|
السلام عليكم مرة ثانية :d كيف مورينهو وهو يسمع كلامي بس :naughty: فوز جا بأقل مجهود، الفريق ماتعب نفسه كثير في المباراة وكان صبور كثير في تسجيل الهدف وحسم المباراة الصبر هذا كنا نحتاجه في مباراة الميريا بعد ماسجلوا فينا هدف في بداية الشوط الثاني وكان عندنا وقت كافي جدا لتسجيل ثلاث اهداف موب بس هدف واحد لكن الفريق كان يلعب باستعجال غريب وطفاقة وكورات عالية على غير العادة المهم نرجع لمباراة اليوم :d مشكلتنا زي ماذكرت كانت في بداية الهجمة للفريق واستخلاص الكورة من مايوركا بإختصار جاجو وجرانيرو لاعبين واحد منهم طوال النصف الأول من الموسم كان مصاب يلعب بجانب جرانيرو لأول مرة معليش مورينهو بس حملت جاجو فوق طاقته في هذه المباراة فترات كثيرة في الشوط الأول شفنا راموس وكارفالهيو يتقدمون لوسط الملعب ويحاولون يبدأون الهجمة بنفسهم وهذا اكبر دليل على دور جاجو وجرانيرو المفقود في وسط الملعب ماعتقد إن كان فيه مشكلة في كاكا، بالعكس اشوفه كان متحرك كثير على الأطراف وفتح خانات كثير لمارسيلو ولدي ماريا في الشوط الأول وتغييره بأوزيل ماشوفه فرق كثير لأن أوزيل نفسه مافرق كثير معانا في الشوط الثاني اللي فرق معنا هو اكزابي الونسو :smilie47: صار فريقنا ماسك الوسط تماما، تغيير اللعب صاير سلس وكورات الونسو الطويلة للأطراف كانت ممتازة لاحظوا دائما مكان الونسو وقت ماتكون الهجمة ولنا وتنقطع أول واحد ترجع له الكورة هو الونسو لأنه اللي كان يتواجد في منتصف ملعب مايوركا تماما الشيء هذا ريح رباعي المقدمة كثير وريح اظهرتنا اكثر وبالذات مارسيلو من المباراة بالنسبة للنبز وبغض النظر عن إنه سجل الصعب وضيع السهل، كان تحركاته ايجابية اليوم بصراحة وحتى الإنفرادات اللي جته وضيعها يحسب له فيها تحركاته إن شاء الله يكون تصريح كاكا والمو الأخير عنه بفائدة ويستمر على كذا طبعا نجومية المباراة بين الونسو وكاسياس ولا يهون كارفالهيو مشكلة دي ماريا الأزلية، إنه يفكر في اكثر من تصرف في نفس الوقت تجيه الكورة وفي نفس الوقت يفكر إنه يسحب على قدام أو على ورى او يمرر او يرفع أو يشوت كلها في وقت واحد وهذا اللي مخليه مشتت ومايركز وبالذات في اللمسة الأخيرة اربيولا اتعب وانا اقول ممتاااااااااااااااااااااز جدا دفاعيا، قليل جدا ماتجي كورات خطرة من جهته كاكا وجاجو يبغالهم وقت ويرجعون لفورتهم المعتادة، لازم مايستعجلون على عودتهم ولازم المو مايستعجل على عودتهم المو :smilie47: عنده ميزااااااات كثيرة، لكن أفضل ميزة اشوفها فيه هي مقدرته الخورافية على قراءة الشوط الأول للمباريات ومعرفة اخطائه اللي سواها في التشكيل في الشوط الأول جمهور السنتيااااااااااجو اتمنى يستمر على كذا مبروك الثلاث نقاط باقي 18 مباراة على نهاية الدوري وبإعتبار فوزنا في الكلاسيكو إن شاء الله (لو مافزنا فيه مانستاهل الدوري :yes:) بيصير الفرق نقطة بينا وبين البارسا ومأمل خير في زلايب الليجا إنهم يخطفون نقاط من المتصدر :d ومبروك رجعتي لكم :s2: كيفني معاك راجي :smilie47: للجميع :rose: أبو يوسف سابقا أبو تولين حاليا :naughty: |
إقتباس:
|
إقتباس:
اول شئ منور الرابطة ابويوسف ((-- راكب عليك هالإسم اكثر من تولين على طاري تولين ابويوسف وش السر بالإسم أموت وأعرف وش دخل هالإسم برأسك كان سميتها تلاوين احسن هههههههههههه منور ابوتولين الله يخليها لكــ راجعين نهايط ونحلل :rose: |
هل صحيح كابتن مايوركا اخذ كرتين صفر وما نطرد ولا انا يتهألي؟:to: |
السلام عليكم مبروك الفوز , مورينهو يكرر خطأه في مباراة الميريا , تخبط في التشكيل ماله داعي 3 تغيرات دفعه واحده في الوسط , 2 منها يلام عليها والثالث غياب اضطراري (خضيره) شوط كامل راح علينا وبسببه بغينا نفقد المباراة , من الافضل لمورينهو اذا كان بيعمل مداوره ان يضمن النتيجه اول ويلعب بكامل التشكيله في الشوط الاول وعلى حسب مجريات المباراة يغير بدل مايحط نفسه في هالوضع ويصعب المباراة عليه ويضطر يشرك اللاعبين اللي مريحهم وبالتأكيد وقتها الجهد اللي بيسوونه بيكون مضاعف لتدارك الوضع . . مايوركا فريق منظم ويعرف كيف يلعب امام الفرق القويه واثبت هالشيء في 3 مباريات هالموسم ومورينهو اكيد يدرك هالشيء وبالتالي مافيه مبرر لـ التخبط في التشكيله الاساسيه . . بالنسبه لموضوع مورينهو وفالدانو كان ودي اعلق على الموضوع في وقتها لكن ضغط الاختبارات ماسمح لي لذلك اعذروني على فتح الموضوع من جديد لنتفق اولا ان مصلحة ريال مدريد هي مع مورينهو وانه يجب ان يكون الامر والناهي وصاحب القرار في الامور الفنيه وصاحب الكلمه ولو وصلت الامور الى حد الانفصال يجب ان يحرق فالدانو وبيريز ولا يطلع مورينهو حتى لو كان مورينهو مخطيء , لانه هو وحده من يملك مفاتيح نجاح ريال مدريد وهذا الامر لانقاش ولا جدال فيه بالنسبه لي . . لكن هذا مايعني اني اتفق مع مورينهو في قضية ايصال الامور لهذا الحد والتهديد بعدم الاستمرار بسبب قضية المهاجم الـ "9" حسب ماهو واضح لنا ! الا اذا كان فيه خلافات في الخفاء مانعرفها بين مورينهو و فالدنو !؟ , لكن حسب ماهو ظاهر , اعتقد انه يدين مورينهو مع احقيته بالمطالبه بمهاجم لكن مايحق له ايصال الامور لهذا الحد . . عاقب ريال مدريد امام الميريه وعاقب بنزيما بالتصاريح والضغط الزائد عشان يثبت حاجته لمهاجم ؟! و وصلت الامور الان للتهديد بعدم الاستمرار اذا لم تلبي الاداره طلبه , ياساتر كل هذا رغم ان الاداره تعاقدت مع 7 لاعبين في الصيف دفعه واحده بتوصيه منه رغم انهم تعاقدوا مع 7 قبلهم (طبعا مايحاسب عليهم مورينهو) لكن الاداره ماقصرت و وفرت طلباته رغم ان بعضها ماكان لها اي حاجه واذا كان المو يحتاج مهاجم كان من الافضل ان يحدد اولوياته من الصيف ويطلب مهاجم بدل بعض الصفقات اللي مالها اهميه كبيره بعد سخاء الاداره معه المفترض ان لاتصل الامور الى هذا الحد بسبب قضية المهاجم ال9 حتى لو كان يحتاج ومحق لكن كل شيء له حدود والمنطق يفرض نفسه . . بنزيما لاعب اثبت انه يفشل تحت الضغط , من الموسم الماضي اتضح هالشيء ومورينهو يجيد التعامل مع حالات اللاعبين النفسيه , لكن اللي اشوفه هو زيادة الضغط والتسفيل في اللاعب وتقليل ثقته في نفسه وامكانياته لعله بهذي الطريقه يحاول احياء دم بنزيما وجعله لاعب مقاتل وحماسي وغيره ! لكن بنزيما اخفق ومازال يخفق واللاعبين موش كلهم سوا , فيه لاعبين تنجح تحت الضغط ولاعبين لا مثل البنز واتمنى من المو ان ينتشل بنزيما بدلا من زيادة الضغط عليه لكي يثبت انه يحتاج مهاجم فالاداره الان تسعى لـ تلبي طلبه اذا كان هذا مايريد الوصول اليه , لكن بنزيما ونقاط الميريه قد لاتعود . . بالتوفيق لريال مدريد فهد :smilie47: اللي اخذ الكرت الاصفر الاول , لاعب اقرع ثاني غير نونيز :d ابوتولين :smilie47: على البركه المولود وتتربى في عزك ان شاء الله . |
. http://www.as.com/prom/201101/pro_photo1295812022.jpg أخيراً .. بزغ رقم 9 as ياشباب .. كفاية إنتقاد للفريق فريق مرهق .. يلعب تحت ضغط نفسي .. وضغط مباريات .. وباقي عنده أمل على الثلاث جبهات . طبيعي العك اللي صار الشوط الأول .. عندك ثلاثه من لاعبين النص أول مرة يلعبون مع بعض بالنسبة للكور اللي ضيعها بنزيما .. هذا اللاعب يلعب تحت ضغط نفسي كبير شوف الهدف اللي أنهى فيه المباراة ... من طينة أهداف رونالدو الكبير :smilie47: نقطة التحول في المباراة لما نزل ألونسو :smilie47: صار فيه ترتيب لخط النص من جديد بإنتظار إشبيليه يوم الأربعاء القادم ===== ابو يوسف :smilie47: .. وفي رواية ابو 2LEN :d حياك يالغالي .. والله الفرحة برجعتك مثل فرحة الفوز على ليون في الشامبيز الشهر الجاي ( بداء الهياط ) :rose: :rose: |
. http://estaticos02.marca.com/imagene...95813265_0.jpg عرض مدريد الأخير .. 2 مليون يورو + لعب مباراة وديه بمناسبة مرور 125 سنه على تأسيس النادي رئيس النادي يرفض .. ولا يريد التحدث مجدداً عن إنتقال الرود وقال ( هو يعلم برغبتنا في بقائه .. ولا يمكننا تصور النادي من دونه ) marca |
. السلام عليكم :smilie47: ... مبروكين الثلاث نقاط اليوم ... بالنسبة للتشكيله فاشوف انها مخاطره منطقية من المو !! خصوصاً لأننا بنقابل اشبيليه بملعبهم يوم "الاربعاء" و "الأحد" اوساسونا بملعبهم و "الأربعاء/الخميس" القادم اشبيليه بمدريد !! اراحة اللاساسيين كان امر مهم اليوم !! خصوصاً ان الشهر القادم بيكون أهم شهر للفريق إلى الآن بحكم وجود دور الـ 16 !! لنفرض ان الفريق قدر يسجل هدف او هدفين بالشوط الاول ... غير ان المو مريح "اوزيل و الونسو" بيكون بإمكانه اراحة "دي ماريا ، كارفاليو ، مارسيلو" و تجربة "بيدرو ليون ، قاراي و لاس" !! لكن الأمور ما مشت مثل ما كنا نبي !! عموماً اهم شئ ان الفريق فاز ، و البنز سجل ... أغديه مير يصحصح لأن الاخبار مع الآسف ما تبشر بقدوم مهاجم !!! لفت نظري تصريح المو القوي اليوم !!! أجل يقول مورينيو انه يتحدث مع الرئيس مباشره و مع سانشيز فقط ! و ليس فالدانو اللي مصرح قبل كم يوم بانه يتواصل مع مورينيو بشكل يومي !!! الحقيقه الأوضاع و كل ماله تتعقد بشكل أكبر بالنادي !! و واضح ان مورينيو مقرر يسحب على فالدانو ! و كأنه يقول إن المشكله بينهم ما له أي حل إلا بذهاب أحدهم !! بالأخير نتمنى تكون العلاقات ممتازه بالنادي و إن تحليلاتنا تكون خاطئه !! للجميع :rose: .. . |
الحمد لله على الفوز اهم شي البنز سجل ولو لاحظتو بعد ماسجل قام يتحرك ويركض ويتفنن ياناااااااااااااس مشكله بنزيمة نفسيه في عصرنا الحالي الكروي العامل النفسي مهم الله يستر على الفريق والله اني خايف عليه يوم قربت مباراه ليون بدأ يهبط مستوى الفريق الله يستر بس غريب الاتحاد الاسباني كل السنوات الي طافت كانو يطولون بكأس الملك هالمره مستعجلين سبب ارهاق وظغط على الافرقه خصوصا ريال مدريد وبرشلونه لو تلاحظون بدا ينزل مستواهم بسبب كثره المباريات بالنسبه للكرتين الي اخذهن الاصلع الثبتو الحكام الاسبان ان حكام الدوري السعودي ابرك منهم |
. لا يوجد وقت للراحة !! http://www.realmadrid.com/cs/Satelli...&ssbinary=true الفريق سيعود غداً للتدريبات بعد الفوز على مايوركا "1-0" و ذلك استعدادا لنصف نهائي الكأس الذي سيكون امام اشبيليه . التدريبات ستبدأ الساعة 11 صباحاً في فالديبيباس و ستكون مغلقه !! Real Madrid C.F. - Web Oficial - El Real Madrid no tiene descanso . |
ولا عليكم امر ممكن احد يجيبلي اللقطة اللي جاب فيها مارسيللو العيد وهاوشه كاسياس عليها ؟ |
تقييم الحكم من صحيفه الماركا http://estaticos.archivo.marca.com/f...ntuacion/5.gif |
سسلام عليييكم ابي صور متحركه لكبتن مايوركا ع الكرتين !! اخذ كرتين ولا انطرد ؟ |
مبروك الفوز , الوصف الدقيق لوضع لاعبيننا في هالمباراه هو ان الارهاق قتلنا ! كل 3 ايام نلعب مباراه خصوصا هالشهر لعبنا مباريات قويه بفتره بسيطه , الحمد لله اننا نطلع بدون اصابات ولا كان علوم , الاتحاد الاسباني جهز فريقنا وطبخه باقي بس يسمون بالله اشبيليه وياكلوننا يوم الاربعاء , يعني اشبيليه وبرشلونه لعبو السبت وبيلعبون الاربعاء , فريقنا يلعب الاحد بعدين الاربعاء فرق يومين بس ما يمديك تريح ولا يمديك تسوي تمارين الى انت مسافر للاندلس ! شيء غريب صراحه كان خلو المباراه يوم الخميس مثل كل مره , بمباراه امس شفنا دي ماريا وكريس وحتى اوزيل البديل كثيره تمريراتهم الخطآ وهالشيء بسبب الارهاق الي قلل من تركيزهم , يعني دي ماريا واضح من بدايه المباراه انه مرهق مثل مباراه الميريا مدري ليه اصر مورينهو ولا دخل ليون مكانه ؟ اذا عقاب خلاص راح هالعقاب كم له مباراه ما يلعب وغير كذا مصلحه الفريق وسلامه الاعبين اهم ممكن دي ماريا بسبه الارهاق تجيه اصابه تخليه اوت لنهايه الموسم , العن شيء اصابات العضلات لما تكون مرهق تنهيك بالراحه , الشيء الثاني طرزان كل مباراه يلعب فيها سنتر يثبت لنا انه مدافع بطل ويقدم مستويات خرافيه بهالمركز تحس فيه ثقل بدفاعك , صح اني تمنيت بالشوط الثاني ان المو يسحب مارسيلو ويدخل البيول ويخلي المصري اربيلوا يسار وراموس يمين كنا محتاجين ظهير يهاجم , اربيلوا ضعيف هجوميا ومارسيلو كان سيء امس يعني فقدنا قوه كنا محتاجينها , تطليعه جاجو مدري وش سنعها , كان مفروض يدخل الونسو مكان كاكا وجرانيرو يتقدم مكانه اذا افترضنا انه مريح اوزيل للارهاق , صح كنا بوضع مزري ونبي الفوز بس جرانيرو كان مقدم مستوى بطل هجوميا واذا عطيته حريه امس بيعطيك اكثر يكفي تمريرته للبنز بالقول ! ايضا احب اشيد بمعلم الشاورما على القول وتحركاته الحلوه امس صح ضيع كم انفراده بس اشتغل زين وتحرك كثير وجاب لنا النقاط الثلاث , امس بالتحليل كان التونسي مدري وش اسمه يقول بن زيما الكل واقف ضده وانه ما يقدم مستوى ممتاز السؤال هل حصلت له كور قدام المرمى وضيعها ؟ الصدز اول ما سمعته بغيت اقتنع لكن يوم تذكرت الانفرادات الي يضيعها كل مباراه قلت الله يلعن من علمك التحليل , عاد ذا من حيني ما هضمته يلعن شكله نفوز 8 نفوز 5 نفوز بنص هدف يسفل بنا ودي مره اسمعه يمدحنا ما قدرت , لا ومن الشين يقول مورينهو كثير الكلام هههههه وش قاهرك على الاقل يتكلم كثير بفايده لكن انت تقرق طول الليل ومحد يستفيد شيء خخخخخ . جمهورنا امس ما قصرو صار بالفتره الاخيره هيصه وفله واستهجان وقله حيا رجعو شوي من هيبه البرنابيو , اعجبني امس تصفيرهم على الضفدع الاسود ويبو ياهم قروشوه احسه للحين نادم انه قعد يتوجع وضيع وقت , قلعته وش طلعه من مستنقعه . الاربعاء بنلعب باقذر ملعب مر على كره القدم ملعب الملاعين الصلب عيال المقنونه :d الله يعيننا عليهم وعلى تصفيرهم الصدز اقمط وانا اتابع عاد شلون لو انا بالملعب والله لا اديور على مرماي واسجل واروح احتفل معهم يعنني ما خفت , بهالمتش يبيلنا لاعبين هادين وما يعصبون بسرعه زي لاسانا ديارا < ايه هين , لا جد الهدوء وبروده الاعصاب بهالمتش هي الي بتفيدنا اما اننا ناخذ ونعطي معهم ونتفاعل مع كل حدث بيصير بيطلعنا من جو المباراه , اطلق شيء تروق وتلعب وانت حاط فوق دميجك كيس ثلج وقتها بنلزخهم ان شاء الله , نجوميه المتش امس للسان وطرزان وبدرجه اقل كريس , والاسوا ابو سعد مارسيلو . اسفين على الاطاله وانا عمكم :wub: . .. ايه نسيت يا هلا ومسهلا بابو تولين :d:smilie47: |
إقتباس:
ترا اللاعبين اثنينهم لعبوا نفس عدد الدقائق وسجلو نفس العدد 10 لكل واحد يعني مافيش حد احسن من حد :d لان المحصلة النهائيه تكون بعدد الاهداف الي يسجلها المهاجم |
| الوقت المعتمد في المنتدى بتوقيت جرينتش +3.
الوقت الان » 02:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd