|
صبـاح الخير للجميع . هاردلك لكل المدريديــه ...~ تعــادل أشبـه بالخســاره للأســف ماكنت أتمنـى أن الفريق يتعادل خصوصا في هذه الأوقـات من وجهة نظري أن الاعيبين نفسيــــاً خلاص مستحيل يفكرون بالدوري . لوبرشلونه مو جالس يقدم مستوى جيد ولا على الأقـل يعامل مثل الريال في التحكيم كان أقول فيه بصيص من الأمل لكن البرشا جالس يفوز مره بـ شطـاره ومره بالمساعده لكن يفوز بـ الأخيــر. فلذلـك الدوري انتهى ولا أتوقع أن تحدث مفاجأة أخرى في غضون 5 مواسم فـ المفاجأة لاتأتي تباعاً . على العموم هاردلك التعادل المخيب للآمال . |
إقتباس:
ياعمي ماكنا بحاجة بيدرو ليون أبد ايش تبغى خلاص الحظ واقف ضدك اجل بنزيما تجيه كوره مقشره بس يلمسها لاكن ماجت فيه على الاقل ضربة جزاء واحده لاكن تقولي مورينهو اسستهتر :ranting: انت غلطان لو مستهتر كان ماغامر ونزل الخال ودي ماريا وجرانيو لاكن الحمد لله على كل حال لاتكبرو الموضوع ممكن الاربعاء يرجع الفرق لخمس وممكن يكون اربع لاكن في الاخير همنا الان الكأس والابطال والدوري نسوي اللي علينا وخلاص المكتوب بيد الله ماعندنا حظ :alzaeem: الهلال:s2: حظنا ردي دري بالحيل :ranting: |
سلاماااااااااااااااااااااات ياشباب وبعدين حنا والكلام العاطفي لو كوره رونالدو واديبايور بالمرمى مافي احد قال وين بيدرو ليون ياخي وش فرق ليون عن ديماريا ورونالدو واوزيل وبنزيما والاديب كلهم لعبو بنفس الوقت وماينفع مورينهو سوا كل شي لعب بثلاث مدافعين بس وماقدر وبمحور واحد ومانفع المشكله من اللاعبين اذا حسو ان المباراه راحت منهم شدو ويبون الهدف بدون سابق انذار وينك من بدايه المباراه ماتشد شديتو من ريال مدريد ان شاء الله لازم يشوف حل مع اللاعبين مورينهو مومعقول الاستهتار واللامبالاه ببيدرو ليون مدري من قاله انت بشيكاغو وبنادي ابوك سو الي تبيه مره يتهاوش مره يتأخر وين عايشين حنا بغابه ولا وين يستاهل الابعاد وبالنسبه للاتحاد الاسباني:ranting::ranting: على كيفهم هي لاعبين الريال مو آلات عشان يلعبون والاربعاء يرجعون والسبت مباراه ليه مايخلونها الاحد بتخرب الدنيا ولا كل فرق الليغا يلعبون بالابطال يامسكين يامورينهو انت الوحيد الي تصرح وتهاوش وتتكلم والاداره لاحس ولاخبر لاحظت على غلافي الماركا واس انهم مع الفريق ماغسلوهم كالعاده مورينهو بدا يجني ثمار تصريحه لما قال غوارديولا يتلقى دعم ومسانده من اعلام برشلونه:yes: |
هارد لكم التعادل وبصراحه امس نقصنا شي واحد الحظ ولا ترا الريال مدريد لعب امس كويس والله بس والله العظيم الحظ قسم بالله سبب التعادل اثنين : 1. عددم راحه اللاعبين بعد مباراه ليون للاسف الاتحاد الاسباني ما زال فيه شك وبصراحه بديت اشم ريحه زي ما سوو اليوفي في الدوري الايطالي مزاراتي ومن هالحركتات . ;) 2. مافيه راس حربه قوي ولو ان الرود اللي امس كان انهى كل شي بنزيما فرص بالكميه ويسجل وحده منهم هذا ماهو مهاجم الونسو بطيييييء واهم منطقه هي منطقه الونسو توزيع اللعب اذا ما توزع بالسرعه المطلوبه خلاص تموت الهجمه انا امتلك لاعبين سرعتهم عاليه كاكا رونالدو ديماريا اوزيل سريع بس مو مثل اللي ذكرتهم قبل والله دفاعنا قوي لو نلعب بمحور دفاعي واحد كاسيس مارسيلو بيبي كارفاليو راموس ديماريا اوزيل لاس كاكا رونالدو ( وأي واحد من التحف اللي امس كان اديبايور او البنز ) شوفو امس كيف الريال يلعب على قول واحد يقولون ان كاسيس راح دوره المياه الله يعزكم مرتين :d عموما مورينهو لازال عندكم شي تقدمه وشي كبير كبير كبير هالموسم بالتوفيق للملكي يا اخوان لا تصيرون انهزاميين والله ان لعب امس امتعنا امتعنا امتعنا بس الحظ اللي مو راضي بالتوفيق للملكي وبالتوفيق لك يالمورينهو انت اللي ان شاء الله تبي تجيب لنا العاشره |
http://cache.daylife.com/imageserve/...cu62r/610x.jpg متى بتعود علمني متى متى بتعود طمني متى من لي في هالدنيا تعال الراحه في غيابك محال متى بتعود متى بتعود متى بتعود هاردلك لـ عشاق المرنغي على التعادل المخيب لـ الأمال و زي ما قال المعلق عصام الشوالي على مورينهو اعادة التفكير عند اللعب خارج البرنابيو لانه الفريق لم يقدم شي يذكر طوال المباراة الا في اخر ربع ساعة فقط . صحيح امتلكنا الملعب لكن بدون خطورة تذكر تشابي الونسو ما ادري شو ماله الا التمريرة الاخيرة لـ رونالدو اوزيل لا يقدم خارج البيرنابيو شي يذكر رونالدو استقيظ في اخر ربع ساعة ((وحاليا لا يركزبـ الكرات الثابتة )) بنزيما كـ العادة اهدار الفرص السهلة وكثرة الوقوع بـ التسلالات دي ماريا لازم يكون اساسي لانه يرهق المدافعين ويتحصل على الكثير من الفاولات لاس ديارا اجمل ما يمتاز به هو ارجاع الكرة الى الخلف :قهر: كاكا لم يستعد 15% من مستوى كاكا ميلان اديبايور لم يقدم ما هو مأمول منه الى الان الدفاع 100% كاسياس 100% |
إقتباس:
اتفق معك المباراة امس كانت ممتعه من جانب الريال حتى في الشوط الأول وكان اداء الريال راقي جداً لمسات ونقلات من اليمين لليسار وفنيات عاليه لا يغركم كلام الاستديو التحليلي وإن الريال ماظهر بمستوى جيّد بالعكس المستوى في رأيي اشوف انه ممتاز جداً وكان يمدينا نسجل لكن الحظ وعدم التوفيق وقفت قدامنا الفريق بشكل عام ظهر بمستوى جيّد ماعدا لاعبين واحد منهم باين عليه الأرهاق اللي هو كريس والثاني الحظ معانده اللي هو بن زيما .. ! هارد لك التعادل .. والدوري إلى الإن باقي فيه كلام كثير . |
إقتباس:
مدري وش قصة الدوون مع الكرآت الثآبتة، إذآ متزآعلين نرآضيكم :d:smilie47: هذآ سلآح مهم جدآ بالذآت في دوري الآبطآل ،النقطة مخوفتني وكذآ مرة ذكرتهآ :cry::smilie47: متى آخر مرة سجل من كرة ثآبتة ؟! اللاعب وآضح آنه محتآج رآحة آحسه استنزف لعب وسجل في آسوآ ظروفه الصحية لسه الفريق محتآجة بشدة في دوري الآبطآل لآزم الدون يكون في الفورمآ ولآزم يآخذ قسط من الرآحة ولو بسيط في مبآرريآت الدوري مآ نبي يجي نهآئي الكآس والدون مجهد !! يعني يبغى يحلل الملايين اللي آندفعت له :d وبالنسبة للمبآرآة آشوف آن الريآل قدم آداء مقبول وكآن يمتع في آغلب فترآت المبآراة ومآ عندي أي ملآحظة عالفريق لأن الآهم هو دوري الآبطآل |
. شباب رجاء خاص اللي مايقدر يتحكم في أعصابه بعد أي تعادل أو خسارة .. رجاء لايدخل للرابطه ويكتب كلام يندم عليه للأسف شفنا كلمات وعبارات غريبه من أعضاء محترمين وفيه ناس تقعد تبكي على الأطلال ( وينك يافلان وينك ياعلان ) إعشقوا الريال في نكساته قبل إنجازاته بالنسبة لي أنا : أشوف إن فريقي بطل ولازلت متفائل بالدوري .. وإن ماحصل الدوري هالسنه .. فترون الضغط اللي على الفريق راح تبان نتائجه الموسم القادم أرجع أعيد وأقولكم تفائلوا :rose: :rose: :rose: |
شبآآآآآآآآآب عندي احساس انا اسبوع الجاي بيصير الفارق 4 نقاااط ...... انشا الله يصدق توقعي .... |
هآردلك هآردلك !! قهر قسم بالله .. :ranting: حرآم حرآم .. مورينيـو بديت احس مآعنده عقل كآكآ واوزيل امس !! وش تحس فيه مورينيو .. كاكا متعود لعب سريع وطقطقه وهذآ اللي نحتآجه , اوزيل بطيء ويحب يناظر اللي يمينه ويساره .. :d وبعدين مفروض اول يلعب كاكا دي ماريا .. وانتهى الوضع !! اقسم بالله دعس دعس .. :d - نتكـلم عن التحكيم كوم ثاني .. الاتحاد الاسبآني مازال يتقصد الريـال ! يعني بالعقل لو برشلونه كذآ وش بيسوون ؟! :mad: كوره في اليد مرتين .. ولا تحتسب .. :laugh: الله يعوض علينا الدوري .. وين الابطال بس [ كآس الملك لاتفكرون فيه دآم مستوى الريـآل كذآ ] .. :rose: يارب يصحى مورينيو شوي !! :s2: |
إقتباس:
مع أول تعادل أوخسارة تشوف ردود تقول كل الاعبين زلايب والريال أكبر منهم صدقوني الريال ماشي في الطريق الصحيح و ثمرة هذا الموسم بتنبين في الموسم القادم الكورة والمستوى في الملعب ماهي البوم صور تجمع أحسن لاعبين و أحسن مدرب وتحطهم في فريق بيبدعون على طول خاصة اذا الفريق ماله هوية في الملعب بسبب تغير العديد من المدربين في فترة قصيرة اللاعبين يبيلهم فترة يتأقلمون على بعض و يتعودون على طريقة المدرب ويحفظون ويعرفون كل لاعب وين بيتحرك قبل ما يتحرك مشكلتكم تقارنون الريال مع البارسا و بقول مثل ماقيل كثير من قبل البيب و اللاعبين متشربين طريقة وثقافة برشلونة تتوقعون لو برشلونة فيها مدرب غير البيب لأنه لعب ناشئين وشباب وفريق أول في برشلونة بيكون لعب البرسا بهذه الطريقة نحن المدريدين فخورين بمدريد وبالاعبين وبالمدرب وعلى قولة الأخ فارس الناصر إعشقوا الريال في نكساته قبل إنجازاته |
إقتباس:
|
إقتباس:
مدري اذا تقصدني ولا لا يا فارس .. لكن عالعموم انا ما اسحب اي كلمة قلتها في ردي السابق .. اللاعبين خذلوني كمشجع مدريدي وبانفسهم كانوا يقدرون يخلصون المباراة من اول 20 دقيقة .. لا تقولي حظ او ما عندنا مهاجم .. على الاقل اصنع فرصة .. يعني الي شفناه في آخر ربع ساعه .. من حشرة الديبور في نص مرماهم .. ما كنا نقدر نسويه في الشوط الاول ونخطف هدف خصوصاً وان الديبور متراجع ! بخصوص العمدة ابوعابد عاشق :smilie47: .. انا مثل ما مدحت مورينهو في مباريات .. برجع وبنتقده في مباريات .. ببساطة لان زي ما قلت كرة القدم فوز وخسارة وبمدحه عند الفوز اذا سوا شي .. وبنتقده عند الخسارة اذا كان احد الاسباب .. لان وببساطة نرجع نقول ان مورينهو مدرب كبير جداً ليس سحري او اسطوري عنده اخطاء قد لا يقع فيها اي مدرب آخر !! . بخصوص ليون فتواجده كان مطلب اليوم وموب شرط كل اللاعبين يكون ادوات تكتيكية لك يا جوزيه .. فيه لاعب خلاق يخرج عن المألوف بشئ فيه فايدة للفريق ! ابسألك يا عبدالله بالله ما كان بيدرو ليون لو لعب من بداية المطش ( مورينهو بيريح ديماريا طبعاً ) موب افضل من كاكا الغير مكتملة جاهزيته بدنيّاً ؟ خليك من ليون .. مارسيلو على الجناح او حتى قرانيرو ما كانوا راح يعطونك حلول افضل من كاكا .. كاكا عائد من اصابة ومباراة حساسة مثل هذي ما تلعبه فيها يا مورينهو أظن !! عالعموم مورينهو أخطأ كثير في المباراتين الاخيرة في رأيي .. وزي ما مدخناه على محاسنه .. لازم ننتقده على أخطاءه . لك انت وفارس :rose: |
إقتباس:
وماجاني نوم ..الا الساعة 3 ونص ..كله تفكير .ناخذ الدوري ماناخذه ناخذه ماناخذه ناخذه مناخذه :s2::s2::d:s2::s2::s5s::s2::s2: |
, خسارة ما كانت على البال وغير متوقعه .. كالعادة الريال لا تظهر شخصيته إلا بالسنتياغو برنابيو أداء أكثر من سيئ خصوصًا رونالدو هذا مو رونالدو المان مستواه منخفض جدًا من الموسم الماضي بغض النظر عن أهدافه رونالدو أفتقد مهاراته الفرديه منذ خروجه من المان , لاعب على الواقف لا يستطيع تخطي لاعبان ك السابق , لم يتغير به شي سوى جسمه و فاولاته أفضل بنسبة 30% فقط , وأيضًا في أفضل موسم له 2008 كان فيرغسون لا يتعمد عليه إعتماد كُلي , كان يخرجه ويذوقه الدكه , عكس مورينهو الآن يعتمد عليه إعتماد كُلي أكثر من كاسياس , ولا يخرجه ولم يتذوق الدكه في الدوري وحتى الراحه لا يريحه والأسوء من ذلك أنه بعد كُل مباراة يقول : " رونالدو لا يجعل لي شي أقوله أنه لاعب عظيم " الدون صحيح لاعب كبير لكن هناك أوقات عندما نحتاجه لا نراه , مباراة الأمس أمام فريق ضعيف بالمقارنه مع لاعبيننا الدون ينتظر الكره تأتي إليه , شي غريب فعلاً .. أتمنى أشوف الفريق يلعب بدون رونالدو لو 15 دقيقه فقط , وبخصوص اللي يقولون الحكم حرمنا من ركلة جزاء و و .. ألخ ] مورينهو ولاعبين الريال والمدريستا يعرفون جميعهم , أن الحكام ضد ريال مدريد و الإتحاد الأسباني لا ينصفنا دائمًا ولن ينصفنا , طالما يعرفون ذلك لماذا لا يغنون أنفسهم عن مساعدتهم , أنهو المباراة مبكرًا لأن فيه أحتمال أن الحكم لا يعدل ولا يحتسب لك أخطاء ويضيع عليك الوقت وأنت بحاجته وتذهب وتتجادل معه فهذا ما لا يحتاجه الريال حاليًا , لازم يستفيد من كل دقيقه في مباراة الأمس كنا مسيطرين لكن على ماذا لا أعلم , سيطره لمدة 90 دقيقه لا تأتي لك بهدف وحيد ..! وأنت معك لاعبين من حجم كاكا و أوزيل ودي ماريا وألونسو ورنالدو .. وللأمانه في التغيير الثالث قلت لنفسي مافيه بديل سينفعنا سوى بيدرو ليون أو كاناليس لأن بقية الدكه لاعبين دفاعيين وأفضل لاعبين بالدكه هجوميين هم بيدرو وكاناليس أنا أريد سبب واحد مُقنع لإبعاد بيدرو من التشكيلة ! لأن مهما فعل لا يستحق كل هذا بالوتيلي كان لاعب أكثر من مشاغب ومشاكله كثيره لكن مورينهو كان يلعبه أساسي في بعض المباريات , وكان ينفع الأنتر بشكل كبير .. هناك أشياء غريبه هذا الموسم ! وتقريبًا فقدنا الدوري مابقى إلا عشر جولات والريال يحتاج أن يخسر البرشا 7 نقاط , لكن مافيه شي مستحيل نتمنى :) [:rose:] |
| الوقت المعتمد في المنتدى بتوقيت جرينتش +3.
الوقت الان » 06:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd