..


الله حيهم
اول مشاركه لي بالرابطه و ان شاء الله مهب الاخيره .. واحب اشكر عبدالله فلورنتينو على التفعيل






مباراه تخوف كثييير مباراه راح تحدد مستوى الفريق لعده اسابيع جايه و الفوز فيها مهم .. الفريق يحتاج الفوز على نادي له ثقل بالدوري الابطال ومافيه احلى من ميلان للفوز عليه من افضل الفرق بالدوري الابطال اخر سنين و على طول السنين ولا يهمني كيف يجي الفوز بطقطقه بصعوبه بغش اي شي اهم شي الريال يفوز راح تفرق على النادي الاداره اللعيبه انفسهم وطبعا حنا الجماهير و اشوف لو جاء الفوز اقول جيبوا العاشره بس







اشوف انها مباراتهم من اول ما لعبوا مع بعض وبدينا نشوف الونسو اللي يطرب الونسو اسبانيا .. خضيره اول ما جاء نظرتي كانت له بـ انه ما ينفع للريال الا بالابطال .. لانه جسمه ما يوحي انه واحد راعي حرث يعني حطه قدام منطقه ١٨ وشف رجال بس الحين نظرتي تغيرت له بالكامل وخصوصا يوم شفت له لقطه فك سبرنت وجاب كريس ! .. التونسي بكره هي مباراته بس عندي امنيه بأن اليغري يلعب رونالدنيهو خلف مهاجمين بتروح على ابو ضروس .. بالنسبه الونسو ما ابي منه الا ينظف بقايا مخالفات الزلايب ونشوف منه كوره طويله







ناوي احط قلب بس يوم شفت هيجوين هونت خخخخخخ

و دي اقول اني متأكد بأن واحد منهم يجيب هدف بس اخاف انهم ما يكونون بالمود ويفشلونن .. لا بس ان شاء الله راح نشوف هدف من الدون ولا النفسيه هيجوين اللي اتمنى و ودي احط مليون خط تحت اتمنى انه يكون بالمود ولا يضيعنا بـ وقت حاجتنا له .. الدون خلاص اخر المباريات يطمن من ناحتين الاولى من ناحيه الجماعيه واللي تحسن فيها كثير و من ناحيه انهاء الهجمه بس ودي من الدون انه يمزعهم بكوره ويطلع حرتي بذا الزلايب .. بالنسبه لوود بيكر اشوف مستواه مره فوق و مره تحت و ان كان المستوى فوق ياليت نشوف بيدرو اللي توقع انه راح يسوي كل شي علشان يرضي مورينهو حتى لو يوصل درجه انه يشتغل سواق عند مورينهو بس الصدق بيدرو المباراه اللي راحت صحيح دخل اخر الدقايق بس شفناه يحترق ولا فيه هجمه اول ما دخل الكوره انقطعت منه مدري من واحد جنبه وجلس يلاحق اللاعب الين ما قطع الكوره منه .. اوزيل واوك يا ذا اللاعب طرب تتعب وانت تقول طرب يقدم السهل الممتنع يمسك الكوره يمشي برواقه و يسحب معه كم لاعب وفجأه يعطي اسيست مهبووول و ان شاء الله راح يقدم من افضل مبارايته معنا



وبالنسبه للدفاع اتمنى اننا نستمر على قوله افضل دفاع بـ اوروبا لان الفريق الى الان ما قابل عليه الكلام و ان شاء بيبي و كارفا قادرين انهم يكونون حصن منيع < من زمان وبنفسي اقول حصن منيع .. الكدش تطور كثير عن الموسم اللي راح من ناحيه الدفاعيه و ان شاء الله نشوفها لان الى الحين الكدش ما قابل احد عليه الكلام و الود ودي اننا نجرب الكدش عند نافاس هو اللي يعرفه
.. راموس تأكد غيابه و ذا معناه اننا بنشوف اربيلوا اللي بيفيدنا من الناحيه الدفاعيه بس الهجوميه لك عليه بقوه بس اذا جينا للصدق بأقول ما قصر ابد اذا بدع من الناحيه الدفاعيه

نجي الحين لالاسئله


س/غياب راموس هل راح يأثر على الفريق ؟
نوعا ما لان راموس يفرق من ناحيه الهجوميه بس ان شاء الله اربيلوا يقدم المأمول منه
س/ ماهي نقاط القوة والضعف في الفريقين ؟
قوه الريال بالوسط وضعفه للاسف هفوات المدافعين
قوه ميلان بهجومه وضعفه الاظهره و منطقه المحاور
س/ التشكيلة المتوقعة للريال ؟
ايكر
مارسيللو ..بيبي .. كارفاليهو .. اربيلوا
الونسو .. خضيره
الدون .. اوزيل ..دي ماريا
هيجوين
س/ هل تتوقع يكون فيه مفاجأة في تشكيلة مدرب الميلان اليغري ؟
ياليت ينفذ كلامه بأنه راح يلعب بسته مهاجمين لاني احس انها بتروح عليهم
س/ أي الفريقين بوجهة نظرك سيبادر بالهجوم ؟ ومن سيستحوذ على الكرة أكثر ؟
المنطق يقول الريال هو اللي يهاجم والاستحواذ اتوقع يكون لنا ايضا ويساعدنا على ذا الكلام وجود الونسو و اوزيل وخضيره
س/ الأخطاء التي يجب أن يتفاداها الريال للحفاظ على مرماهـ ؟
هفوات الغبيه من الدفاع
س/ نتيجة المباراة ,, ومسجلين الأهداف , ونجم المباراة ؟
اتوقع
٢ .. ١ لنا كريس و خضيره لهم ابرا
س/ هل تتوقع حدوث (كرت أحمر أو ضربة جزاء) ؟
ما اعتقد




وبعد كل ذا الهرج ما اقول الا

دبرنا