حمله مهايط بمهايد
والكلاسيكو صعب ياناس لاتتفأئلون كثير عشان مايصير العكس ,,
خضيره وهيغواين للحين ماجهزوا !!
بس بأذن الله راح يكونون جاهزين بيوم المباراه ,,

إقتباس تغريم مالي لريال مدريد و إيقاف راموس لمباراة أخرى !!

!!!
وش يعني ,,
اذا الخبر صدق فهذأ من بلاتيني وعوايده !!
ولاتستغربون اذا صدق توقف راموس والونسو وتغريم موري ,,
الله يستر لايكون الخبر صح ,, وان شاء الله اشاعه لاأكثر ولا اقل ..
لاهنتم

في كل كلاسيكو افتكر هالصوره


كلاسيكو اخر على الأبواب, وكل سنه على الاقل من أول كلاسيكو تابعته ما يختلف حماسه واثارته عن أي سنه اخرى...

مهما كان برشلونه متخبط "سابقا" ومهما كان الريال ضائع في السنوات الماضيه لكن الكلاسيكو ماله مقياس ابدا...
أذكر كلاسيكو كان فيه الريال في التوب أعتقد 2002 و برشلونه في متخبط بين السادس والسابع..
وكل المؤشرات تقول ان رونالدو راح يسجل هاترك, وفيجو راح يبدع وزيدان كـ عادته ساحر في الملعب...
النتيجه انتهت بالتعادل...

كلاسيكو اخر كان برشلونه رونالدينهو يقدم مستوى مذهل, والريال كان مازال يبحث عن نفسه..2004 أو 2005
المباراه ايضا انتهت بالتعادل في الكامب نو وشد عضلي لـ موتا...

المباراه هذه بالذات مايهم ايش مستواك قبل الكلاسيكو..في التسعين دقيقه ممكن يظهر فريق على الاخر...




كذا نقدر نقول إن مافي امان في الكلاسيكو, حتى لو كنا أفضل من برشلونه هذا الموسم "اداءا وارقاما"
لكن الكلام كله يكون في الملعب...واثق من مورينهو ورجاله..لكن مافي فريق مايخسر...




ثلاث محاور؟ ضدها وبقوه...
أتوقع أسوء شيء ممكن تفعله انك تغير في الفريق في هالفتره خصوصا...فترة العلاج والانسجام والبحث عن الهويه والخ...
فتره المفروض تكون بدون تجارب...ومورينهو حتى الان ماشي عليها وما أعتقد أصلا يغيرها..
كلام صحافه كله اللي نشوفه..كيف يعرفوا الخطط أصلا ومورينهو معطيهم ربع ساعه فقط يشوفوا التدريبات..
وغالبا تكون عمليات احماء فقط...يعني فقط اجتهاد صحفي لا أكثر ولا أقل...

الخطه ممكن تكون فعاله اذا إنها مجربه من قبل ومتعود عليها الفريق...
لعبنا امام اوكسير بهذه الخطه تخوفا من مورينهو لاي مفاجأت من اوكسير..وحب للتجربه فقط..
التجربه كانت فاشله..وماسجلنا هدف الا بعد دخول دي ماريا...




طيب متى يقدر مورينهو يغير الخطه بحسب الخصم...؟
في حاله واحده...
لما التشكيل الاساسي والشكل الاساسي للفريق ...امممم خلينا نقول "ينشف"..
اعتبروه شكل من الطين..فخار مثلا...ماتقدر تبدأ بـ زخرفة الفخار وتلوينه الا بعد ماينشف ويتماسك تماما...

نفس الشيء بالنسبه للخطط بشكل عام...مورينهو ماراح يبدأ بالزخرفه وتغيير اجزاء بسيطه من الشكل العام للفريق
الا بعد أن تثبت الخطه تماما وتصنع الهويه من جديد... صعب جدا يبدأ بالتغيير الان...امامنا كلاسيكو!!

خلينا على خطتنا, وعلى اسلوبنا...طبعا بجانب انه فيه مهام تكتيكيه لأوزيل ودي ماريا كالعاده..و خضيره يقوم بمهامه المعتاده...







مارسيلو ولا اربيلوا؟ ولا مارسيلو مع مساندة لاس؟ ولا كلهم الثلاثه؟

أعيد وأكرر لا تغيير في الخطه ولا الاسماء حتى... الدفاع عمره ماكان يعتمد على العناصر...
مارسيلو مانضج الا بعد مالقي المسانده السليمه من بقية زملاءه في خط الدفاع...
وكل الفضل يعود بعد الله الى مورينهو و المنظومه الدفاعيه اللي يستند عليها في الخط الخلفي...

مارسيلو كارفا بيبي راموس

هذه دفاعنا اللي قادر على ايقاف برشلونه تماما... اخطاء فرديه نادرا ماصرنا نشوفها في الموسم..
الكل يتبع التكتيك اللي وضعه مورينهو, وابشروا انكم ماراح تسمعوا اسم مهاجم برشلوني في المباراه...









بلاتيني ماراح يروح بعيد بتحقيقه..هذه الامور فيها لجنه ومايتحكم فيها شخص واحد مهما بلغ كرهه للريال..
الادله غير متواجده ابدا, هو فتح التحقيق فقط وهذه داخله في سلطته كونه رئيس اتحاد..
لكن ماراح يقدر يعاقب اي احد بالايقاف من غير دليل..فيه قانون يتطبق..وهو مو ملك اوروبا يأمر مثل ما يتمنى!

بلاتيني لديه عقده نفسيه..ما ادري ابوه ماحضنه كفايه وهو صغير ولا ايش بالضبط لكن المهم

إن هالرجال داخل وعنده مبدأ غريب...يريد من كل فرق اوروبا ان تكون مستوياتها متقاربه رقميا أو اداءا..
وراح يعمل كل شيء من أجل تحقيق هذا...حقده عالريال طبيعي...لأن الريال يملك 9 و 31..
مايحب يشوفها 10..وقاعد يحاول مع فيار انها ماتصير 10 و 32...

ممكن يكون كلامي عاطفي شويه وغير مبني على دلائل حقيقيه..لكن والله الامر وصل حده خلاااص!!

أجل كل من همس في اذن الثاني في تلك المباراه اصبح مهدد بالايقاف!!

ما عندي شيء اقوله الا it's bullshit