الي يصير شيء غريب ! .. من التحكيم الى الهجوم الاعلامي الكبير الي صاير على الفريق وعلى مورينهو بالتحديد ! ..
هجوم على الفريق ! .. على لاعبينه ! .. على سياسته ! .. على مدربه ! ..
انديه تهاجم ! .. رؤساء انديه تهاجم ! .. مدربين يهاجموا ! .. وحتى لاعبين يصرحوا ويقللوا من قيمه النادي ومدربه ! ..

يعني ماايحق للمدرب انه يتكلم عن شيء تكرر كثير ! .. ولا مايحق له يتكلم لانه مورينهو بس ! ..
خل نكون صريحين شوي ! .. مورينهو في اكثر من مره تجنب الحديث عن التحكيم ! .. لكن الوضع بدل مايكون افضل صار اسوء ! .. عشان كذا المثاليه مانفعت القدح ينفع ! .. وبرافو وعليه الف برافو يامورينهو على الكلام الي قلته !

خلاص ماايصير وضع الريال الحالي وسالفه مثاليه النادي ! .. ياخي اذا كانت موضوع المثاليه بتودينا ورا واننا ارقى فريق في العالم ماانبيها اذا هااذي نتاايجها ! ..
قاعد ننطعن ! .. ونرد بالاخلاق ! .. قاعد ننظلم وندور العذر للظالم ! .. ونهاجم من كل الاطراف ونسكت ! ..

لا ماايصير وكلام مورينهو صح ! .. لازم ندافع على النادي ! .. كلاعبين ومدرب واداره وجمهور ! ..

ويارب يصير الكلام ذا وتتغير فكره النادي نحو الامور ذي ! .. وخاصه يكون التأثير الاكبر على الجمهور ويطلع عشقه وحبه لمدريد علن وبتعصب كمان ! ..

وهذا الي ارجيه واتمناه من الموضوع ذا كله ! .. ان الجمهور يتغير فكره يوم يشوف العالم كله ضد فريقه ! ..
وقتها يتولد عندهم موضوع حب النادي والدفاع عنه ضد اي شيء ! .. ويقفوا مع الفريق في اي ظرف ! ..

هذا انا وبعيد عن الاجواء وفي مصر كمان وماسك الشيشه خخخ ! .. قاعد يزيد تعصبي وعشقي للملكي لانه مهاجم من كل مكان ! ..
فأتمنى ان الموضوع يصير عندهم 10 اضعاف الي يصير معي ! .. طبعا بدون شيَش خخ

عموما مع الفريق ومع مورينهو في السراء والضراء ! .. ويارب ويااكريم يكون رده مفحم نهايه الموسم ! ..

اوادم مااتستحي ! .. وناس عشان الزمن اعطانا ظهره قاعده تستخف ! .. مااتدري ان الزمن يدور ويدور ويرجع ثاني لأعزه ! ..




نرجع ثاني للنقاش الثاني الي عيا يخلص ! ..

بن زيما ولا هيغواين ! .. تبون الصراحه ! .. ولا واحد فيهم كفو انه يقود هجوم فريق تعود على اوين ورونالدو وراؤول وموريانتس على مستواهم الحالي ! ..

الاثنين ذولا عندهم امكانيات كبيره وماافي احد ينكر الشيء ذا الا جاحد ولا حاقد ! .. لكن بالمستوى الحالي ابد مهو كفو لقياده هجومنا ! ..

لكن خلاص مااينفعوا ؟! .. لا طبعا ! .. الاعبين ينفعوا وقادرين انهم يكونوا افضل من كذا ب 20مره! .. وقادرين يكونوا من افضل مهاجمين العالم واكثرهم تهديف ! ..

لكن يحتاجوا الى صبر والى فرص اكثر اذا كنا نبيهم يطلعوا من الافضل ! .. ولا نعيرهم ونجيب مهاجمين سوبر ستار اذا ماابنصبر عليهم ! ..

بن زيما النعال ! .. على بروده ذا المفروض نوديهم ابو غريب عشان يطلع لنا زي الرجال ويحترق ! ..
لكن كأمكانيات الولد عنده شيء ماايمكله اغلب مهاجمين العالم ! .. القوه البدنيه والمهاره الفرديه الكبيره والفكر الكروي العالي الي يملكه ! ..
لكن كل ذا يضيع مع بروده ومع شده الضغوط الي في مدريد ! .. الي تحتاج الى ضعف المجهود لو انك في نادي ثاني ماتحتاج الجهد الكبير الي تسويه عشان تثبت اقدامك في مدريد ! ..

الولد كعرف في اي انديه ثانيه مااخذ الفرصه الكامله ابد ! .. لكن في مدريد عشانه الان اصبح مهاجم الفريق الاول بعد هيغواين وصارله كم مباره اساسي الناس تشوف انه فشل واخذ فرصته الكامله ! ..

وانا قد قلت ان الفرصه هاذي لازم بن زيما يستغلها ولا وضعه في مدريد بيصعب اكثر ! .. والاعب الى الان مااستغله ! .. ووضعه صعب اكثر ! ..

لكن كحق الولد له تقريبا 3 مباريات اساسي بس ! .. نجح في وحده نجاح باهر وفشل في اثنتين فشل كبير ! .. والمشكله ان الفشل الي فشل فيه كانت في مباريات مهمه عكس الي نجح به ! ..
لكن كحق ابد مااتوصل اننا نقول ان بن زيما اخذ فرصته ! .. كونه مافشل الا في 2 اساسي ! .. والفرصه كانت تحت ضغط كبييييير عليه انه يكون معوض لهيغواين في الفتره ذي ! ..

انا كل الي اقوله ! .. ان بن زيما حتى وان فشل فأنه لاعب امكانياته كمهاجم خرافيه ! .. فصعب اننا نستغني عنه عشانه فشل في كم مباره ! ..

مع اني اشوف انه ضيع فرصه مهمه لأثبات ذاته على هيغواين ! .. وبدت الشكوك حوله ! ..
فوضعه اصبح اسوء بكثير ! .. كونه حاليا يبي يبعد الشكوك ثاني عنه ثم ينافس هيغواين والمهاجم الجديد اذا جاء ! ..

عشان كذا البنز حط نفسه في موقف صعب ! .. مع اني اتمنى ان االاداره مااتستعجل وتحكم عليه بالفشل ! ..
لانه مهما كان حرام نضيع لاعب بالموهبه ذي على كم مباره ! .. سوي فيه الي تبي بس خل ورقته بيدك ! ..

وباقي متفائل بالبنز رغم انه سلتوح ونعال وبارد ! ..

اول شي دعواتكم حق اخونا فيصل حايلي عنده عملية بكره

اهدى من كذا شباب ماله داعي التعصب للاعب معين مانبي نعيد المشاكل مره ثانيه

البنز صحيح موهبه ولو يلقى له الجو المناسب راح يكون من كبار مهاجمين العالم ومن ينكر هالكلام مايفهم كوره يكفيك ان راعي الارسنال فينغر كان ومازال يبيه

بس بصراحه اذا بيستمر طول الموسم مستواه متذبذب مره افضل لاعب ومره ادمر لاعب ماراح يكون منه فايده واذا اللاعب ما اجتهد على نفسه دفاعنا عنه ماراح يقدم ولا يأخر يعني سالفة الانطوائيه المفروض هو يحلها واللغه الاسبانيه ليه ماصارت عائق عند اوزيل وخضيره وهم بنفس عمره ومايفهمون اسباني واذا على الوحده خلوه يجيب اهله واقاربه كلهم بعد لو يبي ابونا بيريز بيدفع مايقصر

فارت صارت له ظروف صعبه من مرض زوجته وتحطيمه في الاحتياط وتهميشه
بس متى ماحصلت له الفرصه قدم مستوى ممتاز
هلجيرا كابيلو طرده وخلاه يتدرب مع الصغار بس اثبت نفسه ورجع اساسي >>> بعد اصابه واحد من مدافعينا رجع ولا ماله نيه يرجعه الدون

ومدري وش فيهم الشباب يبون نبيعه ونشتري مهاجم مع هيجوين واذا اصيبوا اثنينهم نلعب اربيلوا ولا البيول مهاجمين طيب المانع انه يجلس احتياط ثالث
وجيب 2 مهاجمين بدل واحد مافيه شي يمنع ولا تبون نتورط مثل الحين ماعندنا الا مهاجم واحد وغيرنا عندهم 4 و5 مهاجمين


RMS
معاك في كلامك بقوه
مشكلة البنز 100% نفسية طيب ليش الاداره ماتتحرك وتجيب له طبيب نفسي يعرف مشكلته
طيب مورينهو انا احمله جزء من المشكله يعرف ان البنز افضل في مركز المهاجم الثاني ليه يزيد عليه الضغوط ويخليه راح حربه وحيد المفروض ان التشكيل يتغير حسب امكانيات اللاعبين الموجودين عنده
يعني هيجوين اصيب وماعندك راس حربه لو لعب كريس راح يفقد جزء كبير من الخطوره ولو لعب البنز راح نلعب 10 لاعبين
يعني لو يموت كريس خلاص ماعندنا راس حربه لما يشتري لنا بيريز واحد

الحل مع البنز انه يستمر مايلعب الا اخر 15 دقيقه علشان يخف الضغط عنه


سكوت فالدانو عن اللي يصير جزء من سياسة النادي الجديده
شرشبيل خرب العلاقة بين الريال وكثير من الانديه وبيريز من اهدافه تحسين العلاقات مع الاندية الثانية ( المثاليه الغبيه ) بس مايقدر يتكلم علشان مايقولون انه ماتعدل ومازال يتدخل بكل شي بالنادي علشان كذا هو حاط فالدانو بالوجه


قفله
وشفيها علينا غيروا صورنا الشخصيه
وشرايكم بصورتي الجديده مدري وش يحسون فيه اللي رشحها واللي رفعها للاداره واللي اعتمدها بعد

^^اتمنى يروح اعاره لاحد الانديه موسم ولا موسمين , لانه مازال صغير على اللعب لريال مدريد

إقتباس الرسالة الأصلية كتبت بواسطة RoYaL MaDriD من الديفنسا سنترال : ايكر كاسياس " لا نخاف من برشلونه " لا فروقات كبيره بيننا و بينهم ، يسبقوننا بالوقت فقط هم تأقلموا قبلنا ونحن لازلنا في أول الطريق اذا كان برشلونه "اكثر من مجرد نادي" فنحن مؤسسة عملاقه في كرة القدم لديها مبادئ و قيم انسانيه عديده

قويه يا كسياس

والله انك كبيررررر

راجي قلب
مو هذا قصدي شي طبيعي ان كل ماكان اللاعب قادر يلعب باكثر من مركز بتكون ميزه كبيره له

بس أنا اقصد كفريق بشكل عام صار عندنا نقص مؤثر و ماتغيرت التشكيله على حسب امكانيات اللاعبين الموجودين

لو تلاحظ المباريات اللي نتأخر فيها كيف مورينهو يحوس التشكيله وينجح لان عنده لاعبين قابلين لتغيير المراكز بسهوله. طيب ليه مايسويها في بداية المباراه علشان مايخسر تغييرات

هالرد على عجاله لي باك ان شاء الله

إقتباس الرسالة الأصلية كتبت بواسطة RoYaL MaDriD الانتر يغري مورينهو فيه على الطرف الايمن تصريحات لموراتي وفلورنتينو لكن ما اقدر اشوف الخط لانه صغير جدا ، عذرا