|
|
خلص الدوري !! .. الصحآفه بتجيب رأس مورينهو مثل ماجابت رأس كابيلو !! .. مورينهو انت سبب الهزيمه بإختصآر ! .. كم كورة رجعت لـ كاسياس ؟!! |
جمهور حقيييير لاجت هجمه للريال جت كوره ذي ماتجي في الدوري الهندي!!! لعب هزيل ومبرووك للبرسا الفوز بالدوري مقدمآ:cry::cry:.. الخساره يتحملها المو صراحه بعدبن البنز صراحه ماعد يشوف العب الدون اناني يلعب لنفسه ولايلعب للفريق:ranting::ranting: ماقدم الا كاكا والونسو وراموووس غيرنا يلعب ويفوز بالخمسه وحنا اذا لعبنا هدف على طول علينا هجواين:smilie47::smilie47::smilie47: |
الريال اليوم سيء للغاية اللاعبين واضح عليهم الأرهاق كل 4\3 أيام مباراة أنا قلتها قبل المباراة أن الريال إذا أنهزم أو تعادل الدوري %80 برشلوني هذا لا يعني أنا خلاص انتهى املنا في الدوري نذكر موسم كابليو كيف رجع من بعيد الريال لكن نقول لعلى وعسى البرشا يصير لهم شيء يبنشرون ينفقع كفر ينقلبون وش دراك الكورة ما لها أمان , إن شاء الله الأعبين ينسون الخسارة ويركزون على مباراة الأربعاء أمام إشبيلة , إدبيايور ما بيديك حيلة توك جديد على الفريق وما الومك بصراحة أنا لي عتب صغيرون على كرستيانو رونالدو في المباراة اليوم الكورة لأعبها في يد الحارس وكان بنزيما معه يمديه يناوله بس يالله ما حالفنا الحظ إن شاء الله الفريق يستفيد من الأخطاء اللي حصلت اليوم دي ماريا وضعه حاليا مزري اداء ضعيف وهزيل ما ادري تعب ارهاق او اي شيء ثاني ما ادري بصراحة ’ فريقي ترى اليوم سامتحك المره الجايه ما بسامحك :smilie47: |
قدر الله وما شاء فعل ! رب ضارة نافعة :cry: قبل المباراة كان الفارق 4 نقاط وكانت فيه صعوبة في الدوري مع مواجهة الكلاسيكو لا تكفي لحسم الدوري ! إي نحتاج للفرق الأخرى في تحديد لقب الدوري .. والآن :cry: 7 نقاط الفارق .. اطلب من مورينهو من هذه اللحظة .. أن يجعل جميع مباريات الدوري القادمة هدفاً من أجل خلق الإنسجام الكامل وصناعة فريق جديد قوي في الموسم القادم ! لا اقول يُسلِم الدوري للبرشا ..! ولكن لا اريد مباريات قادمة تحرق اعصابنا وممكن نفوز وممكن لا ؟ وفي نهاية الموسم : لم يخلق مورينهو الإنسجام المطلوب منه في بداية الدوري ! ولا حقق ما يتمناه وهو ملاحقة البرشا .. وكأنه يلعب بلا هدف ! ورؤية مستقبلية .. اتمنى من مورينهو في المباريات القادمة في الدوري اركز الدوري يجرب الخطط وجميع الأسلحة التكتيكية ويرى جوانب النقص في الفريق ولكن ؟! لا نريد موسماً بدون بطولات ! كما قال مورينهو .. على مورينهو من هذه اللحظة إيضاً التركيز التام على الكأس والأبطال ! لتحقيق بطولة واحدة على الأقل في هذا الموسم لتخف الضغوط .. وعلى مورينهو إيضاً جعل الفريق لا يفقد الأمل في الدوري ويلعب بدون روح .. ولكن اريد كما قلت في السابق .. صناعة فريق قوي ! للموسم القادم .. خوفي الوحيد هو مضي الإيام والإيام والملاحقة تستمر .. وفي الأخير لا نحن ربحنا الرهان ولا قمنا بصناعة فريق قوي للموسم القادم .. وكأن الفريق يلعب المباريات القادمة فقط من اجل ملاحقة المتصدر .. وليس لخلق الإنسجام المنشود ! .. مورينهو ثقتي فيك ليس لا حدود !! { صورة رونالدو } انت سبب النتيجة اليوم ؟ فرصتان محققتان ضاعت منك بسبب الرعونة والتسرع لا ادري ما السبب ؟ هل هو ضغط الصحف عليك لتسجل الهدف الـ 50 ؟ ام انانية .. ام خوف من ملاحقة ميسي الذي اقترب من معادلة رقم اهدافك ! لا ادري بالتحديد .. اغلب الفرص اليوم : يا تنقطع منه .. يا مناولة خطأ .. يا تسديدة عشوائية ..!! وكأنك تلعب لوحدك ؟ مستواك اليوم سيء سيء سيء .!. ولأول مرة اغضب :cry: ليس فقط رونالدو هو الملام بكل تأكيد .. دي ماريا > يلعب باستهتار واضح وعدم القتالية على الكورة وتمريرات خاطئة .. نقطة سلبية وهي صعوبة التجاوز من الخصم التي كانت بالسابق نقطة إيجابية ! راموس > عاب عليه المساحات والفراغات التي يتركها .. إضف لذلك : عيب من سنوات عديدة وهي عدم استخدام الخبرة في اللعب .. اقصد بذلك في اوقات نحتاج اننا نمتلك الكورة ونضغط في الأوقات الأخيرة من المباراة راموس في هذه اللحظة يفقد التركيز تماماً , وإي خصم يأتي منه لا يقطعها بذكاء حتى يتدارك الوقت بل يتهور إحياناً ولاعبين الخصم لم يقصروا من ناحية السقوط !! أوزيل > اليوم رهييييب , افضل لاعب اليوم في المباراة .. مهارة رائعة !! يجيد المراوغة التي ابهرتني الليلة , يفعل بالكرة كما يشاء ! لاعب مميز بقـوة ! نقطة سلبية في كارفيلهو في لقطة الهدف حرمتنا من النقاط الثلاث الليلة يجب على اللاعب وقتها مواصلة اللعب حتى لو الخصم في موقع تسلل !! لست انت من يحتسب التسلل ! بل الحكم ويجب عليك عدم الوقوف كالمتفرج .. ماذا افادني وقوفك وإشارتك باليد وكأنك واثق من صافرة الحكم ورفع الراية ! وبالأخير لا يحصل ما تتمناه ! والذي بإعتقادي ان الهدف صحيح " مجرد رأي :cry: " اديبايور اليوم شفنا لمحة جيدة اليوم ! صحيح ما دبرنا ومتوقع منه هالشيء خصوصاً وأنها اول مبارياته ويدخل والنتيجة 1 - صفر في ملعب كهذا !! اليوم ضيع له فرصة او فرصتين ولكن لا يلام ابداً ؟ اعجبني فيه ان يجيد السيطرة والأستحواذ على الكرة .. صحيح شفنا منه اكثر من لقطة تنقطع الكرة منه بسهولة ولكن من وجهة نظري اعتقد أن اللاعب يمتلك موهبة وستتفجر قريباً بإذن الله ! { مورينهو } ؟؟؟؟؟؟ الف علامة استفهام .. مدري ماذا احملك اليوم للهزيمة ؟ الخطة / التكتيك / اداء اللاعبين / الأستهتار والكثير الكثير من المسببات المفترضة ! ولكن ما اعتقده صحيحاً بانك ملام بما حدث اليوم ؟ ولا ادري تحديداً بماذا ؟! ارجو منكم اخواني عدم الرد في الرابطة بعد الخسارة ! لأنكم ربما ستقولون شيئاً في لحظة غضب قد تندمون عليه عندما تعود المياه لمجاريها وتستغربون من تصرفكم هاردلكم :rose: لا اقول سواء .. رب ضارة نافعة ! وبإذن الله نحتفل سوياً ببطولة نهاية الموسم s45s |
في أبو حلق وأنـآ أشهد فريق الرجل الواحد :d لبى راموس بس :smilie47: مركز ثـآني كما هي العادهـ ! |
خـسـارة اقدر اقول عنها مستحقة .. ابتكلم عن مورينهو والتشكيلة الي بدأ فيها .. اربيلوا - البيول-كارافاليو-راموس لاس-خضيرة اوزيل رونالدو - بنزيما - دي ماريا خضيرة و لاس .. الف علامة استفهام على مشاركتهم مع بعض .. اتفقنا وشفنا اكثر من مرة .. انهم مع بعض يقدمون عـكـ كروي رهيب .. لاتوصيل كورة صح لا استخلاص كور صح .. لعبهم مع بعض يجبر فريقنا كامل انه يلعب عند الدائرة ويعطي الفرصة للمنافس انهم يتقدم .. راح اوضح هاذي المسألة قدام .. كان بالإمكان مشاركة غرانييرو بدل واحد منهم على الاقل يوصل كرات صح .. كاسياس الى البيول الى كارا الى خضيرة الى كاسياس .. هاذا كان مسار الكورة طول المباراة .. الونسو كان المفروض اشراكه من بداية الشوط الثاني .. لاحظنا انعزال تام بين الدفاع والوسط .. مافي اي كورة طلعت من الدفاع الى الوسط او الهجوم بشكل صحيح .. كنا نشوف اجتهادات من كرستيانو واوزيل وحتى بنزيما .. كل واحد منهم يرجع يستلم كورة قريب من دائرة نص الملعب !!! أكثر لاعب لمس الكورة كاسياس !! دفاعنا يوصل الى نص الملعب بالكورة .. ثم يرجعها لكاسياس !! مافي اي تحركات بدون كورة .. مافي اي محاولة لخلق مساحات .. مافي حتى عرضيات او لعب على الاطراف صحيح ؟!! وبعد تسجيل اوساسونا الهدف .. مورينهو ثلاث تبديلات مع بعض ؟!؟! والله ما اذكر ولا مرة شفت مباراة وشفت ثلاث تبديلات مع بعض ؟!! دخول الونسو كان المفروض من بداية الشوط الثاني .. الخلل كان واضح جدا في توزيع الكرات .. بتأخير دخول الونسو الفريق اجبر انه يلعب الكورة بنص ملعبنا .. وشفنا مع اول غلطة جا الهدف .. دخول اديبايور .. تبديل صحيح .. بس وش الفايدة منه اذا ما استفدت منه صح ؟؟ يعني لاعب رهيب بالكرات العرضية .. من اول ما دخل الظاهر ما شفنا الا كرتين عرضيتين او ثلاث بالكثير ؟!!!! دخول كاكا ؟!!! يعني عندك بيدرو ليون الجاهز بدنيا وفنيا وتدخل كاكا ؟!!! كان ممكن بدخول بيدرو اننا نشوف كرات عرضة اكثر .. ممكن نستغلها بوجود اديبايور وكرستيانو وبتقدم راموس .. ............................. خسارة كانت بسبب الريال اولا واخير .. ابي افهم فريق زي ريال مدريد ليه يجعل المباراة توصل للمرحلة هاذي ؟!!! مفروض اول نص ساعة بالمباراة تحاول تحسمها .. مفروض ما نطلع من اي شوط اول والنتيجة سلبية .. متى اشوف الفريق يتحكم برتم المباراة .. يحرك الكورة على راحته .. تعبنا واحنا نعتمد على الفرديات والاجتهادات .. شاهدنا الفريق في أكثر من مباراة حسمها بشكل جماعي بلعب رائع وسلس وأهداف من اكثر من لاعب .. اخر مباراة كانت ضد اياكس في هولندا .. من بعدها وفريقنا مرة فوق ومرة تحت ؟!!! ...................................... نتمنى التصحيح في قادم المباريات .. شكرا :rose: لي عودة لتوضيح اكثر من شئ ان شاء الله |
you can't fight the faith هاردلك |
هاردلك لعشاق الملوك :ba1: معوضين ان شاءالله :rose: |
شباب هدو الكورة فوز وخسارة وما انتهت الدنيا تفائلوا حلو التفاؤل واهم شي صار اليوم ان الدوري ما عاد يقال عليه دوري http://www.3sam.cc/image/8 صار دوري سبايدر مان لحاله ( نسبة للالوان ) http://www.muslmah.net/vb/imgcache/1506.imgcache.jpg 7 7 7 ابو تولين الفارق 8 نقاط يكون 7 نقاط في حال فوزنا على البارشا 6 - 0 |
السلام عليكم ورحمة الله وبركاته هاردلك الهزيمة الثانية للفريق في الدوري والثالثة هذه السنة الحمد لله على كل شيء ناخذ الأمور بهدوء وروقان ونشوف أسباب الخسارة اولا عذر زي كل الفرق تلعب قدامنا بضعف مستواها وقدام الفرق الثانية لا مع احترامي لأصحاب العذر هذا انت الريال والمفروض إنك فريق كبير والفرق الكبيرة تلزخ الكبيرة قبل الصغيرة ومهما كبر الصغير يظل في حضرة الكبير صغيرررررررررررررررر فرق زي اوساسونا وطقته كل لاعبينهم وجمهورهم يحترق إذا لعب ضد الريال والبارسا بالذات فرق البارسا عن الريال إنه مايعطي هذه الفرق وجه وفي اول ربع ساعة راقعهم بهدف أو هدفين وانهي الموضوع بدري بدري وخلي حماسه يطفى قبل مايبدأ يجون يلعبون مع الريال اللي يكون صبور جدا في اللعب ويتأنى كثير في نقل الكورات تزداد ثقة الفرق المقابل في نفسه ومع حماس جمهوره يبدأ يقتنع إنه قادر على مجاراة رونالدو وأوزيل وكاسياس ومورينهو والريال بكبره ويبدأون يستأسدون قدامنا والنتيجة قتالية لاتنتهي وثقة تزداد مع مرور الوقت يقابلها معاناة من قبل الريال لين يدخل مرمانا هدف وبعدها يقلب فريقنا يلعب لعب عشوائي اندفاعي حماسي ويستعجل كثير في لعب الكورات حتى لو كان الهدف اللي دخل فينا كان في بداية الشوط الثاني بإختصار الفرق الصغيرة تستأسد قدامنا وتقدم كل مالديها لأننا نعطيهم وجه دق خشومهم من بداية المباراة وقتها بتشوفون الأسد قلب خروف فريقنا بدأ المباراة ببرود عجيب وكورة في الجو أكثر بكثيررر منها على الأرض مافي تناقل كورة سلسة على الأرض لاس وخضيرة مو قادرين يبدأون الهجمة لأنهم ماتعودوا على كذا خضيرة دائما يلعب على المضمون ويلعب تمريراته للخلف ولاس 90% من تمريراته خطأ نحاول نبدأ الهجمة من عند راموس يلاقي ضغط من ثلاث لاعبين من اوساسونا منهم نجم المباراة صاحب الهدف (ماحفظت اسمه ولا ناوي احفظه :mad:) مع عدم المساندة من دي ماريا السيء جدا إن كان في المساندة الهجومية أو في الكنترول المعدوم نحاول في الجهة اليسار، اللي تعاني هجوميا في غياب مارسيلو وكلنا عارفين إن اربيولا الممتاز محدود جدا في النواحي الهجومية كريس مع ضغط لاعبين اوساسونا وخشونتهم وموده اللي برى المباراة اليوم مع كرفه طول الموسم وإرهاقه كان واضح إنه خارج المباراة اليوم ووضح الشيء هذا جدا في الإنفرادة اللي جته وماعرف يسيطر على الكورة مرة يسبقها ومرة تسبقه التحرك كان فقط في الشوط الأول من البنز وأوزيل لكن رجعتهم كثير للخلف الغت بشكل كبير خطورتهم في الأمام بإختصار مرة ثانية الريال في غياب الونسو ومارسيلو يعاني كثيرا في بناء الهجمة وكأني اتذكر مباراة الإياب قدام ليون العام اما غابوا الاثنين وكيف كانت بداية الهجمة غائبة بشكل كبير والنتيجة شوط أول سيء جدا حتى للمتابع العادي لكرة القدم في الشوط الثاني (شوط المدربين) كان مفروض من المو يدخل الونسو زي ماسوى قبل في مباريات كثير حتى وإذا افترضنا إنه تعبان يعني دامك دخلت الونسو بعد تسجيل هدفهم ولعب نص ساعة تقريبا وش بتفرق إذا لعب ربع ساعة زيادة يعني الخلل واضح جدا في الشوط الأول خلاص دخل الونسو أو حتى جرانيرو على الأقل يلعب قدام او شف حل في دي ماريا السيء جدا ودخل بيدرو ليون عشان يفتح جبهة هجومية ويصير عندك مفتاح للعب الهجومي نجي عاد للتخبيص الكبير بعد هدف اوساسونا والتبديلات الثلاثة (كاكا-الونسو-اديبايور) صحيح طلعت اسوأ اللاعبين في الملعب لاس ودي ماريا والبايول وصحيح وجود الونسو كان مطلب رئيسي لتنظيم الفريق وبناء الهجمة ودخول الأديب كان لزيادة النجاعة الهجومية ويصير البنز وكريس اكثر حرية خارج ال 18 لكن تغيير كاكا ! ماختلفنا لاعب كبير ووممكن يسوي شيء حتى لو إنه راجع من الإصابة لكن ابي واحد يشرحلي وش كان ادوار الثلاثي كريس وكاكا وأوزيل بالضبط في ال 25 دقيقة الأخيرة مين اليمين ومن اليسار، مين اللي يبدأ الهجمة ومين ينهيها بصراحة كان عك كروي بمعنى الكلمة والدليل تبديلات المو الهجومية ما شكلت أي خطورة على دفاع اوساسونا بالعكس البنز وكريس لحالهم في الشوط الأول كانت لهم هجمات اكثر من الشوط الثاني لاحظنا كثير في الجناح اربيولا في الجناح الأيسر يمرر للبنز يمرر لكاكا يحاول يحاور يرجعها للوسط ل الونسو ل أوزيل لكريس في الجناح الأيمن يحاور وترجع للكورة لليمين لعب عرضي عقيم مااستقدنا منه بأي شيء ! والنتيجة هزيمة ثانية وتوسع الفارق لسبع نقاط وإذا قلنا إن الريال بيفوز في الكلاسيكو القادم ويقلص الفارق اربع نقاط هل البارسا بأسلوب لعبه الحالي بيضيع اربع نقاط! وهل الريال قادر على الفوز في جميع مبارياته المتبقية خاصة إن الفريق بيواجه (فالنسيا-فياريال-اتليتكو بلباو- ديبورتيفو- اشبيلية-اتليتكو) في ملاعبهم ! باقي 17 مباراة على الدوري والأمل لسه موجود وماندري وش الله كاتب لنا :yes: على السريع مورينهو لايتحمل وحده خسارة اليوم، حتى بعض اللاعبين يتحملون جزء منها كريس ودي ماريا بالذات كانوا خارج الفورمة اليوم مادري وش بيسوي الاتحاد الاسباني في حركات جمهور اوساسونا الوسخة في رميهم للكورة مرتين في حالة هجمة الريال في الملعب :mad: شيء ماقد شفته مثله في حياتي حتى في دوري الحواري اتمنى عدم الحكم على الأديب من هذه المباراة لاعب جديد له شهر مالعب مباراة رسمية، في دوري جديد ومع لاعبين أول مرة يلعب معاهم، لانطالبه اكثر من اللازم في 25 دقيقة بإختصار الصبر حلو :yes: المو عليه شغل كبير من الناحية النفسية قبل مباراة اشبيلية لايعتمد الفريق على نتيجة الذهاب وإلا بنخرج من اول بطولات الموسم رسميا سؤال فني للشباب متى رجعة بيبي بالضبط؟ قفلة روقوا المنجا ياشباب :yes: للجميع :rose: ابو تولين |
على فكرررره فادكاش رقم 21 في فريق اوساسونا اخذ كرتين صفر ولا انطرد !!!! الكرت الاول لما احتج على فاول اللي تسبب فيه راموس و شاته مسعود اوزيل و الثاني لما مثّل في نهاية المباراة قممة الوصاخه يا اتحاد فيييييار |
، هاردلك لكم الخسارة :cry: خسارة مرة وماكنت متوقعها ولا أحد أظن أنه كان يتوقع أن نخسر اليوم ! الريال اليوم ذكرني بمباراة برشلونة .. اللاعبين كلهم ماهم في مستواهم عك موب طبيعي ودك ما تشوف المباراة :cry: .. التغيرات ماهي منطقية من المو .. كاكا ما راح يضيف لك شى .. وين بيدرو :smilie47::cry: بس ! أديبايور هذا اول لقاء له وما قدم اي شى وطبيعي بحكم أنها المباراة الأولى له .. أخطاء دفاعية بالهبل .. الفارق اللحين 7 نقاط صعب جداً ان نوصل للغريم أو نتعداه لكن موب مستحيل .. المطلوب في هاللحظة أن نركز على الكأس ودوري الأبطال بشكل أساسي وبعدها نفكر بالدوري .. |
إستفتاء الآس : هل فقد ريال مدريد الدوري بعد خسارته في بامبلونا نشرت صحيفة الآس إستفتاء على الموقع الرسـمي للصحيفة بعنوان : بعد خسارته في البامبلونا هل فقد الريال لقب الدوري وجاءت نسبة الذين قالوا بأن ريال مدريد فقد البطولة 85% أما الذين قالوا لم يفقد البطولة 15% http://www.m5zn.com/uploads/2011/1/3...mv8cs3udsf.png للمشاركة في الإستفتاء من هنـــا |
هآرد لكم الخسسآره تعوضونهاا في المباريآإت القآدمه :) |
| الوقت المعتمد في المنتدى بتوقيت جرينتش +3.
الوقت الان » 10:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd