهند الدعوى مختلطه
لكن أنا أشوف إنه الفريقين حظوظهم فيفتي فيفتي يعني ما فيش حد أحسن من حد
عشان كذا أتوقع والله أعلم الفوز يبي يكون للفريق الأكثر جرأة وشجاعة ...!
كل الخوف إن يدخل لاعبينا للمباراة وهم مرتبكين وقتها يبي ياكلونها الله يستر

المشكلة الكبرى بالنسبة لنا هو موضوع الكابتن .!! يعني وش اللي يخلي اللاعبين
يهايطون ويروح عنهم الخوف ويرفع معنوياتهم إلا وجود كبتن قوي ويخوف ..!
وحنا للأسف الشخص هذا مهب موجود .. في المقابل هم عندهم الشاذ فيردناند
هذا يحسس اللاعبين إن معهم فزعة وينفخ على الحكام ولا أحد يقوله شيء
عشان كذا الله يستر .. وإلا إذا كانت المسألة فنية ولعبوا عيالنا بشجاعة
فالفوز لنا لا محالة بإذن الله ..!

يا ليتك يا فينجر ما تركت باتريك يروح للسيتي وجبته
يا جماعة نحتاجه في مثل هذي المباريات لو على الواقف عشان شخصية الفريق !!
وإلا على الأقل لو ما ترك كامبل يروح هالحين دفاعنا كل يوم مصاب واحد فيفيدنا كبديل
والأهم يكون معه شخصية للفريق ..!
مهب زي كذا كل الفريق بصراحة ما فيه ولا واحد جسمه وشكله يخوف
لو تقولي من أكثر واحد تتمنى وجوده اليوم قلت بدون تردد .. أبو ديابي
لكن إن شاء الله الفوز لنا والنصر لنا < لا معليش ما صديقنا إلا إنّا

أهم شيء عاد إن فينجر يضبط لنا الدفاع ما يصير بينهم مساحات لأن لعيبتهم سريعين
وإن لقوا مساحات يبي يتعبوننا ..!
عشان كذا لازم تكون المهام الدفاعية أكبر للأظهره ويكون سونج ثابت ما يتقدم
وبجنبه يكون ويلشير < اخترته بناء على مستواه قدام تشيلسي اللي حسيت منه
إنه ما يخاف من المواجهات الكبيرة بعكس دينيلسون فهو يرتبك دايم ويحوس دايم

بالنسبة لـ فابري مدري ليش بس أنا متأكد إنه بيلعب أساسي اليوم أو بينزل بعد ساعة

إقتباس

الرسالة الأصلية كتبت بواسطة المتعه أرسنال

السلام عليكم ..

مثل ما تشوفون هاذي أول مشاركه لي .. أنا بصراحه سجلت لأعجابي الشديد في الرابطه وكتابها ..

اتمنى من دخولي معكم كعضو الجديد .. اني اقدم اضافه مميزه

تحياتي للجميع

أخوكم عبدالله

هلا بك أخوي عبد الله شرّفت وآنست
وأنت الحين واحد مننا وإن شاء الله ما تقطع أبد

إقتباس

الرسالة الأصلية كتبت بواسطة V A N G O O L

يقولون ان مُباراه باتسر على المفتوحه ..

بالله يا عيال تكفون عطونا العلم الأكيد

إقتباس

الرسالة الأصلية كتبت بواسطة مسئول إحتراف

السلام عليكم ورحمة الله وبركاته

كيفكم يا قنرزيه << عليك إختصار زي وجهك

ما بغوا يفعلون النك جتني حكه وانا كل يوم أدخل وأشوفكم تتناقشون وانا أناظركم

يعطيكم ألف عافيه على الجهد بصراحه يلوموننا في حب القنرز ويلوموننا في عشاق القنرز الراقيين دائما بفكرهم و عشقهم ...

اتمنى أن تقبلوني شخص قلق على الرابطه خخخ

هلا بك والله يالغالي
شرفت وآنست ويا مرحبتين وإن شاء الله نشوفك معانا على طول

عبد الله فهد ممدوح نواف عبد الكريم2
ما قصرتوا عالترجمة والمجهود يا عيال أقسم بالله تستاهلون كل خير

your soul · #4539 13/12/2010, 08:40 AM

آرسنال مستعد للمقامرة بشيزني

ووجيك شيزني على الخط للعب مباراته الأولى بالدوري الممتاز لفريق ارسنال أمام مانشستر يونايتد.

وتقول صحيفة الصن بأن مدرب ارسنال الفرنسي ارسين فينغر على استعداد لرمي البولندي (20 عاما) في خط النار لاول مرة في الدوري الممتاز بسبب معاناة لوكاش فابيانسكي من اصابة في الساق.

قرار فينجر سيغضب الحارس رقم 2 مانويل المونيا ، والذي أعلن نفسه لائقاً.

و ليزيد الطين بلة للاسباني الذي يعاني من اصابة في الكوع ، فإن فابيانسكي يمكن أن يكون على مقاعد البدلاء أمامه في الترتيب.

وصرح صديق لالمونيا : "لقد أصبح محبط للغاية مع ارسنال هذا الموسم."

your soul · #4540 13/12/2010, 08:57 AM

إقتباس

الرسالة الأصلية كتبت بواسطة your soul


	آرسنال مستعد للمقامرة بشيزني ووجيك شيزني على الخط للعب مباراته الأولى بالدوري الممتاز لفريق ارسنال أمام مانشستر يونايتد. وتقول صحيفة الصن بأن مدرب ارسنال الفرنسي ارسين فينغر على استعداد لرمي البولندي (20 عاما) في خط النار لاول مرة في الدوري الممتاز بسبب معاناة لوكاش فابيانسكي من اصابة في الساق. قرار فينجر سيغضب الحارس رقم 2 مانويل المونيا ، والذي أعلن نفسه لائقاً. و ليزيد الطين بلة للاسباني الذي يعاني من اصابة في الكوع ، فإن فابيانسكي يمكن أن يكون على مقاعد البدلاء أمامه في الترتيب. وصرح صديق لالمونيا : "لقد أصبح محبط للغاية مع ارسنال هذا الموسم."

وش رايكم في اللي يقتبس لنفسه

الصراحة لو الخبر بناءاً على ذمة الصن صحيح، فالمسألة لمستقبل شيزني ستكون كبيرة.
على قولة الخواجات ستصنعه أو تكسره.
لو نجح شيزني فمستقبله راح يفرش بالورود ويتصدر اسمه كل العناوين "ارسنال وجد الحل"، "شيزني خليفة سيمان الحقيقي" ومن هالكلام. ولو العكس فراح يحتاج الى علاج نفسي مع اني ما اظن لأن عنده ثقة في نفسه مهيب في مخلوق، لكن أقل ما يقال بتأثر عليه.
الخبير في شؤون اكاديمية ارسنال والفريق الرديف والمشرف على موقع young guns يقول شيزني وبدون مبالغة أفضل حارس بالعالم

<< قوية قوية.
ويقول المفروض انه هو الحارس الاساسي بعد ما اثبت نفسه في استعدادات الموسم بالصيف، لا المونيا ولا فابيانسكي.
الزبدة وش رايكم يا عيال ألمونيا

ولا شيزني

؟

mbark4 · #4541 13/12/2010, 09:10 AM

شوفو الطقطقه

! ‏ArSeNaL GuNnEr ! · #4542 13/12/2010, 09:40 AM

فينغر : اتفهم موقف والكوت

شبكه الزعيم - المُدرب الفرنسي ، ارسين فينغر يعترف أنه يتفهم خيبه أمل ثيو والكوت في افتقاره لكرة القدم في الوقت الحالي ،، و قد كان لاعب وسط منتخب انجلترا قد حجز له مكان على مقاعد البدلاء في الأسابيع الأخيرة ولكن جاء ليسجل سجل الهدف الحاسم ضد بارتيزان بلغراد في منتصف الاسبوع الماضي في دروي أبطال اوروبا ،، الأنجليزي الدولي والكوت بدا هذا الموسم بطريقة مثيرة مع هاتريك ضد بلاكبول وهدف واحد ضد بلاكبيرن في الدوري الأنجليزي الممتاز ،، قبل اصابتة في الكاحل في مباراته مع منتخب بلاده ، المُنتخب الأنجليزي ، المُدرب الفرنسي يشعر بـ الأحباط انه من الطبيعي لاي لاعب في قدرته ان يشعر بهذه الطريقه ويقول والكوت سـ يلعب أكثر في الأسابيع المقبلة ،، وقال أرسين فينغر : " بصراحة أستطيع أن أفهم موقف ، والكوت لأنه بالنسبة لي في حالة جيدة جدا ، بالنسبة لي ليس مؤثر بقدر ماهو لاعب مُنظم ، في الوقت الحالي لم يلعب بقدر ما كان ينبغي لكنه سيلعب في وقت قريب " ..

Wenger - I understand Walcott

n_nasri · #4543 13/12/2010, 10:19 AM

اهلين .. صباح الورد يا حلوين .. !!

والله ما ادري ليه متفائل اليوم .. احس اننا بنفوز وبنتجيه كبيره .. إذا لعب فابريجاس .. وان مالعب فايزين بعد بس نتيجه على قدنا

وان شاء الله مايخيب ظني

يعني انا اكثر الأحيان إذا حسيت .. احس احساسي يجي في السليم والله كذا مره ياعيال إذا جا الإحساس عندي قوي احسه مايخيب

وهالمره احسه قوي .. وان شاء الله يارب مايخيب

مثل مباراة سندرلاند كنت متوقع ان احد يجيب هدف غريب وجابه سيسك هدف غريب

ووالكوت قلت بعد الفتره الدوليه بيرجع مصاب وينتهي تألقه وماخاب ظني

يعني نادر اني احس بس ان حسيت حسيت

بالأخير ان شاء الله نفوز وبس هذا المهم .. لو تنتهي 2 -0 والهدف الأول تسلسل والثاني بلنتي غش وكلها بعد الدقيقه 90 .. ماعند مشكله !! ويجيبها سمير ويروح لإيفرا ويطلع لسانه

الفوز محتاجينه ياشباب لازم وان شاء الله تشلسي بناكلهم بعد .. ما اتوقع انهم بيفوزون علينا وألا بيصير مالها طعم مبارياتنا معهم دايم يفوزون .. احس بنفوز هالمره

إقتباس


	يا صباح الشـوق للساعة 11 .... ويا مساء الشوق لعيون أرسنال والخصم منا تنافض وارتعـش .... صاح قال الفوز ذا عندي .. محال من زمان كـان بـه رقـم 14 .... يرتعـب واليـوم مـن هايط ومال ... يرفعه نصري على فوق النعش .... ويمحطه بيرسي مثل محط العقال ..

فللت مزاجي ..

الله يفلل يومك بالخير والسعاده .. !!

إقتباس


	لأنه لعب دينلسون يوم الاربعـآء مدري قصده يريح جآك من الارهآق ولا بيبدأ بدنيلسون ..؟

اشوف لو يلعب جاك احسن .. وان ظمنا النتيجه يطلع ويدخل دينلسون وعاد هو يعرف شغله .. !!

لأن محاور المان اتوقع مايبيلهم إلا ويلشير .. وسونغ لا يتقدم ونكون بأمان ان شاء الله ..

عن نفسي انا ماني بخايف من اليونايتد .. لأن دايم نمسك اللعب .. ونهددهم بشكل اكبر .. ونستحوذ ع الكوره .. بس يسجلون الأهداف وناكلها ..

ومهاجمينا يضيعون الفرص بكل بروده .. بس هالمره لا تخافون الفريق شبه مكتمل والبدلاء بقوة الأساسي تقريبا .. فما في خوف .. والعيال مغبونين من ايفرا خاصة نصوووري << نيزوو

ان كان مغبون تراه يبدع .. وارشافين على سكوته وماصرح ولا تصريح قبل المباراه .. فأتوقع بيسوي الهوايل .. بإذن الله

الحلول عندنا واجده .. بس اتمنى يستغلون اربااااع الفرص .. مثل دروغبا امس الله يرجه .. حرق اوووووووم الحارس

نلقاكم ع المغربيه ..

god bay << كذا هي

your soul · #4544 13/12/2010, 10:47 AM

حوار بين مشجع وشيزني على تويتر

المشجع: صدة جميلة للبلنتي، هل تدرس دائماً اتجاه البلنتيات مسبقاً ؟

شيزني: نعم أنا أفعل ذلك، وأنا أكثر من مستعد لروني غداً... :)

الظاهر فينغر أعطى شيزني خبر انه بيحرس الليلة. بالتوفيق.

n_nasri · #4545 13/12/2010, 10:54 AM

إقتباس


	المشجع: صدة جميلة للبلنتي، هل تدرس دائماً اتجاه البلنتيات مسبقاً ؟ شيزني: نعم أنا أفعل ذلك، وأنا أكثر من مستعد لروني غداً...

قووووووووووووووويه ..

يدري ان روني جايه البلنتي جايه .. ولد ويب

مجهز نفسه زين .. كفو ياتشيزني