صباحكم خير ان شاء الله ومحبه
مافي أحسن من انك تصحى بدري وشبعان نوم و في يدك كوب قهوه وتسمع لـ فيروز
جو يخليك تتكلم عن أي شي, ونفسك تقول أي شي بس فين الكيبورد بس
موضوع غاغو موضوع متشعب وملخبط وحالته في البلا!
لكن راح أحاول اسرد فكرتي عن الموضوع بشكل واضح و ان شاء الله اتوفق في ايصالها لكم.
أولا غاغو لاعب واضح انه حمار, أقصد يعني انه لازم يكون وراه واحد وماد له عصايا وحبل ونهايتها جزرة
لازم يكون وراه مدرب يدفعه للأمام عشان يشتغل هالحمار, ولو تعرفوا الحمار مزبوط راح تعرفوا انه حق كرف
بس مثل ماقلت لازم يكون فوقه شخص يدفه ويحطله جزرة قدامه عشان يمشي ويشتغل.
اللاعب له كم سنه مهمل جسمه تماما, لا تمارين تقوية البدن ولاهم يحزنون
والسبب طبعا انه من كابيلو, مافي مدرب دفعه للأمام. ممكن دفعة كابيلو أثرت عليه حتى في اول موسم لـ شوستر
لكن الظاهر ان جزرة كابيلو خلصت, ومحد حطله جزرة ثانيه الا يومك
مسكين.
نقطه ثانيه
هي إنه لا تنسوا مركز غاغو, وحساسيته وانه مركز يحتاج للخبره أكثر من الموهبه
نادرا مانشوف لاعبين صغار بالسن يبدعون في هذا المركز, لكن السائد هو اصحاب الخبره
وكبار السن هم من يبدعون في هذا المركز وكل هذا طبعا يجي مع الوقت وغاغو باقي صغير
بالنسبه للمركز هذا ويحتاج انه يكتسب الخبره المناسبه من الونسو او ديارا او مورينهو
لأنه هو يملك الموهبه, ولا ماكان كابيلو اختاره, وشوفوا اللاعب اللي ماكان يعرف يستعمل موس حلاقه "
هيغواين"
كيف اصبح الان!
بالاضافه الى التغييرات المتكرره اللي صارت في النادي منذ قدومه واثرت فيه وفي نضجه
أكثر من أي لاعب اخر نظرا للاسباب اللي فوق واللي اخرت من نمو غاغو كرويا أكثر من أي لاعب اخر.
كل هذه الاسباب ويمكن أسباب اخرى غابت عني أثرت على غاغو ومؤثره حتى اليوم في الوضع اللي شايفينه معاه.
لكن مانقدر نقول إنه من اليوم اللي جاه فيه لـ الريال نفسه ماتغير!؟
اللاعب تطور من نواحي كثيره, خصوصا الموسم الماضي في الفتره اللي تم اشراكه في كم مباراه
كان يقدم مستوى ممتاز بغض النظر عن كل شي.
طبعا اللي يقارن بين تطور مارسيلو او هيغواين مع تطور غاغو بالنظر لأنهم وصلوا تقريبا مع بعض فـ هو غلطان
لأنه المراكز غير, والامور اللي يحتاجها المهاجم غير عن الامور اللي في المنتصف تماما!
غالبا نجوم مركز المحور يبرزوا في اوقات متقدمه من عمرهم الكروي. عكس نجوم الهجوم او الاظهره والاجنحه
كثير مهاجمين يبرزوا في اوقات مبكره جدا هيغواين وبينزيما اكبر مثالين.
المطلوب
أنا مع بقاء غاغو نظرا لـ عمره وامكانياته اللي شكلها "
الان" عشوائيه وغير مرتبه
وتحتاج بيكاسو او فان غوخ مثل مورينهو لـ يشكل هذه العشوائيه ويرتبها ويطلعها لنا بأفضل شكل.
أما مامادو ولاس فـ مافرقت معايا الان, مامادو يعمل بشكل قوي لـ يرجع مستواه المفقود
ولاس محتاج التوظيف السليم فقط لكي نرى لاس ماقبل الرقم 10.
مورينهو إن تخلص من اي واحد فيهم مو مشكله ابدا, الثقه موجوده فيما يفعله البرتغالي بالفريق.
الموهم
غاغو لديه الامكانيات, ولو إني ما اثق في اليوتيوب لكن الفيديو اللي وضعه سليم
جميل عن الولد
لكن إنتوا متابعين اللاعب من اول موسم, وعارفين ايش كان يسوي في موسم شوستر ونهاية موسم كابيلو!
مثل ماقلت الولد محتاج ثلاث اشياء عشان نشوف شي قريب من ريدوندو ولو انه يحلم يصير زيه
1- "
جزرة" أو مدرب من خلفه يدفعه لـ بذل مجهود على نفسه ويقوي نفسه بدنيا وفنيا وراح نشوف حمار كرف.
2- الوقت اللي يحتاجه لـ كي يتقن وظيفته في مركزه المعقد اللي من شروط اللعب فيه "
كسب خبره"
3- اكتشفت انها نقطتين بس
لا صح, والثقه اللي المفروض تعطى للولد وهذا عاد دور المدرب ومافي احسن من مورينهو يقوم بهذا الدور.
.. وعشان نقفل على السوق مبدئيا 
.. 
سورري متيم لك 
الوضع العادي
