|
. يوهان كرويف يحذر http://www.as.com/recorte/20080220da...sdasftb_15.jpg لا أحد يستطيع أن يدفن مدريد رغم أن الفارق 7 نقاط ومعدل أهداف البرشا كبير .. لكنه لم يحسم اللقب حتى الأن . مورينهو لايزال يمتلك الحلول . Cruyff avisa حتى الرمز الكتالوني ماهو متشائم مثلكم . تفائلوا الله يسعدكم . :rose: :rose: |
http://store3.up-00.com/Feb11/u5e98368.jpg فديت ذا الخشه والله .. ماسمتك الماركا المنقذ عبث .. البيبتا .. الحال بعدك مايسر لا عدو و لا صديق .. |
^^ بالنسبة لكرويف السالفة ومافيها انه يخشى من التخدير الاعلامي للاعبي البرسا وراح نشوف هالكلام كثير من اغلب لاعبي برشلونة وحتى صحفهم اتوقع راح تسوي نفس الشيء لانها تعمل لمصلحة النادي وايضا لانهم مروا بتجربة مريرة ماراح ينسونها ابدا .. |
السلام عليكم إعلان هام ! الخميس الجاي هو موعد استراحة الرابطة والدعوة مفتوحة للجميع وصف الاستراحة يراسلني او يراسل بطولات زعيم على الخاص ونعطيه الوصف موفقين |
ريال مدريد لايزال يعاني من مشكله خطيره ريال مدريد ~~ يفتقد للقائد ~~ المجموعه جيده .. المدرب ممتاز .. لكن : مافيه قياده داخل الملعب الفريق محتاج قائد يكون رجل مرحلة أثناء المباراة الفريق إذا تأخر بهدف .. يعاني عشان يرجع وبالغالبيه مايرجع هنا يجي دور القائد . طيب من هو القائد ؟ القائد لاعب يكون حلقة وصل بين المدرب واللاعبين القائد لاعب يحافظ على هدوئه كلما زاد الخناق القائد لاعب قوي يبث الحماس وسط زملائه القائد لاعب عنده طموح يلعب لآخر ثانيه القائد لاعب لاتوجد في قاموسه معاني للضعف بإختصار : القياده هي إستراتيجيه العبور في الأماكن الصعبه والقائد هو الشخص الذي تتألف حوله القلوب والعقول فتنطلق للبناء والتغيير أفضل من يجيد هذا الدور خارج الملعب مورينهو أما داخل الملعب : اعتقد بأن ألونسو خير من يمثل هذا الدور مع الإحترام للبقية . ياليت أشوف آآرائكم :rose: :rose: |
" عاجل : الريآل يرفض عرضا رسميا من السيتي لبيدرو ليون في اخر ساعات الميركاتو " http://www.as.com/recorte/20110131da...te_Levante.jpg رفض ريآل مدريد هذا اليوم عرضا رسميا من مان سيتي لضم الشاب الاسباني بيدرو ليون , السيتي حصلو على رده فعل سلبيه من مسؤولي النادي الملكي على الرغم من ان الاعب لا يجد قبول في خطط مورينهو حتى هذا الوقت من الموسم . النادي الانجليزي طلب ليون على سبيل الاعاره الى ان الرفض المباشر انهى جميع المفاوضات , ليون قدم هذا الصيف بمبلغ 10 مليون يورو من خيتافي , الاعب اتيحت له القليل من الفرص حيث تم استبعاده في مباراه دوري الابطال امام اوكسير حيث ابدى مورينهو انزعاجه في مؤتمر صحفي عن اداء الاعب السيء وقد تم استبعاده بعد ذلك من اغلبيه مباريات الفريق . ليون شارك في 10 مباريات هذا الموسم ولعب 3 مباريات كامله فقط وله هدفين الاول في ليفانتي 8-0 والاخر امام ميلان في السانسيرو 2-2 وانقاذه للفريق من الخساره . as |
من الكادينا سير المو وفالدانو يتفقون لاول مره هالموسم , لازالت الليغا متاحة و الـ 7 نقاط لا تعني شيئاً ! مقطع صوتي بالمصدر . |
|
هاردلك الهزيمة القاسية .. الجميع كان متخوف من المباراة لأنها على ملعب صعب وعلى فريق دائماً ما يستأسد أمام الريال حاله حال جميع فرق الليجا على ارض ملعبهم .. الجمهور دائماً مايمارس أخبث أنواع الاستفزاز ولاعبي الخصم دائماً مايحاولون نرفزة لاعبي الريال .. كما وصفهم رونالدو ! انها حرب ليست كرة قدم ! حتى برشلونة الفريق المبدع الذي وصل قمة عطائه والمرشح الأول للفوز على أي نادي في العالم يلعب أمامنا بضعف مجهوده ! الى متى لاعبينا يترفسون في الملعب ولا نشوف احد يتكلم ؟ الى متى راح نشوف في كل مباراة لاعب يحاول استفزاز رونالدو واخراجه من مود المباراة ؟ نشوف ( لقاطين الكور ) يرمون الكرة داخل الملعب وقت هجمتنا ولأكثر من مرة ولا نشوف اي قرار من الاتحاد الاسباني ؟ كأني ألعب سوني مع واحد ويضغط ستارت على وقت هجمتي :mad: نشوف قوارير تحذف على حامل أول كأس عالم لمنتخب اسبانيا وللأسف اتحاد هذه الدولة حتى الآن لم يتخذ أي قرار بحق المذنب ! ليه ؟ عشان مايطلعون من جو مباراة الإياب وتتأثر نفسيتهم ومايقدرون يفوزون علينا :cry: لاعبي الريال بالأمس فعلاً كانوا مشتتين ولم نشاهد أي تكتيك يذكر من مورينهو + هبوط مستواهم + ارهاق بعضهم .. ما قدروا يرجعون للمباراة .. المباراة انتهت والحديث عنها لن يعيد الثلاث نقاط ولكن الأهم ان نتعلم من أخطائنا ولا نكررها .. مورينهو عليه واجب وهو اعادة اللاعبين للأجواء الحماسية والقتال حتى النهاية .. كلي تفاؤل بأن هذه الفترة ليست إلا فترة هبوط المستوى التي تمر بها جميع الأندية في كل موسم .. وكلي ثقة بأن كل نادي في الدوري الاسباني سيمر بنفس الفترة في وقت من الأوقات .. وكلي أمل بأن يعود الفريق الى القمة في أقرب وقت .. رونالدو ، ديماريا .. يمرون بفترة هبوط مستوى باعتقادي ان الارهاق اهم سبب لذلك ! الأول لم يغيب إلا عن مباراة واحدة منذ بداية الموسم ! والآخر شاب صغير قادم من دوري برتغالي بسيط ولم يواجه في حياته ضغط رهيب كالذي يواجهه في الفترة الحالية مع ريال مدريد ! من وجهة نظري يجب على مورينهو أن يريحهم في المباراة القادمة من ( الدوري ) وان ضمن هدفين امام اشبيلية يوم الأربعاء فعليه اراحتهم بعد نهاية الشوط الأول .. رونالدو ودي ماريا كانوا من اهم ركائز الفريق ونقطة القوة الهجومية بدونهم النادي هجومه = ٠ الفريق ككل يحتاج شغل كبير من المو .. والحمدلله اول مافتحت الرابطة قرأت بأنه ما اعطاهم أي راحة وانا متأكد ١٠٠٪ انه اجتمع معهم اجتماع مطول وراح يناقش اخطاء اللاعبين ويفكر في اخطاءه هو في كل تدريب وبشكل مطول .. اتفق مع الأخ Strange Mad في ماذكره عن تصريح كرويف انه هو وواللاعبين وبيب راح يوقفون مع فريقهم ويمنعون اي فرصة تخدير اعلامي وراح يحرصون في كل مباراة على انهم يكونون في قمة مستواهم .. أتمنى ان الريال لايفقد تركيزه في الدوري لأن في صورة فبالي وخايف منها << وجه يتخيل لاعبيننا صافين في البرنابيو ويصفقون للاعبين البرسا وهم داخلين :d صحيح ان العودة للصدارة والفوز بالدوري اصبح بعيد بنسبة ٧٥٪ عن ريال مدريد ولكن كرة القدم دائرية وعالمها دائري ومتقلب ومحد يدري وش بيصير وكيف راح تكون الظروف ! يمكن الأندية تستأسد قدام برشلونة مثل ما تستفحل قدامنا ! :d يمكن الأرسنال يفوز على البرسا ويطلعه من التشامبز والنفسية تقفل ! يمكن ينصاب ميسي والا يموت اكسافي ويصير فريقهم وسرقسطة واحد :d ! أول مرة أقول لازم نعتمد على الأندية الي راح تقابل البرسا اذا كننا نبي الدوري !!! ولو انهم رخوم ولا ينشد فيهم الظهر الا قدامنا بس وش نسوي :d السبت برشلونة واتلتيكو ! اذا فاز البرسا زودوا ١٠٪ على الـ ٧٥ :d واذا خسر نقصوا ١٠٪ .. والحسبة عليكم عاد باقي المباريات :razz: كلي أمل .. كلي ثقة .. كلي تفاؤل .. ريال مدريد سيعود .. فهذه عادة الملوك :Realmadrid: بالنسبة لموضوع القائد ! اختلف معك اخوي فارس .. تشابي الونسو يقود الوسط وفيه صفات القائد لكن كاسياس هو روح الفريق ! وفي كل مباراة نتأخر فيها ملامح الألم ماتبين إلا على وجه كاسياس ! هو اللاعب الوحيد من بين الـ ١١ الأساسيين الي متخرج من مدرسة الريال ! هو اللاعب الوحيد الي يحس بقيمة وهيبة وشموخ الريال ! تشابي يستحق الشارة ولكن بعد كاسياس ! وفي اعتقادي ان في الدوريات الأوروبية لكل مركز قائد وفي كل مباراة تجد أكثر من قائد .. ألونسو دائماً يوجه الوسط رونالدو دائماً يوجه الهجوم وكاسياس دائماً يوجه الدفاع + سياسة النادي = شارة القيادة للأقدم والأقدم هو كاسياس ، المشكلة ليست في شارة القائد فالجميع يتذكر من كان قائد أبطال العالم ٢٠١٠ .. المشكلة نفسية وفنية وبدنية وفترة طبيعية نمر فيها في كل موسم :smilie47: قفلة تكسر القلب :cry: ناس يطلبون مهاجم ويجيهم سواريز وكارول ، وناس يطلبون مهاجمين ويجيهم توريس ، وناس تطر هامبورغ يرجعون نستلروي لراعيه ويوم عيوا جابوا اديبايور :cry: مع العلم ان سواريز + كارول + توريس هم المهاجمين الأوليين في انديتهم .. اما اديبايور فهو المهاجم الرابع في ناديه :cry: اتمنى ان اديبايور يبدع معنا ! بس للأسف كل الخيارات الثلاثة الي فوق في نظري افضل منه ! خاصة توريس الي من أول مباراة شفته فيها مع الاتلتيكو وانا اتمناه يجينا ! حلمت فيه فوق الـ ٥ سنوات وكان متاح لنا في آخر ٣٠ يوم وطار للبلوز :cry: ادري راح تقولون ان بيريز راح يجيب مهاجم عليه الكلام فالصيف بس لورينتي واقويرو ما يجون نص توريس ! يكفي انه برجل وحدة كان اساسي في كأس العالم :d اصاباته كثيرة بس هنا مانلومه ! نلوم الجهاز الطبي التعبان في الليفر ! جيرارد توريس بن عيون جلين جونسون .... كلهم يعانون من اصابات بين فترة وفترة بسبب جهازهم الطبي التعبان ! كارفالهو في تشلسي كان معروف بإصاباته والحمدلله معنا ماعانا من اي اصابة ! طولت عليكم ؟ :smilie47: :rose: تحيتي .،،. |
إقتباس:
يالبى قلبك يآشييخ فآرس آفكآرك طبق آفكآري , بس آنت تسدحهآ قبلي :d :smilie47: آييه والله آشووف آن الفريق يحتآج قآئد بالملعب مع آحترآمي للقديس نبي قآئد يعطي الروح للاعبيين قآئد بمعنى الكلمة كاسياس قائد لكن حارس وهنا الصعووبة وآنآ آرشح حبيبي [ الونسـو ] لاعب قائـد بوسط الميدآن آتمنى الكآبتنيية تكوون له مع آحترآمي للقديـس :smilie47: تسلم حبيبي فـآرس :smilie47: |
يا شباب :) بالله افتحوا نقاش خلونا نتكلم فيه عن امور هامه يمر فيها الفريق يعني نبي نتكلم بشكل عقلي و منطقي و بدون مجاملات , عن اسباب تذبذب المستوى و اسباب الخساره , و كيف بيكون وضع الفريق في المباريات المقبله و اذا تأهل لنهائي الكأس , هل الريال بمستواه الحالي قادر على الفوز بـ كأس اسبانيا ؟ لآني و بصراحه , انا انسان تدمرت نفسيتي من اللي صار البارح :cry: اما سالفة الكبتنيه , مع احترامي للي طرح الموضوع , هذا شيء مستحيل يصير اصلاً :) ان الكبتنيه تطلع من كاسياس , الا في حالة عدم لعبه للمباراة و كلنا عارفين هالشي ! . |
إقتباس:
معك حق نفس رايي كاسياس حارس ما بيقدر يتواصل مع الكل الونسو بحسه انسب شي :smilie47: |
الشيخ فارس :ba1: الله من الطيب :rose: اذا سمحت لي يالغالي بناقشك على هالنقطه إقتباس:
المدرب هو اللي يحط الخطه التوجيهات التعليمات كل شي يطلع من المدرب انا اقول الكابتن او القياده على قولتك ماله دخل في مجريات اللعب داخل الملعب يحق للكابتن يخوض نقاش مع الحكم انا الحين اشوف اي واحد يناقش الحكم كرت ما عرفنا لقرارات الحكّام يعني يالغالي يوم كان هييرو كابتن الفريق كان يقود زيدان ؟ او فيقو ؟ او موريانتس او حتى راؤول ؟ تبي تقنعني يا شيخ ان بويول برشلونه يقود ميسي او اكسافي ؟ الكابتنيه اقرب مالها تدري وشو؟ خوي دربك بعد زمن صار مديرك في العمل وصار يدقق على الحضور والانصراف وهو ما عنده سالفه :d المشكله يالغالي بالريال مدريد انا بوجهة نظري المتواضعه ( مو راضي يلعبون لعب الملوك إلى الآن ) 1. تحركات اللاعب بدون كوره . 2. سد ثغرات الوسط. 3. البطئ في تحضير الهجمه . 4. الونسو بطئ التمرير مع ان مكانه هو الاهم في الملعب . ( مثال: قارن بينه وبين ماكليلي ) 5. لعب باللمسه مع الاستفاده بتقدم الاظهره ( تخيل يا رب لا تعاقبني كني اقول ابي اربيلوا يتقدم :d ) انا ابيه يتقدم لسبب يساند رونالدو في سحب لاعب على الاقل يسهّل على رونالدو الهجوم شوف وانا اخوك وتذكر معاي اخر مباراه لعبناها يوم لعب مورينهو بمهاجمين اثنين البنز واديبايور بالله عليك ما شفت المستوى كيف تغير بس رونالدو تأنن بسبب الصحافه واغرائه بدخول باب التاريخ ان سجل ...!! لو بس يلعب المو بهذي التشكيله كاسيس اربيلوا كارفاليو راموس مارسيلو رونالدو كاكا الونسو ومسعود اوزيل ايديبايور والبنز طبعا مع تغيير الاماكن كل من كاكا واوزيل ورونالدو وثبات الونسو لتمديد الهجوم بالكرات الطويله وتوزيع اللعب بالشكل الصحيح فيه عيب شرعي عند الونسو " بطيــــــئ جدا جدا جدا " في التمرير والسبرنت بس التمريرات عنده حلوه وليه انا اقولك يلعبون كاكا واوزيل كل الاثنين يتمتعون بالبديهه وسرعه التمرير رونالدو يبيله اعادة تأهيل في نفسيته صاير يتنرفز بقوه الكونترول عنده صاير كيف الحال نرجع لألونسو ما تلاحظون معاي لو لونسو يوزع للاظهره يكون لعب الريال مدريد اخطر ؟ الونسو ما ينتبه للإنطلاقات الجانبيه مجرد الانطلاق من الاطراف خلاص انت كذا اربكت الدفاع كامل اكبر غلط الدفاع افضل وسيله للدفاع هي الهجوم انا عندي حارس من اقوى الحرّاس ولو انه هالموسم لك عليه شوي بس في اسوأ مستوياته يبرد خاطرك هدف اوساسونا ما يدخل عليه بس قدر الله وما شاء فعل :rose: تقديري واحترامي للجميع |
هاردلك عالخساره اعتبرها مذله :cry: يعني نفوز على اتليتكو وفياريال واشبيليه وفالنسيا تقريبا اقوى الانديه ونخسر ولا نتعادل ونضيع نقاط مع افرقه اقل مايقال عنها ضعيفه شنو هذا من جد شي يغث شي يقهر اه اه اه اقولها من قلب بصراحه امس ماشفت لعب موليا مافيه احد قدم مستوى الكل ضايع مافيه تمركز مافيه تفاهم ماكنا نشوف مثل هاللعب بأول الموسم يعني المفروض نتطور مانرجع ورى :s5s: نبدا من الصفر عندي تعقيب ليش احنا الفريق الوحيد اللي الجماهير تكرهه يعني شفنا امس جمهور اوساسونا بس ماعندي شي اقوله بس اللي اعرفه منقهره وايــــــــــــــــــــــــــد:cry: |
إقتباس:
اخوي منقهرين لان الريال مدريد على مر العصور وهو يذل في هالانديه من اول نادي اسباني فالنسيا إلى اخر نادي برشلونه بديهي بتكرهنا هالانديه مو جايين زي برشلونه يوم يقطعون الكهرب يوم الديربي :d عموم فريق ماخذ 9 دوري الابطال و 31 بطوله الدوري الاسباني تبي احد يحبك كل حاقد عليك لان هالارقام تدل على انك فعلا اننا ذلينا هالفرق من اكبر نادي ( فالنسيا ) وانت نازل لين توصل إلى اقل نادي ( برشلونه ) " طبعا تقييمي للانديه الاسبانيه رأي شخصي وبحكم التاريخ اللي اشوف ان برشلونه مو اهل له يعني خاصه البطوله رقم 2 بدوري بالابطال " ودي واحترامي لك وللجميع اخي الكريم :rose: |
| الوقت المعتمد في المنتدى بتوقيت جرينتش +3.
الوقت الان » 10:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd