انتظرت الين موضوع هيغواين يخلص هنا..لكن ماشاءالله عليكم ماتطفشون من الكلام حوله..

مو مشكله الانتقاد..لكن المشكله في السب والتسفيل في اللاعب وكأنه فاغنر لوف..!
ماعمري بصراحه قد شفت جماهير تقلب على هدافها بالسرعه هذه..ماعمرها صارت حتى مع الحسن اليامي..

انتقد على عيني وراسي...لكن هذا مكان عام..السب واللي يصير بخصوص هيغواين كل مره ابدا مو مقبول في رابطه محترمه مثل هذه..


عموما عندنا موضوع أكبر بكثير من هذا..ومباراه صعبه منتظره اليوم...


اوكسير مثله مثل أي فريق متوسط ثاني يقابل الريال...أقصد يقابل الريال على نهائي كأس الابطال..!
راح نشوف منه قتال على الكوره ماعمر ام جماهيرهم شافته من فريقهم...ولعب وتنظيم في الخطوط
ما أتوقع إنه بعيد عن اللي شفناه من ليفانتي... لأنه هذه الفرق ماعندها شيء تخسره
لكن عندها الكثير عشان تكسبه من هذه المباراه...فـ التعادل مثلا امام الريال وفي دوري الابطال ترى شيء كبير بالنسبه لهم..


أتوقع مباراه مقرفه من الفريق الفرنسي...وراح نشوف لعب يطفش من جد ولعب قذر منهم وكله عشان نقطه...
لأني ما أخفي عليكم إني متطمن على الدفاع...لكن قلق على مقدرتنا على تسجيل الاهداف في مثل هذه الظروف..



البدء بـ بينزيما شيء ممتاز ويعطي اشاره لـ بقية لاعبي الاحتياط إنه المجتهد راح يلعب...
لكن نبدأ فيه بدل هيغواين..؟ ما أتوقع..لـ بعض الاسباب اللي اشوفها تصعب مسألة وجود هيغواين احتياط والبنز مهاجم لوحده في الامام...


أنا ما أشوف إن مسألة حط هيغواين على الدكه عشان يتربى حل لـ هيغواين.. ولا هو علاج لـ غروره اللي طالع فيه هاليومين..
بالعكس أشوف تواجده بالهجوم شيء مهم له ولنا...فـ هذا هدافنا واحنا نعرف اذا هيغواين بدأ بالتسجيل ماراح يوقف
والموسم الماضي شاهد..
الدعم من المدرب له بعد كل هذا..هيغواين راح يقدره..ويستحي على وجهه شويه ويحاول يركز في الملعب...

لأن مشكلته في النهايه نفسيه مو شيء ثاني...وكل اللي يحتاجه ثقه بالنفس للعوده للتهديف..
دائما مانسمع ونشوف بنفسنا إن اللاعبين اللي يدربهم مورينهو مايخرج من عندهم الا و كل لاعب يذكر مورينهو بالخير
هذا الحب والتقدير هو السبب اللي جعل تشيلسي فريق صعب قهره في مواسمه مع مورينهو..والانتر فريق قوي جدا على ارض الميدان..
وكل هذا اتي من تقديرهم لـ مدربهم واحترامهم له.. وهذا لوحده دافع كبير لـ تقديم مستوى بطل..

هذا الاحترام والتقدير ماجاه من ولا شيء...مورينهو دائما هو المدافع الاول عن لاعبيه.. دائما مايقف في صفهم
ويعطيهم الثقه اللي يحتاجوها...أمور مثل هذه مو صغيره ابدا...أمور مثل هذه ترجح كفة فريق على فريق اخر..

هيغواين محتاج هذه الثقه...وأتوقع إن مورينهو راح يعطيه اياها لأنه مؤمن وعارف قدرات الارجنتيني على العكس الكثير منا للاسف..


سبب ثاني أشوفه يصعب وجود بينزيما مهاجم وحيد.. اللي هو إن بينزيما بالاصل مهاجم ثاني ودائما ما يتواجد على الاطراف..
ماعنده التمركز المطلوب عند رأس الحربه...ومن المرات القليله اللي نشوفه يطلب الكوره وهو في العمق..
صعب جدا نضع بينزيما كـ مهاجم وحيد لأننا سنراه على الارجح في الطرف اليسار اغلب الوقت...

ما أدري اذا كان بينزيما راح يعرف يتمركز كـ مهاجم وحيد في يوم وليله...لكن وجود هيغواين معاه شيء مهم
لإحداث التوازن في الهجوم... لاعب يجنح ولاعب يتمركز في العمق..ممكن التبادل في الادوار بينهم..
لكن مستحيل يتبادل الادوار بينزيما مع دي ماريا مثلا..!


عموما المسأله هذه في الاول والاخير ترجع لـ مورينهو...هو اجتهاد مني بس..احتمالية إني أكون مخطئ كبيره
واللي يسويه مورينهو في النهايه هو اللي نمشي عليه وواثقين منه...







شيء ثاني



قرار بيدرو ليون أشوفه عادي ومايستحق الصجه اللي عاملينها الصحافه الاسبانيه...لكن يمكن لأنه اسباني فـ ولد بلدهم لازم المسانده..

سبب استبعاده يمكن يكون اشياء كثيره.....لكن إنه مانفذ الركنيه أو الفاول بشكل صحيح هذا شيء مستبعد تماما
وحتى في الحواري بطلو يسوونها "على ما أعتقد"..

ما أقدر أخمن السبب..لكن أقدر أقلكم شيء واحد....إن هذه المسأله سحبت البساط من على مهاجمينا واخفاقهم بالتسجيل في المباراه الماضيه...
مقصوده مو مقصوده من مورينهو مايهم... أهم شيء إن الضغط تحول من اللاعبين الى مورينهو....مره اخرى
عاد هيا مو أول مره يسويها مورينهو... ومبدع فيها مورينهو.. لهذا هو حقير








كارفاليهو أتوقع يلعب اليوم....ممكن تكون اصابه خفيفه...وممكن تكون مناوره من النادي...
لكن أتوقع لعبه اليوم...لأن دفاعنا اليوم يكون كامل شيء يعطي الفريق نفسه ثقه ويعطي الهجوم بالخصوص ثقه أكبر للتسجيل وعدم الاستعجال...




بمناسبة الاستعجال

مالاحظتوا إن فريقنا أصبح أكثر هدوء عندما يبحث عن الهدف...ماتتذكروا بداية اول كم مباراه وكيف كان الفريق
دائما يمرر الكوره للمهاجمين وللامام بصفه عامه باحثين عن الهدف بشكل سريع...
وهذا علق عليه مورينهو وقال إنه لازم الفريق يتعلم الصبر والهدوء في البحث عن الهدف...
التمريرات العرضيه الكثيره اللي شفناها والتمرير فقط على المضمون في مباراة ليفانتي مؤشر طيب لـ صبر الفريق وعدم استعجاله
في احراز الاهداف....شيء مهم جدا وكنا مفتقدينه في بداية الموسم..والاستعجال الكبير خصوصا في مباراة اياكس...













يقولوا لما اتشائم الريال يفوز....خلينا نشوف





بعدين ايش عندكم اجلتوا مباراتنا معكم في الدوري المحلي...؟