قسم بالله يا دعس دعسه بالهدف السادس جاني خوف مدري ليه ! .. دف الكوره دفه و جاي من ورا المدافع
و يسقط عليه و ينتف الثاني و يعلقها ! .. يا حظنا جد يا حظنــا
ماني مبارك بالفوز قد ماراح ابارك برجعة الدون للتهديف و المستوى الي يطربك و يخوفك !
الي قهرني الانفراده الي نتف الحارس و شاتها جمب العارضه .. ولا كان هاتريك .. يالله لاحق على التمزيع !
فيه لقطة لكريس ماني متأكد متى .. بس الظاهر من الدقيقه 80 و فوق ! .. ناسي الصدز !
يوم يشوته المدافع و يطالع في الحكم ! .. شاف الحكم مزلب على اساس انها كانت تسلسل ! قفلت و ضرب الارض بقووه
و مشى يلعن و يسب @ .. العيال عبدالله و عزيز.. اذا كنتو مسجلين المباره جيبوها بالله ..
لقطة شوتة المدافع للدون و ضربته للارض بعد ما الحكم سحب عليه !
,
يا هيبتك ياخي !
كرش هالعلوج < قديييمه علوج .. و شفنا كريس يلعب و يحترق و بفايده و باين انه مرتاح من الضغوط
الي اثرت عليه من قبل ! .. نشوف هيجو الي قبل مباره وحده بس مسطح كوره بنفس الطريقه الي سجل فيها !
الفريق كآمل مرتاح و ما عليه اي ضغوط ! .. تكفى لا عاد نشوف مؤتمر واحد ولا صور تدريبات كم مطش كذا
منه نشتاق للفريق و منه يتربون هالتسلاب !
,
يكفيني من المباره كامله الهدف الثالث و السادس ! .. مجرم وربي !
الف مبروووووووووك الفوز
والمستوى
والأهداف
وإن شاء الله نبارك لكم كثير في المباريات المقبلة
فريق قبل المباراة يسجل ستة أهداف في خمس مباريات
ويرجع يسجل ستة ثانية في مباراة واحدة
السر كله في خط الهجوم
تكلمنا كثير قبل، إن فريق مورينهو الحالي، متماسك دفاعيا بشكل كبير والدليل هدفين فقط في ثماني مباريات (منها هدف من كورة ثابتة)
وسطه ممتاز الدفاعي والهجومي
والدليل كثرة الوصول إلى مرمى الخصم بمعدل خورافي
لكن كانت مشكلته في العقم الهجومي
والحمد لله نقدر نقول إنها فكت أمس ولو مؤقتا
متفين بعد
إن مشكلة كريس وهيقوين بالذات هي نفسية ومعنوية اكثر منها فنية
كريس يفرق كثير إذا سجل هدف من بداية المباراة أو لعب كورة خطرة
نشوفه لاعب خورافي لبقية المباراة
هيقوين نفس الشيء، تضييعه للفرص سبب له أزمة، وثقة مورينهو فيه وتفضيله على البنز اللي يمدحه مورينهو
ضاعفت الضغط على هيقوين عشان يسجل
حلو إن كريس سجل امس، ويالذات هدفه الثاني بيفرق كثير معاه
ووالله كنت اتمنى مواجهة ميلان الأسبوع هذا بعد فورمة امس قدام الديبور
هيقوين امس، من زمااااان ماشفته يلعب للفريق اكثر مايلعب لنفسه
مصلح هدفين وجايب هدف، ماشفنا فلسفته، ولا انانيته اللي متعودين عليها
لاعب للفريق
واما لعب للفريق
فرق كثيييييييييييييييييييييييييييييييييييييييييييييييييير
اتمناه يواصل على كذا
المباراة بإختصار
كعادة ريال مورينهو مؤخرا ضغط مباشر على الخصم في ملعبه
بداية من دفاعه بهيقوين وكريس ودي ماريا
لين وسطه بأوزيل وخضيرة والونسو
والحمد لله استمر استرجاع الكورة بدون اخطاء وهذه ميزة صعبة جدا نلقاها في أي فريق
طبعا مستوى الديبور السيء ساعدنا كثير في فرض سيطرتنا المطلقة على المباراة
ماقد شفت الديبور بهذا السوء
لكن ماننتقص من مستوى الريال (زي ماحاول يسوي سيء الذكر ايمن جادة طوال المباراة)
بالنسبة لي نقطة السر في مباراة امس
هي التحرك بدون كورة للاعبين
لاحظنا في لاعبينا طوال المباريات اللي راحت، محد يتحرك إلا بدفة والا بريموت
فنلقى اللاعب اللي معاه الكورى يمشي بالكورة كثير ويحاور كثير
وبالذات دي ماريا وكريس
لكن امس دي ماريا كل مامسك كورة تحرك له راموس وهيقوين وكريس وأوزيل ومعاهم خضيرة وكلهم فاتحين خانات صح
فما يحتاج يحاور ويضيع الهجمة
نفس الشيء بالنسبة لكريس في ناحية اليسار مع مارسيلو وأوزيل والونسو وتحديدا
تحرك الثلاثي الهجومي باستمرار وتغيير الخاانات بينهم يتعب أي دفاع متكتل، خاصة إذا كان فيه تحرك هجومي على الأطراف
مستوى أوزيل ودي ماريا تحديدا بالأمس ممتاز جدا، واضح إن مشكلتهم كانت الإرهاق، واما ارتاحوا 4 ايام ابدعوا وبالذات الألماني
أحسن شيء اما تلعب ضد فرق صغيرة انك تحطمها بهدف أو هدفين في أول عشر دقايق
عشان تندمر ثقتهم تماما ويفتحون الملعب وتنهي المباراة في شوطها الأول زي ماصار لنا امس
وزي ما الفرق الكبيرة عادة تسوي الشيء هذا وخاصة على ملعبها
قبل مانسى
الفريق كله كان نجوم أمس
لكن الونسو
امس كان غيييييييييييييييييييييييييييييييييييييييييييييييييييييييييييييييييييير
بعده يجي مارسيلو وبيبي
وبعدين باقي الفريق
بغض النظر عن تعادل البارسا
فوز امس ولله الحمد كان له فوائد كثير
منها
دفاعك مازال أفضل دفاع في الليجا
سجلت نتيجة فوز هي الأعلى حتى الىن في الليجا
عودة كريس وهيقوين للتسجل
أوزيل وأول هدف للفريق
هيبة الفريق المحلية تبدأ ترجع
معنوية ونفسية اللاعبين قبل المدرب تكون افضل والثقة عندهم تكون أكبر وبالذات كريس وهيقوين
التحرك بدون كورة، اتمنى يستمر لأنه كان ممتاااااااااااااز
عقلية مورينهو بدى يتشربها اللاعبين اكثر واكثر
لمورينهو وللريال
مباراة ميلان بعد اسبوعين
هي الاختبار الأول الحقيقي للفريق
وإن شاء الله متى ماواصل الفريق فرض اسلوبه على الخصم، واسترجاعه للكورة، والتحرك بدون كورة، وصحوة المهاجمين
مع مورينهو إن شاء الله بناكلهم اكل
وبتكون مباراتنا معاهم في مدريد
هي الانطلاقة الحقيقية للفريق
أبو أصيل
نعطيك 3 درجات مشاركة على الجدول
حلو إن جدول الريال جدول تصاعدي
بحيث الفريق يتعود على بعضه وعلى تكتيك مورينهو، وبكذا يتحسن المستوى تدريجيا
لين مقابلتنا الفرق الكبيرة نكون وصلنا إن شاء الله للمستوى المأمول من الإنسجام
مبروووووووك الفوز متعه وطقطقه وتلزيخ وشغل حلو , قلنا لكم اصبرو الاهداف بتجي بس موب على طول بتجي بشكل تدريجي لكن الـ مو والاعبين قالو لا بنجيبها على طول بمتش واحد خخخ كريس + بيبيتا ولكم بآآآآآآآآآك رجعت القوه الهجوميه وبرجعتهم سجلنا 6 اهداف , يالبيه بس , دفاع الديبور ما يدري وش يسوي كل شوي تجيه هجمه من جهه وكل هجمه من لاعب هههههههه لعب جماعي وكوره سهله هذا الي نبيه , عطونا ميلن بس .
افضليه المتش اعطيها لبيبي الجد ما قصر واطلق رد ممكن ترده على الصحافه الي بتخليك تطلع من الفريق , مستوى مجنون وغمت وكتم ودعس كل شيء سواه المجنون امس وما انسى الدون والونسو ومارسيلو وهيجواين وراموس < من بقى ههههههههه الجد الفريق امس كله بطل بس الافضليه لبيبي مثل ما قلت .
شفتو السان بالانفراده متعوده دآآآآآآآآآآيما
حقون الصور المتحركه من بيضبطنا بالدقيقه 66 يوم يدخل فزاع جابو اللقطه على مشجع يصفق والزقاره بخشته هههههههه ابي اللقطه لحالها لا يطلع فزاع فيها .
كارفالهو ههههههههههههههه ما قصرت يا بطل اول واحد يذوق العشب الجديد
سليم ما اتفقنا على كذا ؟ محرر على طول قايلك بتسوي لي حفله وهيصه وشراب وفله وعصير الربيع
زيد , مبروك التحرير و عقبال ما تطيّر سليم خخخخخخخ ..
إشتقنا والله يا ريّس ..
/
‘ كاسياس أفضل حارس في كأس العالم 2010 ’
- حصل كاسياس على جائزة أفضل لاعب في مونديـال جنوب أفريقيـا .. - الشخصيات المدريدية التي حضرت الحفل هم ‘ دي ستيفانو / فالدانو / بوتراغينيو
- ميغيل بارديزا / سانتاماريا / هوجو سانشيز / موراليس / ألفونسو ’
- تحدثّ الحارس الإسباني عن الفرق بين بيلجيريني و مورينيو عندما سُئل في ذالك ,
و قال :" إنهم مُختلفون ! كلٌ له شخصيّته , و نحن نتعلم من كُل من يدرب ريال مدريد "..
- و تحدث عن التدريبات خلف الأبواب المُغلقة لـ يومي الخميس و الجمعة , فقـال :" إنهُ الأفضل بالنسبةِ لنا , حتىَّ لا تكون لدينا أيّ مشاكل "..
يالبى طقطقة مورينهو ياناس ..
تحس لها طعم ثاني .. مافيه متعه فعليه .. فيه مسك كورة وطقطه في العمق وفك شفرات بـ خبث
المو مايدور عن المتعه اللي يبيها جمهور البرنابيو النايم .. المو يبي يقدم متعة للي يدققون في تفاصيل اللعب
امس شفنا الريال يدافع بـ مجموعة وحده ويهاجم بـ نفس المجموعة وفي نفس الوقت . دي ماريا امس اثبت لنا
انه موب سلقه ماتشوف الا قدام امس يرجع ويزاحم ويقطع الكورة ويسلمها للمحور ويفتح مساحات سوا كل شيء ,
الونسو طرب والله امس حسيت بـ قيمة المحور الحقيقي , روقان في نص الملعب توزيع كور يمين ويسار
ورتم المباراة كان تحت يد الونسو متى مابغى يرفعه رفعه ومتى مابغى يقتل اللعب قتله
البوقاتي امس احسن مافيه انه كان واقعي وقدم مباراة بالشكل المطلوب سجل وساهم في تسجيل زملائه
هيقوين للحين مو خوينا لكن تحسن من الناحية الجماعية وصار يلعب للمجموعة والشيء هذا اكيد كان
من تبعات كرشة مورينهو للصحفيين اللي كانوا محملين الطعس والمغرور اكثر من طاقتهم .
امس كانوا هادين لـ ابعد درجة ويلعبون بـ راحه وتحس انهم مطلقين الضغط بالثلاثه
استمر يامورينهو مابي اشوف ولا تسلب يحظر تمارين فريقنا ,
كارفالهو كان جيد امس مدري ليه بعض العيال شبوا عليه .. الخطاء اللي سواه كان اجباري عليه
موب مثل بعض المدافعين يخطون بـ دلاخه .. مثلا يجيك مدافع مسوي انا الموهوب اللي بـ اسحب بالمهاجم وتنقطع منه وتجي هدف
كارفالهو ماكان يقصد يفرد عضلاته . الكورة طالعت عليه وحاول يرجعها لـ ايكر لكن عشب البرنابيو كان بالمرصاد مثل ماقال زيد
مورينهو متعودين منه انه دايم يصعد لـ فوق يعني اداءنا امس بنشوف افضل منه في المباريات القادمة .!
لوران بلان غاضب من بنزيما ولاس بعد تأخرهما عن الالتحاق بمعسكر المنتخب الفرنسي !
ترجمه : Hala Madrid - شبكه الزعيم ( رابطه ريآل مدريد ) .
انتقد مدرب المنتخب الفرنسي لوران بلان كل من لاس ديارا وكريم بن زيما بعد تأخرهما عن الانضمام الى تدريبات المنتخب الفرنسي , وكان بن زيما هو الاكثر انتقادا من بلان حيث علق المدرب : بن زيما لم يلعب مع فريقه امس وكان من الواجب حضوره الى التدريبات باكرا , التدريبات تأخرت من 11:30 صباحا وحتى 12:30 ولو جعلنا التدريبات تتأخر حتى 2 من ظهر اليوم لكان هناك المزيد من التأخير من بعض الاعبين .
الاعبين أكدو بأن سبب التأخير هو الطائره التي كانت ستنقلهم الى معسكر المنتخب قد أقلعت قبل وصول الاعبين , العذر لم يقنع بلان حيث أصر على انه كان من الواجب على بن زيما الحضور مبكرا للمطار لانه لم يلعب مع الفريق .
بلان اكد بأن المشكله ستحل داخليا في المعسكر , وعلى الرغم من وقوع الحادثه الى ان بلان لن يستبعد بن زيما من المنتخب الفرنسي حيث ان المنتخب يعاني من غيابات كبيره منذ نهايه كأس العالم , فرنسا ستواجه لوكسمبورج ورومانيا في التصفيات المؤهله لامم اوروبا .
خلال لقاء الامس : ريآل مدريد سجل 6 اهداف من 18 فرصه !
ترجمه : Hala Madrid - شبكه الزعيم ( رابطه ريآل مدريد ) . الخبر للصحفي : E.Fdez
بعد المشاكل الهجوميه خلال الاسابيع الماضيه لريآل مدريد الى ان الفريق استطاع خلال لقاء البارحه من تسجيل 6 اهداف من 18 فرصه محققه للفريق , في المباريات الماضيه لم يستطع الفريق من 105 فرص محققه الى تسجيل 6 اهداف .
وينعكس هذا التقدم ايضا على كريستيانو رونالدو الذي استطاع تسجيل هدفين ضد ديبورتيفو لاكورونيا , رونالدو سجل هدف وحيد من ضربه جزاء ضد سوسيداد الى ان اهدافه بالامس قد احدثت تغير في فاعليه الاعب التهديفيه حيث كانت في السابق 1,56 % وتقدمت الى 28,5 % .
بالاضافه الى ذلك ريآل مدريد هو اعلى فريق في الدوري الاسباني يسدد على المرمى حيث وصلت عدد التسديدات الى 123 تسديده متفوقا على برشلونه واشبيليه 44 تسديده فقط !
الاس تؤكد بأن تكتيك مورينهو أمس كان مثل : الجريمه !
ترجمه : Hala Madrid - شبكه الزعيم ( رابطه ريآل مدريد ) . الخبر للصحفي : P. P. San Martín
اثناء مباراه الامس قام مورينهو بعمل تكتيك خاص استطاع من خلاله الفريق سحق ديبورتيفو لاكورونيا بـ 6 اهداف تناوب على تسجيلها كريستيانو رونالدو هدفين , ودي ماريا وهيجواين واوزيل , وزي كاسترو بخطآ دفاعي قاتل .
ديبورتيفو خلال اللقاء لم يستطع عمل اي شيء يذكر ضد فريق متعطش للتسجيل , كان لاعبو ديبورتيفو يلعبون بأستحياء على ارضيه السانتياغو برنابيو .
مورينهو من خلال تكتيكه كان الفريق يلعب ككتله واحده في الهجوم والدفاع , حيث كان هناك 5 أو 6 لاعبين في الهجمه الواحده لريآل مدريد استطاعو من خلالها حصار ديبوريتفو في منطقتهم ,
راموس ومارسيلو كان لهم دور هجومي كبير ومسانده كل من كريستيانو رونالدو واوزيل ودي ماريا , قدمو الحلول والكرات الذهبيه للمهاجمين , ريآل مدريد لعب بالطريقه الاساسيه اللعب على الجناحين من خلال دي ماريا ورونالدو واوزيل في العمق عندها انهار ديبورتيفو تماما ولم يستطع لوتينا من عمل اي شيء لمساعده فريقه , علاوه على ذلك كان لاوزيل وهيجواين دورا كبيرا في تبادل المراكز مع دي ماريا ورونالدو حيث اصابو دفاع ديبورتيفو بالجنون , الخطآ الكبير هو قيام دفاع ديبورتيفو باللعب على كشف التسلل منذ بدايه المباراه لكنه لم يجدي نفعا ضد الهجوم الكاسح من ريآل مدريد .
في بعض فترات المباراه رأينا راموس ومارسيلو كمهاجمين , جعلت الكابتن مانويل بابلو مدافع ديبورتيفو يفقد اعصابه كثيرا ضد لاعبي فريقه , مورينهو اختار التشكيله المناسبه مع التوظيف المناسب للاعبين , لذلك نستطيع القول بان تكتيك مورينهو في لقاء الامس كان مثل الجريمه ضد ديبورتيفو لاكورونيا .
! .. دف الكوره دفه و جاي من ورا المدافع
.. يالله لاحق على التمزيع 
هيجوين قدم مستوى وجماعيه حلوووه منه 
.. 
امس يرجع ويزاحم ويقطع الكورة ويسلمها للمحور ويفتح مساحات سوا كل شيء ,
الوضع العادي
