|
اتمنى ما يكون الحكم عذر .. الفريق ما لعب وقدم الا اخر ربع ساعه .. الحظ وقف ضدنا هذا شي واضح .. لكن الحكم لا اراء انه ساهم في تعثر الريال .. للاسف اول 75 دقيقه الفريق ما قدم اي شي يذكر سوى تدوير الكره والتوقف عند منطقة جزاء الديبور .. بعد دخول دي ماريا تغير حال الفريق واصبحت خطورته واضحه .. لكن للاسف الفرص لم تترجم على اكمل وجه قلتها قبل المباراة كلما تأخر هدف الريال كلما زادة صعوبة اللقاء .. وكلما تأخر هدف الريال زادة الثقه لدى الخصم .. شاهدنا اداء بطل ورجولي من الديبور وكان التعادل يوصلهم الي نهائي الابطال بغض النظر عن اداء الفريق هناك لاعبين يعانون من انخفاض في المستوى .. رونالدو من فتره مو قادر يقدم اي شي للفريق ويلعب وهو متنرفز ومشحون .. كاكا لم يقدم اي شي سوى استلام وتسليم .. المشكله ان كاكا يريد ان يقدم شي لكن لا يستطيع هذه هي قدرتها بعد الاصابه .. وضع كاكا محزن للاسف .. الاعب فقد الشي الكثير من مهاراته وخطورته .. بنزيما اليوم كان عبىء على خط الهجوم ولاحظنا دخول اديبايور اشغل دفاعات الديبور وحصلت كم فرصه خطره وضاعت بينما كان بنزيما لم يقدم اي شي سوى التجليات واضاعة الفرص .. اضافه الي سوى التحظين على الكور وسهولة قطعها منه .. دخول جرانيرو لم يضف اي شي .. سوى البطىء في اللعب وقتل الهجمات لازلت اتسائل اي بيدرو ليون .. كنا في حاجته خصوصآ في اخر عشرين دقيقه على الجهة اليمنى حرام لاعب مثل هالموهبه ويترك بعدين عن الفريق .. لابد نستفيد من كل الاعبين ومنهم ليـون ,, نجووم اللقاء .. بيبي وكارفاليو فقط اما الاسوء .. بنزيما ورونالدو / بعد ان عاد الفارق كما كان عليه قبل اسبوع استطيع الجزم ان الدوري هذا الموسم حسم بنسبة 95% للبارسا .. وكل ما اريده الان تجاوز دور 16 اما الحصول على البطولات لم يحن موعده والفريق لسى باقي عليه يحفظ فكر وخطط مورينو ويلزمه تعديل بعض الامور خصوصآ في خط الوسط ,, الحمدلله على كل حال .. جوله بغينا فيها تقليص الفارق لكن الاسوء حدث .. الحمدلله على كل حال . . |
مرحبا :smilie47: هاردلك لكم ياشباب على التعادل الحقيقه بكذا نقدر نقول الدوري طار للأسف :cry: إذا الهدايا تجيك لازم تستغلها وماتفرط فيها إذا تبي الدوري !! الحقيقه في فمي مــااء من المباراة :cry: دائماً كنت اتسائل عن سبب تعثرنا في الدوري !! و مباراة اليوم كشفت لي شيء دائماً مايتكرر معنا لكن يمكن ماحصل نتكلم فيه كثير الي هو استراتيجية الاستفاقه المتأخره عند الشعور بالخطر !! ليه دائماً مايشتغل الفريق الا إذا حس انه بخطر الخساره او التعادل ! الصحيح والمفروض - وهو الحاصل مع المتصدر للأسف - انه يشتغل ويسجل 1 و2 و3 وإذا ضمنو النتيجه هنا يهدون اللعب بعد الشعور بالأمان >> طبعاً إذا ماكنت تلعب مع ارسنال على شان مايقلبونها بعد ماتهدي xD لكن الحاصل معنا للأسف العكس .. وهو ان اللعب بارد وعلى الهادي لين يفوت الفوت !! ليه الفريق مايستغل الوقت ومن بداية الشوط الاول يأمن نفسه !! اتعب الحين وريح لما تضمن الفوز وليس العكس ياجماعه :cry: الحظ اكيد يلعب دور في التسجيل .. لكن كلكم شفتو الفريق ما اشتغل الا آخر 10 دقايق !! استراتيجيه غريبه عجيبه ! مدري متى يجي اليوم الي نتركها فيه ونكون مرعبين الخصم من الثانيه الاولى :cry: ولو اني ما اعلق على مبارايات الدوري بالعاده لكن كله بسبب اني في فمي مااااء ياجماعه :cry: >> هذا اليوزر كسر خاطر نفسه :cry: بأمان الله :cry: :rose: |
:d هاردلك التعادل الخايس ياشيخ الفرق الخايسه لو تلعب بهالروح طوال الموسم شرط ان تحقق البطولات كلها متعودين على الفرق الخايسه والبثره s121s الريال يعاني من نقص في الهجوم اقصد يعاني من هداف بارع مثل رونالدو ونستلروي وغيرهم ! بصراحه وبدون مبالغه بنزيمه واديبيايور مو بمستوى الريال :d صح ملينا وحنا نقول هالكلام بس وش نسوي :cry: بيريز ادفع وجب لنا مهاجم كبير إن شاء الله ب 100 مليون :yes: وكمان نحتاج لاعب جناح سريع ومهاري وثابت المستوى لاحظ اقول ثابت المستوى لان دي ماريا مبارتين ممتاز وعشر فاشل:yes: رونالدو يجني ثمار مشاركاته الكثيره :yes: اي مباراه طاقها اساسي ليش ما ادري كاس دوري شامبيز تلقاه اساسي :cry: والان مستواه نازل مره :yes: |
|
عطفاً على مستوى التحكيم :mad: اكثر من مرة يقف القائم والعارضة سداً منيعاً تضييع فرص واستبسال لحارس مرمى الخصم الريال تأخر كثيراً في الدخول لأجواء المباراة لم يكتب للكرة ان تدخل الشباك ! لم يكتب لنا الفوز هذه الليلة ! الدوري لم يحسم بعد , تبقى الكثير من المباريات رجائي الوحيد بأن يكون هذا الإخفاق مفتاح الفوز في الليجا هذا الموسم مورينهو في المؤتمر الصحفي بعد المباراة يتحمل الخسارة بالكامل : الهدف هو كان الفوز بالمباراة , لم نفز , شعوري هو شعور سلبي عندما لا نحقق الفوز لا يمكنني انتقاد اللاعبين والفريق , إنها وضعية صعبة عملنا كل شيء لنفوز , ولكن لم يتحقق ذلك المصدر : الجزيرة الرياضية |
" تصريح مورينهو : الاتحاد الاسباني يفعل ما يريد , جدوله الليغا مضحكه " http://s4.as.com/prom/201102/pro_photo1298762696.jpg بدأ جوزيه مورينهو تصريحه بعد التعادل مع ديبورتيفو لاكورونيا مثل ما تحدث به قبل المباراه معبراً ان جدوله الدوري مضحكه لما فيها من ضغوطات على فريقه , يقول مورينهو : وجودي في مدريد يعني دفاعي عن مصالح الفريق , الجميع يرى جدوله الدوري المضحكه , الاتحاد الاسباني يفعل ما يريد , انه ليس من الطبيعي ان نلعب يوم الاربعاء في دوري ابطال اوروبا ونلعب السبت في الليغا , من المفروض هو ان نلعب يوم الاحد لكنه لم يحدث , من بعد اليوم سننتظر في الفالديباس ونرى جدوله الدوري المتغيره في كل وقت , لا احد يستطيع انكار ذلك , انا لا اعرف ماذا سيحصل لو لعبنا يوم الاحد , لم يكن هناك عدلاً , لم نأخذ يوم عطله وتدربنا اليوم ايضاً , أسألو الخبراء في علم وظائف الاعضاء والكيمياء والحيويه بعد اجراء الرياضه . وبشأن الدوري تحدث : انا لا استطيع انتقاد لاعبي فريقي , لقد حصلنا على نقطه , لكننا لعبنا للفوز , لقد فعلت كل شيء في المباراه للفوزو قمت باللعب بثلاث مدافعين لكن لم يحدث ما كنا نتمنى . as |
هاردلك على التعادل بطعم الخسارة شوط اول ممل والاعبين صفر على الشمال شوط ثاني أخر ربع ساعة بدا الفريق يتحرك والي صار فيه شي يغبن ويقهر ويرفع الضغط أضاعة فرص بالهبل غير أن الحظ في وادي والريال بوادي والحكم في الوادي الي مع الحظ ومعهم بنزيما الي أتوقع لو ثبت كارفالهو قدام بداله أفضل منه يعني بالمختصر الريال شوط ثاني أخر ربع ساعه أفضل بكثير تحركات حماس فرص ضائعه بس عندي ملاحظتين الملاحظة الأولى : بعض الاعبين بدون تحديد فيهم أنانية مو طبيعية وأحتفاظ بالكورة بشكل مبالغ فيه الا بيطلع واحد منهم على أنه هو المنقذ ؟؟؟ الملاحظة الثانية : عدم الأستفادة من الركنيات . يعني تنلعب الركنية أي كلام ولا يوجد شخص محدد لتنفيذ الركنية مع وجود أكثر من لاعب في الريال يجيد ضربات الرأس (رونالدو - راموس - أديبايور - بيبي - كارفاليهو ) يعني أسماء كثيرة بس حتى الأن لا يوجد أي ذرة أهتمام في الركنيات مع أهميتها أتمنى تحديد لاعب لتنفيذ الركنيات والتركيز بالتدريبات عليها غير العرضيات الي بالهبل على حسب أحصائية موقع كورة (29 عرضية و11 ركنية)... ؟؟؟؟؟؟؟؟ مجرد وجهه نظر * مدام المهاجمين داجين حاليا ويتفنون في أضاعه الفرص واجد وأملنا بالمنافسة على الدوري تقريبا ضعيف جدا وبما أن جميع الفرق الزلايب تستبسل قدام الريال أتمنى أعطاء الفرصة أمام الاعب موراتا في المشاركة بالدوري ولو لشوط واحد لأعطاءه الثقة ولأكتساب الخبرة وممكن نجده أساسي مستقبلا... هاردلك على الدوري ألا أذا الزلايب لعبو قدام برشلونه مثل لعبهم معنا وقتها نقول ممكن وأن شاء الله نعوض بالأبطال والكأس تصبحون على خير لكل مدريدي:rose: ومعوضين أن شاء الله خير في الأيام القادمة في أمان الله |
اول شي هآرد لكم :smilie47: , وصراحه اليوم الحظ سسسيء لمدريد .. وربي كان يمدينا نرقعهم :s2: .. العبره بالنهائي والأبطال .. واححب اقتبس رد اخوي , وكأنه يدري وش ابي اقول :d إقتباس:
إقتباس:
|
إقتباس:
كرتين في القائم ! ضربة جزاء ! خشونة ضد الريال ! وش تبي يسوون ؟ وش تبي يسوي مورينهو غير انه يلعب بـ ٣ دفاع ويدخل كل اوراقه الهجومية ؟ بيدرو اليوم لو دخله وين بيكون مكانه ؟ جناح يمين عند رونالدو ؟ جناح يسار عند دي ماريا ؟ صانع عند اوزيل ؟ وش ذنبي انا يالمدرب اذا مهاجم فريقي المرمى قدامه فاضي ويشوت الكورة برجله ؟ وش ذنبي انا يالمدرب اذا حارسهم مستأسد ؟ وش ذنبي انا يالمدرب اذا التحكيم في كل مباراة له اخطاء قاتلة ومؤثرة على مجريات المباراة ؟ اذا الكرتين الي في القائم جت هدفين وركلة الجزاء احتسبت كان فزنا ٣-٠ وكان مجدتوا في مورينهو وتبديلاته الي كلها كانت في محلها وحركت الفريق .. هذي مشكلتكم .. ترفعون الفريق والمدرب في السما اذا فاز وتخفسون فيه الارض اذا تعادل ولا خسر ! تبون كل المباريات فوز فوز فوز فوز هذي ماصارت كرة قدم ؟ انا استسلمت للأمر الواقع وعلمني ريال مدريد بأن جميع الأندية تستأسد امامه بالإضافة الى الحكام ! اصبح من الطبيعي ان نرى في كل مباراة ركلة جزاء لا تحتسب او طرد لايظهر او هدف ملغى او هدف على الريال وهو بالأساس تسلل ! غير عن البطاقات الصفراء بالجملة بدون سبب في المقابل التغاضي عن اظهار البطاقات في وجه المنافس ! من الطبيعي ان نرى الجماهير تسب وتشتم وتقذف اللاعبين بالأوراق ! من الطبيعي ان نرى كرستيانو يتعرض لـ ٣ اخطاء في اول ٣ دقائق من المباراة ! من الطبيعي ان نرى حارس افضل من شمايكل وبوفون وكاسياس مجتمعين ضدنا ونراه نفسه اسوأ من بينتو حتى ضد الغريم ! فريقنا لا يعاني من مشكلة ادارة ولا لاعبين ولا مدرب ! فريقنا يعاني من وجود حكام متسلطين + ليغا ضعيفة لاتظهر قوتها الا امام ريال مدريد .. مورينهو حتى الآن يقدم موسم خرافي وتقول انه مستلكع بالفريق ومضيعه ؟ وش سبب قولك لهالكلام ؟ عشان بيدرو ليون الي ماهو عارف قيمة ريال مدريد ! بيدرو ليون الي كسب ثقة مورينهو في البداية وفجأة اتصل على مدرب خيتافي واشتكاله من مورينهو ! بيدرو ليون الي مباراتين ورى بعض مورينهو يعطيه تعليمات ويدخله في الشوط الثاني ولا يلتزم في اي شى قاله له المدرب ؟ بيدرو ليون الي تشاجر مع جاجو في التدريبات ! بيدرو ليون الي ماهو حاس بقيمة وحجم الفريق الي يلعب فيه ويحسب انه لسه في خيتافي ! محد يختلف انه موهبة وله مستقبل كبير وبرز مع خيتافي وفي بداياته معنا ! بس مدرب بشخصية مورينهو ماراح يسمح للاعب واحد انه يظهر قلة الاحترام له او لريال مدريد ويستاهل انه يستبعده في كل مباراة .. كابيلو طرد كاسانو من الفريق بسبب سلوكياته وعدم احترامه ! ركن رونالدو الظاهرة في الاحتياط بس لأنه ضحك مع كاسانو لما كاسانو كان يقلده ! هنا تظهر قوة شخصية المدرب .. هنا يجبر الجميع على احترامه .. اما ان لاعب يغلط مرة مرتين وثلاث واجيبه واستدعيه واقوله تفضل انقذني ؟ هنا انا مالي شخصية وراح اعطي فرصة للجميع انهم يتساهلون .. خلوا المدرب يشتغل براحته تراه ماوعدكم بشئ في الموسم الأول ! ومع كذا تأهل لنهائي الكأس ومابقاله الا تعادل سلبي على ارضه عشان يتأهل لدور الـ ٨ من التشامبز ! خلوه يبني الفريق خلوه يكرش الي يكرشه ويلعب الي يلعبه ! ومتى ما اخفق في وعد من وعوده احرقوه .. كل مانحتاجه هو الصبر للعودة الى المنصات ! تعبنا واحنا كل ماجبنا مدرب اول مايطيح فريقه نسبه ونشتمه ونحمله مسؤولية الفشل ونكرشه نهاية السنة ! جبنا اسوأ المدربين امثال كيروش ولوكسمبرغو وكماتشو وجبنا افضل المدربين امثال كابيلو ومورينهو وللأسف الى الآن نرى بأن بعض الجماهير المدريدية غير راضية ! مايعجبكم العجب ! الى الآن مورينهو مقدم موسم رائع وما اشوف انه اخطأ الا في مباراتين هالموسم الي هم مباراة برشلونة الذهاب ومباراة الميريا .. خسرنا منها ٤ نقاط وباقي النقاط الي خسرناها الفريق + الحظ + التحكيم سلبونا اياها .. غير كذا كل شي سواه رائع ومستحيل يجي يوم ويخسر فريقي واقول انه يستلكع بالفريق ملكعه بس عشانه ماجاب بيدرو ليون .. الصبر مفتاح الفرج :smilie47: اصبروا على مورينهو + لا تحملونه اشياء اكثر من طاقته تراه بشر ! للمعلومية فريقنا تعادل ٤ مباريات وخسر ٢ في الدوري ! وصل نهائي الكأس ! يحتاج لتعادل سلبي للوصول لدور الـ ٨ ! فريق جديد مدرب جديد ! موسم رائع بالنسبة لي حتى وان خرجنا بدون بطولات .. كل مايهمني حالياً هو التأهل للمراحل المتقدمة في التشامبيونز والفوز بالكأس + التشامبيونز الموسم القادم لأنه وعد مورينهو واكبر تحدي في مسيرته الكروية هاردلك التعادل الغير عادل .. تصريح مورينهو وانتقاده للاتحاد الاسباني في محله ! يعني معقولة الاثنين اسافر فرنسا الثلاثاء العب وارجع اسافر مدريد وبعدين اتدرب اربعاء وخميس والجمعة اسافر مرة ثانية لديبورتيفو والسبت العب معهم ! وش المانع من انكم تخلونها يوم الأحد ؟ يعني لو مباراة اليوم كانت على ارضنا كان عادي ماقلنا شئ بس خارج ارضنا ! اسافر لـ ٣ مدن مختلفة في ظرف ٤ ايام ! مو معقول يا فيار تحيتي .،،. |
" البرازيلي مارسيلو أكمل اليوم 150 مباراه بقميص النادي الملكي " http://www.realmadrid.com/cs/Satelli...&ssbinary=true أكمل البرازيلي مارسيلو اليوم في ملعب الريازور مباراته الـ 150 له بقميص ريآل مدريد , يذكر ان اول مباراه لعبها مارسيلو مع الفريق كانت في هذا الملعب في تاريخ 7 يناير 2007 . الاعب البرازيلي وصل الى الفريق في يناير للموسم 2006-07 , ومنذ ذلك اليوم وهو لا زال يتطور ويحجز مكان اساسي في الفريق . اول ظهور لمارسيلو كان في 7 يناير 2007 في ملعب الريازور وكان عمره في ذلك الوقت 18 سنه وكانت نيه النادي واضحه وهي تأهيل الاعب للمستقبل , الفرص التي اتيحت لمارسيلو جعلته اكثر نضجاً , وفي شهر فبراير الماضي أستطاع مارسيلو دخول نادي المئه في تاريخ النادي حينما حقق الفريق فوزه على خيريز 3-0 , وسجل هذه الاهداف رونالدو هدفين واربيلوا . مارسيلو لديه مميزات عديده حيث يستطيع اللعب في الجهه اليسرى كمدافع ولاعب وسط ايسر , واستطاع تسجيل هدفه الاول امام خيخون عندما انتهت المباراه 4-0 في 15 فبراير 2008 , واخر اهدافه ضد اسبانيول في الكورنيلا من الجوله 23 لهذا الموسم , وعلى الرغم من صغر سنه 22 عاماً الى انه رابع لاعبي الفريق للتشكيله الحاليه كأكثر لعباً للنادي بعد كاسياس وراموس وهيجواين . هنا جدول مباريات مارسيلو مع الفريق منذ البدايه وحتى مباراه اليوم في جميع البطولات : http://center.jeddahbikers.com/uploa...2987660541.jpg وهنا أكثر لاعبي الفريق مشاركه للتشكيله الحاليه : http://center.jeddahbikers.com/uploa...2987660542.jpg RM |
هارد لك للجميع .. ومعوضين خير من 5 نقاط الفارق إلى 7 نقاط ما اشوف انها تستحق اننا نكبر الموضوع .. الريال مطلوب منه هذا الموسم تعدي دور الـ 16 والحصول على كأس أسبانيا أما الدوري فصعب على فريق نصف اللاعبيين غير متجانسين ولا يلمون بأسرار الدوري الاسباني وملاعب الفرق الآخرى وجمهورهم المنحط وضغط مباريات رهيب! بعد خروج كاكا أصبح رتم الفريق سريع! ... كاكا وزنه زائد وضعيف بدنياً بعد الإصابه والتوقف الطويل عن ممارسة الكره .. كاكا يحتاج شغل أكبر من أطباء الفريق لوضع برنامج غذائي له وكذلك مدربين اللياقة لوضع برنامج تقويه عضلات ورفع معدل اللياقة منطقياً يجب الصبر على الفريق في موسمه الأول .. أما الإستعجال والحكم المتسرع فلن يعود مدريد لسابق عهده. |
http://a8.sphotos.ak.fbcdn.net/hphot..._7584801_n.jpg عمالقه دون مكافأه ! ريآل مدريد 0-0 ديبورتيفو لاكورونيا . خطوه الى الوراء ومره اخرى الفارق يعود الى 7 نقاط . مورينهو : يضحكون علينا بجدوله الدوري . فالدانو : لن نتنازل عن الدوري في فبراير , سنقاتل حتى النهايه . برشلونه 3-0 مايوركا اتلتيكو مدريد 2-2 اشبيليه . |
http://estaticos01.marca.com/imagene...2/27/g2702.jpg هذه هي الكره ! الريآل يتعادل وفارق 7 نقاط يعود مجدداً . الريآل سدد على مرمى الديبور 9 تسديدات ولم يسجل . كرتين في القائم تحرم الريآل من التسجيل . ارانزوبيا تصدى لكرتين خطرتين فيما كاسياس كان يشاهد المباراه كمتفرج . بن زيما اضاع كره من على خط المرمى . |
إقتباس:
يا صديقي بغض النظر عن الحظ والملكعه التحكيميه اللي جالس يتهنى فيها الغريم الله يلعنهم حظ موب صاحي .. مورينهو ما سوى تبديل من بدري.. 30 دقيقه ولا هجمه لهم .. لاعبين منهم بس قدام الباقي ورا ولا يطلعون الا 2 بس في حاله الهجمه .. يااخي غير من بدري فريقنا الشوط الاول يهجم ويضيع يوم بدل خذلك لعب .. ليش مابدل من بدري .. مع احترامي لنظرتك التحليليه .. ليش لا .. بيدرو ليون عرضياته نااار .. لاعب كنا بحاجته اليوم .. الفريق لعب ع الاطراف بسبب قمط عيال الكلب .. بس كم عرضيه ف المباراة حوالي 20 .. يمكن 2 او 3 اللي شكلت خطورة وش اللي يمنع لو بيدرو موجود بدال واحد من اللسته اللي ف الاحتياط اللي مدري وش يبي فيهم .. ابقولك بيدرو ليون كنا بحاجته اليوم .. مورينهو استهتر بالمبارة .. بغض النظر عن مستوى الفريق .. هاجم باثنين من بدري لان الديبور قامط في ملعبه من البدايه .. غير كذا ليش مايوجه البنز والخال يرجعون ياخذون كور واقفين ع الخط ونصها تسلل ... وشكراااااااااا بيييييس |
إقتباس:
تبديله ماكان متأخر مثل ماوصفت ! الدقيقة ٦٥ بدل تبديلين اتوقع هالتوقيت مناسب واللاعبين قدامهم من ٢٥ الى ٣٠ دقيقة يقدرون يسجلون فيها هدفين او ثلاثة ! والتبديلين الي اجراهم غيروا شكل الفريق واصبح هجومي اكثر ! يعني يحسب لمورينهو هالتبديلين هنا هو سوا الي عليه وخلى الباقي على ربي ثم على اللاعبين بس هم خذلوه ! واقصد هنا البنز خاصة .. تقولي استهتر بالمباراة ؟ ممكن توضحلي وين الاستهتار من مورينهو ؟ عشانه ما استدعى مارادونا زمانه بيدرو يعني صار مستهتر ؟ تقول هاجم من بدري والعب بـ ٢ هجوم وكنه ماسوا هالشي ! اول ما مرت ربع ساعة من الشوط الثاني دخل اديبايور جنب البنز ودخل ديماريا بدال لاسانا ! فرض على ديبورتيفو انهم يلعبون بـ ١٠ دفاع في الـ ٣٠ دقيقة الأخيرة كاملة .. وش ناقص بعد ينزل يلعب معهم ؟ يعني استغرب من التناقض ! تطلب انه يلعب بشكل هجومي ويضغط عليهم ويلعب بماهجمين وتقول انه غلطان بأنه مالعب مهاجمين من بدري وبعدين تقول ليه ماوجه المهاجمين يرجعون ياخذون كور ! وراهم ٥ تقريباً في الوسط ليه يرجعون وياخذون الكورة ؟ المهاجم شغلته يجلس في المنطقة وينتظر الكورة تجيه مايرجع ياخذ الكورة من ورى الا لو كان فريقه مافيه صانع العاب او جناح .. واليوم كان عندنا اوزيل ورونالدو وديماريا والونسو وتطلب ان اديبايور وبينزيما يرجعون ورى وياخذون الكورة ؟ اما عن موضوع تسللات بينزيما .. اتوقع ان هالشئ يعتمد على اللاعب وذكائه .. يعني تبي مورينهو يروح يتمركز مكانه ؟ :d والا يوقف على خطه مع حكم الراية ويقوله ارجع شوي ؟ :d حتى تسللات اللاعبين حطيت مورينهو الغلطان فيها ؟ مع احترامي لنظرتك التحليلية بس مافي مدرب يكشف اوراقه لخصمه من بدري والنتيجة ٠-٠ قابلة للزيادة من اي واحد من الطرفين .. ومافي مدرب يلعب باثنين هجوم ووراهم افضل صانعي الالعاب ويطلب منهم يرجعون ورى وياخذون الكورة .. ومافي مدرب يغلط لاعبه مرة ومرتين وثلاثة ويقوله خلاص مسامحك بدون عقوبة .. الي افتقدناه اليوم صدق ( هيجواين ) .. ما افتقدنا اي احد غيره :smilie47: تحيتي .،،. |
| الوقت المعتمد في المنتدى بتوقيت جرينتش +3.
الوقت الان » 11:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd