السلام عليكم ورحمة الله وبركاته
هاردلك الخسارة اللي ما شفتها
حسبي الله عليك يا فيرارا
كرهتني في الفريق ماصرت اتحمس زي اول
المهم اني ما شفت المباراة لكن قريت احداثها
طرد حصل وفي اول المباراة, طيب هل هو تبرير للهزيمة ؟
لا والف لا
الفريق الكبير ما يتاثر بالطرد او النقص لان هذي من الاشياء الاساسية في الكورة
والا وش فايدة المدرب ؟
ميلان هالموسم انطرد منه فان بوميل وفاز وسبق وقلت هالكلام
الانتر انطرد منه قدام الميلان وفاز 2-0 !!
يوفنتوس ثاني موسم بعد الصعود ينطرد ياكونتا الدقيقة 12 ويفوز 2-1 بهدف اخر دقيقة
الامثلة كثيرة على فرق ناقصة ومع ذلك تفوز
معلم الكباب هذا هو السبب
والادارة تتحمل الخطأ انها اوكلت له المهمة وهو مو كفو لها
صحيح انه احسن من فيرارا وزاكاروني
بس مو قد اليوفي نهائيا
شوفو الفرق الكبيرة / مانشستر + ارسنال + تشيلسي + ميونخ + مدريد + برشلونه = من اللي يدربهم وشوفو اليوفي من يدربه !!!!
زي ما قالو الشباب, الغلطة مستمرة بتعيين اشباه مدربين او مدربين مرحلة او مدربين تمشية حال عاد مدري وش الاسم اللي يناسبهم
وش فيها لو جابو مدرب عليه الكلام ووقعو معه وعطوه الصلاحية كاملة ؟
ديل نيري يدري انه مدرب مرحلة
ورانييري قبله يدري انه مدرب مرحلة
خلاص وش تبون من المدرب يسوي وهو يدري انه مؤقت ؟
كان فيه مليون فرصة للادارة
ليبي + هيدينك + مازاري + مارتن اونيل + الخ
لكن الادارات لها نفس التفكير, يعني نظام المدرب عندهم نفس الشيء اي واحد بس يجلس على الدكة
اليوفي هالموسم بالذات قادر على حجز مقعد للابطال بكل سهولة بهالاسماء الحالية
لعدة اسباب اولها الاسماء اغلبها شابة ومتعطشة للانتصارت
والسبب الاهم ان المنافسين يتعطلون !! يعني دوري الابطال ولا اسهل منه
شوفو كم فرق اليوفي عن الاربعه الاوائل, واحسبو كم مباراة فرط فيها اليوفي
كييفو + بولونيا + ليتشي + اودنيزي = 12 نقطة تخيلو لو اليوفي جابها كم مركزه الحين ؟ وكيف بتكون هيبته ؟
الحل بسيط يا ادارة : مدرب عليه القيمة + ضخ للميزانية
وانتهى الموضوع