"
"



اول شيء ..
هذي لـ المؤسس وعبدالرحمن خويه وكل الشباب .. جغموا لكم من هـ الليمون وروقوا ..
تراه مُفيد وجيد جايبينه من دكانة ابو مرزوق ..



"
بـ النسبه للكلام الكثير حول ايغوايين ..
انا قلتها وودي اعيدها عشان بس ما يفهم احد غلط .. ايغوايين موهبه خُرافيه ما فيها كلام ، ونجم تطور مستواه تطور هائل جداً ..
الكل يبصم على هـ الشيء ولا يشكك فيه ..

لكن اللي يرفع الضغط ..
لمّا تتعادل في مبارتين ويكون استهتار ايغوايين هو اللي ضيع عليك نقطتين ..
مش ايغوايين نفسه ..

انا شخصياً ..
بعد مباراة ليون مثلاً والفرصه اللي ضيعها ايغوايين ..
كنت صابر وساكت ، لاني عارف انه من الغلط اني الومه .. لانه اجتهد واشتغل وحاول لكن في الاخير المساله مسالة توفيق وما توفق فيها ..
الحظ خانه يعني ولو كان الحظ رجلاً لـ قتله غونزالو .. لكن ما بـ يده شيء !

لكن مباراة امس ..
فرصتين ضيعها ايغوايين بـ استهتار زايد ..

* " الكوره اللي لعبها مقصيه " * " الكوره الاخيره اللي بغاها سحبه " ..
كان مُمكن يتصرف بـ شكل افضل ويروّق في الكورتين كلها .. لكن اللي اشوفه انه ما كان قد المسؤوليه .. واستهتر بـ كورتين لو جت وحده منها انهت لنا مباراة وخلتنا متصدرين ..

فـ هنا المُشكله ..
انا اذا ايغوايين اشتغل وعمل وضيع ما الومه .. لانه في النهايه احس انه يحاول لكن ما توفق !
لكن لمّا يستهتر ويمطرس عندي .. الومه واعتب عليه ، لاني عارف ان ايغوايين كان يقدر يتصرف بـ شكل افضل وينهي لي المباراة .. لكنه ضيع مجهود الفريق بـ مطرسه زايده ..


في النهايه واخيراً ..
لكن لو كان ايغوايين زلابه وغبي ولا يعرف يعلب .. مستحيل اتكلم او اعتب عليه ..
لان فاقد الشيء لا يُعطيه اساساً !

لكن كل العتب اللي كان مني انا شخصياً ..
لاني عارف ان ايغوايين يملك اكثر من اللي قدمه ، وكنت منتظر منه اكثر .. لكنه خذلني خذلان شديد بـ استهتار زايد .. وهذا اللي خلاني اعتب عليه ..



سي يّـا ..