|| رابطة ♥ عشاق الملوك ♥ 2010 / 2011 ♥ || - صفحة رقم 715 - نادي الهلال السعودي - شبكة الزعيم

RMS · #10711 22/01/2011, 01:00 AM

السلام عليكم

ماذا لو تمت صفقة الرود بـ المبلغ المذكور و حصل له مثل ما حصل لـ توني حيث اصيب في ثاني مباره له مع اليوفي و سيغيب شهر كامل عن الفريق

اعشق الرود لكن لـ الوقت احكام فـ احتمالية اصابته كبيره و عودته سوف تاخذ وقت اكثر من المعتاد و كل هذا بسب عمره الكبير جدا جدا جدا

Hala Madrid · #10712 22/01/2011, 01:16 AM

Goodbye Germany

I Love You • · #10713 22/01/2011, 01:27 AM

يعني نقول
Welcome Back
...؟!

الهلالي المدريدي · #10714 22/01/2011, 01:32 AM

إقتباس

الرسالة الأصلية كتبت بواسطة Hala Madrid


	Goodbye Germany

ياانك متحمس ..

اهدا لاتنصدم

Hala Madrid · #10715 22/01/2011, 01:46 AM

^

ارمين فيه مدرب شتوتجارت بعد نهايه مباراه اليوم :

لا يمكن ان نستبعد شيء من كره القدم , نرغب بالاحتفاظ بالرود لكن بعد ذلك علينا ان نتفهم وضع الاعب ورغباته !

M

a_m_t · #10716 22/01/2011, 01:59 AM

.

مورينيو يؤكد خلافة مع فالدانو و احتمالية تركة للفريق !!

مورينيو تحدث مع اللاعبين و الجهاز الفني للفريق قبل مبارات الديربي ، في حين كان الجميع يتوقع الحديث المعتاد الذي يسبق المباريات ، فاجئ مورينيو الجميع و قال بأنه يواجة مشاكل مع فالدانو و بانه لا يسطيع احتمال الوضع. و قال انه في كل الانديه التي دربها سابقاً كان هو صاحب القرار الاول ، و هذا لا يحدث في مدريد بسبب تدخلات فالدانو. مورينيو اقترح بانه سيتحدث مع فلورينتينو ليجعله مدير الكره بديلاً لفالدانو ليتمكن من ادارة الفريق و قال ان قرار بقائه يعتمد على اجابة بيريز له.

اللاعبين كانو مصدومين من حديث مورينيو و الجميع كان صامتاً طوال الـ 15 دقيقة التي كان يتحدث فيها مورينيو !!

بعد مغادرت اللاعبين لمنطقة التدريبات كانوا يتناقشون بالموضوع ، و تقريبا اجمع اللاعبون بانهم تحت ظغط عاطفي و بانه سيتحتم عليهم الاختيار بين مورينيو و فالدانو !!!

رئيس النادي فلورينتينو بيريز علم بهذا الامر بعد انتهاء الديربي بساعتين و حاول تهدئة الوضع !!

Mourinho confirma a los jugadores su malestar con Jorge Valdano en CADENASER.com

.

iker · #10717 22/01/2011, 02:47 AM

متى تكبر ؟ خخخخخخخخخخ .. من البداية الخطأ من مورينهو .. إذا كنت بالصيف فرّطت براؤول بإعتبار ان ما له مكان .. ويوم قرّب يبدأ الموسم ونفذّت الإدارة كل طلباته .. حتّى الهديّة (أوزيل) .. قال أبي مُهاجم ثالث .. وهو خطّته ما تعتمد الاّ على مهاجم واحد ..
ترا مهو كل ما قاله يبي يتنفّذ .. بدوري الخنازير يمشي كلامك .. لكن سياسة الأندية بأسبانيا تختلف .. وما أظن ان هالشي يخفى على مورينهو .. وأشوف ان رأي فالدانو أقرب إلى الصواب يوم يقول نصبر ونشوف وضع هيجواين مع الإصابة .. ويوم تأكّد غيابه لنهاية الموسم تقريبًأ شفنا الإدارة تتحرّك عشان تجيب مُهاجم ..
وين الغلط ؟ .. ليش كل هالصياح ؟

ما عندي شك ان خروج مورينهو يعني ان وضع النادي ميؤوس منّه .. لكن هذا ما يمنع انّه بهالحالة مخطئ !

BENZEMA10 · #10718 22/01/2011, 03:26 AM

^

أتوقع إن الموضوع أكبر من صفقة مهاجم ..
مورينهو يقول إن عدم تحقيق بطوله في هذا الموسم بيخلّي وضعنا صعب الموسم الجاي و بنكون تحت الضغط ..
تحقيق هذا الشي بيتم بإستقرار الفريق و تجديده بعد ما وصلنا لنص الموسم و عرفنا وش يلزمنا و ينقصنا و إحتياجاتنا ..

مورينهو يبي راس حربه بوجود هيغويين و بنزيما فما بالك بغياب هيغويين و سوء بنزيما ..
التلطيع اللي صار من فالدانو يوم يقول ننتظر وضع هيغويين كان يرد عليها مورينهو بوضوح بشكل غير مباشر لفالدانو و يقول :
أنا أدري من أول إن هيغويين ما راح يلحق و راح يغيب الفتره الفلانيه < يعني ليش التلطيع و الأمور واضحه و ننتظر و نشوف إلخ ..

مورينهو شخص يبي يكون مرتاح في عمله .. ما يبي يكون تحت أوامر فالدانو .. وجهات النظر بينهم غير متقاربه ..
مورينهو مدرب تاريخه يشهد له .. نظرته دايمن على صواب في حاجة الفريق .. كل شي مع مورينهو نشوفه على الواقع ..
ما هايط و قال شي معنا إلا و كان صريح فيه .. ما قال عنده مشكله في خط الحراسه و لا في الدفاع و لا في الوسط لأن ما فيه مشكله ..
لكن مشكلته في الهجوم بإتفاق الجميع و الرجال يبي مهاجم .. لذلك عطوه مهاجم و بلاش تضييع الوقت و خسارة لعيبه و أهداف مفصّله للنقص اللي عندنا لصالح فرق ثانيه ..

البطوله تزرع في الفريق الثقه و الإيمان بنفسه و بتخليه بدون ضغط ..
و هذي يبيلها تكامل عناصري بتدعيم كل الخطوط اللي تحتاج تدعيم ..
دخول المهاجم من ألحين في الفريق و تأقلمه أفضل و بيكون إختصار للوقت غير إنه حاجه ماسه ..
و ما راح يجي الموسم الجديد إلا و الريال جاهز و متجانس و مب في حاجة تحضير لاعبين و تهيئهم ..

هذا فقط نقطه تحسب على فالدانو اللي أخطأ و مهيب إنكار لثقله و أهميته
لكن هذا مورينهو يا خورخي و يعرف وش يبي و طلباته مهيب عبط أبد ..
و يوم مايكون ما جاء ما قال شي و هايط و زعل لأن فيه بديل و تغيرت الخطّه و جبنا قلب دفاع و إنتهى ..
مهوب مدرب سياحي ما تبي تعطيه صلاحيات لأنك منتب ضامنه و خايف إنه يجيب العيد ..

iker · #10719 22/01/2011, 03:42 AM

^
^

وش اللّي تعارض به فالدانو مع مورينهو غير المُهاجم ؟ .. وقلتها بالرد اللّي قبل .. الإدارة ما قصّرت أبد بسالفة المُهاجم .. وإذا على انّ المُهاجم الثالث مطلب من بداية الموسم .. أرجع وأقول "ليش تفرّط براؤول ؟" .. المُهاجم الثالث ما شافه مورينهو حاجة مُلحّة الاّ بعد ما شاف مُستوى البنز وإصابة هيجواين ..
والإدارة - فالدانو تحديدًا - طلبت منّه يصبر عشان يشوفون حالة هيجواين .. ويوم تأكّد غيابه لنهاية الموسم تحرّكوا وهذا الرود قرّب <-- لاحظ انّي أعيد كلامي خخخخخخخخخخخ .. بدون ما ننسى انّ الاسم الكبير مُستحيل يجي ألحين .. والرود ترقيع هالست شهور وبالصيف لورينتي تقريبًا مضمون ..

ما أشوف انّ الإدارة قصّرت مع مورينهو أبد ولا هيّأت له الجو المُناسب !

Hala Madrid · #10720 22/01/2011, 03:54 AM

^

عزوز بدخل معكم وبضيف نقطه , كلنا نعرف ان مورينهو يدافع عن فريقه بالصحافه بشكل علني بدون محد يمنعه , لما استلجو حكام الليغا على فريقنا طلع مورينهو يسفل بالحكام لانه يشوف انهم ظلموه هو وفريقه , وش صلح بيريز قال فالدانو هو المتحدث الرسمي للنادي يعني كأنه يقول للمو من بعيد انثبر ولا تتكلم عن الحكام فيه شخص مسؤول عن هالشيء , طبعا هالشخص المسؤول ما طلع وتكلم واسكت واستمرو الحكام بظلم الفريق واخرتها مباراه امس !
طبعا هالنقطه عارضو المو فيها فالدانو وبيريز بما انك تقول بس عارضوه بالمهاجم .

iker · #10721 22/01/2011, 04:06 AM

^
^

طيّب وش دخّل اللاعبين ؟ .. بآخر خبر الكادينا مكتوب انّ اللاعبين يحسّون انّه إبتزاز عاطفي من مورينهو عشان يختارون بينه وبين فالدانو .. كأن مورينهو يقول يا أنا يا فالدانو بالفريق !
ما فيه مُحاولة لحل المُشكلة .. أساسًا المُشكلة ما طلعت للإعلام وكبرت الاّ من مورينهو .. اللّي كان المفروض يحل المُشكلة بهدوء مع الإدارة .. ما تاصل انّه يعرض المُشكلة على اللاعبين !!

ما تبي فالدانو ؟ .. وضعه وسياسة النادي ما هي جايزتن لك ؟ .. ليش تطلّع كل شي للإعلام ؟ .. أنا أبي مورينهو يستمر وضد إقالته بقوّة .. لكن ما أشوف انّ الإدارة قصّرت معه .. ويقدر يناقش الإدارة وياخذ اللّي يبيه بدون إفتعال للمشاكل وإظهارها بهالشكل !!

عاشق مدريد · #10722 22/01/2011, 04:09 AM

عبدالله

بخصوص ان مورينيو خايف من ان الفريق يكون تحت الضغط الموسم الجاي
المو من اول ماجاء وهو يصرح ويقول لا تطالبوني ببطوله الموسم هذا
على اساس انه موسم اعدادي ولمعرفه احتياجات الفريق للموسم القادم اللي الجميع راح يحاسب مورينيو فيه ,
الاداره وفرت لمورينيو كامل الاحتياجات من خلال التعاقدات ,,
وهو اللي طلب من راؤول الرحيل لان ماله مكان بالتشكيله ,
لما اصيب هيجيوين .. والبنز ما اثبت نفسه
فالدانو طلع وقال المهاجم بالطريق .. والرسمي حق الرود بكرا ان شاء الله

الخلاف موجود بين مورينيو وفالدانو ومحد يقدر ينكر هذا الشي اتوقع
لكن حجم الخلاف ما اتوقع انه واصل للدرجه اللي وصلتها الصحف المدريديه ,,
الاختلاف في وجهات النظر يحدث بين اكبر المسؤلين في اكبر الشركات .. لكن لايؤثر على مستوى الشركه

في نهايه الامر فالدانو ومورينيو من اهم الاشخاص في مشروع مدريد

على طاري الخلاف ,,

ماتلاحظون ان من بدا الموسم والصحف كل شوي طالعه لنا بخلافات ؟
رونالدو - كاسياس
رونالدو - راموس
خضيره - مورينيو
بيبي ومدري مين
والحين طالعين لنا بفالدانو ومورينيو

بس احلى شي بهالاخبار انها بدال ماكانت الرابطه منقسمه بين هيجوين - بنزيما
الحين .. مورينيو - فالدانو

إقتباس


	اذا على الاسبان عزالله مارحتو ديره خلهم يسمعون طاري الاسباني ديل بوسكي وتشوف اذا مايسحبون سحبه اليمه على مورينهو

هههههههههههههههـ يالبى قلبك يابو عابد

على الجرح والله

beckham 0723 · #10723 22/01/2011, 04:24 AM

السلام عليكم

مبروك الفوز و هاردلكم التعادل

اللي مايحب اللت و العجن و الكلام الطويل ( الممل ) يطمر الرد لاني فاضي واصابعي جمدت قلت خلني اطقطق على الكي بورد علني ادفى شي

لا تكثر ... وراي دوام بكرة الصبح

بالنسبة للزقرت اللي فوق بعد قرائتي لارائكم الكريمة نشوف تسلسل الاحداث

قبيل نهاية الموسم الماضي و مع بداية خروج الاخبار المشيرة لتعاقد القرش الابيض مع المو

كانت اراء الاغلبية هنا الابقاء على بلقريني ، الا في حالة وحدة وهي قدوم المو (البعض كان راضي على بنيتيز) و كان الهدف هو اما الاستقرار على مدرب جيد كموسم اول او الاتيان باسم تدريبي لا يعوض مثل المو

بنفس الوقت كان في مخاوف هنا من مسالة التضارب اللي ممكن تحدث بين المو وفالدانو

اللي صار ، جا المو ، ومن البداية المو عارف بوضع فالدانو ، و من البداية كانت الاحاديث و الانباء الصادرة ان الوضع سمن على عسل و كل واحد عارف حدوده وعارف اللي له واللي عليه

كما ذكر اخوي ابن الخطاب عبدالله (اخبر انه عبدالاله مدري وشلون تغير، الظاهر صورة نايف جابت فايدة)
فالدانو ذكر انه لا تصدقون كل شي اقوله وهذا مانلوم فالدانو عليه لان اسم الريال في اي تعاقد ممكن يخلي سعر نامي 32 مليون يورو

بدا الموسم وبدت الحرب القذرة على المو و الريال واللي بدت ريحتها تفوح كثير في الفترة الاخيرة , (ما ننكر ان المو لسانه متبري منه ، بس اشوف ان ماقال شي غلط ، اللهم ان النادي يبي يكون اسلوب البيانات ذو طابع ودي والظهور بمواقف ودية رغم كل شي)

الادارة من ناحيتها ، ماقصرت ( وهذا يعرفه المتابعين للريال ) حيث خرج من النادي اكثر من بيان رسمي يقف بصف المو في اكثر من موقف ، وصراحة اشوف ان هذا واجب على النادي ، خصوصا وان بعض تصريحات فالدانو تضرب بالمو من تحت الحزام ، خصوصا في موضوع المهاجم وهذا اللي بتكلم عنه تحت

بالاضافه الى انه يجب على النادي ، خصوصا في ظل تفرغ الحقيرة و الخنزيرة (زي ماقال واحد من الشباب هنا

) الاس و الماركا نسو واجبهم في دعم النادي واصبحوا معول هدم
على سبيل المثال لو الاتلتك شاد حيله اكثر و جابو هدف او اثنين ، وش بيكون مصير بلنتي و هدف مارسلو ، بيكونون نقاط تحول في المباراة
امام الميريا ، و اخطاء الحكم ، تم الاسهاب بالحديث عن اخطاء موري بالتشكيل و تناسينا اخطاء الحكم
هنا انا ماقول نصير زي جيراننا بالعريجا ، انا اقول ان زي ما تقول موري قال و فالدانو عاد ، شوية تركيز و تصعيد موضوع الاخطاء التحكيمية اللي تصدف انها ضدنا دايم

نرجع لموضوع الزقرت

اصابة هقوين (لاهميته في ظل عدم وصول بنزيما للفاعليه المطلوبة) كانت هي بداية تعكير المياه الصافيه في علاقة الحلوين اللي فوق
واضح ان فالدانو كان ضد الاتيان بمهاجم لاسباب و وجهة نظر معروفه ، موخرا و بعد اجتماعات الكريسمس ، بدت تتغير القناعه ، بداها بمسالة ان احنا بندور مهاجم لمدة ستة شهور
في نفس الوقت طلعت انباء عن انهاء الاتفاق مع لورينتي ، وباقي بس مسالة الاتلتك
المو في هالوقت احيانا يلعب البنز ، و احيانا ما يلعبه ، اختلفت ردود الفعل ، بين ان البنز ما يفيد ، و بين ان وجوده على الاقل يفيد من ناحية تحرر كرس ، وان على المو ان لا يعاند على حساب الريال ويلعب بكل المتوفر عنده حتى الكاستايا الين ما تنحل السالفة وتنجلي الغيمه

الان في انباء عن تواجد الرود

وانباء ان بتوصيه من فالدي ، وبرضو في اخبار ان المو اتصل على الرود ، ماندري من حط الاسم ، المهم عساه يجي و بس

لو انه بتوصية من بواب النادي
ويا رب جية الرود تخفف شوي من الاحتقان بين الزقرت محور النقاش ، اذا كان موجود

الحلول الوقتية و بناء الفريق

الريالين زي الهلالين ، هم نفسهم اللي يقولون نبي نبني ومانبي بطولة ، اول مباراة و تنقلب الاية و يقولون نبي بطولة ومو اي بطولة ، نبي العاشرة ولا الدوري

الفريق حاليا ماينقصه الا الاستقرار ، ومهاجم عليه الكلام يفك الزحمة عن كريس ، ممكن جدا بتوفر هالعنصرين نطلع ببطولة هالسنه ، وما راح استغرب لو طلعنا باثنين
طبعا بعد توفيق الله اكيد ، وبعد الاصابات و الحظ النحس ، و تدخل التحكيم

فريقنا معدل اعماره صغيره جدا ، ولاعبين يتمناهم اي نادي بالعالم ، لة حافظنا على شكل هالفريق السنة الجاية وبوجود مهاااااجم مرعب ، و تشرب اللاعبين تكتيك المو ، بشوية لمسات فنيه بنوصل للي نبيه ، فريق بطولات ومرعب لكل اوربا

احنا على الطريق الصحيح مع المو ، وهذا الشي بالارقام و النتائج ، وكلنا قلنا ان اللي صار عمل جباااار جدا + تعلق اللاعبين بالمو ، وهذا واضح من تصريحاتهم ، مانبي في الصيف نشوف لاعبين بالريال ينضمون للسته تيري ودروغبا و ماتيرازي و شنايدر و غيرهم ونشوفهم يبكون على رحيله

اذا صدقت مسالة روحته راح تكون انتكاسة للفريق وانتكاسة للحلم ، اللاعبين قريبين للمو مش لفالدانو ، هم اللي بيادون داخل الملعب وبيسمعون صرخات المو و توجيهاته مش فالدانو

روح كابيلو كان في لها بقايا في موسم شوستر الاول ، مانبي السنة الجاية نقول هذه بقايا روح المو

المو بيطلع لخلافه فيرقي ، ليه؟ يمكن تتوفر له اسباب بقاءه عشر سنين
هذا حلمه و كذا كذا بيطلع...اوكي...خله عندك و اعصره عصر وخلي الموجودين يستفيدون منه ، اجل جرانيرو صار ورقه ممتازة بالدكة,,, بالله من يصدقها،،،

سنة الحياة تغيير المدربين الا باستثناء زي فيرقي و لا فنجر ، لكن لما توصل للمو ، تعض فيه بيدك و اسنانك وتريحه وتغنجه وتلعب به وتسوي له هشك بشك وتقول له كلو بطاطا كلو بطاطا زي مرجان احمد مرجان

فالدانو و المو اضلاع اساسية ببناء الريال؟ اشوف (كمنصب وليس كشخص) في اكثر من فالدانو ، ولكن لا يوجد الا مو واحد

معليش ، كلنا كننا نقول البنز و هيقوين مو كافين ، اللي يقولون راول ليه طلع؟ بالله وش كان يسوي لنا اول،، دايم كنا نقول انه زايد (اغلبية الاراء هنا كانت تقول كذا)

ارجع اقول ، اتفقنا كلنا ان البنز والطعس مش كافين ، الان البنز لحاله ، و البنز خذلنا و خذل الريال رغم امتلاكه لامكانيات كبيرة

لاعب من الكاستيا، سولدادو بارتيلو كلهم توسمنا فيه خير وبالاخير ولا شي

تتوقعون موراتا بيتحمل جلد عاطفة البرنابيو؟ اتمنى والله بس ما اظن

اشوف طلبات المو بمهاجم خصوصا ان يكون له ستايل غير الطعس و البنز طبيعي جدا

مافي احد كامل ، الادارة ادت و ماقصرت ولكن لها اخطاء ، المو بدع وله اخطاء برضو
المو كل شوي يذب ويقول مافي مهاجم (هو يبي مهاجم صندوق و البنز يجنح)
فالدي احيانا يقول عندنا مهاجمين مالعبهم المو

ان شاء الله الرود يجي وربي يحميه من الاصابات ، و يعطينا حلول ، وعلى الصيف لورينتي

الموسم القادم ، اللي اتمناه استمرار المو ، وبالنسبة للهجوم ، نحط ببالنا ان لو تم الاتفاق مع صلب بلباو ، الطعس بيكون جاي من اصابة ولا تضمنه ، مسالة تبيع بنزيما و تبقى الطعس و لورينتي ، و تقول طلع موراتا ، بنصير في نفس الوضع اللي احنا فيه

الحل ، ثلاث مهاجمين عليهم الكلام ، يفيدون تكتيك المدرب ، ليست مجرد اسماء

معذرة على الاطالة

Hala Madrid · #10724 22/01/2011, 04:38 AM

بقتبس لكم بعض اراء المشجعين المدريديين من الماركا بعد تصريح فالدانو امس مع نهايه المباراه :

1- فالدانو انت تقدم العار لريآل مدريد , ريأل مدريد ليس بحاجتك او بحاجه لادارتك , بقراراتك بدات مدريد تفقد الروح , انت المذنب الوحيد , مورينهو لم يحصل على الكفاءه الكامله , الان هل انت تفعل الامور لمصلحه مدريد او لمصلحه شخصيه ؟

2- فالدانو لقد حان الوقت ليقوم مورينهو بعمله دون تدخلك , ابتعادك عن التدخلات يعني نجاح ريآل مدريد .

3- فالدانو من البدايه لم يكن يريد مورينهو في مشروع بيريز , لكن فلورنتينو هو من اختار مورينهو , بالتالي اذا استمرت هذه المشاكل لابد ان يرحل احدهما , فالدانو ارحل فانت تريد مدرب يعمل على اوامرك انت , بيريز أبعد فالدانو او مشروعك سيكتب له الفشل .

4- ايها الساده المشكله الوحيده في مدريد هي انه لا يوجد وحده اداريه , مورينهو عندما كان في تشيلسي كان هو المسؤول عن لاعبيه وهو المدير الرياضي , وقدم النادي له الدعم والسماح له بالعمل بسلام , الان فالدانو هو المدير الرياضي والتقني , انه يضع العقبات في طريق مورينهو .

5- ان يكون لديك مدرب جيد ستكون بخير لكن ان تملك افضل مدرب بالعالم هو شيء يجب ان لا يفوت , حتى الان وارقام مورينهو ممتازه جدا , من الجميل مواصله الاثنين بالفريق بدون اي مشاكل , لكن في حال لابد اختيار احدهما مدريد بحاجه لمورينهو وليس فالدانو .

ابو عابد الكل مع مورينهو لا ديل بوسكي ولا غيره , 6 شهور حتى الان كانت كفيله ان الجمهور يعشق المو والاغنيه الي يغنونها بكل متش بأسمه اعتقد تكفي وتوضح انه محد يبي غيره ,

فالدانو كم انت كريه

عـــ الزعيم ـــاشق · #10725 22/01/2011, 04:41 AM

إقتباس

الرسالة الأصلية كتبت بواسطة iker


	متى تكبر ؟ خخخخخخخخخخ .. من البداية الخطأ من مورينهو .. إذا كنت بالصيف فرّطت براؤول بإعتبار ان ما له مكان .. ويوم قرّب يبدأ الموسم ونفذّت الإدارة كل طلباته .. حتّى الهديّة (أوزيل) .. قال أبي مُهاجم ثالث .. وهو خطّته ما تعتمد الاّ على مهاجم واحد .. ترا مهو كل ما قاله يبي يتنفّذ .. بدوري الخنازير يمشي كلامك .. لكن سياسة الأندية بأسبانيا تختلف .. وما أظن ان هالشي يخفى على مورينهو .. وأشوف ان رأي فالدانو أقرب إلى الصواب يوم يقول نصبر ونشوف وضع هيجواين مع الإصابة .. ويوم تأكّد غيابه لنهاية الموسم تقريبًأ شفنا الإدارة تتحرّك عشان تجيب مُهاجم .. وين الغلط ؟ .. ليش كل هالصياح ؟ ما عندي شك ان خروج مورينهو يعني ان وضع النادي ميؤوس منّه .. لكن هذا ما يمنع انّه بهالحالة مخطئ !

اسمحلي بس بسؤالين

هو قال ما ابي راؤول ويوم طلع راؤول قال ابي مهاجم .. قصده انه مايبي راؤول لأنه مو قد المشروع ويبي مهاجم ثاني .. جابوله اوزيل .. نفذوا طلباته ؟

السؤال الثاني .. طلب تجديد عقد بيبي وراموس .. واول ما انصاب هيجواين قال ابي مهاجم وهيجواين لازم يسوي عملية .. في كل هالأمور الادارة وبقيادة فالدانو سووا العكس ! الى الان ما جددوا لا لبيبي ولا لراموس ! و لما انصاب هيجواين قالوا نوديه دكتور ثاني وودوه قال ماعليكم بيطيب وبعد شهر اقتنعوا بكلام المو واطباء النادي وودوه يتعالج ! والى الآن ماجاب مهاجم مع ان الانتقالات لها ٢٢ يوم ! يعني عدت فوق الـ ٥ مباريات واحنا نلعب بدون هجوم ! في رأيي حتى راؤول الي مايسوي شي افضل من بينزيما لأنه يتحرك ويجر معاه مدافعين بالإضافة الى انه يبدع في المباريات الكبيرة ! البنز تعدونه مهاجم ؟ اتوقع صنع اكثر من انه سجل ! هيجواين له شهرين مصاب وعدد اهدافه نفس عدد اهداف البنز !

ولسه الادارة توها تفكر تدفع ( ٢ مليون ) لنستلروي ! الادارة نفسها الي دفعت ١٥ مليون في البويول الاحتياطي ! مستكثرة ٢ مليون على نستلروي المطلب الرئيسي في الانتقالات الشتوية للمدرب ! في رأيك الادارة ما اخطأت لما سوت كل هذا ؟

اكيد الكل راح يختلف البعض راح يؤيد المو والبعض الآخر راح يؤيد فالدانو .. انا من مؤيدين المو وودي اقتنع ليه هو مخطئ

تحيتي .،،.