السلام عليكم ورحمة الله وبركاته

غريبة مباراة كلاسيكو أوروبا بكرة
والرابطة نايمة
إذا ماشتعلت الرابطة عشان مباراة زي هذه

أجل متى؟؟؟؟؟

نروح للمباراة

مباراة بكرة هي البداية الحقيقية للملكي هذا الموسم
هي البداية الحقيقية لمورينهو

فوزنا فيها يعني أكثر بكثير من مجرد ثلاث نقاط في مجموعة دوري الأبطال
فوزنا فيها يعني إعادة الهيبة للملكي ولو قليل

إعادة الثقة للاعبين
للإعلام
ولنا حنا كجمهور

من زمان مافزنا على فريق قوي، يعتبر من كبار اوروبا
من زمان مافزنا على فريق ايطالي
إن كان على ملعبه أو على ملعبنا

فوزنا يعني العودة
العودة للمكانة وللهيبة
العودة للمكان الصحيح
على الأقل من الجانب النفسي والمعنوي

إذا قدر الله وخسرنا
فخسارتنا لاتعني النهاية
حنا لسه في البداية
وإذا ماقدرنا نبدأ بكرة فإن شاء الله نبدأ بعدها

نروح للميلان

بصراحة فريق عريق وكبير وخبير جدا جدا جدا في البطولة الأوربية
وخبرته هي اللي مخوفتني وراح تسبب لنا مشاكل

المبارتين اللي لعبناها معاهم في العام، كنت متخوف من باتو ورنالدينو وماشلت هم بيرلو وامبورسيني وسيدورف ونيستا
وفي الأخير ماحسم مباراة الذهاب إلا لاعبين الخبرة بيرلو وسيدورف تحديدا
بغض النظر عن هدفين باتو إلا كانوا من انفرادين صريحين

ومباراة الإياب رغم تفوقنا فيها، إلا إن خبرة امبورسيني ونيستا هي اللي حققت التعادل للميلان

فريق الميلان، ولاعبيه ماتضمنهم
حتى في اسؤا مستوياتهم ممكن يطلعون بنتيجة ايجابية
اللي يشوف مباراة الذهاب معاهم حقت العام في الشوط الأول يجزم بفوزنا على الأقل ب 3 أهداف
وفي لحظة بيرلو من تسديدة بعيدة المدى علق كاسياس
وسيدورف بخبرته وهدوءه انهى المباراة بتمريرة انت وضميرك لباتو

طبعا ماقصد من كلامي إن ابرا وباتو ورنالدينو وربينهو مانشيل همهم وماراح يسوون شيء

لكن خبرة لاعبين ميلان هي الخطر الحقيقي على فريقنا
غير كذا وبكل ثقة في فريقي
ميلان مقدور عليه

اللي مريحني ومخليني متفائل
هو داهيتنا
وتعوده على هذا الجو الأوروبي الكبير
وتعوده على اللعب ضد ميلان خلال السنتين اللي راحوا

اتمنى يزرع الثقة والخبرة الموجودة فيه في اللاعبين
يزرع فيهم الحماس والإصرار إنه قادر يطلع بالثلاث نقاط حتى لو كان قدام العملاق الإيطالي

كيف نوقف الميلان

أحلى شيء في مورينهو في العموم
إنه دائما يلعب على نقاط ضعف وقوة خصمه
قبل مايلعب بفريقه نفسه

ميلان حتى الآن ومن خلالي متابعتي له عدة مباريات في الدوري الإيطالي
يعاني دفاعيا
وبالذات من ناحية الأظهرة
ويعاني زي مانعاني من الكورات الثابتة

تركيز مورينهو على اللعب من ناحية الأطراف راح يتعب ميلان كثير، ويفكك دفاعاته تماما، خاصة إن رونالدينو وباتو مايساندون الأظهرة دفاعيا
والأظهرة يتحملون الضغط لحالهم، لأن محاور الفريق مشغولين بتغطية العمق
ولياقة سيدورف وقاتوزو وحتى بيرلو ماصارت تساعدهم زي أول على تغطية الأطراف والعمق في نفس الوقت

ومدربهم المهايطي إذا نزل بوسط بدون بواتينج أو فلاميني راح يتعب فريقه كثير في الناحية الدفاعية

بالنسبة لنقاط قوة الميلان

اولا بيرلو
هو اساس كل هجمات الميلان، مافي هجمة تبدأ إلا من عنده
أوزيل لازم يضغط على بيرلو بشكل مستمر ويخليه في منطقته ووقت مايتخطى وسط الملعب يسلمه لخضيرة
بيرلو لازم مايترك له مساحة للتسديد

ثانيا
التمريرات اللي تسقط خلف أظهرة الفريق
والشيء هذا يتميز فيه بيرلو ورونالدينو
دائما يلعبون الكورة خلف خلف الظهير لباتو المتقدم

والشيء هذا لازم ينتبه له مارسيلو مع مساندة من كارفالهيو

ثالثا وأخيرا

مؤخرا صرت الاحظها في طريقة لعب ميلان وهي الكورات الطويلة المرسلة لإبرا واللي يهيأ الكورة بصدره أو برأسه إما للقادمين من الخلف أو للمهاجمين اللي بجمبه

الحل اشوف، إن بيبي لازم يراقب ابرا كظله وبالذات في الكورات العالية

فريقنا قادر على الميلان
فريقنا وفي جميع مبارياته السابقة، كان هو اللي فارض أسلوبه وسيطرته على الفريق المقابل سواء كانت المباراة على أرضنا أو أرض خصمنا

اتمنى تستمر السيطرة وفرض اسلوبنا على الميلان
واتمنى يستمر استخلاص الكورة بدون اخطاء، الميلان يملك بيرلو ورونالدينو المميزين جدا في الكورات الثابتة

كل الفريق عليه عبأ كبير بكرة ولازم يكون تركيزهم في التوب
من كاسياس لهيقوين

بس بالذات مارسيلو والونسو وخضيرة لازم تركيزهم يكون 200%

كريس
العام حرمنا منك في مبارتين الميلان
وهذه مباراتك، فورمتك عالية جدا واتمناها تستمر لبكرة

هيقوين
طلبتك أنهي أسطوانة لاعب المبارايات الصغيرة
العب ضد الميلان كأنك تلعب ضد ملقا وخيتافي
لا تتفلسلف ولا تتأنن
وجرب تسدد، حارس مثل ابياتي مقدور عليه



اسئلة
عاشق الفيلسوف
برد على الأسئلة اللي ماتطرقت ليها في ردي اللي فوق


س/غياب راموس هل راح يأثر على الفريق ؟

من الناحية الدفاعية ماعتقد
لكن من الناحية الهجومية للأسف نعم
لازم كريس ودي ماريا يشعلون الجهة اليمين بالتناوب
ومايصيرون مع بعض
لأن أبو كدش يحتاج مين يسانده في جهته عشان باتو

س/ ماهي نقاط القوة والضعف في الفريقين ؟

قلتها فوق

س/ التشكيلة المتوقعة للريال ؟

نفس تشكيلة ملقا بالضبط

س/ هل تتوقع يكون فيه مفاجأة في تشكيلة مدرب الميلان اليغري ؟

ماعليك منه مهايطي وماعنده سالفة بيلعب بنفس تشكيلة مباراة ميلان الأخيرة
بإستثناء إن بواتينج محل سيدورف

س/ أي الفريقين بوجهة نظرك سيبادر بالهجوم ؟ ومن سيستحوذ على الكرة أكثر ؟

أكيد الريال

س/ الأخطاء التي يجب أن يتفاداها الريال للحفاظ على مرماهـ ؟

قلتها فوق

س/ نتيجة المباراة ,, ومسجلين الأهداف , ونجم المباراة ؟
إن شاء الله 3-1

كريس 2، منهم كورة ثابتة
والثالث أوزيل

وهدفهم باتو

س/ هل تتوقع حدوث (كرت أحمر أو ضربة جزاء) ؟

يمكن زامبورتا

يعطيك العافية على الأسئلة
ياميلودي الرابطة

أرجع وأقول متفائل جدا ولله الحمد
وإن شاء الله فوز بثلاثية


راجع إن شاء الله مع النقاشات

للجميع

ابو يوسف

هالخبر في موقع OFM
يقولون ان زيدان بينظم للطاقم التدريبي للريال

ترجموه اذا تبونه

Real Madrid Set to Name Zinedine Zidane as Part of Bernabeu Coaching Staff | CaughtOffside

أخر تدريباتـ قبل المباراة

































الاعصاب زفت يابو يوسف مهو وقت تحليل

خله تعدي هالمباراة بس بخير لانه اهم مباراة بهالموسم

الله يستر بس

إقتباس الرسالة الأصلية كتبت بواسطة ابن الخطاب هالخبر في موقع OFM يقولون ان زيدان بينظم للطاقم التدريبي للريال ترجموه اذا تبونه Real Madrid Set to Name Zinedine Zidane as Part of Bernabeu Coaching Staff | CaughtOffside

يا اخي غير انك فاتح فرع للرابطة باحد الاقسام جاي تشوش المعلومات بعد


زيدان بيكون حلقة الوصل بين الرئيس ومورينهو وراح يتابع الفرق السنية للنادي .. راح يكون المعاون الخامس بالتمويه يعني مو على الدكة وشغل ترزز دوره اشبه بالخفي على حد علم ابو فتكاتي

ابو يوسف

المشكلة انه على تفاهم بيبي وكارفيلهو نجد خلل بالخط الخلفي بالعرضيات واللي يتحمله حسب ردك الاخير بعد لقاء السبت حسب ما فهمت منه بيبي .. طيب اذ استمر الاقرع بكل لقاء يخرج عن التركيز ويبدأ بترك الفراغات مصيبه خلينا نقول ما كنا متقدمين وحصل هالشي بنتوهق صدق .. ولهذا ادارة الريال غير مستعجله بالتجديد معه لان اللاعب يفقد التركيز بدون سبب احيانا واعتقد انه هو اللي يستاهل يكون 200% التركيز من غيره

بكل اللي قريته عطني رأيك والشباب لا يهونون بعد



توقعاتكم لنتيجة اللقاء الحلوين اللي تحت من زمان ما شفنا ردود شاركونا شوي الكتابة ممتعه ومفيدة لتحريك الدورة الدموية

, ‏فتـى بريده, ‏مملكة الريـال, , ‏عاشق مدريد, ‏$$البرنس$$, ‏متيم زعيم القمة, ‏الخبراوي, ‏كويتاوي كوول, ‏MR.LEGEND, ‏البلانكو10, ‏هلالي والكل يشهد, ‏حـآيـلــي, ‏V . NISTELROOY, ‏~| A z ! z |~, ‏مجنونـ شنآيدر, ‏أبوصالح الهلالي, ‏|| Hopeful ||, ‏[ T H A M E R ], ‏ABO SANAD, ‏مدريدي جداً, ‏King Aziz, ‏Ali-9-Hilal, ‏azuss, ‏Ro7 Madrid, ‏L๏véЯ мađяid, ‏Night$Wolf, ‏Madridi Moot, ‏زيدان العمار, ‏زيـــ 10 ــزو, ‏ml7oos-8, ‏ஜ ₣ ฮ เ ṥ λ Ŀ ஜ, ‏aqaba2009, ‏Lover Royal, ‏هلالي مدريدي من قدي, , ‏ღ هلالي مدريدي ღ, ‏ابو محمد2009, ‏AS CAPITANO, ‏سامي الجابر 999, ‏rashid-7, ‏فـابـري, ‏C.RONALDO.9, ‏al-qnnas-20, ‏الكوكب الازرق, ‏MADRID CF, ‏MαsterMind, ‏عاشق s.ramos, ‏Hala Madrid, ‏زعـ(الجبيل)ـيم, ‏GALACTICOS, ‏iker, ‏مسافر بسيكل, ‏Madrid Wolf, ‏X.ALONSO, ‏ابو جود 44, ‏RaYaN kSa, ‏Keiko, ‏~HAMADAH~, ‏الهلالي المدريدي, ‏the&&loRd, ‏ღking madridღ, ‏NeNNa, ‏معاذالهلالي, ‏RaFa NaDaL, ‏عاشق الغواصات, ‏رقم واحد الهلالي, ‏العيون الإيطالية, ‏Iker4ever, ‏مدري..


عالطاري :: مبروك الصدارة يا ملوك بعد تعادل فياريال .. عساها لاخر الموسم قولوا امين

إقتباس المشكلة انه على تفاهم بيبي وكارفيلهو نجد خلل بالخط الخلفي بالعرضيات واللي يتحمله حسب ردك الاخير بعد لقاء السبت حسب ما فهمت منه بيبي .. طيب اذ استمر الاقرع بكل لقاء يخرج عن التركيز ويبدأ بترك الفراغات مصيبه خليني نقول ما كنا متقدمين وحصل هالشي بنتوهق صدق .. ولهذا ادارة الريال غير مستعجله بالتجديد معه لان اللاعب يفقد التركيز بدون سبب احيانا واعتقد انه هو اللي يستاهل يكون 200% التركيز من غيره بكل اللي قريته عطني رأيك والشباب لا يهونون بعد

يا سلام عليك

على كثر ما فرحت بـ انتقال كارفاليو انه راح يشكل ثنائي خرافي مع بيبي
وعلى كثر ما تفائلت ان بيبي يستفيد من فترة لعبه مع بورتو والبرتغال

قلت خلاص هذا افضل ثنائي راح يمر على الريال بعد ايام هليجرا وهيرو في ايام عزهم

المهم .. في اخر ثلاث مباريات بالضبط واللي هي بداية من لقاء اوكسير في فرنسا
بداءة تظهر عيوب بيبي منهو الخشونه الزائده وترك مساحات خلفه وكارفاليو تعب
وهو يغطي مكانه , بيبي لاعب غريب يجيك مباراة تقول من افضل مدافعين في العالم
وفي مباراة تقول من اسوء المدافعين , مسئلة تجديد العقد او لا فـ انا مع الاداره
بصراحة الراتب اللي طلبه بيبي كبير جدآ , والاداره بتقيم هالموسم اذا كان يستحقه او لا


في مباراة الميلان اخاف من ثلاثه

الاول .. مارسيلو لاتغركم المستويات الاخيره ماهي اختبار وان شاء الله يرد علي
الثاني .. بيبي ماتدرون يمكن يسوي حركه تقتل ام الفريق وينهي اللقاء على الريال
الثالث .. هجواين اتمنى انه يوفق واي فرصه يستغلها صح ويترك بصمه في لقاء القمه

واخيـــــرا ميلان ! .. ماابغى يجي يارجل خخ ! ..

احد اهم المباريات الي انتظرها طول الموسم مع مباريتي البرسا وزيد عليها دور ال 16 ! ..

فيني نار وغل وقهر من السنه الماضيه ! .. وعندي نيه السماح والعفو الكبيره لهيغواين في المباره هااذي خخخخ ! ..
هذا كله كوم وظروف المجموعه ونقاطها كوم ثاني ! .. الفريق مبتعد بنقطتين عن الميلان وفوزك يبعدك 5 عنه وتصير متصدر ب 9 وشبه تظمن التأهل تعادلك بيرجع المنافسه وخسارتك بتلخبط لك الدنيا كلها ! ..

مباره الغد الامتحان الحقيقي للريال ولمورينهو ! .. اذا فزنا فأننا بنكسب اكثر من 3 نقاط ! ..
ثقه الفريق بنفسه وثقه مورينهو بالفريق وثقه الجمهور بالاثنين ! ..
عاد اذا خسرنا لا سمح الله ! .. فأننا بنرجع ثاني لنقطه البدايه ونحاول نثبت انفسنا الين تأتي مباره البرسا او ميلان تاني ! ..

عشان كذا الفوز بكره مهم من جميع النواحي ! .. النفسيه والمعنويه والنقاطيه والهياطيه والجنسيه وكل حاجه يارجل خخخ ! ..
فوز مهو عشان نثبت لاحد شيء او اننا نعتبر فوزنا اكبر من انه فوز فقط ! .. الا فوز لأنفسنا ولزرع الثقه لنا ! .. ولا نحن ماعندنا حاجه نثبتها لأحد بس عندنا حاجه نبي نثبتها لانفسنا خخ ! ..
عشان كذا حنا فريق نفسيه وكله امراض نفسيه ومشاكل معنويه خخخخ ! ..

الميلان كأسماء يخوف ! .. لكن كتركيبه وكمنظومه مهو بحجم اسمائه ! ..
عشان كذا اذا فيه خوف عندي فهي الخوف من بعض الاسماء المتواجده في الميلان ! .. وبأختصار وبدون هياط الخوف ابد لا هو من بيرلو ولا من ابرا ولا من روبي ولا من باتو ! ..
الخوف بس من الظرس خخخ ! .. وعلى قوله فهد اذا فت فت واذا فلها فلها ومافي احد زي الظرس اذا دق كورته صح فهو دقها خخ ! ..
صحيح الظرس مهو بمستواه وصحيح انه يتحجر ولا تشوف له نفس في مباريات الميلان الكبيره ! .. بس اذا لعب ضدنا احس انه تجيه الجنيه الي كانت معه في برشلونه خخ ! ..
عشان كذا لازم الظرس ذا يتحجر صح قبل كل شيء خخ ! .. ويااريت كمان ان ماايكوون الي بيحجره راموس لاني ماادري بس احس راموس متعقد من رونالدينهو خخخ ! .. يعني لو نجيب له الصبياني ونلبسه تي شيرت الظرس راموس يجيب العيد خخ ! ..

عشان كذا الظرس لازم يتحقط ويتحجر ويعرف ان الله حق خخ ! .. والباقي بأذن الله هين خخ ! ..

املي كبير في الله ثم في مورينهو ! .. وعندي ثقه كبيره اذا كان الونسو وخضيره في يومهم من الناحيه الدفاعيه والهجوميه فبأذن الله الوضع بيكون في السليم والفوز بيكون من نصيبنا ! ..

ودي اختم الكلام لاني قاعد اكتب رد سريع وبأي افكار تجي خخ عشان الامتحان ! .. بس ماانقدر نسحب على نقاش علي ! ..

س/غياب راموس هل راح يأثر على الفريق ؟

غياب راموس مؤثر اكيد ! .. بس في مباره الغد كأحساس احسه حاجه تنحسب لنا اذا كان بيقابل الظرس خخ ..
ودنا بمدافع يقابل رونيي بمستواه الحالي ! .. مهو بمدافع عدا عليه روني الخرافي خخ ! ..

س/ التشكيلة المتوقعة للريال ؟

نفس تشكيله مباره ملقا ! ..

س/ هل تتوقع يكون فيه مفاجأة في تشكيلة مدرب الميلان اليغري ؟

ابد مهايطي كذاب خخ ! .. بيدخل بنفس المعتاد الا كمان بيكون متحفظ ! ..

س/ ماهي نقاط القوة والضعف في الفريقين ؟

الميلان : نقاط قوته خبره لاعبينه واسمائهم اما الضعف فهو دفاعهم الفله خخ ..

الريال : نقطه قوته خبره مورينهو وتاريخه مع الميلان اما الضعف الامراض النفسيه حق الفريق خخخ ..

س/ الأخطاء التي يجب أن يتفاداها الريال للحفاظ على مرماهـ ؟

الكور العرضيه ! .. الاخطاء السامجه الي قريب المنطقه ! .. والتسديد من خارج المنطقه ! ..
وزيد عليها الانتباه لكور الظرس الي بخلف المدافعين ! ..

س/ نتيجة المباراة ,, ومسجلين الأهداف , ونجم المباراة ؟
مع اني ماعرف اتوقع ! .. ولكن يارب فوز للريال بنتيجه 2-0 ( طبعا الامنيه اكثر ! ) ..
رونالدو ! .. واحد من المدافعين ! ..

س/ هل تتوقع حدوث (كرت أحمر أو ضربة جزاء) ؟

ضربه جزاء اتوقعها لنا ( دي ماريا رونالدو اوزيل بيمهارتهم يقدروا يسببوا بلينتي ! ) .. كرت احمر متوقع بصراحه بس بيكون للفريق المهزوم خخ وخاصه انه عندنا وعندهم خير امثال بيبي وغاتوزو خخ ! ..

عموما كل التوفيق للريال ولي ولكم خخ ! .. ومعليش على الرد الطويل بالافكار الملخبطه بس وش نسوي عجاله ورانا امتحان بكره ( دعواتكم ) ..