إقتباس الرسالة الأصلية كتبت بواسطة MR.LEGEND أوزيل , يقترب أكثر فأكثر إلى ريال مدريد !

اذا صح الخبر .. يعني فارت اوت ! ..

وزي مااقلت سابقا نحن ماانحتاج الى اوزيل اذا كان عندك فارت الا اذا كان خروج فارت بسعر مقارب لسعر اوزيل طبعا مع تقارب الرواتب او حتى يكون اوزيل اقل وقتها تكون الصفقه معقوله! ..

بالنسبه مااشاهده كثيرا اوزيل وماادققت كثيرا في طريقه لعبه مع انه شدني مع الالمان ! .. ولكن صعب انك تأتي بلاعب مبدع في كأس العالم وتركنه في الدكه ! ..

اذا كان اوزيل من الاعبين القادرين على نقل الكره والاحتفاظ بها ويجيد التسديد وتقدر تعتمد عليه ان الفريق يكون دائر حوله ( لاعب مثل شنايدر تقريبا ) وقتها اقول ان مكانه موجود في الفريق وحتى من الممكن اننا نشاهده اساسي ! ..

بوجوده امام المحورين في طريقه 4-3-3 بيكون صفقه مدروسه ( مع اني مازلت اتمنى جيرارد لانه الانسب والافضل والاكثر خبره لقياده متوسطنا الهجومي ! ) ..

خضيره ( ممادو ديارا )-- الونسو ( غاغو )

اوزيل ( بيدرو ليون او كاكا )

كريس ( دي ماريا او بيدرو ليون ) --- كاكا ( دي ماريا او بيدرو ليون )

هيغواين ( بن زيما )

وقتها تقدر تربط وتقتنع بطلب اوزيل مع وجود الاسماء الماضيه والصفقات الجديده ! .. وقتها بيكون عندك دكه قويه وايضا اسماء مرنه تقدر انك تلعب بالشكل التكتيكي وتغير المراكز بين الاعبين حتى في وقت سير المباره ! .. وهذا الشيء يكون سلاح فتاك اذا كان المدرب الي ماسك الفريق يعرف يستخدمه بشكل صحيح ! ..

بالوسط الماضي تقدر تقول ان الفريق يقدر يغير شكله من 4-3-3 الى 4-2-2-2 الى 4-2-3-1 والى اشكال كثيره على حسب تفكير مورينهو وظروف المباره ! ..

طبعا هذا كله اذا كان اوزيل لاعب يقدر يلعب امام المحورين بطريقه شنايدر تقريبا ! ..
ويااريت من الناس المشاهده والمتاابعه لأوزيل تقوول لنا المراكز الي يلعب بها وطريقه لعب الاعب ! ..



مايكون يبقى اولويه ! .. ولكن في حال طال الامر البرتغالي خيار ممتاز حتى وان كانت مستوياته في نزول ! ..

دفاع الريال كعامه قليل خبره ! .. انت تتكلم عن راموس بيبي غاراي اربيلوا والبيول ! .. اسماء شاابه تحتاج الى لاعب خبير وقائد دفاعي اكثر من انه يكون مدافع صاحب مستوى كبير زي فيديتش او تياقو سيلفا ! ..
في دفاع مطفوق ومتهور وقليل خبره ولكن امكانياته كبيره عشان تطلع كل الي عنده بطريقه ممتازه تحتاج الى قائد اكثر من لاعب ! .. وكرفالهو بخبرته مع المنتخب البرتغالي ولعبه عديد السنوات في تشيلسي مع القائد تيري ( زيد عليه انه قد لعب مع بيبي في المنتخب ) بيكون خيار اكثر من ممتاز سواء من الناحيه القياديه الفنيه او حتى الماديه عشان ينظم خطوط دفاعك ويرفع من مستوى خطك الخلفي ! ..

وبصراحه السنه ذي الريال عاجبني في الماركيتو وطريقه تعامله مع الانديه الي تحاول تستغله بمجرد ان الريال داخل في الصفقه ! ..
صحيح ممكن تضيع عليك صفقات ولكن برضو تخلي الفكر العام ان الريال بيسحب على ام امك لا لعبت بذيلك وحاولت تستغل وهذا زي مااصار مع الصربي كورلاف جزمتك ب 25 مليون بس اجل خله عندك واشبع به وسالفه انك تبي تستغل موضوع الظهير الايسر خلاص بطلنا نقعد على اربيلوا بس اهم شيء مااخليك تستغلني خخخ ..

وذا الشيء بيعطي الانديه فكره انها تتعامل مع الريال بدون استغلال وايضا تخلي الاعبين صدق يشعرون ان قطار مدريد ماايمر الا مره واحده ويبدون يضغطون على انديتهم للأنتقال

همسة " إعذورن على التقصير في اليومين الي راحو بسبب الإستعدادات للسفر,,أنا إن شاء الله راح أسافر فجر الثلاثاء إلى المدينة ومكة وأبها,,,وراح أفقدكم لمدة 10 أيام تقريباً ,, أشوفكم على خير إن شاء الله..

سليم كلمة شكرا والله ماتكفيك شغل حلو الصراحة في الرابطه

بالنسبة للاستفتاء

السؤال الاول :
خضيره لاعب ممتاز جدا وهو مكمل لالونسو وممكن بروز خضيره
بسبب المستوى العالي اللي طلع فيه شفاينشتايجر وممكن نقول
ان الونسو يأدي عمل شفاينشتايجر ويطلع مثل ماطلع بكاس العالم
واهم شي ان سن اللاعب صغير وراح يعطيك لسنوات قدام
ولا ننسى ان سعره منخفض وانك تجلب للنادي المخاطره قليله

السؤال الثاني :
الصراحة صعب تختار وهذا السؤال جلست افكر فيه واشوف ميزة
كل لاعب وعيوبه , الاختيار صعب لكن ممكن يكون سهل لو عرفت المستقبل
لاسانا ممتاز جدا لكن مشكلة النفسيه يعني لاعب تتعب معه اذا نفسيته موب زينه
لكن اذا النفسيه عنده اوكي خذ ولد , التحامات قويه , ويحرث الملعب حرث
محمد ديارا شهادتي فيه مجروحه لان كل مافكرت فيه اتذكر موسمه مع كابيلو
والابداع والشغل اللي كان مسويه , افضل لاعب عندنا يفتك كوره وهذي المهمه المطلوبه
لكن بعد الاصابه اللي حصلت له ما اعتقد انه يرجع لمستواه
جاجو اقل من الخيارات الموجوده في افتكاك الكوره وقوة الالتحامات لكن لمساته حلوه
ويحرث الملعب وتسليمه للكوره ممتاز , وايضا صغير في السن

انا اخترت محمد ديارا لان عمره الكبير والاصابه اللي حصلت له والخوف انه مايرجع لمستواه

السؤال الثالث :
مايكون وظهير يسار اكيد
مايكون افضل لاعب في الظهير الايمن مع سيرجيو , لما تجيب مايكون وترجع سيرجيو
لقلب الدفاع , اذا اوقف مايكون او حصل له اصابه انت عندك ظهير جاهز ونفس مستوى مايكون
ومعناها ضربنا عصفورين بحجر , والاهم من هذا انك تحقق الانسجام بين قلوب الدفاع


هذا اللي عندي واسف على الاطالة

http://www.as.com/video-directo/raul...el-real-madrid


متابعة وداع راؤول مباشر

السلام عليكم
ومساء الخير جميعا

إقتباس الرسالة الأصلية كتبت بواسطة البلانكو10 اذا كان اوزيل من الاعبين القادرين على نقل الكره والاحتفاظ بها ويجيد التسديد وتقدر تعتمد عليه ان الفريق يكون دائر حوله ( لاعب مثل شنايدر تقريبا ) وقتها اقول ان مكانه موجود في الفريق وحتى من الممكن اننا نشاهده اساسي ! .. بوجوده امام المحورين في طريقه 4-3-3 بيكون صفقه مدروسه ( مع اني مازلت اتمنى جيرارد لانه الانسب والافضل والاكثر خبره لقياده متوسطنا الهجومي ! ) .. خضيره ( ممادو ديارا )-- الونسو ( غاغو ) اوزيل ( بيدرو ليون او كاكا ) كريس ( دي ماريا او بيدرو ليون ) --- كاكا ( دي ماريا او بيدرو ليون ) هيغواين ( بن زيما ) طبعا هذا كله اذا كان اوزيل لاعب يقدر يلعب امام المحورين بطريقه شنايدر تقريبا ! .. ويااريت من الناس المشاهده والمتاابعه لأوزيل تقوول لنا المراكز الي يلعب بها وطريقه لعب الاعب ! ..

جهاد
معاك في كلامك كله، بإستثناء النقطة اللي بالأحمر
كاكا وبيدرو ليون ماينفعون في الخانة حقت شنايدر في الانتر أو لامبارد في تشيلسي

الأول
لاحب يحب المساحات والانطلاق بالكورة قبل التمرير، والشيء هذا ماراح يكون موجود في هذه الخانة لأنه بيكون وسط خصمك متكتل حولك، غير إن هذه الخانة تطلب مساندة دفاعية للمحاور بالضغط على محاور الخصم والشيء هذا غير موجود في كاكا إلا بشيء بسيط
والثاني
لاعب جناح تقليدي، مهارة وسرعة وكورات عرضية، وماله في لعب الوسط وتجهيز اللعب وتهدية اللعب وتوزيعه

زي ماذكرت
أفضل من يتواجد في الخانة هذه
جيرراد أو شفانشتايجر ، لأنهم قادة في الوسط والخانة هذه تحتاج لاعب خبرة يقدر يهدي الرتم ويسرعه ويوزع اللعب على الأطراف والعمق، وفوق كل هذا يساند الدفاع

بالنسبة لأوزيل، معوض الخبرة هذه بمهارته
أوزيل للأمانة ماتابعته إلا في كأس العالم الأخير، لكن عندي اصدقاء المان يعرفون اللاعب من يومه في منتخب الشباب الفائز ببطولة اوروبا قبل وكان معاه خضيرة بعد

أوزيل عنده موهبة كبيرة في توزيع اللعب على الأطراف وحتى العمق، وتمريراته متقنة جدا، وشفنا أهداف المانيا ال 16 في كأس العالم معظمها كان هو خلفها
غير اللي ضيعها بودولسكي تحديدا
ميزة أوزيل عن فارت إنه اصغر ولياقته أفضل وتمريراته أدق واخطر والماني تركي جامع بين المهارة والانضباط

قلتها قبل
قدوم مايكون وأوزيل يخليني اجزم أن مورينهو بيلعب بطريقة 4-3-3
لأنه عنده كل الأدوات اللي تحتاج هذه الخطة

فيصل الحايلي

مافي معنى من قدوم كارفالهو في حالة جبنا مايكون
وقتها راموس ماراح يكون له دور ومكان اساسي، وراموس عندي اهم من مايكون وكارفالهو سوى
وبيكون عندنا خمس لاعبين قلوب دفاع
إلا إذا متوقعين إصابة بيبي
فهذا عاد شيء ثاني


سليم

فكرة التصويت فكرة ممتازة جدا، واهنيك انت ورائد تحديدا عليها
واتمناها تتواصل
كل اجوبتي صح ماعادا السؤال مايكون
أرى قدوم خضيرة شيء مهم جدا للفريق، وتكلمنا فيه كثير قبل كذا
اللاعب عنده إمكانية كبيرة للتطور
ولاننسى إنه ماكينة المانية بس تجميع تونسي
اتمنى خروج لاس لأنه الحلقة الأضعف والمشكلجي الأكبر
واتمنى قدوم مايكون مع ظهير أيسر، ومافي حاجة لقلب دفاع بوجود الرباعي اللي عندنا فيهم الخير والبركة

راجعين

للجميع
ابو يوسف

راؤول ودع ريال مدريد بعد 16 سنه من العطاءات و النجاحات التي تحققت للفريق في مؤتمر صحفي في استاد البرنابيو
وداعاً راؤول مدريد



الوادع الأبدي لكابتن ريال مدريد الأسباني بعد 16 سنه في النادي الأبيض
راؤول : وداعاً أسطورة

وداعا راؤول

وداعا قوتي