غلاف صحيفة الآس ليوم الخميس 31/ 3 / 2011





لن يكون هنالك إضراب ! عودة الليغا !
القاضي إقتنع بحجج ال G-6 الذي خرج منتصرا

بنزيما : إصابة على مستوى العضلات
كريستيانو : إصابة على مستوى العضلات
مارسيلو : إصابة في العضلة
زابي ألونسو : حصل على خمس بطاقات صفراء
بيبي : تعب في العضلات
سيضطر لإرتجال في إختياره للتشكيلة الأساسية ضد سبورتينغ خيخون
مورينهو لديه خمس مشاكل

أديبايور سيتحمل مسؤولية خط الهجوم

... كاسياس (C)
أربلوا ـ كارفالهو ـ ألبيول ـ راموس
خضيرة ـ جرانيرو ـ لاس
دي ماريا ـ أوزيل
أديبايور

روسيل:"أراهن على الفوز في نهائي الكأس بنتيجة 5-0"






قدم ساندرو روسيل مع ارتور ماس, رئيس الهيئة العامة في حملة "دعونا نرسل الجوع الى الجحيم" وهو لأخذ المزيد من الغذاء وإعطائه للمحتاجين

وفي الحفل, قام "روسيل" بالتنبؤ بنتيجة نهائي الكأس وقال:"أراهن على الفوز بنتيجة 5-0 للحفاظ على هذه العادة"






المصدر

http://www.marca.com/2011/03/31/futb...301569779.html


اقووووول رح بلط والبحر ... مو كل مرة نسلم الجرة ...!

إقتباس الرسالة الأصلية كتبت بواسطة عـــ الزعيم ـــاشق لا لا من جدك انت ؟ ناخذ الكأس من برشلونة ؟ تبي ريال مدريد يفوز على برشلونة ؟ لا وبنهائي بعد ؟ صعبة ياخوي ! تراهم برشلونة ! استغرب من هالظاهرة الي انتشرت في الفترة الأخيرة ! نلعب بملعب توتنهام ونقفل دفاع ! وش بنسوي بدون بنزيما ! نطلع من الباب الصغير ! نطلع منهم ولا نطلع من برشلونة ! احد قالك انك تشجع خيخون يالطيب ؟ بأي عقل تتكلم انت ؟ مدريد يقفل دفاع ؟ مدريد الي دك مانشستر في الأولد ترافورد بهاتريك تبيه يدافع قدام توتنهام ؟ الحين صار فوز الريال بيد بينزيما وهو منقذنا ؟ نطلع من الباب الصغير ؟ ليه خيتافي والا سرقسطة ؟ نطلع منهم ولا نطلع من برشلونة ؟ لهالدرجة مسوينلك فوبيا ؟ لهالدرجة انت ماتعرف قدر الريال قدامهم ؟ اخر مرة تقابلنا في الأبطال طلعناهم برفسة وجاي تقولي نطلع من توتنهام ولا نطلع من برشلونة ؟ انت عمرك تابعت الريال اذا لعبوا بروح قدام برشلونة ؟ مايقدرون يتنفسون ! فكروا زين قبل لاتردون هالردود السخيفة الي تحسس المتابع انه يشجع النصر ! الظاهرة الي اجتاحت العالمية ماراح اسمح ابداً انها تجتاح الرابطة .. وياويلك يافرانكو ان انتشرت هالظاهرة في عصرك تحيتي .،،.

معليش معليش يالحبيب اكلتني بقشوري وواضح ان العاطفة هي عنوان ردك

ماذبحنا الله يطول بعمرك الا العاطفة والنظرة الفوقية وبعطيك مثال بسيط يثبت كلامي

مباراتنا معهم بالكامب نو والله ثم والله ثم والله والمسألة ماهي اثبات وجهة نظر صديقين مدريديين لي واحد منهم يحيى يقول نبي نفوز ونبي نجلد الليلة وانا كنت اقول ابي تعادل واطمح له لاني مقدر الوضع وشف وش جت النتيجة

معليش يااخي احترم الرأي الاخر مو تجي تهاجم وتتهم ردي بالسخف وبكرة اذا انجلدنا من برشلونة تقعد تبرر


نرجع للنقاش المنطقي اذا كنت تبي المنطق !

المسألة واضحة للي وده يفهم بمنطقية وبدون تدخل من عاطفته

من هجومنا الان؟؟؟؟
بنزيما هيقواين اديبايور

هيقواين مصاب
بنزيما اصيب
من بقى ؟؟؟؟

اديبايور الظاهرة

اذا انت تبي تتكلم انه اديبايور يجي منه وممتاز هنا اوقف النقاش معك لانه قناعات والمفروض انك تحترم قناعتي ماتجي تهاجمها لاني اشوف ان البنز افضل مهاجميننا بعدها هيقواين وبعدها اللي المفروض يسمى مهاجم اديبايور

هذي قناعتي من حقك ماتقبلها بس مو من حقك تهاجمها
وتقول توتنهام وماادري ايش انا اتكلم انه مافيه مهاجم بهالشكل هذا شي وهذا اسلوب مورينيو ثانيا يقفل بأرض الخصم ويفوز بأرضه ط
شف انا ماراح اصير زيك واوصف ردك وكلامك
لكن جاي تقارن جيل مانشستر ذاك بفريق برشلونة حالياً !!
وتقارن جيل الريال ذاك اللي فيه نجوم الافضل بالعالم بالجيل الحاالي؟ اللي مو سيء لكن مايوصل زي هاك الجيل!
يعني هذا كلام بالنسبة لي ماهو منطقي الله يرضى عليك


نجي للشي الثاني موضوع برشلونة

معليش هذي مكابرة بنت كلب اللي شفتها منك
برشلونة جالدك 5 -صفر مع الرأفة والمسخرة والكعوب وأنت على قولة يوسف سيف اسمك ريال مدريد مو ريال اونيون
وش فادك الاسم بالله ؟ وانهوووو الملكي حامل الالقاب ؟؟؟ الكرة تعطي من يعطيها

وحالياً كل المحايدين والمتابعين يقولون برشلونة فريق من كوكب ثاني

صح اي نعم ممكن نسويها ونطلعهم انا مااقول مستحيل نطلعهم لان برشلونة برا ارضه قوي بس ماهو مرعب
لكن مشكلتي تحديداً كالتالي

نلعب الكاس وياخذونه
نلعب الدوري ويتعادلون او يفوزون وبكذا يضمنون الدوري عن طريقك
نقابلهم بالابطال ويطلعوننا

اخذوا الثلاثية وكلها عن طريقك
ساعتها وش بيكون شعورك ؟ والغريم يكرشك وياخذ البطولات ؟؟؟!!

معليش الواحد يناظر الامور بمنطقية

مسألة ردود سخيفة ومسوين لك فوبيا والرأي الاوحد
خلاص يااخي اكتب رأيك وكلنا نمشي عليه ومااحد يكتب رأيه لاصار كل من اختلفنا معه بنهاجم رده بالاوصاف


ياليت نتعلم انه احنا مااحنا علماء حتى لو شفنا الشي خطأ وان مثل ماعندك عقل انا عندي عقل افكر فيه ومو شرط انت صح
كل واحد يعبر عن رأيه ويختلف يأدب الله يرضى عليك
ويااخي من سنين اشجع مدريد ممكن عقد من الزمان وعارف برشلونة
واكره الجيل الحالي ذا تحديدا لانه مايمتعني بعكس جيل الضرس وايتو لكن مايمنع اني اعترف بقوتهم هالموسم واللي الكل يتحدث عنها

اما مسألة انهووو الملكي الذي يمرض ولايموت ومن الترفيع هذا خلاص انا اوقف عن الرد واقول انت الصح وانا اسف اني قلت رأيي يااخي الكريم !

نأسف على الاطالة

إقتباس الرسالة الأصلية كتبت بواسطة mori نأسف على الاطالة

حلو الكلام .. خل ناخذها نقطة نقطة .. اول شئ انا ابي افهم وين العاطفة الي غلبت على ردي ؟ من وين اكتشفت اني قلت : انهووو الملكي الي راح يفوز بكل شئ ؟ خلنا ن كذا .. انت خايف من توتنهام وتقول اننا راح نطلع من الباب الصغير قدامهم لأن بينزيما غايب واديبايور بديله .. ابسألك من افضل اديبايور والا كراوتش ؟ مهاجمنا والا مهاجمهم ؟ اذا كانك تشوف كراوتش افضل من اديبايور وراح يمصخر دفاعنا ذيك الساعة بفهم انا ليه انت خايف منهم ..

الحين فريقك الي بيدخل قدام توتنهام غالباً راح يكون : كاسياس ، بيبي ، كارا ، راموس ، اربيلوا ، الونسو ، خضيرة ، اوزيل ، ديماريا ، رونالدو ، اديبايور .. وهم غايب منهم لينون وبال اهم لاعبين بفريقهم .. كلمني بالمنطق الي تقولي لازم ارد عليك فيه .. وفهمني الله يخليك بأي منطق توتنهام راح يطلعنا من التشامبيونز ؟ بأي منطق حكمت اننا بنطلع من الباب الصغير ؟

على فكرة جيل مانشستر الي تحسب انه كان ضعيف هم : قيقز وكين ونستلروي وبيكهام وسكولز وفيرديناند وبارتيز و و و و كلهم في عزهم ..

ندخل بموضوع ثاني .. ترجع تقول برشلونة هذا الموسم بياخذ كل البطولات ولزخنا ٥ ! وانا اقولك ان الموسم فترات .. فترة تشوف المستوى مرتفع فجأة تشوفه نازل .. وبرشلونة ماهو فريق نازل من السما عشان تخافون منه كل هالخوف ؟

ارجع للشهر الماضي او الشهرين الأخيرين وتابع مباريات الفريقين واحكم من أفضل ( حالياً ) وركز لي على كلمة حالياً .. ريال مدريد ولا برشلونة !؟ اذا تبي تتكلم بالمنطق هذا المنطق حبيبي

اما انك تجيني وتقولي ياخي كلمني بمنطق برشلونة فاز علينا ٥ بالذهاب .. ياخي كلمني بالمنطق برشلونة المحللين يقولون انه اقوى فريق في السنوات الأخيرة مدري هذي السنة .. وانت ماتتابعه ولا تعرف مستواه في آخر ١٠ مباريات وتحلل من الحين انهم بيطلعونا من الـ ٣ بطولات ! هذا ماهو منطق ابداً ! نلعب الدوري ويتعادلون او يفوزون عليك والابطال يطلعونك والكاس ياخذونه منك << بالفعل منطقي كلامك راح نخسر الـ ٣ جبهات واحتمال حسب كلامك المنطقي اننا نتعادل في الدوري .. فوز مستحيل نفوز عليهم !

شئ واحد اعجبني في ردك وهو ان الكرة تعطي من يعطيها .. وفي الفترة الأخيرة أنا أتابع فريقي ومتأكد من أنه يعطي الكرة حقها وهي حتى الآن تعطيه حقه .. وانا متأكد بأن فريقي حالياً أفضل من برشلونة حالياً .. وأيضاً ركز على كلمة حالياً .. لأني متابع للفريقين في الفترة الأخيرة كاملة .. واعرف من افضل من من بدون أي تدخل عاطفي في الموضوع ..

انا ما اتكلم بعاطفة ولا بتكبر .. اتكلم بما اراه أمامي حالياً .. برشلونة كان الأفضل حتى منتصف فبراير .. ومن تالي ومستواهم هابط ويعانون عشان يفوزون واذا ماكنت تتابعهم ادخل وشوف نتايجهم الأخيرة ..

ما قلت أبداً بأنهم فريق ضعيف واحنا اكبر منهم وبنفوز لأن التاريخ معنا ! ياليت انك ماتصيغ كلامي وتحوره على كيفك .. كل الي قلته ان فريقنا الحالي أفضل من فريق برشلونة الحالي .. يمكن صارت عندك لخبطة لأني ذكرتك بأننا ريال مدريد وماعمره في تاريخنا لعبنا مقمطين دفاع مباراة كاملة وجلسنا مضغوطين طول المباراة ! وذكرتك بأننا في الأولد ترافورد هاجمنا وسجلنا ٣ اهداف .. وذكرتك بأننا اخرجنا برشلونة وفزنا عليه على ارضه بهدفين دون مقابل ! تقولي ريال مدريد لازم يقمط دفاع وقدام مين ؟ توتنهام ؟ وضحت في ردك الثاني السبب وهو ان هذا اسلوب مورينهو .. وكإنك ماتتابع الريال هالموسم ولاتدري ان مورينهو غير اسلوبه فالريال .. في الميلان هجمنا في اياكس هجمنا في ليون هجمنا حتى في برشلونة ماقفلنا دفاع .. هل بالفعل اسلوب مورينهو = تقفيل وتقميط دفاعي ؟ وتقولي انا اتكلم بالمنطقية ؟

إقتباس نجي للشي الثاني موضوع برشلونة معليش هذي مكابرة بنت كلب اللي شفتها منك برشلونة جالدك 5 -صفر مع الرأفة والمسخرة والكعوب وأنت على قولة يوسف سيف اسمك ريال مدريد مو ريال اونيون وش فادك الاسم بالله ؟ وانهوووو الملكي حامل الالقاب ؟؟؟ الكرة تعطي من يعطيها

ممكن طلب صغير بس ؟ وش قصدك بهذي مكابرة بنت كلب الي شفتها منك ؟ ما علينا من ( بنت كلب ) الي اهنيك في اختيارها .. اقصد المكابرة .. متى انا كابرت في ردي السابق وقلت انهوووو الملكي حامل الألقاب ؟؟؟ وان قلتها .. وش دخلها في برشلونة وفي فوزه بالـ ٥ علينا ؟ أتمنى إنك تركزلي على هالجزء وهالسؤالين بس وانت ترد لأني عجزت افهم ؟

بخصوص انك تشوف اني قليت ادبي عليك بردي السابق أو شئ من هذا القبيل .. بالعكس مافيه أي قلة أدب .. كلمة سخيف تعبر عن رأيي في موضوع الردود التي تبين الخوف من الخصم لدرجة التفكير بأن الهزيمة مؤكدة أياً كان الخصم ! لا يوجد أي شئ شخصي بيني وبينك استنقصت مني وقلت اني اكابر واتكلم بعاطفة وردودي لامنطقية .. كلها لا اعتبرها قلة ادب منك ! وانما حرية شخصية .. لكل شخص رأيه ..

شئ أخير .. أي إنسان لديه عقل لا يحتاج أن ( يتعلم ) أنه ليس عالم ..

تحيتي .،،.

8
8

الأب الروحي للهياط .. بلا ابويوسف ولاغيره ههههههههههه

عبدالله من جدك ؟ .. ياخي بجد بجد قلي انك تتكلم جد؟

ههههههههههههه والله ياحالتكم صعبه

انهو الريال اللي ماعمره قمط .. انهو الريال اللي يجلدهم بالابطال باخر مقابلة .. والواقع انهو الريال اللي مابقي فريق ماصفقه واللي له 7 سنين محفّر في دور الـ 16 وينلزخ من فرق زي ليون وروما ههههه ياراقل حرام عليك

حنا ريال مدريد كـ إسم فقط .. لكن كـ هيبة اوروبية لسه مارجع الريال , اوكي تعدينا دور الـ 16 وبنتيجه ومستوى , لكن توتنهام فريق قوي وقوي جداً , اوكي خبرتي الاوروبية اكبر منه ,بس هو اول مرة يتأهل الظاهر ومسنتر في الثمانية اللي انت لك 7 سنين تحفّر تبي توصله.. ملد الانتر وميلان .. يعني مش بعيدة يكرشونك زي باقي الفرق اصلاً مابقي الا هم

برشلونة عندهم اصابات , دروب , قدامهم مباريات قوية يمكن تأثر على مسيرتهم
لكن الروح عند اللاعبين تختلف كلياً لما يقابلوا ريال مدريد
صحيح اننا في نقطة معينة متفوقين عليهم .. اللي هي ثبات المستوى من فترة وفوق كذا محظوظين اننا ماراح نقابلهم في الكامب نو الا في حالة تأهلنا لدور الأربعة مع بعض
الكأس .. ممكن تفوز .. الحين لأنو حافز التصفيق راح ههههههههههه بما انهم الغوا تأجيل هالجولة
السنة ذي مخمسينها ,العام ماخذينك رايح جاي , واللي قبله سته .. ومانخاف؟ ههههههه ليش ياخي ليش

احترمك ياعبدالله واحترم تفكيرك وتشجيعك للريال

لكن مااقبل وجهة نظر الهياط اللي تعديت فيه ابوتولين والمعارضين معه

احترمهم .. تفوز عليهم ..تهايط تبي تندقم زي كل سنة


سلاام

حياك الله اول شي اقدر اقول الآن ان ردك اصبح نقاشي اكثر من كونه اسلوب تهجم ووين العقل وردود سخيفة وماالى ذلك وبهالشكل اقول نتناقش ويشرفنا النقاش معك وبرضو ناخذها حبة حبة

إقتباس اول شئ انا ابي افهم وين العاطفة الي غلبت على ردي ؟

اخوي العاطفة اللي اتحدث عنها جت لما اندفعت بردك علي واصف ردي بالسخيف والانهزامي وركز على كلمة انهزامي
لما تتكلم كذا ماتكلمت كذا الا لغيرتك على سمعة الملكي وسمعة فريقنا اللي كلنا نحبه يعني دفعتك العاطفة بردك وماحللت ليش انا على قولتك انهزامي وخايف لاني بوجهة نظري اشوف ان برشلونة عموما هالموسم اقوى مننا وبالاقتباسات الثانية بنين شغلات لعل وجهات النظر تتقارب او على الاقل تتفهم من الطرفين

إقتباس من وين اكتشفت اني قلت : انهووو الملكي الي راح يفوز بكل شئ ؟

ليش عندكم ثقافة الانهزامية وانا لن اسمح بهذا الشيء بهالرابطة وكأنك صاحب الرابطة ( ماعلينا )
يعني عندك ايمان تام انه لااحد يقول الريال بيخسر ولااحد يصير انهزامي وحنا بنفوز ان شا ء الله

طيب يااخي انا مااتمنى افوز بس اتمنى القمهم خمسة مع المسخرة وهذا اللي بيرد منظرنا من جديد او ناخذ الدوري وساعتها صدق بضحك عليهم

لكن اناظرها بالعقل

صح صح عليك برشلونة منخفض
برشلونة اصابات وطبعا حنا عندنا اصابات
برشلونة هل تتذكر انهم في بداية الموسم بدوا بداية متواضعة وبصعوبة كانوا يفوزون على الفرق وتعادلوا مع مايوركا وانهزموا هزيمتهم الوحيدة بالدوري قدام هيروكوليس وانا شخصياً صحيح كنت خايف منهم لكن ماكنت اتوقع اللي حصل بتاتاً بهالشكل السيء صح لها مباراة لها ظروفها بس حنا نتكلم عن خمسة مع الرأفة
اللي حصل جو مركزين ومستعدين صح

بالاياب هذا اللي بيحصل بتوقعي بيجون مركزين
اي نعم يخسون عاد يجلدوننا ان شاء الله بس برضو خايف من هزيمة تكسر رقم مورينيو على ارضه ووالله اني اتكلم جاد وادعوا الله انها تمر المباراة بدون هزيمة عشان ماينكسر الرقم

لما تشوف المعطيات اللي بنيتها بردي وبنيت عليها رأيي تقول فعلاً انا خايف من هزيمة على البرنابيو لاني اتوقع يرجع مستواهم يرتفع من جديد لكن مااتوقع بإذن الله بأسوأ الاحوال بهزيمة اقل من 1

اي نعم كان عندي ثقة كبيرة بمورينيو لكن مااخفيك انها اهتزت بعد الخسارة وكل اللي خايف منه انه يتعقد من برشلونة

فصلت بالموضوع باختصار انا بوجهة نظري بنيت هالخوف على معطيات موجودة وانت هاجمتني وقلت ليش نظرتك انهزامية وان الملكي بيفوز واستشهدت بمانشستر فاستخلصت انه على الرغم من انه برشلونة افضل فريق بالعالم حالياً لكن تقول انهزاميين معناها الملكي اللي بيفوز بكل شي ولايهزم

إقتباس انت خايف من توتنهام وتقول اننا راح نطلع من الباب الصغير قدامهم لأن بينزيما غايب واديبايور بديله

يارجل ! خايف مرة وحدة ؟!
من قال لك اني خايف منهم والا حتى معتبرهم اعلى مننا مستوى والا مكافئين لنا ؟؟؟

انا كان فكرة ردي انه ماعندنا هجوم بالذهاب اللي هو على ارضنا وبالاياب مورينيو حسب مسيرته هالموسم يقفل دفاع ومن هجمة هجمتين يسجل قول خاصة بمباريات الذهاب والاياب لما تكون على ارض الخصم لكن بالبرنابيو يضرب بقوة

مسألة انك بتقول ان مورينيو مايقفل ويعتمد على الهجمات المرتدة لما يكون معتبر الخصم فريق ينخاف منه
هنا اوقف الله يعطيك العافية لان لنا عيون تشوف وتشوف الثلاث محاور اللي تلعب

عموما ماكنت خايف من توتنهام بس توقع مبني على الخوف يعني زي قولة الله يستر وبعدين قلت على الاقل يطلعوننا هم ولايطلعنا برشلونة وبهالشكل ممكن تصير 3 بطولات وهذا اللي خايف منه
لكن مسألة اني بخاف من توتنهام لاوالله مع ان توتنهام موب سهل وجلد قطبين ميلان ماننسى الشي ذا يعني مانستهين فيه

إقتباس ابسألك من افضل اديبايور والا كراوتش ؟

حاليا كراوتش لكن بشي بسيط لكن مسألة انه بيمسخر دفاعنا لا ان شاء الله انه يعقب

واذا كان مزعلتك الباب الصغير يااخي خلاص طنشها
انا قلت باب صغير لانه فريق صغير وبهالشكل يصير تصريح مني انه اقل مننا
اتمنى وصلت الفكرة

إقتباس على فكرة جيل مانشستر الي تحسب انه كان ضعيف هم : قيقز وكين ونستلروي وبيكهام وسكولز وفيرديناند وبارتيز و و و و كلهم في عزهم

اوكي انا عارف الجيل معروف جداً لكن اذا كنت بتقارنهم ببرشلونة الآن انا اختلف معك والموضوع جاي من جهتين

الريال اقوى بذاك الوقت ومانشستر اقل من مستوى برشلونة حالياً رغم قوتهم

يااخي آراء ناس كبار بالفيفا اعتقد وكذلك لاعبين عالميين سابقين يقولون افضل فريق بالتاريخ والكلام هذا مو انا اللي اقوله من عندي هم قالوا الا كانك ابخص من هالخبراء هنا انا اوقف واقول لك اللي تشوفه طال عمرك

إقتباس دخل بموضوع ثاني .. ترجع تقول برشلونة هذا الموسم بياخذ كل البطولات ولزخنا ٥ ! وانا اقولك ان الموسم فترات .. فترة تشوف المستوى مرتفع فجأة تشوفه نازل .. وبرشلونة ماهو فريق نازل من السما عشان تخافون منه كل هالخوف ؟

قلت لك بيرجع واذا على هذي حنا عندنا اصابات حالياً لكن حنا وبرشلونة متوقع والله اعلم بنرجع كاملين
صدقني والله العظيم اتمنى كلامك يصير يعني اكيد ابي نفوز بكل المباريات الجاية واتوقع رديت على الموضوع باقتباسات فوق

إقتباس وانت ماتتابعه ولا تعرف مستواه في آخر ١٠ مباريات وتحلل من الحين انهم بيطلعونا من الـ ٣ بطولات ! هذا ماهو منطق ابداً !

الله يصلحك بس المسألة ماهي فرد عضلات لو كنت صح بصفق لك رح اقرا ردي قايل لك العقد الاخير كله وانا متابع لبرشلونة وجتهم فترات كانوا مسخرة وقووا فعلا باخر ثلاث سنين تقريباً والموسم ذا كثير جداً من المباريات متابعها بنسبة 70% على اقل تقدير

تبينا نتكلم كنقاش ؟ والا بطريقة انا الصح وخلاص؟ اذا الاختيار الثاني خلاص انت الصح!

إقتباس كلامك المنطقي اننا نتعادل في الدوري .. فوز مستحيل نفوز عليهم !

لغة تمنى متواضع اعني فيها نتعادل ولانخسر وهالكلام مو معناه انه مستحيل نفوز لانه كذا ماصارت كرة قدم وكل شي متوقع لكن مااخفي خوفي واني اطلع باقل الخساير المقبولة

إقتباس شئ واحد اعجبني في ردك وهو ان الكرة تعطي من يعطيها

كويس انك ناظرت الموضوع بحيادية وبحثت عن الصح والخطأ وهذا اللي شجعني اتكلم معك بغض النظر انك شطبت على باقي ردي وهذا شي راجع لك

إقتباس وانا متأكد بأن فريقي حالياً أفضل من برشلونة حالياً

رأيك على عيني وراسي يالغالي ووعدنا بعد كلاسيكو الدوري وخلك قريب تكفى عشان نشوف من اللي عنده منطق وبهاليوم الله يحيينا ويحييك حياة طيبة بنحدد الصح
بس مو نفوز 1-0 او فرق هدف وتجي تقول شفت وماادري ايش؟! لانه ممكن نفوز بس بصعوبة

إقتباس ما قلت أبداً بأنهم فريق ضعيف واحنا اكبر منهم وبنفوز لأن التاريخ معنا ! ياليت انك ماتصيغ كلامي وتحوره على كيفك

ومباراة مانشستر وش دخلها هذي ماهيب تاريخ ؟ والا وش عنه بالضبط ؟!

إقتباس تقولي ريال مدريد لازم يقمط دفاع وقدام مين ؟ توتنهام ؟ وضحت في ردك الثاني السبب وهو ان هذا اسلوب مورينهو .. وكإنك ماتتابع الريال هالموسم ولاتدري ان مورينهو غير اسلوبه فالريال .. في الميلان هجمنا في اياكس هجمنا في ليون هجمنا حتى في برشلونة ماقفلنا دفاع .. هل بالفعل اسلوب مورينهو = تقفيل وتقميط دفاعي ؟ وتقولي انا اتكلم بالمنطقية ؟

يااخي حرام عليك

شي معروف واوضح من عين الشمس

مورينيو اسلوبه دفاعي وشفنا الانتر وكيف اخذ الابطال فيهم

ومعليش الاسلوب الدفاعي بفريقنا شفناه مع مورينيو

اذا كان الخصم ضعيف بأرضه نهاجم
اما اذا الخصم قوي نلعب بخطة دفاعية واقرب مثال مباراة الاتليتكو الاخيره ومباريات اشبيلية واتليتكو بالكاس away ومباراتنا مع ليون بالذهاب كيف لعبنا ؟ دفاع ونهاجم على استحياء وبحذر وانا مع مورينيو بهالاسلوب لاتحاسبني ضده لان ماينفع الا كذا الآن

إقتباس ممكن طلب صغير بس ؟ وش قصدك بهذي مكابرة بنت كلب الي شفتها منك ؟ ما علينا من ( بنت كلب ) الي اهنيك في اختيارها

شف الفرق بيني وبينك

انا قلتها بصيغة انه مكابرة قوية جداً وحنا نقولها من بطريقة عامية بنت كلب ..زي لما تقول اسئلة الاختبار بنت كلب يعني صعبة ..او هدف بنزيما بن كلب يعني حلو جدا وذكي ...ولما اقول مكابرة بنت كلب يعني مكابرة قوية

وبالنسبة للفظ انا اعتذر منك شخصياً إذا كان اللفظ ضايقك

السؤال هل عندك هالشجاعة تعتذر عن ردك الاول اللي وصفت ردي فيه بالسخيف ؟!
سؤال ينتظر اجابتك عليه

وبالنسبة للمكابرة
الناس تتكلم عن قوة برشلونة والمحللين والعالم وانهم السحرة وكل هالهيصة وآخرتها تقول ليييييييييييش تقول انا انهزامي ضدهم ؟! اسألك بالله ماهي مكابرة انه فريقنا قوي وبيهزمهم وهو توه فريقنا لاعبين جدد هالموسم ومدرب جديد مايقارن بأفضل فريق بالعالم واللي متفاهمين مع بعض لهم 3 سنين على الاقل؟!

يارجل حدث العاقل بمايعقل !


ب

إقتباس خصوص انك تشوف اني قليت ادبي عليك بردي السابق أو شئ من هذا القبيل .. بالعكس مافيه أي قلة أدب .. كلمة سخيف تعبر عن رأيي في موضوع الردود التي تبين الخوف من الخصم لدرجة التفكير بأن الهزيمة مؤكدة أياً كان الخصم ! لا يوجد أي شئ شخصي بيني وبينك استنقصت مني وقلت اني اكابر واتكلم بعاطفة وردودي لامنطقية .. كلها لا اعتبرها قلة ادب منك ! وانما حرية شخصية .. لكل شخص رأيه ..

تتكلم بعاطفة صار اني غلطت عليك ؟!
وتكابر بفريقك مع كل هالظروف وصارت غلط ؟!
ومع كل هذا تقول انا ماغلطت ولاتلفظت عليك !

اذا كنت تعتبره رأي ترى حرية الرأي توقف عند تعديها على حرية رأي غيرك لان كل شخص له الحق بإبداء رأيه وانت تناقشه برده ماتوصف رده بالكامل بالسخف وكأن الردود المنطقية والغير سخيفة ماتجي الا بمنطقك ورأيك انت بس ؟!

يارجل كن منطقي

اتمنى ان الامور اتضحت بيني وبينك والامر من المفروض انه مايكون شخصي ترد على المطروح بدون اوصاف (وإقصاء للرد ) وهذا تحديداً اللي أتمنى تفكر فيه

هذي وردة تعبر عن الود وان اختلاف الرأي لايفسد للود قضية

نقطة اخيرة احب اضيفها لاني نسيتها

احترم الفرق عشان تفوز عليها
وشف تصريحات مورينيو وبيب دايم على هالنحو

اجل بيب يقول ارسنال يرعبني ؟! انا بعد بقول له ياانهزامي افضل فريق بالعالم ؟! وتقول مرعبني ؟!

لازم تحترم الفرق اللي قدامك وماتكون ثقتك عمياء

وهالكلام مااقصدك فيه شخصياً بس معلومة حبيت اضيفها

إقتباس الرسالة الأصلية كتبت بواسطة zizo4ever صلو على النبي ياعيال . قبل ما أبدأ كلامي عندي كم نقطة أكيد الكل بيوافقني الرأي فيها الكورة فوز و خسارة و قد ما تعطيها تعطيك مافيه فريق في العالم ما يخسر الريال حالياً يمر بفترة جيده جداً و النتايج تتكلم عن نفسها الكامب نو يعطي قوة اضافيه لبرشلونه (خصوصا ضد الريال) مدربنا أفضل مدرب في العالم. الريال ما خسر ع أرضه هذا الموسم. مسألة أننا نقول برشلونه بينهي موسمنا بفضيحه و يطلعنا من كل البطولات ما أشوف أنها منطقية (لكن قد تحدث) و العكس صحيح. المعركة بينها وبينهم بتحسمها جزئيات بسيطه الي بيعرف يستغلها هو الي بيكون فايز الاصابات-التحكيم-نجوم الفريقين-تكتيك المدرب-استغلال الفرص وفي نقطة ثانية مهمه قد تكون في صالحنا اذا استخدمها المّو بالشكل المطلوب نتيجه مباراة الذهاب قد تعطي حافز اضافي للاعبين لرد اعتبارهم. و ليش لأ ممكن نشوف خمسة ثانية في البرنابيو اذا برشلونه القوي هزمنا بـ 5 و بالـ 6 ترى الزلايب سرقسطه و ا لكوكون بعد أهانوك ما استهين بـ توتنهام بس ان شاء الله نحسمها من البرنابيو و ننضف الفريق من الكروت بعد

+1
هذا الكلام اللي يجمد على الشارب

وفيه نقطة حاب اضيفها على رد محششنا اللي هي الخوف الزائد عند مشجعين الريال ..!
ليه الخوف .؟! .. عندنا لعيبة من أفضل لاعبين العالم في مراكزهم وعندنا حارس الأفضل في العالم
ومدرب يعتبر اقوى شخصية رياضية في العقد الأخير وعنده فكر تدريبي فريد من نوعه
الهزايم المذله آخر سنتين لها اسبابها ..
هزيمة الـ 6 - 2 ..
أبصم بالعشرة لو إن الدوخي لاعب ظهير يمين بدال راموس إن تنتهي بـ التعادل أو بفرق هدف للغريم .
وهزيمة الـ 5-0
تعتبر هزيمة نفسيّة .. ولا لها بالأمور الفنيّة أي دخل
لذلك الفريق إن شاء الله ماعليه خوف .. ومورينهو ماراح يعدي هزيمة الـ 5 على خير

---

يحيى واصل على هالمنوال .. خلك متشائم كل ابو دايم عشان تسلك أمورنا