السلام عليكم ورحمة الله , هاردلك الخسارة بالنسبة لـ أوزيل , فأعتقد الرجل مُرهق من معسكر المنتخب اللي كنت مأمل فيه الكثير وخذلني هو سيرجيو راموس حقيقة توقعت منه أكثر من كذا في ظل الظروف الحاصلة من ايقافات واصابات وكذا ...
على العموم ماحصل الا كل خير خسارة مباراة لا تعني انك كنت سيء بل بالعكس حصل لنا الكثير من الفرص بس الحظ وينه
في رد سابق لي قبل صفحتين أو ثلاثة سويت احصائية لـ خيخون وقلت انهم فريق بثر بشكل ما نتخيله , لدرجة اني شبهتهم بنجوم العالم فعلاً سبورتينغ خيخون بثر زبثارته في عكّهم للكورة بشكل متعمد
قفله للي يتكلمون عن مستوى اوزيل في هالمباراة ! بصراحة شي غريب انك تطالب بمستوى اكثر من اللي قدمة اوزيل في هالمباراة ! اوزيل جاي من مباريات دوليه مع المانيا والحين يلعب 90 دقيقة كآملة فَ كيف تبيه يلعب على نفس الرتم في 3 مباريات متتالية ما يفصل بين الاولى والثانية الا اقل من ثلاث ايام !؟
لا ياحبيبي ,
اوزيل اسوء لاعب اليوم ,
ولاكان مرهق , لانه مالعب المباراة الاخيره مع المانيا ,
بعكس ماريا ,, اللي كان اكثر اللاعبين تحرك وحماس ,,
يعني المفترض ان اوزيل هو المبدع اليوم , بعكس المرهق ( ماريا )
الخساره مؤلمة ليس لـ أن الليغا رحلت ..
فـ الليغا بـ النسبة لي راحت من زمان وسبق وقلتها ..
ليغا قذره مشكوك فيها كهذه لا نريدها ومن الصعب احرازها !
3 ضربات جزاء على أقل تقدير لم تحتسب ..!!!
وكروت صفراء غريبه لـ الريـال لا توافقها اخرى لـ الفريق
القذر اللي لاعبيه يستحقون الطرد .!
المؤلم كما قلت ليس ضياع الليغا ..
فهي ضائعه مع هكذا تحكيم منذ فتره طويله !
المؤلم هو كسر رقم مورينهو الخرافي ..
ومن مين ؟؟ من بريسيادو الحقير بنفسه .!!
مع تحكيم الليله والله لا تستبعد تكون مقصوده !!
رقم مورينهو لم يكن أحد يظن انه سـ يستمر طوال
مسيرته التدريبيه بالطبع .. ولكن المؤلم ان يكسر مع الريـال !
مورينهو أخطأ بشيء واحد فقط ..
هو إخراج غرانيرو ..
كان المفروض ان يخرج خضيره او آربيلوا ويشترك هيغواين
الي ماقصر في أول مباراة له بعد توقف طويل !!
باقي الأمور لم يخطئ فيها مورينهو ..
لعب بخطة /
3-2-3-2
وفي آخر المباراة لعب بخطة ما تقدر تقول عنها إلا أنها 2-8 !!!
ضغط هجومي رهيب في آخر الدقائق ومع تحكيم أفضل وتركيز أفضل من
لاعبينا كان من الممكن جدا تحقيق الفوز !
وماني فاهم من وين جابوا الأعضاء قصة الثلاث محاور !!
هل مجرد مشاركة غرانيرو تعني انه لعب بـ المحور ؟؟
غرانيرو لعب في المقدمه وليس في المحور ..!
الخطأ الأكبر .. هو من اثنين ..
اولهما من لاعبينا الذين دخلوا المباراة باستسهال
كبير للخصم وتوقعوا ان الفوز قادم لا محاله ..
وبإمكانكم ان تروا ردة فعل مورينهو في الشوط
الأول إزاء تراخي اللاعبين المقرف .!
الخطأ الثاني هو الجمهور الذي لم يكن دعمه كما يجب !!
وقالها مورينهو ، هذه الفرق تواجهنا بـ 12 لاعب في ملاعبها ..
بينما نحن لا نواجهها إلا بـ لاعبينا الـ 11 اللي كان ممكن تساهلهم
وتراخيهم يتلاشى لو شاهد الجمهور متحمس ويشجع من قلبه !!
حسافه على الجمهور ، وعلى اللاعبين الذين لم يقدروا
الموجود على المحك ، وهو رقم مدربهم الخرافي .!
من ناحية ثانيه ..
لا يمكن نسيان الإصابات والغيابات !
الونسو ، رونالدو ، بنزيما ، مارسيلو ..
وحتى هيغواين الي ما كان بالفورمه بسبب الإصابه !!
تخيلوا برشلونه مثلا يدخل مباراة
بلا ميسي ولا تشافي ولا انيستا ولا داني الفيس !!!
ماذا تتوقعون ؟؟؟
إذا برشلونه ومع المذكورين بالغصب فاز على ملعبه 1-0 على خيخون ..
وتعادل معاه بره أرضه بهؤلاء .!
فماذا تتوقعون مع إصاباتنا ، ومع تحكيم كهذا ؟؟
عموما ..
سبق وأكدنا دعمنا لـ مورينهو مهما حدث ..
ويجب علينا ان نحافظ على كلمتنا !!
مورينهو أخطأ بتبديل وحيد فقط ..
اللاعبين اخطؤوا بـ تراخيهم في الشوط الاول ..
وخذلنا الجمهور .. وخذلنا الحكم
بـ ثلاث ضربات جزاء وإدارة سيئه !
هاردلك للجميع ..
ومعاك يا مورينهو ويا ريـال مهما صار ..
الهمه الآن بـ الكأس والتشامبينز .!
وعدم تسهيل الأمور كذلك لـ البرسا في الليغا
برغم انها لهم لهم !.
ابي اعرف شيء واحد بس
وش اللي استفدناه من وجود اديبايور ..؟؟
الله يقلع اللي طرح اسمه على الادارة ، هذا مهاجم ، رغم انه اطول لاعب الا انه ما يعرف ينزل كورة بالراس
ولا البيول الغبي هذا لاعب ، ولا كورة طلعها من ملعب الريال و استلمها لاعب مدريدي ، كل الكور اللي يخلصها ياخذونها أو بمعنى اصح يعطيهم الكورة سواء كان مراقب او لا ، لو رائد ينزل تصويت على أسوا لاعب بياخذها بجدارة
و بعده في السوء بمسافة ماهي كبيرة خشمان دي ماريا اللي انا المهاري اللي ما امرر الا لوب من فوق لاعبينهم و المشكلة ولا كورة وصلت صح و اناني كبيييييييييييييييير و ولا كورة قدر يعدي من اللي كانوا يراقبونه
اما كاناليس هذا لحاله حكايه فيه كور كثيرة المفروض يناولها ، اما ما يسلمها صح او يشوت على عماه
أما أفضل لاعب من وجهة نظري هو لاس ديارا يقطع كور و خلصنا من كور كثيرة في منطقتنا
الحمدلله على كل حال .. والله الي صار اليوم ما كان على البال ولا الخاطر
اللي صار اليوم اكبر من خساره دوري .. لا اداء ولا لعب ولا روح وتضحيه
تبون الجد .. ما خسرنا بسبة غيابات .. ما خسرنا بسبت حظ وحكم
الخساره تجسد شي واحد .. الفريق يلعب بدون نفس ولا منهجيه
الاعب يتحرك ثم يتحرك بدون ادنى هدف ..
تشوف لاعبين الريال يوصلون الي منتصف ملعب الخصم ومن ثم يبدا
بتدوير الكوره واعادتها الي منتصف الملعب او يعمل عرضيه وتنتهي
الهجمه ..
يعني من اول دقيقه وحتى هدف خيخون ما شنفا فرصه ون تو الا فرصة
هقواين وضاعت .. غيرها ما شفنا شي
صحيح ان ليون يحتاج فرصه ومورينو مخطى جدآ بعدم اعطائه الفرصه
لكن اللي شفناه اليوم ان الاعبين ما عندهم روح ولا ارداه للفوز
لاعبين حبيناهم وعطيناهم اوصاف اكبر منها
اين اوزيل صاحب اللمسات الزيدانيه .. بصراحة اداء مخجل مثل كذا ما شفت
اتمنى ما تقولون جاء من المنتخب تراه مريح اخر مباراة ولا لعبها يعني له
اسبوع كامل ما لعب
دي ماريا صاحب المجهود بلا فائده وزياده على ذالك انانيه مقززه ومفرفه
وفيه لاعبين اتضح انهم متواضعين مهما وصلو
راموس اي ظهير انت ولله انتظر عرضيه وحده صح ما شفت
اديبايور والله اني استحي من نفسي كيف كنت اطالب فيه قبل ما يجي
خضيره للامانه من جيت للريال وانا ما اقتنعت فيك وكل يوم تثبت صحت كلامي
الشكر كله لـ لاس ديارا اللي قدم كل ماعنده وكان نجم اللقاء
,,
عنوان كبيره ودي اقوله .. في اسهل لقاء في شهر ابريل تعثرنا .. الله يعيننا من القادم الصعب
هاردلك الخسارة ياشباب ، بالنهاية هذي كورة القدم فوز وخسارة .. أنا عن نفسي فاقد الدوري من زمـان
لكن الشى اللي اقهرني بالهزيمة هو كسر رقم المو على أرضه لكن بالنهاية راح ينكسر هالرقم عاجـلاً أم
أجلاً وأشوا أنها جت من فريق متواضع ولا فريق قوي لأنها راح تثبت بالتاريخ ، نرجع للمباراة بإعتقادي
أن خسارة هالمباراة أسباب كثيرة لكن النسبة الأكبر طبيعي لـ " المو " ! مدري في ظل هالظروف الحاصلة
في الفريق من إصابات وتوقيف وإلخ ، تلعب بثلاث محاور ضد خيخون وانت عندك كاناليس خيار هجومي
جيد في خط الوسط ؟! + أتوقع أن بيدرو ليون غيابه طال كثثثثثثير ومثل هالمباريات ما راح يفك له شفرة
هالدفاع إلا لاعب من نوعية بيدرو ليون وكلنا نذكر مباراة الميلن في دوري الأبطال ، برضوه ماننكر نزول
مستوى أوزيل المفاجئ في هذه المباراة ، دي ماريا ما قصر رغم الإرهاق الكبير اللي يعاني منه + البيبيتا
أول مباراة له ما راح أحكم عليه بدري ، أديبايور مايبي يسجل الظاهر ، اللي أعجبني صراحة هو لاس
.. صحيح أن الفريق كاملاً ما قدم شى لكن لاس بإعتقادي قدم مباراة ممتازة .. عموماً هالمباراة قرصة
أذن للمو من أجل تصحيح أوضاع الفريق لأن تنتظرنا مباريات أقوى وأهم من وجهة نظري في دوري الأبطال
+ نهائي الكأس .. هاردلك لكم مرة ثانية وبالتوفيق للريال يوم الثلاثاء
.. عموماً هالمباراة قرصة 
الوضع العادي
